ནཱ་ར་དོ བུ་དྡྷོ

ཏ་སྶ ཨ་པ་ར་བྷཱ་གེ ནཱ་ར་དོ ནཱ་མ ས་ཏྠཱ ཨུ་ད་པཱ་དི. ཏ་སྶཱ་པི ཏ་ཡོ སཱ་ཝ་ཀ་ས་ནྣི་པཱ་ཏཱ. པ་ཋ་མ་ས་ནྣི་པཱ་ཏེ ཀོ་ཊི་ས་ཏ་ས་ཧ་སྶཾ བྷི་ཀྑཱུ ཨ་ཧེ་སུཾ, དུ་ཏི་ཡེ ན་ཝུ་ཏི་ཀོ་ཊི་ས་ཧ་སྶཱ་ནི, ཏ་ཏི་ཡེ ཨ་སཱི་ཏི་ཀོ་ཊི་ས་ཧ་སྶཱ་ནི. ཏ་དཱ བོ་དྷི་ས་ཏྟོ ཨི་སི་པ་བྦ་ཛྫཾ པ་བྦ་ཛི་ཏྭཱ པ་ཉྩ་སུ ཨ་བྷི་ཉྙཱ་སུ ཨ་ཊྛ་སུ ཙ ས་མཱ་པ་ཏྟཱི་སུ ཙི་ཎྞ་ཝ་སཱི ཧུ་ཏྭཱ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ མ་ཧཱ་དཱ་ནཾ ད་ཏྭཱ ལོ་ཧི་ཏ་ཙ་ནྡ་ནེ་ན པཱུ་ཛཾ ཨ་ཀཱ་སི. སོ་པི ནཾ ས་ཏྠཱ ‘‘ཨ་ནཱ་ག་ཏེ བུ་དྡྷོ བྷ་ཝི་སྶ་ཏཱི’’ཏི བྱཱ་ཀཱ་སི. ཏ་སྶ པ་ན བྷ་ག་ཝ་ཏོ དྷ་ཉྙ་ཝ་ཏཱི ནཱ་མ ན་ག་རཾ ཨ་ཧོ་སི, སུ་དེ་ཝོ ནཱ་མ ཁ་ཏྟི་ཡོ པི་ཏཱ, ཨ་ནོ་མཱ ནཱ་མ མཱ་ཏཱ དེ་ཝཱི, བྷ་དྡ་སཱ་ལོ ཙ ཛི་ཏ་མི་ཏྟོ ཙ དྭེ ཨ་གྒ་སཱ་ཝ་ཀཱ, ཝཱ་སེ་ཊྛོ ནཱ་མུ་པ་ཊྛཱ་ཀོ, ཨུ་ཏྟ་རཱ ཙ ཕ་གྒུ་ནཱི ཙ དྭེ ཨ་གྒ་སཱ་ཝི་ཀཱ, མ་ཧཱ་སོ་ཎ་རུ་ཀྑོ ནཱ་མ བོ་དྷི, ས་རཱི་རཾ ཨ་ཊྛཱ་སཱི་ཏི་ཧ་ཏྠུ་བྦེ་དྷཾ ཨ་ཧོ་སི, ན་ཝུ་ཏི ཝ་སྶ་ས་ཧ་སྶཱ་ནི ཨཱ་ཡཱུ་ཏི.

‘‘པ་དུ་མ་སྶ ཨ་པ་རེ་ན, ས་མྦུ་དྡྷོ དྭི་པ་དུ་ཏྟ་མོ;

ནཱ་ར་དོ ནཱ་མ ནཱ་མེ་ན, ཨ་ས་མོ ཨ་པྤ་ཊི་པུ་གྒ་ལོ’’ཏི. (བུ. ཝཾ. ༡༡.༡);