༣. པ་ཉྷཱ་པུ་ཙྪ་ཀ་ཝ་ཎྞ་ནཱ

༧༡༤. པ་ཉྷཱ་པུ་ཙྪ་ཀེ པཱ་ལི༹་ཨ་ནུ་སཱ་རེ་ནེ་ཝ སི་ཀྑཱ་པ་དཱ་ནཾ ཀུ་ས་ལཱ་དི་བྷཱ་ཝོ ཝེ་དི་ཏ་བྦོ. ཨཱ་ར་མྨ་ཎ་ཏྟི་ཀེ་སུ པ་ན ཡཱ་ནི སི་ཀྑཱ་པ་དཱ་ནི ཨེ་ཏྠ ས་ཏྟཱ་ར་མྨ་ཎཱ་ནཱི་ཏི ཝུ་ཏྟཱ་ནི, ཏཱ་ནི ཡ་སྨཱ ས་ཏྟོ་ཏི ས་ངྑཾ ག་ཏེ ས་ངྑཱ་རེ་ཡེ་ཝ ཨཱ་ར་མྨ་ཎཾ ཀ་རོ་ནྟི, ཡ་སྨཱ ཙ ས་བྦཱ་ནི་པི ཨེ་ཏཱ་ནི ས་མྤ་ཏྟ་ཝི་ར་ཏི་ཝ་སེ་ནེ་ཝ ནི་དྡི་ཊྛཱ་ནི, ཏ་སྨཱ ‘‘པ་རི་ཏྟཱ་ར་མྨ་ཎཱ’’ཏི ཙ ‘‘པ་ཙྩུ་པྤ་ནྣཱ་ར་མྨ་ཎཱ’’ཏི ཙ ཝུ་ཏྟཾ. ཡ་ཏོ པ་ན ཝི་ར་མ་ཏི ཏ་སྶ ཝ་ཏྠུ་ནོ ཨ་ཙྩ་ནྟ་བ་ཧི་དྡྷ་ཏྟཱ ས་བྦེ་ས་མྤི བ་ཧི་དྡྷཱ་ར་མྨ་ཎ་ཏཱ ཝེ་དི་ཏ་བྦཱ་ཏི.

ཨི་མ་སྨིཾ པ་ན སི་ཀྑཱ་པ་ད་ཝི་བྷ་ངྒེ ས་མྨཱ་ས་མྦུ་དྡྷེ་ན ཨ་བྷི་དྷ་མྨ་བྷཱ་ཛ་ནཱི་ཡེ་པི པ་ཉྷཱ་པུ་ཙྪ་ཀེ་པི ལོ་ཀི་ཡཱ་ནེ་ཝ སི་ཀྑཱ་པ་དཱ་ནི ཀ་ཐི་ཏཱ་ནི. ཨུ་བྷོ་པི ཧི ཨེ་ཏེ ན་ཡཱ ལོ་ཀི་ཡ་ཏྟཱ ཨེ་ཀ་པ་རི་ཙྪེ་དཱ ཨེ་ཝ. ཨེ་ཝ་མ་ཡཾ སི་ཀྑཱ་པ་ད་ཝི་བྷ་ངྒོ དྭེ་པ་རི་ཝ་ཊྚཾ ནཱི་ཧ་རི་ཏྭཱ་ཝ བྷཱ་ཛེ་ཏྭཱ ད་སྶི་ཏོ་ཏི.

ས་མྨོ་ཧ་ཝི་ནོ་ད་ནི་ཡཱ ཝི་བྷ་ངྒ་ཊྛ་ཀ་ཐཱ་ཡ

སི་ཀྑཱ་པ་ད་ཝི་བྷ་ངྒ་ཝ་ཎྞ་ནཱ ནི་ཊྛི་ཏཱ.