(༡) པ་ཙྩུ་པྤ་ནྣ་ཝཱ་རོ

(ཀ) ཨ་ནུ་ལོ་མ་པུ་གྒ་ལོ

༨༨. (ཀ) ཡ་སྶ དུ་ཀྑ་ས་ཙྩཾ ནི་རུ་ཛ྄ཛྷ་ཏི ཏ་སྶ ས་མུ་ད་ཡ་ས་ཙྩཾ ནི་རུ་ཛ྄ཛྷ་ཏཱི་ཏི?

ས་བྦེ་སཾ ཙ་ཝ་ནྟཱ་ནཾ པ་ཝ་ཏྟེ ཏ་ཎྷཱ་ཝི་པྤ་ཡུ་ཏྟ་ཙི་ཏྟ་སྶ བྷ་ངྒ་ཀྑ་ཎེ ཏེ་སཾ དུ་ཀྑ་ས་ཙྩཾ ནི་རུ་ཛ྄ཛྷ་ཏི, ནོ ཙ ཏེ་སཾ ས་མུ་ད་ཡ་ས་ཙྩཾ ནི་རུ་ཛ྄ཛྷ་ཏི. ཏ་ཎྷཱ་ཡ བྷ་ངྒ་ཀྑ་ཎེ ཏེ་སཾ དུ་ཀྑ་ས་ཙྩ་ཉྩ ནི་རུ་ཛ྄ཛྷ་ཏི ས་མུ་ད་ཡ་ས་ཙྩ་ཉྩ ནི་རུ་ཛ྄ཛྷ་ཏི.

(ཁ) ཡ་སྶ ཝཱ པ་ན ས་མུ་ད་ཡ་ས་ཙྩཾ ནི་རུ་ཛ྄ཛྷ་ཏི ཏ་སྶ དུ་ཀྑ་ས་ཙྩཾ ནི་རུ་ཛ྄ཛྷ་ཏཱི་ཏི? ཨཱ་མ་ནྟཱ.

(ཀ) ཡ་སྶ དུ་ཀྑ་ས་ཙྩཾ ནི་རུ་ཛ྄ཛྷ་ཏི ཏ་སྶ མ་གྒ་ས་ཙྩཾ ནི་རུ་ཛ྄ཛྷ་ཏཱི་ཏི?

ས་བྦེ་སཾ ཙ་ཝ་ནྟཱ་ནཾ པ་ཝ་ཏྟེ མ་གྒ་ཝི་པྤ་ཡུ་ཏྟ་ཙི་ཏྟ་སྶ བྷ་ངྒ་ཀྑ་ཎེ ཏེ་སཾ དུ་ཀྑ་ས་ཙྩཾ ནི་རུ་ཛ྄ཛྷ་ཏི, ནོ ཙ ཏེ་སཾ མ་གྒ་ས་ཙྩཾ ནི་རུ་ཛ྄ཛྷ་ཏི. པ་ཉྩ་ཝོ་ཀཱ་རེ མ་གྒ་སྶ བྷ་ངྒ་ཀྑ་ཎེ ཏེ་སཾ དུ་ཀྑ་ས་ཙྩ་ཉྩ ནི་རུ་ཛ྄ཛྷ་ཏི མ་གྒ་ས་ཙྩ་ཉྩ ནི་རུ་ཛ྄ཛྷ་ཏི.

(ཁ) ཡ་སྶ ཝཱ པ་ན མ་གྒ་ས་ཙྩཾ ནི་རུ་ཛ྄ཛྷ་ཏི ཏ་སྶ དུ་ཀྑ་ས་ཙྩཾ ནི་རུ་ཛ྄ཛྷ་ཏཱི་ཏི?

