དྷ་མྨ་ད་སྶཱི བུ་དྡྷོ

ཏ་སྶ ཨ་པ་ར་བྷཱ་གེ དྷ་མྨ་ད་སྶཱི ནཱ་མ ས་ཏྠཱ ཨུ་ད་པཱ་དི. ཏ་སྶཱ་པི ཏ་ཡོ སཱ་ཝ་ཀ་ས་ནྣི་པཱ་ཏཱ. པ་ཋ་མེ ཀོ་ཊི་ས་ཏཾ བྷི་ཀྑཱུ ཨ་ཧེ་སུཾ, དུ་ཏི་ཡེ ན་ཝུ་ཏི་ཀོ་ཊི་ཡོ, ཏ་ཏི་ཡེ ཨ་སཱི་ཏི་ཀོ་ཊི་ཡོ. ཏ་དཱ བོ་དྷི་ས་ཏྟོ ས་ཀྐོ དེ་ཝ་རཱ་ཛཱ ཧུ་ཏྭཱ དི་བྦ་ག་ནྡྷ་པུ་པྥེ་ཧི ཙ དི་བྦ་ཏཱུ་རི་ཡེ་ཧི ཙ པཱུ་ཛཾ ཨ་ཀཱ་སི, སོ་པི ནཾ ས་ཏྠཱ ‘‘ཨ་ནཱ་ག་ཏེ བུ་དྡྷོ བྷ་ཝི་སྶ་ཏཱི’’ཏི བྱཱ་ཀཱ་སི. ཏ་སྶ བྷ་ག་ཝ་ཏོ ས་ར་ཎཾ ནཱ་མ ན་ག་རཾ ཨ་ཧོ་སི, པི་ཏཱ ས་ར་ཎོ ནཱ་མ རཱ་ཛཱ, མཱ་ཏཱ སུ་ན་ནྡཱ ནཱ་མ དེ་ཝཱི, པ་དུ་མོ ཙ ཕུ་སྶ་དེ་ཝོ ཙ དྭེ ཨ་གྒ་སཱ་ཝ་ཀཱ, སུ་ནེ་ཏྟོ ནཱ་མུ་པ་ཊྛཱ་ཀོ, ཁེ་མཱ ཙ ས་བྦ་ནཱ་མཱ ཙ དྭེ ཨ་གྒ་སཱ་ཝི་ཀཱ, ར་ཏྟ་ངྐུ་ར་རུ་ཀྑོ བོ་དྷི, ‘‘བི་མྦི་ཛཱ་ལོ’’ཏི་པི ཝུ་ཙྩ་ཏི, ས་རཱི་རཾ པ་ན་སྶ ཨ་སཱི་ཏི་ཧ་ཏྠུ་བྦེ་དྷཾ ཨ་ཧོ་སི, ཝ་སྶ་ས་ཏ་ས་ཧ་སྶཾ ཨཱ་ཡཱུ་ཏི.

‘‘ཏ་ཏྠེ་ཝ མ་ཎྜ་ཀ་པྤ་མྷི, དྷ་མྨ་ད་སྶཱི མ་ཧཱ་ཡ་སོ;

ཏ་མ་ནྡྷ་ཀཱ་རཾ ཝི་དྷ་མི་ཏྭཱ, ཨ་ཏི་རོ་ཙ་ཏི ས་དེ་ཝ་ཀེ’’ཏི. (བུ. ཝཾ. ༡༧.༡);