༢. ཐ་མྦྷཱ་རོ་པ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ

ནི་བྦུ་ཏེ ལོ་ཀ་ནཱ་ཐ་མྷཱིཏི་ཨཱ་དི་ཀཾ ཨཱ་ཡ་སྨ་ཏོ ཐ་མྦྷཱ་རོ་པ་ཀ་ཏྠེ་ར་སྶ ཨ་པ་དཱ་ནཾ. ཨ་ཡ་མྤི པུ་རི་མ་བུ་དྡྷེ་སུ ཀ་ཏཱ་དྷི་ཀཱ་རོ ཏ་ཏྠ ཏ་ཏྠ བྷ་ཝེ ཝི་ཝ་ཊྚཱུ་པ་ནི་སྶ་ཡཱ་ནི པུ་ཉྙཱ་ནི ཨུ་པ་ཙི་ན་ནྟོ དྷ་མྨ་ད་སྶི་སྶ བྷ་ག་ཝ་ཏོ ཀཱ་ལེ ཀུ་ལ་གེ་ཧེ ནི་བྦ་ཏྟོ ས་དྡྷོ པ་ས་ནྣོ པ་རི་ནི་བྦུ་ཏེ བྷ་ག་ཝ་ཏི ཏ་སྶ བྷ་ག་ཝ་ཏོ དྷཱ་ཏུ་ག་བྦྷ་མཱ་ལ༹་ཀེ ཐ་མྦྷཾ ནི་ཁ་ནི་ཏྭཱ དྷ་ཛཾ ཨཱ་རོ་པེ་སི. བ་ཧཱུ་ནི ཛཱ་ཏི་སུ་མ་ན་པུ་པྥཱ་ནི ག་ནྠི་ཏྭཱ ནི་སྶེ་ཎི་ཡཱ ཨཱ་རོ་ཧི་ཏྭཱ པཱུ་ཛེ་སི.

༥. སོ ཡཱ་ཝ་ཏཱ་ཡུ་ཀཾ ཋ་ཏྭཱ ཀཱ་ལཾ ཀ་ཏྭཱ དེ་ཝ་མ་ནུ་སྶེ་སུ སཾ་ས་ར་ནྟོ ཨུ་བྷ་ཡ་ས་མྤ་ཏྟི་ཡོ ཨ་ནུ་བྷ་ཝི་ཏྭཱ ས་བྦ་ཏྠ པཱུ་ཛི་ཏོ ཨི་མ་སྨིཾ བུ་དྡྷུ་པྤཱ་དེ ཨེ་ཀ་སྨིཾ ཀུ་ལ་གེ་ཧེ ནི་བྦ་ཏྟོ ད་ཧ་ར་ཀཱ་ལ་ཏོ པ་བྷུ་ཏི པཱུ་ཛ་ནཱི་ཡོ སཱ་ས་ནེ བ་དྡྷ་ས་དྡྷོ པ་བྦ་ཛི་ཏྭཱ ས་ཧ པ་ཊི་ས་མྦྷི་དཱ་ཧི ཨ་ར་ཧ་ཏྟཾ པ་ཏྟོ ཨ་ཏྟ་ནོ པུ་བྦ་ཀ་མྨཾ ས་རི་ཏྭཱ སོ་མ་ན་སྶ་ཛཱ་ཏོ པུ་བྦ་ཙ་རི་ཏཱ་པ་དཱ་ནཾ པ་ཀཱ་སེ་ནྟོ ནི་བྦུ་ཏེ ལོ་ཀ་ནཱ་ཐ་མྷཱིཏི་ཨཱ་དི་མཱ་ཧ. ཏ་ཏྠ ནི་བྦུ་ཏེ ལོ་ཀ་ནཱ་ཐ་མྷཱིཏི ས་ཀ་ལ་ལོ་ཀ་སྶ ནཱ་ཐེ པ་དྷཱ་ན་བྷཱུ་ཏེ པ་ཊི་ས་ར་ཎེ ཙ ས་ཏྠ་རི ཁ་ནྡྷ་པ་རི་ནི་བྦཱ་ནེ་ན ནི་བྦུ་ཏེ ནི་བྦུ་ཏ་དཱི་པ་སི་ཁཱ ཝི་ཡ ཨ་ད་སྶ་ནཾ ག་ཏེ་ཏི ཨ་ཏྠོ. དྷ་མྨ་ད་སྶཱི་ན་རཱ་ས་བྷེཏི ཙ་ཏུ་ས་ཙྩ་དྷ་མྨཾ པ་སྶ་ཏཱི་ཏི དྷ་མྨ་ད་སྶཱི, ཨ་ཐ ཝཱ ས་ཏི་པ་ཊྛཱ་ནཱ་དི་ཀེ ས་ཏྟ་ཏིཾ་ས་བོ་དྷི་པ་ཀྑི་ཡ་དྷ་མྨེ ད་སྶ་ན་སཱི་ལོ པ་སྶ་ན་སཱི་ལོ་ཏི དྷ་མྨ་ད་སྶཱི, ན་རཱ་ནཾ ཨཱ་ས་བྷོ པ་ཝ་རོ ཨུ་ཏྟ་མོ་ཏི ན་རཱ་ས་བྷོ, དྷ་མྨ་ད་སྶཱི ཙ སོ ན་རཱ་ས་བྷོ ཙེ་ཏི དྷ་མྨ་ད་སྶཱི་ན་རཱ་ས་བྷོ, ཏ་སྨིཾ དྷ་མྨ་ད་སྶཱི་ན་རཱ་ས་བྷེ. ཨཱ་རོ་པེ་སིཾ དྷ་ཛཾ ཐ་མྦྷནྟི ཙེ་ཏི་ཡ་མཱ་ལ༹་ཀེ ཐ་མྦྷཾ ནི་ཁ་ནི་ཏྭཱ ཏ་ཏྠ དྷ་ཛཾ ཨཱ་རོ་པེ་སིཾ བ་ནྡྷི་ཏྭཱ ཋ་པེ་སི་ནྟི ཨ་ཏྠོ.