ཨ་རཱུ་པེ མ་གྒ་སྶ བྷ་ངྒ་ཀྑ་ཎེ ཏེ་སཾ མ་གྒ་ས་ཙྩཾ ནི་རུ་ཛ྄ཛྷ་ཏི, ནོ ཙ ཏེ་སཾ དུ་ཀྑ་ས་ཙྩཾ ནི་རུ་ཛ྄ཛྷ་ཏི. པ་ཉྩ་ཝོ་ཀཱ་རེ མ་གྒ་སྶ བྷ་ངྒ་ཀྑ་ཎེ ཏེ་སཾ མ་གྒ་ས་ཙྩ་ཉྩ ནི་རུ་ཛ྄ཛྷ་ཏི དུ་ཀྑ་ས་ཙྩ་ཉྩ ནི་རུ་ཛ྄ཛྷ་ཏི.

༨༩. (ཀ) ཡ་སྶ ས་མུ་ད་ཡ་ས་ཙྩཾ ནི་རུ་ཛ྄ཛྷ་ཏི ཏ་སྶ མ་གྒ་ས་ཙྩཾ ནི་རུ་ཛ྄ཛྷ་ཏཱི་ཏི? ནོ.

(ཁ) ཡ་སྶ ཝཱ པ་ན མ་གྒ་ས་ཙྩཾ ནི་རུ་ཛ྄ཛྷ་ཏི ཏ་སྶ ས་མུ་ད་ཡ་ས་ཙྩཾ ནི་རུ་ཛ྄ཛྷ་ཏཱི་ཏི? ནོ.

(ཁ) ཨ་ནུ་ལོ་མ་ཨོ་ཀཱ་སོ

༩༠. ཡ་ཏྠ དུ་ཀྑ་ས་ཙྩཾ ནི་རུ་ཛ྄ཛྷ་ཏི ཏ་ཏྠ ས་མུ་ད་ཡ་ས་ཙྩཾ ནི་རུ་ཛ྄ཛྷ་ཏཱི་ཏི?

ཨ་ས་ཉྙ་ས་ཏྟེ ཏ་ཏྠ དུ་ཀྑ་ས་ཙྩཾ ནི་རུ་ཛ྄ཛྷ་ཏི…པེ….

(ཡ་ཏྠ་ཀཾ ཨུ་པྤཱ་དེ་པི ནི་རོ་དྷེ་པི ཨུ་པྤཱ་ད་ནི་རོ་དྷེ་པི ས་དི་སཾ, ན་ཏྠི ནཱ་ནཱ་ཀ་ར་ཎཾ).

(ག) ཨ་ནུ་ལོ་མ་པུ་གྒ་ལོ་ཀཱ་སཱ

༩༡. ཡ་སྶ ཡ་ཏྠ དུ་ཀྑ་ས་ཙྩཾ ནི་རུ་ཛ྄ཛྷ་ཏི…པེ….

(ཡ་སྶ་ཡ་ཏྠ་ཀ་མྤི ས་དི་སཾ ཝི་ཏྠཱ་རེ་ཏ་བྦཾ).

(གྷ) པ་ཙྩ་ནཱི་ཀ་པུ་གྒ་ལོ

༩༢. (ཀ) ཡ་སྶ དུ་ཀྑ་ས་ཙྩཾ ན ནི་རུ་ཛ྄ཛྷ་ཏི ཏ་སྶ ས་མུ་ད་ཡ་ས་ཙྩཾ ན ནི་རུ་ཛ྄ཛྷ་ཏཱི་ཏི? ཨཱ་མ་ནྟཱ.

(ཁ) ཡ་སྶ ཝཱ པ་ན ས་མུ་ད་ཡ་ས་ཙྩཾ ན ནི་རུ་ཛ྄ཛྷ་ཏི ཏ་སྶ དུ་ཀྑ་ས་ཙྩཾ ན ནི་རུ་ཛ྄ཛྷ་ཏཱི་ཏི?

