༣. པ་ཉྷཱ་པུ་ཙྪ་ཀ་ཝ་ཎྞ་ནཱ

༥༠༤. པ་ཉྷཱ་པུ་ཙྪ་ཀེ པཱ་ལི༹་ཨ་ནུ་སཱ་རེ་ནེ་ཝ མ་གྒ་ངྒཱ་ནཾ ཀུ་ས་ལཱ་དི་བྷཱ་ཝོ ཝེ་དི་ཏ་བྦོ. ཨཱ་ར་མྨ་ཎ་ཏྟི་ཀེ་སུ པ་ན ས་བྦཱ་ནི་པེ་ཏཱ་ནི ཨ་པྤ་མཱ་ཎཾ ནི་བྦཱ་ནཾ ཨཱ་ར་བྦྷ པ་ཝ་ཏྟི་ཏོ ཨ་པྤ་མཱ་ཎཱ་ར་མྨ་ཎཱ་ནེ་ཝ, ན མ་གྒཱ་ར་མྨ་ཎཱ་ནི. ནེ་ཝ ཧི མ་གྒོ ན ཕ་ལཾ མ་གྒཾ ཨཱ་ར་མྨ་ཎཾ ཀ་རོ་ཏི. ས་ཧ་ཛཱ་ཏ་ཧེ་ཏུ་ཝ་སེ་ན པ་ནེ་ཏྠ ཀུ་ས་ལཱ་ནི མ་གྒ་ཧེ་ཏུ་ཀཱ་ནི; ཝཱི་རི་ཡཾ ཝཱ ཝཱི་མཾ་སཾ ཝཱ ཛེ་ཊྛ་ཀཾ ཀ་ཏྭཱ མ་གྒ་བྷཱ་ཝ་ནཱ་ཀཱ་ལེ མ་གྒཱ་དྷི་པ་ཏཱི་ནི; ཚ་ནྡ་ཙི་ཏྟ་ཛེ་ཊྛི་ཀཱ་ཡ མ་གྒ་བྷཱ་ཝ་ནཱ་ཡ ན ཝ་ཏྟ་བྦཱ་ནི མ་གྒཱ་དྷི་པ་ཏཱི་ནཱི་ཏི; ཕ་ལ་ཀཱ་ལེ་པི ན ཝ་ཏྟ་བྦཱ་ནེ་ཝ.

ཨ་ཏཱི་ཏཱ་དཱི་སུ ཨེ་ཀཱ་ར་མྨ་ཎ་བྷཱ་ཝེ་ན་པི ན ཝ་ཏྟ་བྦཱ་ནི; ནི་བྦཱ་ན་སྶ པ་ན བ་ཧི་དྡྷཱ་དྷ་མྨ་ཏྟཱ བ་ཧི་དྡྷཱ་ར་མྨ་ཎཱ་ནི ནཱ་མ ཧོ་ནྟཱི་ཏི ཨེ་ཝ་མེ་ཏ་སྨིཾ པ་ཉྷཱ་པུ་ཙྪ་ཀེ་པི ནི་བྦ་ཏྟི་ཏ་ལོ་ཀུ་ཏྟ་རཱ་ནེ་ཝ མ་གྒ་ངྒཱ་ནི ཀ་ཐི་ཏཱ་ནི. ས་མྨཱ་ས་མྦུ་དྡྷེ་ན ཧི སུ་ཏྟ་ནྟ་བྷཱ་ཛ་ནཱི་ཡ་སྨིཾ་ཡེ་ཝ ལོ་ཀི་ཡ་ལོ་ཀུ་ཏྟ་རཱ་ནི མ་གྒ་ངྒཱ་ནི ཀ་ཐི་ཏཱ་ནི; ཨ་བྷི་དྷ་མྨ་བྷཱ་ཛ་ནཱི་ཡེ པ་ན པ་ཉྷཱ་པུ་ཙྪ་ཀེ ཙ ལོ་ཀུ་ཏྟ་རཱ་ནེ་ཝཱ་ཏི ཨེ་ཝ་མ་ཡཾ མ་གྒ་ཝི་བྷ་ངྒོ་པི ཏེ་པ་རི་ཝ་ཊྚཾ ནཱི་ཧ་རི་ཏྭཱ་ཝ བྷཱ་ཛེ་ཏྭཱ ད་སྶི་ཏོ་ཏི.

ས་མྨོ་ཧ་ཝི་ནོ་ད་ནི་ཡཱ ཝི་བྷ་ངྒ་ཊྛ་ཀ་ཐཱ་ཡ

མ་གྒ་ངྒ་ཝི་བྷ་ངྒ་ཝ་ཎྞ་ནཱ ནི་ཊྛི་ཏཱ.