(༦) ཨ་ཏཱི་ཏཱ་ནཱ་ག་ཏ་ཝཱ་རོ
(ཀ) ཨ་ནུ་ལོ་མ་པུ་གྒ་ལོ
༦༩. (ཀ) ཡ་སྶ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ ཏ་སྶ ཝ་ཙཱི་ས་ངྑཱ་རོ ཨུ་པྤ་ཛྫི་སྶ་ཏཱི་ཏི?
པ་ཙྪི་མ་ཙི་ཏྟ་ས་མ་ངྒཱི་ནཾ ཡ་སྶ ཙི་ཏྟ་སྶ ཨ་ན་ནྟ་རཱ ཨ་ཝི་ཏ་ཀྐ་ཨ་ཝི་ཙཱ་རཾ པ་ཙྪི་མ་ཙི་ཏྟཾ ཨུ་པྤ་ཛྫི་སྶ་ཏི ཏེ་སཾ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ, ནོ ཙ ཏེ་སཾ ཝ་ཙཱི་ས་ངྑཱ་རོ ཨུ་པྤ་ཛྫི་སྶ་ཏི. ཨི་ཏ་རེ་སཾ ཏེ་སཾ ཀཱ་ཡ་ས་ངྑཱ་རོ ཙ ཨུ་པྤ་ཛྫི་ཏྠ ཝ་ཙཱི་ས་ངྑཱ་རོ ཙ ཨུ་པྤ་ཛྫི་སྶ་ཏི.
(ཁ) ཡ་སྶ ཝཱ པ་ན…པེ…? ཨཱ་མ་ནྟཱ.
(ཀ) ཡ་སྶ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ ཏ་སྶ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏཱི་ཏི?
པ་ཙྪི་མ་ཙི་ཏྟ་ས་མ་ངྒཱི་ནཾ ཏེ་སཾ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ, ནོ ཙ ཏེ་སཾ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏི. ཨི་ཏ་རེ་སཾ ཏེ་སཾ ཀཱ་ཡ་ས་ངྑཱ་རོ ཙ ཨུ་པྤ་ཛྫི་ཏྠ ཙི་ཏྟ་ས་ངྑཱ་རོ ཙ ཨུ་པྤ་ཛྫི་སྶ་ཏི.
(ཁ) ཡ་སྶ ཝཱ པ་ན…པེ…. ཨཱ་མ་ནྟཱ.
༧༠. (ཀ) ཡ་སྶ ཝ་ཙཱི་ས་ངྑཱ་རོ ཨུ་པྤ་ཛྫི་ཏྠ ཏ་སྶ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏཱི་ཏི?
པ་ཙྪི་མ་ཙི་ཏྟ་ས་མ་ངྒཱི་ནཾ ཏེ་སཾ ཝ་ཙཱི་ས་ངྑཱ་རོ ཨུ་པྤ་ཛྫི་ཏྠ, ནོ ཙ ཏེ་སཾ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏི. ཨི་ཏ་རེ་སཾ ཏེ་སཾ ཝ་ཙཱི་ས་ངྑཱ་རོ ཙ ཨུ་པྤ་ཛྫི་ཏྠ ཙི་ཏྟ་ས་ངྑཱ་རོ ཙ ཨུ་པྤ་ཛྫི་སྶ་ཏི.
(ཁ) ཡ་སྶ ཝཱ པ་ན…པེ…? ཨཱ་མ་ནྟཱ.
(ཁ) ཨ་ནུ་ལོ་མ་ཨོ་ཀཱ་སོ
༧༡. ཡ་ཏྠ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ…པེ….
(ག) ཨ་ནུ་ལོ་མ་པུ་གྒ་ལོ་ཀཱ་སཱ
༧༢. (ཀ) ཡ་སྶ ཡ་ཏྠ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ ཏ་སྶ ཏ་ཏྠ ཝ་ཙཱི་ས་ངྑཱ་རོ ཨུ་པྤ་ཛྫི་སྶ་ཏཱི་ཏི?
