ཏི་སྶོ བུ་དྡྷོ

ཏ་སྶ ཨ་པ་ར་བྷཱ་གེ ཨི་ཏོ དྭཱ་ན་ཝུ་ཏི་ཀ་པྤ་མ་ཏྠ་ཀེ ཏི་སྶོ ཕུ་སྶོཏི ཨེ་ཀ་སྨིཾ ཀ་པྤེ དྭེ བུ་དྡྷཱ ནི་བྦ་ཏྟིཾ་སུ. ཏི་སྶ་སྶ བྷ་ག་ཝ་ཏོ ཏ་ཡོ སཱ་ཝ་ཀ་ས་ནྣི་པཱ་ཏཱ. པ་ཋ་མ་ས་ནྣི་པཱ་ཏེ བྷི་ཀྑཱུ་ནཾ ཀོ་ཊི་ས་ཏཾ ཨ་ཧོ་སི, དུ་ཏི་ཡེ ན་ཝུ་ཏི་ཀོ་ཊི་ཡོ, ཏ་ཏི་ཡེ ཨ་སཱི་ཏི་ཀོ་ཊི་ཡོ. ཏ་དཱ བོ་དྷི་ས་ཏྟོ མ་ཧཱ་བྷོ་གོ མ་ཧཱ་ཡ་སོ སུ་ཛཱ་ཏོ ནཱ་མ ཁ་ཏྟི་ཡོ ཧུ་ཏྭཱ ཨི་སི་པ་བྦ་ཛྫཾ པ་བྦ་ཛི་ཏྭཱ མ་ཧི་དྡྷི་ཀ་བྷཱ་ཝཾ པ་ཏྭཱ ‘‘བུ་དྡྷོ ཨུ་པྤ་ནྣོ’’ཏི སུ་ཏྭཱ དི་བྦ་མ་ནྡཱ་ར་ཝ་པ་དུ་མ་པཱ་རི་ཙྪ་ཏྟ་ཀ་པུ་པྥཱ་ནི ཨཱ་དཱ་ཡ ཙ་ཏུ་པ་རི་ས་མ་ཛ྄ཛྷེ ག་ཙྪ་ནྟཾ ཏ་ཐཱ་ག་ཏཾ པཱུ་ཛེ་སི, ཨཱ་ཀཱ་སེ པུ་པྥ་ཝི་ཏཱ་ནཾ ཨ་ཀཱ་སི. སོ་པི ནཾ ས་ཏྠཱ ‘‘ཨི་ཏོ དྭེ་ན་ཝུ་ཏི་ཀ་པྤ་མ་ཏྠ་ཀེ བུ་དྡྷོ བྷ་ཝི་སྶ་ཏཱི’’ཏི བྱཱ་ཀཱ་སི. ཏ་སྶ བྷ་ག་ཝ་ཏོ ཁེ་མཾ ནཱ་མ ན་ག་རཾ ཨ་ཧོ་སི, པི་ཏཱ ཛ་ན་ས་ནྡྷོ ནཱ་མ ཁ་ཏྟི་ཡོ, མཱ་ཏཱ པ་དུ་མཱ ནཱ་མ དེ་ཝཱི, བྲ་ཧྨ་དེ་ཝོ ཙ ཨུ་ད་ཡོ ཙ དྭེ ཨ་གྒ་སཱ་ཝ་ཀཱ, སུ་མ་ནོ ནཱ་མུ་པ་ཊྛཱ་ཀོ, ཕུ་སྶཱ ཙ སུ་ད་ཏྟཱ ཙ དྭེ ཨ་གྒ་སཱ་ཝི་ཀཱ, ཨ་ས་ན་རུ་ཀྑོ བོ་དྷི, ས་རཱི་རཾ ས་ཊྛི་ཧ་ཏྠུ་བྦེ་དྷཾ ཨ་ཧོ་སི, ཝ་སྶ་ས་ཏ་ས་ཧ་སྶཾ ཨཱ་ཡཱུ་ཏི.

‘‘སི་དྡྷ་ཏྠ་སྶ ཨ་པ་རེ་ན, ཨ་ས་མོ ཨ་པྤ་ཊི་པུ་གྒ་ལོ;

ཨ་ན་ནྟ་ཏེ་ཛོ ཨ་མི་ཏ་ཡ་སོ, ཏི་སྶོ ལོ་ཀ་གྒ་ནཱ་ཡ་ཀོ’’ཏི. (བུ. ཝཾ. ༡༩.༡);