པི་ཡ་ད་སྶཱི བུ་དྡྷོ

ཏ་སྶ ཨ་པ་ར་བྷཱ་གེ ཨི་ཏོ ཨ་ཊྛཱ་ར་ས་ཀ་པྤ་ས་ཏ་མ་ཏྠ་ཀེ ཨེ་ཀ་སྨིཾ ཀ་པྤེ པི་ཡ་ད་སྶཱི, ཨ་ཏྠ་ད་སྶཱི, དྷ་མྨ་ད་སྶཱིཏི ཏ་ཡོ བུ་དྡྷཱ ནི་བྦ་ཏྟིཾ་སུ. པི་ཡ་ད་སྶི་སྶཔི བྷ་ག་ཝ་ཏོ ཏ་ཡོ སཱ་ཝ་ཀ་ས་ནྣི་པཱ་ཏཱ. པ་ཋ་མེ ཀོ་ཊི་ས་ཏ་ས་ཧ་སྶཾ བྷི་ཀྑཱུ ཨ་ཧེ་སུཾ, དུ་ཏི་ཡེ ན་ཝུ་ཏི་ཀོ་ཊི་ཡོ, ཏ་ཏི་ཡེ ཨ་སཱི་ཏི་ཀོ་ཊི་ཡོ. ཏ་དཱ བོ་དྷི་ས་ཏྟོ ཀ་སྶ་པོ ནཱ་མ མཱ་ཎ་ཝོ ཏི་ཎྞཾ ཝེ་དཱ་ནཾ པཱ་ར་ངྒ་ཏོ ཧུ་ཏྭཱ ས་ཏྠུ དྷ་མྨ་དེ་ས་ནཾ སུ་ཏྭཱ ཀོ་ཊི་ས་ཏ་ས་ཧ་སྶ་དྷ་ན་པ་རི་ཙྩཱ་གེ་ན ས་ངྒྷཱ་རཱ་མཾ ཀཱ་རེ་ཏྭཱ ས་ར་ཎེ་སུ ཙ སཱི་ལེ་སུ ཙ པ་ཏི་ཊྛཱ་སི. ཨ་ཐ ནཾ ས་ཏྠཱ ‘‘ཨ་ཊྛཱ་ར་ས་ཀ་པྤ་ས་ཏ་ཙྩ་ཡེ་ན བུ་དྡྷོ བྷ་ཝི་སྶ་ཏཱི’’ཏི བྱཱ་ཀཱ་སི. ཏ་སྶ བྷ་ག་ཝ་ཏོ ཨ་ནོ་མཾ ནཱ་མ ན་ག་རཾ ཨ་ཧོ་སི, པི་ཏཱ སུ་དི་ནྣོ ནཱ་མ རཱ་ཛཱ, མཱ་ཏཱ ཙ་ནྡཱ ནཱ་མ, པཱ་ལི་ཏོ ཙ ས་བྦ་ད་སྶཱི ཙ དྭེ ཨ་གྒ་སཱ་ཝ་ཀཱ, སོ་བྷི་ཏོ ནཱ་མུ་པ་ཊྛཱ་ཀོ, སུ་ཛཱ་ཏཱ ཙ དྷ་མྨ་དི་ནྣཱ ཙ དྭེ ཨ་གྒ་སཱ་ཝི་ཀཱ, ཀ་ཀུ་དྷ་རུ་ཀྑོ བོ་དྷི, ས་རཱི་རཾ ཨ་སཱི་ཏི་ཧ་ཏྠུ་བྦེ་དྷཾ ཨ་ཧོ་སི, ན་ཝུ་ཏི ཝ་སྶ་ས་ཧ་སྶཾ ཨཱ་ཡཱུ་ཏི.

‘‘སུ་ཛཱ་ཏ་སྶ ཨ་པ་རེ་ན, ས་ཡ་མྦྷཱུ ལོ་ཀ་ནཱ་ཡ་ཀོ;

དུ་རཱ་ས་དོ ཨ་ས་མ་ས་མོ, པི་ཡ་ད་སྶཱི མ་ཧཱ་ཡ་སོ’’ཏི. (བུ. ཝཾ. ༡༥.༡);