ཀཱ་མཱ་ཝ་ཙ་རེ པ་ཙྪི་མ་ཙི་ཏྟ་ས་མ་ངྒཱི་ནཾ དུ་ཏི་ཡ་ཛ྄ཛྷཱ་ནཾ ཏ་ཏི་ཡ་ཛ྄ཛྷཱ་ནཾ ས་མཱ་པ་ནྣཱ་ནཾ ཏེ་སཾ ཏ་ཏྠ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ, ནོ ཙ ཏེ་སཾ ཏ་ཏྠ ཝ་ཙཱི་ས་ངྑཱ་རོ ཨུ་པྤ་ཛྫི་སྶ་ཏི. པ་ཋ་མ་ཛ྄ཛྷཱ་ནཾ ས་མཱ་པ་ནྣཱ་ནཾ ཨི་ཏ་རེ་སཾ ཀཱ་མཱ་ཝ་ཙ་རཱ་ནཾ ཏེ་སཾ ཏ་ཏྠ ཀཱ་ཡ་ས་ངྑཱ་རོ ཙ ཨུ་པྤ་ཛྫི་ཏྠ ཝ་ཙཱི་ས་ངྑཱ་རོ ཙ ཨུ་པྤ་ཛྫི་སྶ་ཏི.
(ཁ) ཡ་སྶ ཝཱ པ་ན ཡ་ཏྠ ཝ་ཙཱི་ས་ངྑཱ་རོ ཨུ་པྤ་ཛྫི་སྶ་ཏི ཏ་སྶ ཏ་ཏྠ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠཱ་ཏི?
རཱུ་པཱ་ཝ་ཙ་རཱ་ནཾ ཨ་རཱུ་པཱ་ཝ་ཙ་རཱ་ནཾ ཏེ་སཾ ཏ་ཏྠ ཝ་ཙཱི་ས་ངྑཱ་རོ ཨུ་པྤ་ཛྫི་སྶ་ཏི, ནོ ཙ ཏེ་སཾ ཏ་ཏྠ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ. པ་ཋ་མ་ཛ྄ཛྷཱ་ནཾ ས་མཱ་པ་ནྣཱ་ནཾ ཀཱ་མཱ་ཝ་ཙ་རཱ་ནཾ ཏེ་སཾ ཏ་ཏྠ ཝ་ཙཱི་ས་ངྑཱ་རོ ཙ ཨུ་པྤ་ཛྫི་སྶ་ཏི ཀཱ་ཡ་ས་ངྑཱ་རོ ཙ ཨུ་པྤ་ཛྫི་ཏྠ.
(ཀ) ཡ་སྶ ཡ་ཏྠ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ ཏ་སྶ ཏ་ཏྠ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏཱི་ཏི?
ཀཱ་མཱ་ཝ་ཙ་རེ པ་ཙྪི་མ་ཙི་ཏྟ་ས་མ་ངྒཱི་ནཾ ཏེ་སཾ ཏ་ཏྠ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ, ནོ ཙ ཏེ་སཾ ཏ་ཏྠ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏི. པ་ཋ་མ་ཛ྄ཛྷཱ་ནཾ དུ་ཏི་ཡ་ཛ྄ཛྷཱ་ནཾ ཏ་ཏི་ཡ་ཛ྄ཛྷཱ་ནཾ ས་མཱ་པ་ནྣཱ་ནཾ ཨི་ཏ་རེ་སཾ ཀཱ་མཱ་ཝ་ཙ་རཱ་ནཾ ཏེ་སཾ ཏ་ཏྠ ཀཱ་ཡ་ས་ངྑཱ་རོ ཙ ཨུ་པྤ་ཛྫི་ཏྠ ཙི་ཏྟ་ས་ངྑཱ་རོ ཙ ཨུ་པྤ་ཛྫི་སྶ་ཏི.
(ཁ) ཡ་སྶ ཝཱ པ་ན ཡ་ཏྠ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏི ཏ་སྶ ཏ་ཏྠ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠཱ་ཏི?
