༡. ཨ་བྱཱ་ཀ་ཏ་སུ་ཏྟ་ཝ་ཎྞ་ནཱ

༥༤. ཚ་ཊྛ་ཝ་གྒ་སྶ པ་ཋ་མེ ཨ་བྱཱ་ཀ་ཏ་ཝ་ཏྠཱུ་སཱུཏི ཨེ་ཀཾ་སཱ་དི་ཝ་སེ་ན ཨ་ཀ་ཐི་ཏ་ཝ་ཏྠཱུ་སུ. ཏ་ཐཱ་ག་ཏོཏི ས་ཏྟོ. དི་ཊྛི་ག་ཏ་མེ་ཏནྟི མི་ཙྪཱ་དི་ཊྛི་མ་ཏྟ་ཀ་མེ་ཏཾ, ན ཏཱ་ཡ དི་ཊྛི་ཡཱ ག་ཧི་ཏ་ས་ཏྟོ ནཱ་མ ཨ་ཏྠི. པ་ཊི་པ་དནྟི ཨ་རི་ཡ་མ་གྒཾ. ན ཚ་མྦྷ་ཏཱིཏི དི་ཊྛི་ཝ་སེ་ན ན ཀ་མྤ་ཏི. སེ་ས་པ་དེ་སུ་པི ཨེ་སེ་ཝ ན་ཡོ. ཏ་ཎྷཱ་ག་ཏནྟི དི་ཊྛི་ཏ་ཎྷཱ. ས་ཉྙཱ་ག་ཏཱདཱི་སུ་པི ཨེ་སེ་ཝ ན་ཡོ. དི་ཊྛི་ས་ཉྙཱ ཨེ་ཝ ཧེ་ཏྠ ས་ཉྙཱ་ག་ཏཾ, དི་ཊྛི་ནི་སྶི་ཏ་མཱ་ནོ་ཡེ་ཝ དི་ཊྛི་མ་ཉྙི་ཏ་མེ་ཝ ཝཱ མ་ཉྙི་ཏཾ, དི་ཊྛི་པ་པ་ཉྩོ་ཝ པ་པ་ཉྩི་ཏཾ, དི་ཊྛུ་པཱ་དཱ་ན་མེ་ཝ ཨུ་པཱ་དཱ་ནཾ, དི་ཊྛི་ཡཱ ཝི་རཱུ་པཾ པ་ཊི་ས་ར་ཎ་བྷཱ་ཝོ་ཡེ་ཝ ཝི་པྤ་ཊི་སཱ་རོ ནཱ་མཱ་ཏི ཝེ་དི་ཏ་བྦོ. ཨེ་ཏྠ ཙ དི་ཊྛི་གྒ་ཧ་ཎེ་ན དྭཱ་ས་ཊྛི དི་ཊྛི་ཡོ, དི་ཊྛི་ནི་རོ་དྷ་གཱ་མི་ནི་པ་ཊི་པ་དཱ་ག་ཧ་ཎེ་ན སོ་ཏཱ་པ་ཏྟི་མ་གྒོ ག་ཧི་ཏོ་ཏི.