(༤) ཨུ་པྤཱ་ད་ཝཱ་རོ
༨༧. (ཀ) ཡཾ ཙི་ཏྟཾ ཨུ་པྤ་ཛྫ་ཏི ཏཾ ཙི་ཏྟཾ ཨུ་པྤ་ཛྫི་ཏྠཱ་ཏི? ནོ.
(ཁ) ཡཾ ཝཱ པ་ན ཙི་ཏྟཾ ཨུ་པྤ་ཛྫི་ཏྠ ཏཾ ཙི་ཏྟཾ ཨུ་པྤ་ཛྫ་ཏཱི་ཏི? ནོ.
(ཀ) ཡཾ ཙི་ཏྟཾ ན ཨུ་པྤ་ཛྫ་ཏི ཏཾ ཙི་ཏྟཾ ན ཨུ་པྤ་ཛྫི་ཏྠཱ་ཏི?
ཨ་ཏཱི་ཏཾ ཙི་ཏྟཾ ན ཨུ་པྤ་ཛྫ་ཏི, ནོ ཙ ཏཾ ཙི་ཏྟཾ ན ཨུ་པྤ་ཛྫི་ཏྠ. བྷ་ངྒ་ཀྑ་ཎེ ཨ་ནཱ་ག་ཏ་ཉྩ ཙི་ཏྟཾ ན ཙེ་ཝ ཨུ་པྤ་ཛྫ་ཏི ན ཙ ཨུ་པྤ་ཛྫི་ཏྠ.
(ཁ) ཡཾ ཝཱ པ་ན ཙི་ཏྟཾ ན ཨུ་པྤ་ཛྫི་ཏྠ ཏཾ ཙི་ཏྟཾ ན ཨུ་པྤ་ཛྫ་ཏཱི་ཏི?
ཨུ་པྤཱ་ད་ཀྑ་ཎེ ཙི་ཏྟཾ ན ཨུ་པྤ་ཛྫི་ཏྠ, ནོ ཙ ཏཾ ཙི་ཏྟཾ ན ཨུ་པྤ་ཛྫ་ཏི. བྷ་ངྒ་ཀྑ་ཎེ ཨ་ནཱ་ག་ཏ་ཉྩ ཙི་ཏྟཾ ན ཙེ་ཝ ཨུ་པྤ་ཛྫི་ཏྠ ན ཙ ཨུ་པྤ་ཛྫ་ཏི.
༨༨. (ཀ) ཡཾ ཙི་ཏྟཾ ཨུ་པྤ་ཛྫ་ཏི ཏཾ ཙི་ཏྟཾ ཨུ་པྤ་ཛྫི་སྶ་ཏཱི་ཏི? ནོ.
(ཁ) ཡཾ ཝཱ པ་ན ཙི་ཏྟཾ ཨུ་པྤ་ཛྫི་སྶ་ཏི ཏཾ ཙི་ཏྟཾ ཨུ་པྤ་ཛྫ་ཏཱི་ཏི? ནོ.
(ཀ) ཡཾ ཙི་ཏྟཾ ན ཨུ་པྤ་ཛྫ་ཏི ཏཾ ཙི་ཏྟཾ ན ཨུ་པྤ་ཛྫི་སྶ་ཏཱི་ཏི?
ཨ་ནཱ་ག་ཏཾ ཙི་ཏྟཾ ན ཨུ་པྤ་ཛྫ་ཏི, ནོ ཙ ཏཾ ཙི་ཏྟཾ ན ཨུ་པྤ་ཛྫི་སྶ་ཏི. བྷ་ངྒ་ཀྑ་ཎེ ཨ་ཏཱི་ཏ་ཉྩ ཙི་ཏྟཾ ན ཙེ་ཝ ཨུ་པྤ་ཛྫ་ཏི ན ཙ ཨུ་པྤ་ཛྫི་སྶ་ཏི.
(ཁ) ཡཾ ཝཱ པ་ན ཙི་ཏྟཾ ན ཨུ་པྤ་ཛྫི་སྶ་ཏི ཏཾ ཙི་ཏྟཾ ན ཨུ་པྤ་ཛྫ་ཏཱི་ཏི?
ཨུ་པྤཱ་ད་ཀྑ་ཎེ ཙི་ཏྟཾ ན ཨུ་པྤ་ཛྫི་སྶ་ཏི, ནོ ཙ ཏཾ ཙི་ཏྟཾ ན ཨུ་པྤ་ཛྫ་ཏི. བྷ་ངྒ་ཀྑ་ཎེ ཨ་ཏཱི་ཏ་ཉྩ ཙི་ཏྟཾ ན ཙེ་ཝ ཨུ་པྤ་ཛྫི་སྶ་ཏི ན ཙ ཨུ་པྤ་ཛྫ་ཏི.
༨༩. (ཀ) ཡཾ ཙི་ཏྟཾ ཨུ་པྤ་ཛྫི་ཏྠ ཏཾ ཙི་ཏྟཾ ཨུ་པྤ་ཛྫི་སྶ་ཏཱི་ཏི? ནོ.
(ཁ) ཡཾ ཝཱ པ་ན ཙི་ཏྟཾ ཨུ་པྤ་ཛྫི་སྶ་ཏི ཏཾ ཙི་ཏྟཾ ཨུ་པྤ་ཛྫི་ཏྠཱ་ཏི? ནོ.
(ཀ) ཡཾ ཙི་ཏྟཾ ན ཨུ་པྤ་ཛྫི་ཏྠ ཏཾ ཙི་ཏྟཾ ན ཨུ་པྤ་ཛྫི་སྶ་ཏཱི་ཏི?
ཨ་ནཱ་ག་ཏཾ ཙི་ཏྟཾ ན ཨུ་པྤ་ཛྫི་ཏྠ, ནོ ཙ ཏཾ ཙི་ཏྟཾ ན ཨུ་པྤ་ཛྫི་སྶ་ཏི. པ་ཙྩུ་པྤ་ནྣཾ ཙི་ཏྟཾ ན ཙེ་ཝ ཨུ་པྤ་ཛྫི་ཏྠ ན ཙ ཨུ་པྤ་ཛྫི་སྶ་ཏི.
(ཁ) ཡཾ ཝཱ པ་ན ཙི་ཏྟཾ ན ཨུ་པྤ་ཛྫི་སྶ་ཏི ཏཾ ཙི་ཏྟཾ ན ཨུ་པྤ་ཛྫི་ཏྠཱ་ཏི?
ཨ་ཏཱི་ཏཾ ཙི་ཏྟཾ ན ཨུ་པྤ་ཛྫི་སྶ་ཏི, ནོ ཙ ཏཾ ཙི་ཏྟཾ ན ཨུ་པྤ་ཛྫི་ཏྠ. པ་ཙྩུ་པྤ་ནྣཾ ཙི་ཏྟཾ ན ཙེ་ཝ ཨུ་པྤ་ཛྫི་སྶ་ཏི ན ཙ ཨུ་པྤ་ཛྫི་ཏྠ.