ཙ་ཏུ་ཏྠ་ཛ྄ཛྷཱ་ནཾ ས་མཱ་པ་ནྣཱ་ནཾ རཱུ་པཱ་ཝ་ཙ་རཱ་ནཾ ཨ་རཱུ་པཱ་ཝ་ཙ་རཱ་ནཾ ཏེ་སཾ ཏ་ཏྠ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏི, ནོ ཙ ཏེ་སཾ ཏ་ཏྠ ཀཱ་ཡ་ས་ངྑཱ་རོ ཨུ་པྤ་ཛྫི་ཏྠ. པ་ཋ་མ་ཛ྄ཛྷཱ་ནཾ དུ་ཏི་ཡ་ཛ྄ཛྷཱ་ནཾ ཏ་ཏི་ཡ་ཛ྄ཛྷཱ་ནཾ ས་མཱ་པ་ནྣཱ་ནཾ ཀཱ་མཱ་ཝ་ཙ་རཱ་ནཾ ཏེ་སཾ ཏ་ཏྠ ཙི་ཏྟ་ས་ངྑཱ་རོ ཙ ཨུ་པྤ་ཛྫི་སྶ་ཏི ཀཱ་ཡ་ས་ངྑཱ་རོ ཙ ཨུ་པྤ་ཛྫི་ཏྠ.
༧༣. (ཀ) ཡ་སྶ ཡ་ཏྠ ཝ་ཙཱི་ས་ངྑཱ་རོ ཨུ་པྤ་ཛྫི་ཏྠ ཏ་སྶ ཏ་ཏྠ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏཱི་ཏི?
ས་ཝི་ཏ་ཀྐ་ས་ཝི་ཙཱ་ར་བྷཱུ་མི་ཡཾ པ་ཙྪི་མ་ཙི་ཏྟ་ས་མ་ངྒཱི་ནཾ ཏེ་སཾ ཏ་ཏྠ ཝ་ཙཱི་ས་ངྑཱ་རོ ཨུ་པྤ་ཛྫི་ཏྠ, ནོ ཙ ཏེ་སཾ ཏ་ཏྠ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏི. ཨི་ཏ་རེ་སཾ ས་ཝི་ཏ་ཀྐ་ས་ཝི་ཙཱ་ར་བྷཱུ་མི་ཡཾ ཏེ་སཾ ཏ་ཏྠ ཝ་ཙཱི་ས་ངྑཱ་རོ ཙ ཨུ་པྤ་ཛྫི་ཏྠ ཙི་ཏྟ་ས་ངྑཱ་རོ ཙ ཨུ་པྤ་ཛྫི་སྶ་ཏི.
(ཁ) ཡ་སྶ ཝཱ པ་ན ཡ་ཏྠ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏི ཏ་སྶ ཏ་ཏྠ ཝ་ཙཱི་ས་ངྑཱ་རོ ཨུ་པྤ་ཛྫི་ཏྠཱ་ཏི?
ཨ་ཝི་ཏ་ཀྐ་ཨ་ཝི་ཙཱ་ར་བྷཱུ་མི་ཡཾ ཏེ་སཾ ཏ་ཏྠ ཙི་ཏྟ་ས་ངྑཱ་རོ ཨུ་པྤ་ཛྫི་སྶ་ཏི, ནོ ཙ ཏེ་སཾ ཏ་ཏྠ ཝ་ཙཱི་ས་ངྑཱ་རོ ཨུ་པྤ་ཛྫི་ཏྠ. ས་ཝི་ཏ་ཀྐ་ས་ཝི་ཙཱ་ར་བྷཱུ་མི་ཡཾ ཏེ་སཾ ཏ་ཏྠ ཙི་ཏྟ་ས་ངྑཱ་རོ ཙ ཨུ་པྤ་ཛྫི་སྶ་ཏི ཝ་ཙཱི་ས་ངྑཱ་རོ ཙ ཨུ་པྤ་ཛྫི་ཏྠ.
