(༩) ནི་རུ་ཛ྄ཛྷ་མཱ་ནུ་པྤ་ནྣ་ཝཱ་རོ

༧༧. (ཀ) ཡ་སྶ ཙི་ཏྟཾ ནི་རུ་ཛ྄ཛྷ་མཱ་ནཾ ཏ་སྶ ཙི་ཏྟཾ ཨུ་པྤ་ནྣ་ནྟི? ཨཱ་མ་ནྟཱ.

(ཁ) ཡ་སྶ ཝཱ པ་ན ཙི་ཏྟཾ ཨུ་པྤ་ནྣཾ ཏ་སྶ ཙི་ཏྟཾ ནི་རུ་ཛ྄ཛྷ་མཱ་ན་ནྟི?

ཙི་ཏྟ་སྶ ཨུ་པྤཱ་ད་ཀྑ་ཎེ ཏེ་སཾ ཙི་ཏྟཾ ཨུ་པྤ་ནྣཾ, ནོ ཙ ཏེ་སཾ ཙི་ཏྟཾ ནི་རུ་ཛ྄ཛྷ་མཱ་ནཾ. ཙི་ཏྟ་སྶ བྷ་ངྒ་ཀྑ་ཎེ ཏེ་སཾ ཙི་ཏྟཾ ཨུ་པྤ་ནྣ་ཉྩེ་ཝ ནི་རུ་ཛ྄ཛྷ་མཱ་ན་ཉྩ.

(ཀ) ཡ་སྶ ཙི་ཏྟཾ ན ནི་རུ་ཛ྄ཛྷ་མཱ་ནཾ ཏ་སྶ ཙི་ཏྟཾ ན ཨུ་པྤ་ནྣ་ནྟི?

ཙི་ཏྟ་སྶ ཨུ་པྤཱ་ད་ཀྑ་ཎེ ཏེ་སཾ ཙི་ཏྟཾ ན ནི་རུ་ཛ྄ཛྷ་མཱ་ནཾ, ནོ ཙ ཏེ་སཾ ཙི་ཏྟཾ ན ཨུ་པྤ་ནྣཾ. ནི་རོ་དྷ་ས་མཱ་པ་ནྣཱ་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཙི་ཏྟཾ ན ཙེ་ཝ ནི་རུ་ཛ྄ཛྷ་མཱ་ནཾ ན ཙ ཨུ་པྤ་ནྣཾ.

(ཁ) ཡ་སྶ ཝཱ པ་ན ཙི་ཏྟཾ ན ཨུ་པྤ་ནྣཾ ཏ་སྶ ཙི་ཏྟཾ ན ནི་རུ་ཛ྄ཛྷ་མཱ་ན་ནྟི? ཨཱ་མ་ནྟཱ.