༧. ཨ་ཏྠ་ས་ནྡ་སྶ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ

ཝི་སཱ་ལ་མཱ་ལེ༹ ཨཱ་སཱི་ནོཏི་ཨཱ་དི་ཀཾ ཨཱ་ཡ་སྨ་ཏོ ཨ་ཏྠ་ས་ནྡ་སྶ་ཀ་ཏྠེ་ར་སྶ ཨ་པ་དཱ་ནཾ. ཨ་ཡ་མྤི པུ་རི་མ་བུ་དྡྷེ་སུ ཀ་ཏཱ་དྷི་ཀཱ་རོ ཨ་ནེ་ཀེ་སུ ཨ་ཏྟ་བྷཱ་ཝེ་སུ ཀ་ཏ་པུ་ཉྙཱུ་པ་ཙ་ཡོ པ་དུ་མུ་ཏྟ་ར་སྶ བྷ་ག་ཝ་ཏོ ཀཱ་ལེ བྲཱ་ཧྨ་ཎ་ཀུ་ལེ ནི་བྦ་ཏྟོ ཝུ་དྡྷི་མ་ནྭཱ་ཡ ས་ཀ་སི་པྤེ་སུ ནི་པྥ་ཏྟིཾ པ་ཏྟོ ཏ་ཏྠ སཱ་རཾ ཨ་པ་སྶ་ནྟོ གེ་ཧཾ པ་ཧཱ་ཡ ཧི་མ་ཝ་ནྟཾ ག་ནྟྭཱ ར་མ་ཎཱི་ཡེ ཋཱ་ནེ པ་ཎྞ་སཱ་ལཾ ཀ་ཏྭཱ པ་ཊི་ཝ་ས་ཏི, ཏ་དཱ ས་ཏྟཱ་ནུ་ཀ་མྤཱ་ཡ ཧི་མ་ཝ་ནྟ་མཱ་ག་ཏཾ པ་དུ་མུ་ཏྟ་ར་བྷ་ག་ཝ་ནྟཾ དི་སྭཱ པ་ས་ནྣ་མཱ་ན་སོ པ་ཉྩ་ངྒ་ས་མ་ནྣཱ་ག་ཏོ ཝ་ནྡི་ཏྭཱ ཐུ་ཏི་ཝ་ཙ་ནེ་ཧི ཐོ་མེ་སི. སོ ཏེ་ན པུ་ཉྙེ་ན ཡཱ་ཝ་ཏཱ་ཡུ་ཀཾ ཀ་ཏྭཱ ཀཱ་ལ་ངྐ་ཏྭཱ བྲ་ཧྨ་ལོ་ཀཱུ་པ་གོ ཨ་ཧོ་སི. སོ ཨ་པ་ར་བྷཱ་གེ ཨི་མ་སྨིཾ བུ་དྡྷུ་པྤཱ་དེ ཀུ་ལ་གེ་ཧེ ནི་བྦ་ཏྟོ ཝི་ཉྙུ་ཏཾ པ་ཏྟོ ས་ཏྠུ དྷ་མྨ་དེ་ས་ནཾ སུ་ཏྭཱ པ་ཊི་ལ་དྡྷ་ས་དྡྷོ པ་བྦ་ཛི་ཏྭཱ ཨ་ར་ཧ་ཏྟཾ པཱ་པུ་ཎི.

༤༧. སོ ཨ་ཏྟ་ནོ པུ་བྦ་ཀ་མྨཾ ས་རི་ཏྭཱ སོ་མ་ན་སྶ་ཛཱ་ཏོ པུ་བྦ་ཙ་རི་ཏཱ་པ་དཱ་ནཾ པ་ཀཱ་སེ་ནྟོ ཝི་སཱ་ལ་མཱ་ལེ༹ ཨཱ་སཱི་ནོཏི་ཨཱ་དི་མཱ་ཧ. ཏ་ཏྠ ཝི་སཱ་ལ་མཱ་ལེ༹ཏི ཝི་སཱ་ལཾ པ་ཏྠ་ཊཾ ཝི་ཏྠི་ཎྞཾ མ་ཧ་ནྟཾ མཱ་ལ༹ཾ ཝི་སཱ་ལ་མཱ་ལ༹ཾ, ཏ་སྨིཾ ཝི་སཱ་ལ་མཱ་ལེ༹ ཨཱ་སཱི་ནོ ནི་སི་ནྣོ ཨ་ཧཾ ལོ་ཀ་ནཱ་ཡ་ཀཾ ཨ་དྡ་ས་ནྟི ས་མྦ་ནྡྷོ. ཏེ་སཾ སུ་ཝི་ཉྙེ་ཡྻ་མེ་ཝཱ་ཏི.

ཨ་ཏྠ་ས་ནྡ་སྶ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.