(གྷ) པ་ཙྩ་ནཱི་ཀ་པུ་གྒ་ལོ
༧༤. (ཀ) ཡ་སྶ ཀཱ་ཡ་ས་ངྑཱ་རོ ནུ་པྤ་ཛྫི་ཏྠ ཏ་སྶ ཝ་ཙཱི་ས་ངྑཱ་རོ ནུ་པྤ་ཛྫི་སྶ་ཏཱི་ཏི? ན་ཏྠི.
(ཁ) ཡ་སྶ ཝཱ པ་ན ཝ་ཙཱི་ས་ངྑཱ་རོ ནུ་པྤ་ཛྫི་སྶ་ཏི ཏ་སྶ ཀཱ་ཡ་ས་ངྑཱ་རོ ནུ་པྤ་ཛྫི་ཏྠཱ་ཏི? ཨུ་པྤ་ཛྫི་ཏྠ.
(ཀ) ཡ་སྶ ཀཱ་ཡ་ས་ངྑཱ་རོ ནུ་པྤ་ཛྫི་ཏྠ ཏ་སྶ ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏཱི་ཏི? ན་ཏྠི.
(ཁ) ཡ་སྶ ཝཱ པ་ན ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏི ཏ་སྶ ཀཱ་ཡ་ས་ངྑཱ་རོ ནུ་པྤ་ཛྫི་ཏྠཱ་ཏི? ཨུ་པྤ་ཛྫི་ཏྠ.
༧༥. (ཀ) ཡ་སྶ ཝ་ཙཱི་ས་ངྑཱ་རོ ནུ་པྤ་ཛྫི་ཏྠ ཏ་སྶ ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏཱི་ཏི? ན་ཏྠི.
(ཁ) ཡ་སྶ ཝཱ པ་ན ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏི ཏ་སྶ ཝ་ཙཱི་ས་ངྑཱ་རོ ནུ་པྤ་ཛྫི་ཏྠཱ་ཏི? ཨུ་པྤ་ཛྫི་ཏྠ.
(ང) པ་ཙྩ་ནཱི་ཀ་ཨོ་ཀཱ་སོ
༧༦. ཡ་ཏྠ ཀཱ་ཡ་ས་ངྑཱ་རོ ནུ་པྤ་ཛྫི་ཏྠ…པེ….
(ཙ) པ་ཙྩ་ནཱི་ཀ་པུ་གྒ་ལོ་ཀཱ་སཱ
༧༧. (ཀ) ཡ་སྶ ཡ་ཏྠ ཀཱ་ཡ་ས་ངྑཱ་རོ ནུ་པྤ་ཛྫི་ཏྠ ཏ་སྶ ཏ་ཏྠ ཝ་ཙཱི་ས་ངྑཱ་རོ ནུ་པྤ་ཛྫི་སྶ་ཏཱི་ཏི?
རཱུ་པཱ་ཝ་ཙ་རཱ་ནཾ ཨ་རཱུ་པཱ་ཝ་ཙ་རཱ་ནཾ ཏེ་སཾ ཏ་ཏྠ ཀཱ་ཡ་ས་ངྑཱ་རོ ནུ་པྤ་ཛྫི་ཏྠ, ནོ ཙ ཏེ་སཾ ཏ་ཏྠ ཝ་ཙཱི་ས་ངྑཱ་རོ ནུ་པྤ་ཛྫི་སྶ་ཏི. རཱུ་པཱ་ཝ་ཙ་རེ ཨ་རཱུ་པཱ་ཝ་ཙ་རེ པ་ཙྪི་མ་ཙི་ཏྟ་ས་མ་ངྒཱི་ནཾ ཡ་སྶ ཙི་ཏྟ་སྶ ཨ་ན་ནྟ་རཱ ཨ་ཝི་ཏ་ཀྐ་ཨ་ཝི་ཙཱ་རཾ པ་ཙྪི་མ་ཙི་ཏྟཾ ཨུ་པྤ་ཛྫི་སྶ་ཏི ཙ་ཏུ་ཏྠ་ཛ྄ཛྷཱ་ནཾ ས་མཱ་པ་ནྣཱ་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ཀཱ་ཡ་ས་ངྑཱ་རོ ཙ ནུ་པྤ་ཛྫི་ཏྠ ཝ་ཙཱི་ས་ངྑཱ་རོ ཙ ནུ་པྤ་ཛྫི་སྶ་ཏི.
