༤. པུ་པྥ་ཙྪ་ད་ནི་ཡ་ཏྠེ་ར་ཨ་པ་དཱ་ན་ཝ་ཎྞ་ནཱ

སུ་ན་ནྡོ ནཱ་མ ནཱ་མེ་ནཱཏི་ཨཱ་དི་ཀཾ ཨཱ་ཡ་སྨ་ཏོ པུ་པྥ་ཙྪ་ད་ནི་ཡ་ཏྠེ་ར་སྶ ཨ་པ་དཱ་ནཾ. ཨ་ཡ་མྤི པུ་རི་མ་བུ་དྡྷེ་སུ ཀ་ཏཱ་དྷི་ཀཱ་རོ ཨ་ནེ་ཀེ་སུ བྷ་ཝེ་སུ ཝི་ཝ་ཊྚཱུ་པ་ནི་སྶ་ཡཱ་ནི པུ་ཉྙཱ་ནི ཨུ་པ་ཙི་ན་ནྟོ པ་དུ་མུ་ཏྟ་ར་སྶ བྷ་ག་ཝ་ཏོ ཀཱ་ལེ བྲཱ་ཧྨ་ཎ་ཀུ་ལེ ནི་བྦ་ཏྟོ ཝི་ཉྙུ་ཏཾ པ་ཏྭཱ ས་ཀ་སི་པྤེ་སུ ནི་པྥ་ཏྟིཾ པ་ཏྟོ མ་ཧཱ་བྷོ་གོ མ་ཧཱ་ཡ་སོ དཱ་ནཱ་བྷི་ར་ཏོ ཨ་ཧོ་སི. ཨེ་ཀ་དི་ཝ་སཾ སོ ‘‘ས་ཀ་ལ་ཛ་མྦུ་དཱི་པེ ཨི་མེ ཡཱ་ཙ་ཀཱ ནཱ་མ ‘ཨ་ཧཾ དཱ་ནཾ ན ལ་དྡྷོ་སྨཱི’ཏི ཝ་ཏྟུཾ མཱ ལ་བྷ་ནྟཱུ’’ཏི མ་ཧཱ་དཱ་ནཾ ས་ཛྫེ་སི. ཏ་དཱ པ་དུ་མུ་ཏྟ་རོ བྷ་ག་ཝཱ ས་པ་རི་ཝཱ་རོ ཨཱ་ཀཱ་སེ་ན ག་ཙྪ་ཏི. བྲཱ་ཧྨ་ཎོ ཏཾ དི་སྭཱ པ་ས་ནྣ་ཙི་ཏྟོ ས་ཀ་སི་སྶེ པ་ཀྐོ་སཱ་པེ་ཏྭཱ པུ་པྥཱ་ནི ཨཱ་ཧ་རཱ་པེ་ཏྭཱ ཨཱ་ཀཱ་སེ ཨུ་ཀྑི་པི་ཏྭཱ པཱུ་ཛེ་སི. ཏཱ་ནི ས་ཀ་ལ་ན་ག་རཾ ཚཱ་དེ་ཏྭཱ ས་ཏྟ དི་ཝ་སཱ་ནི ཨ་ཊྛཾ་སུ.

༢༦. སོ ཏེ་ན པུ་ཉྙ་ཀ་མྨེ་ན དེ་ཝ་མ་ནུ་སྶེ་སུ སུ་ཁཾ ཨ་ནུ་བྷ་ཝི་ཏྭཱ ཨི་མ་སྨིཾ བུ་དྡྷུ་པྤཱ་དེ སཱ་ཝ་ཏྠི་ཡཾ ཨེ་ཀ་སྨིཾ ཀུ་ལ་གེ་ཧེ ནི་བྦ་ཏྟོ ས་དྡྷཱ་ཛཱ་ཏོ པ་བྦ་ཛི་ཏྭཱ ཁུ་ར་གྒེ་ཡེ་ཝ ཨ་ར་ཧ་ཏྟཾ པ་ཏྭཱ ཨ་ཏྟ་ནོ པུ་བྦ་ཀ་མྨཾ ས་རི་ཏྭཱ སོ་མ་ན་སྶ་ཛཱ་ཏོ པུ་བྦ་ཙ་རི་ཏཱ་པ་དཱ་ནཾ པ་ཀཱ་སེ་ནྟོ སུ་ན་ནྡོ ནཱ་མ ནཱ་མེ་ནཱཏི་ཨཱ་དི་མཱ་ཧ. ཏཾ ཧེ་ཊྛཱ ཝུ་ཏྟ་ན་ཡ་ཏྟཱ སུ་ཝི་ཉྙེ་ཡྻ་མེ་ཝཱ་ཏི.

པུ་པྥ་ཙྪ་ད་ནི་ཡ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.