༢༠. ཨ་མ་ཏ་ཝ་གྒ་ཝ་ཎྞ་ནཱ

༦༠༠-༦༡༡. ཨ་མ་ཏཾ ཏེ, བྷི་ཀྑ་ཝེ, ན པ་རི་བྷུ་ཉྫ་ནྟཱིཏི མ་ར་ཎ་ཝི་ར་ཧི་ཏཾ ནི་བྦཱ་ནཾ ན པ་རི་བྷུ་ཉྫ་ནྟཱི་ཏི ཨ་ཏྠོ. ན་ནུ ཙ ནི་བྦཱ་ནཾ ལོ་ཀུ་ཏྟ་རཾ, ཀཱ་ཡ་ག་ཏཱ་ས་ཏི ལོ་ཀི་ཡཱ, ཀ་ཐཾ ཏཾ པ་རི་བྷུ་ཉྫ་ནྟཱ ཨ་མ་ཏཾ པ་རི་བྷུ་ཉྫ་ནྟཱི་ཏི? ཏཾ བྷཱ་ཝེ་ཏྭཱ ཨ་དྷི་ག་ནྟ་བྦ་ཏོ. ཀཱ་ཡ་ག་ཏ་ཉྷི ས་ཏིཾ བྷཱ་ཝེ་ནྟོ ཨ་མ་ཏ་མ་དྷི་ག་ཙྪ་ཏི, ཨ་བྷཱ་ཝེ་ནྟོ ནཱ་དྷི་ག་ཙྪ་ཏི. ཏ་སྨཱ ཨེ་ཝཾ ཝུ་ཏྟཾ. ཨེ་ཏེ་ནུ་པཱ་ཡེ་ན ས་བྦ་ཏྠ ཨ་ཏྠོ ཝེ་དི་ཏ་བྦོ. ཨ་པི ཙེ་ཏྠ ཝི་ར་དྡྷནྟི ཝི་རཱ་དྷི་ཏཾ ནཱ་དྷི་ག་ཏཾ. ཨཱ་ར་དྡྷནྟི པ་རི་པུ་ཎྞཾ. པ་མཱ་དིཾ་སཱུཏི པ་མ་ཛྫ་ནྟི. པ་མུ་ཊྛནྟི ས་མྨུ་ཊྛཾ ཝི་སྶ་རི་ཏཾ ན་ཊྛཾ ཝཱ. ཨཱ་སེ་ཝི་ཏནྟི ཨཱ་དི་ཏོ སེ་ཝི་ཏཾ. བྷཱ་ཝི་ཏནྟི ཝ་ཌྜྷི་ཏཾ. བ་ཧུ་ལཱི་ཀ་ཏནྟི པུ་ན་པྤུ་ནཾ ཀ་ཏཾ. ཨ་ན་བྷི་ཉྙཱ་ཏནྟི ཉཱ་ཏ་ཨ་བྷི་ཉྙཱ་ཡ ཨ་ཛཱ་ནི་ཏཾ. ཨ་པ་རི་ཉྙཱ་ཏནྟི ཉཱ་ཏ་པ་རི་ཉྙཱ་ཝ་སེ་ནེ་ཝ ཨ་པ་རི་ཉྙཱ་ཏཾ. ཨ་ས་ཙྪི་ཀ་ཏནྟི ཨ་པ་ཙྩ་ཀྑ་ཀ་ཏཾ. སེ་སཾ ས་བྦ་ཏྠ ཨུ་ཏྟཱ་ན་ཏྠ་མེ་ཝཱ་ཏི.

ཨ་མ་ཏ་ཝ་གྒ་ཝ་ཎྞ་ནཱ.