(ཁ) ཡ་སྶ ཝཱ པ་ན ཡ་ཏྠ ཝ་ཙཱི་ས་ངྑཱ་རོ ནུ་པྤ་ཛྫི་སྶ་ཏི ཏ་སྶ ཏ་ཏྠ ཀཱ་ཡ་ས་ངྑཱ་རོ ནུ་པྤ་ཛྫི་ཏྠཱ་ཏི?
ཀཱ་མཱ་ཝ་ཙ་རེ པ་ཙྪི་མ་ཙི་ཏྟ་ས་མ་ངྒཱི་ནཾ དུ་ཏི་ཡ་ཛ྄ཛྷཱ་ནཾ ཏ་ཏི་ཡ་ཛ྄ཛྷཱ་ནཾ ས་མཱ་པ་ནྣཱ་ནཾ ཏེ་སཾ ཏ་ཏྠ ཝ་ཙཱི་ས་ངྑཱ་རོ ནུ་པྤ་ཛྫི་སྶ་ཏི, ནོ ཙ ཏེ་སཾ ཏ་ཏྠ ཀཱ་ཡ་ས་ངྑཱ་རོ ནུ་པྤ་ཛྫི་ཏྠ. རཱུ་པཱ་ཝ་ཙ་རེ ཨ་རཱུ་པཱ་ཝ་ཙ་རེ པ་ཙྪི་མ་ཙི་ཏྟ་ས་མ་ངྒཱི་ནཾ ཡ་སྶ ཙི་ཏྟ་སྶ ཨ་ན་ནྟ་རཱ ཨ་ཝི་ཏ་ཀྐ་ཨ་ཝི་ཙཱ་རཾ པ་ཙྪི་མ་ཙི་ཏྟཾ ཨུ་པྤ་ཛྫི་སྶ་ཏི ཙ་ཏུ་ཏྠ་ཛ྄ཛྷཱ་ནཾ ས་མཱ་པ་ནྣཱ་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ཝ་ཙཱི་ས་ངྑཱ་རོ ཙ ནུ་པྤ་ཛྫི་སྶ་ཏི ཀཱ་ཡ་ས་ངྑཱ་རོ ཙ ནུ་པྤ་ཛྫི་ཏྠ.
(ཀ) ཡ་སྶ ཡ་ཏྠ ཀཱ་ཡ་ས་ངྑཱ་རོ ནུ་པྤ་ཛྫི་ཏྠ ཏ་སྶ ཏ་ཏྠ ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏཱི་ཏི?
ཙ་ཏུ་ཏྠ་ཛ྄ཛྷཱ་ནཾ ས་མཱ་པ་ནྣཱ་ནཾ རཱུ་པཱ་ཝ་ཙ་རཱ་ནཾ ཨ་རཱུ་པཱ་ཝ་ཙ་རཱ་ནཾ ཏེ་སཾ ཏ་ཏྠ ཀཱ་ཡ་ས་ངྑཱ་རོ ནུ་པྤ་ཛྫི་ཏྠ, ནོ ཙ ཏེ་སཾ ཏ་ཏྠ ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏི. རཱུ་པཱ་ཝ་ཙ་རེ ཨ་རཱུ་པཱ་ཝ་ཙ་རེ པ་ཙྪི་མ་ཙི་ཏྟ་ས་མ་ངྒཱི་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ཀཱ་ཡ་ས་ངྑཱ་རོ ཙ ནུ་པྤ་ཛྫི་ཏྠ ཙི་ཏྟ་ས་ངྑཱ་རོ ཙ ནུ་པྤ་ཛྫི་སྶ་ཏི.
