(༤) པ་ཙྩུ་པྤ་ནྣཱ་ཏཱི་ཏ་ཝཱ་རོ

(ཀ) ཨ་ནུ་ལོ་མ་པུ་གྒ་ལོ

༡༤༧. (ཀ) ཡ་སྶ ཀཱ་ཡ་ས་ངྑཱ་རོ ཨུ་པྤ་ཛྫ་ཏི ཏ་སྶ ཝ་ཙཱི་ས་ངྑཱ་རོ ནི་རུ་ཛ྄ཛྷི་ཏྠཱ་ཏི? ཨཱ་མ་ནྟཱ.

(ཁ) ཡ་སྶ ཝཱ པ་ན ཝ་ཙཱི་ས་ངྑཱ་རོ ནི་རུ་ཛ྄ཛྷི་ཏྠ ཏ་སྶ ཀཱ་ཡ་ས་ངྑཱ་རོ ཨུ་པྤ་ཛྫ་ཏཱི་ཏི?

ས་བྦེ་སཾ ཙི་ཏྟ་སྶ བྷ་ངྒ་ཀྑ་ཎེ ཝི་ནཱ ཨ་སྶཱ་ས་པ་སྶཱ་སེ་ཧི ཙི་ཏྟ་སྶ ཨུ་པྤཱ་ད་ཀྑ་ཎེ ནི་རོ་དྷ་ས་མཱ་པ་ནྣཱ་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཝ་ཙཱི་ས་ངྑཱ་རོ ནི་རུ་ཛ྄ཛྷི་ཏྠ, ནོ ཙ ཏེ་སཾ ཀཱ་ཡ་ས་ངྑཱ་རོ ཨུ་པྤ་ཛྫ་ཏི. ཨ་སྶཱ་ས་པ་སྶཱ་སཱ་ནཾ ཨུ་པྤཱ་ད་ཀྑ་ཎེ ཏེ་སཾ ཝ་ཙཱི་ས་ངྑཱ་རོ ཙ ནི་རུ་ཛ྄ཛྷི་ཏྠ ཀཱ་ཡ་ས་ངྑཱ་རོ ཙ ཨུ་པྤ་ཛྫ་ཏི.

(ཡ་ཐཱ ཨུ་པྤཱ་ད་ཝཱ་རེ པ་ཙྩུ་པྤ་ནྣཱ་ཏཱི་ཏཱ པུ་ཙྪཱ ཨ་ནུ་ལོ་མ་མྤི པ་ཙྩ་ནཱི་ཀ་མྤི ཝི་བྷ་ཏྟཱ ཨེ་ཝཾ ཨུ་པྤཱ་ད་ཝཱ་ར་ནི་རོ་དྷ་ཝཱ་རེ་པི པ་ཙྩུ་པྤ་ནྣཱ་ཏཱི་ཏཱ པུ་ཙྪཱ ཨ་ནུ་ལོ་མ་མྤི པ་ཙྩ་ནཱི་ཀ་མྤི ཝི་བྷ་ཛི་ཏ་བྦཱ.)