༦. ནི་སྶེ་ཎིཾ མཱ་པ་ཡི་ཏྭཱ་ནཱཏི ནི་སྶཱ་ཡ ཏཾ ཨི་ཎ་ནྟི ག་ཙྪ་ནྟི ཨཱ་རོ་ཧ་ནྟི ཨུ་པ་རཱི་ཏི ནི་སྶེ་ཎི, ཏཾ ནི་སྶེ་ཎིཾ མཱ་པ་ཡི་ཏྭཱ ཀཱ་རེ་ཏྭཱ བ་ནྡྷི་ཏྭཱ ཐཱུ་པ་སེ་ཊྛཾ ས་མཱ་རུ་ཧི་ནྟི ས་མྦ་ནྡྷོ. ཛཱ་ཏི་པུ་པྥཾ ག་ཧེ་ཏྭཱ་ནཱཏི ཛཱ་ཡ་མཱ་ན་མེ་ཝ ཛ་ནཱ་ནཾ སུ་ནྡ་རཾ མ་ནཾ ཀ་རོ་ཏཱི་ཏི ཛཱ་ཏི་སུ་མ་ནཾ, ཛཱ་ཏི་སུ་མ་ན་མེ་ཝ པུ་པྥཾ ‘‘ཛཱ་ཏི་སུ་མ་ན་པུ་པྥ’’ནྟི ཝ་ཏྟ་བྦེ གཱ་ཐཱ་བ་ནྡྷ་སུ་ཁ་ཏྠཾ སུ་མ་ན་ས་དྡ་སྶ ལོ་པཾ ཀ་ཏྭཱ ‘‘ཛཱ་ཏི་པུ་པྥ’’ནྟི ཝུ་ཏྟཾ, ཏཾ ཛཱ་ཏི་སུ་མ་ན་པུ་པྥཾ ག་ཧེ་ཏྭཱ ག་ནྠི་ཏྭཱ ཐཱུ་པ་མྷི ཨཱ་རོ་པ་ཡིཾ, ཨཱ་རོ་པེ་ཏྭཱ པཱུ་ཛེ་སི་ནྟི ཨ་ཏྠོ. སེ་སཾ སུ་ཝི་ཉྙེ་ཡྻ་མེ་ཝཱ་ཏི.

ཐ་མྦྷཱ་རོ་པ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.