(ཁ) ཡ་སྶ ཝཱ པ་ན ཡ་ཏྠ ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏི ཏ་སྶ ཏ་ཏྠ ཀཱ་ཡ་ས་ངྑཱ་རོ ནུ་པྤ་ཛྫི་ཏྠཱ་ཏི?
ཀཱ་མཱ་ཝ་ཙ་རེ པ་ཙྪི་མ་ཙི་ཏྟ་ས་མ་ངྒཱི་ནཾ ཏེ་སཾ ཏ་ཏྠ ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏི, ནོ ཙ ཏེ་སཾ ཏ་ཏྠ ཀཱ་ཡ་ས་ངྑཱ་རོ ནུ་པྤ་ཛྫི་ཏྠ. རཱུ་པཱ་ཝ་ཙ་རེ ཨ་རཱུ་པཱ་ཝ་ཙ་རེ པ་ཙྪི་མ་ཙི་ཏྟ་ས་མ་ངྒཱི་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ཙི་ཏྟ་ས་ངྑཱ་རོ ཙ ནུ་པྤ་ཛྫི་སྶ་ཏི ཀཱ་ཡ་ས་ངྑཱ་རོ ཙ ནུ་པྤ་ཛྫི་ཏྠ.
༧༨. (ཀ) ཡ་སྶ ཡ་ཏྠ ཝ་ཙཱི་ས་ངྑཱ་རོ ནུ་པྤ་ཛྫི་ཏྠ ཏ་སྶ ཏ་ཏྠ ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏཱི་ཏི?
ཨ་ཝི་ཏ་ཀྐ་ཨ་ཝི་ཙཱ་ར་བྷཱུ་མི་ཡཾ ཏེ་སཾ ཏ་ཏྠ ཝ་ཙཱི་ས་ངྑཱ་རོ ནུ་པྤ་ཛྫི་ཏྠ, ནོ ཙ ཏེ་སཾ ཏ་ཏྠ ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏི. ཨ་ཝི་ཏ་ཀྐ་ཨ་ཝི་ཙཱ་ར་བྷཱུ་མི་ཡཾ པ་ཙྪི་མ་ཙི་ཏྟ་ས་མ་ངྒཱི་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ཝ་ཙཱི་ས་ངྑཱ་རོ ཙ ནུ་པྤ་ཛྫི་ཏྠ ཙི་ཏྟ་ས་ངྑཱ་རོ ཙ ནུ་པྤ་ཛྫི་སྶ་ཏི.
(ཁ) ཡ་སྶ ཝཱ པ་ན ཡ་ཏྠ ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏི ཏ་སྶ ཏ་ཏྠ ཝ་ཙཱི་ས་ངྑཱ་རོ ནུ་པྤ་ཛྫི་ཏྠཱ་ཏི?
ས་ཝི་ཏ་ཀྐ་ས་ཝི་ཙཱ་ར་བྷཱུ་མི་ཡཾ པ་ཙྪི་མ་ཙི་ཏྟ་ས་མ་ངྒཱི་ནཾ ཏེ་སཾ ཏ་ཏྠ ཙི་ཏྟ་ས་ངྑཱ་རོ ནུ་པྤ་ཛྫི་སྶ་ཏི, ནོ ཙ ཏེ་སཾ ཏ་ཏྠ ཝ་ཙཱི་ས་ངྑཱ་རོ ནུ་པྤ་ཛྫི་ཏྠ. ཨ་ཝི་ཏ་ཀྐ་ཨ་ཝི་ཙཱ་ར་བྷཱུ་མི་ཡཾ པ་ཙྪི་མ་ཙི་ཏྟ་ས་མ་ངྒཱི་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ཙི་ཏྟ་ས་ངྑཱ་རོ ཙ ནུ་པྤ་ཛྫི་སྶ་ཏི ཝ་ཙཱི་ས་ངྑཱ་རོ ཙ ནུ་པྤ་ཛྫི་ཏྠ.
ཨུ་པྤཱ་ད་ཝཱ་རོ.