ས་བྦེ་སཾ ཙ་ཝ་ནྟཱ་ནཾ པ་ཝ་ཏྟེ ཏ་ཎྷཱ་ཝི་པྤ་ཡུ་ཏྟ་ཙི་ཏྟ་སྶ བྷ་ངྒ་ཀྑ་ཎེ ཏེ་སཾ ས་མུ་ད་ཡ་ས་ཙྩཾ ན ནི་རུ་ཛ྄ཛྷ་ཏི, ནོ ཙ ཏེ་སཾ དུ་ཀྑ་ས་ཙྩཾ ན ནི་རུ་ཛ྄ཛྷ་ཏི. ས་བྦེ་སཾ ཨུ་པ་པ་ཛྫ་ནྟཱ་ནཾ པ་ཝ་ཏྟེ ཙི་ཏྟ་སྶ ཨུ་པྤཱ་ད་ཀྑ་ཎེ ཨ་རཱུ་པེ མ་གྒ་སྶ ཙ ཕ་ལ་སྶ ཙ བྷ་ངྒ་ཀྑ་ཎེ ཏེ་སཾ ས་མུ་ད་ཡ་ས་ཙྩ་ཉྩ ན ནི་རུ་ཛ྄ཛྷ་ཏི དུ་ཀྑ་ས་ཙྩ་ཉྩ ན ནི་རུ་ཛ྄ཛྷ་ཏི.

(ཀ) ཡ་སྶ དུ་ཀྑ་ས་ཙྩཾ ན ནི་རུ་ཛ྄ཛྷ་ཏི ཏ་སྶ མ་གྒ་ས་ཙྩཾ ན ནི་རུ་ཛ྄ཛྷ་ཏཱི་ཏི?

ཨ་རཱུ་པེ མ་གྒ་སྶ བྷ་ངྒ་ཀྑ་ཎེ ཏེ་སཾ དུ་ཀྑ་ས་ཙྩཾ ན ནི་རུ་ཛ྄ཛྷ་ཏི, ནོ ཙ ཏེ་སཾ མ་གྒ་ས་ཙྩཾ ན ནི་རུ་ཛ྄ཛྷ་ཏི. ས་བྦེ་སཾ ཨུ་པ་པ་ཛྫ་ནྟཱ་ནཾ པ་ཝ་ཏྟེ ཙི་ཏྟ་སྶ ཨུ་པྤཱ་ད་ཀྑ་ཎེ ཨ་རཱུ་པེ ཕ་ལ་སྶ བྷ་ངྒ་ཀྑ་ཎེ ཏེ་སཾ དུ་ཀྑ་ས་ཙྩ་ཉྩ ན ནི་རུ་ཛ྄ཛྷ་ཏི མ་གྒ་ས་ཙྩ་ཉྩ ན ནི་རུ་ཛ྄ཛྷ་ཏི.

(ཁ) ཡ་སྶ ཝཱ པ་ན མ་གྒ་ས་ཙྩཾ ན ནི་རུ་ཛ྄ཛྷ་ཏི ཏ་སྶ དུ་ཀྑ་ས་ཙྩཾ ན ནི་རུ་ཛ྄ཛྷ་ཏཱི་ཏི?

ས་བྦེ་སཾ ཙ་ཝ་ནྟཱ་ནཾ པ་ཝ་ཏྟེ མ་གྒ་ཝི་པྤ་ཡུ་ཏྟ་ཙི་ཏྟ་སྶ བྷ་ངྒ་ཀྑ་ཎེ ཏེ་སཾ མ་གྒ་ས་ཙྩཾ ན ནི་རུ་ཛ྄ཛྷ་ཏི, ནོ ཙ ཏེ་སཾ དུ་ཀྑ་ས་ཙྩཾ ན ནི་རུ་ཛ྄ཛྷ་ཏི. ས་བྦེ་སཾ ཨུ་པ་པ་ཛྫ་ནྟཱ་ནཾ པ་ཝ་ཏྟེ ཙི་ཏྟ་སྶ ཨུ་པྤཱ་ད་ཀྑ་ཎེ ཨ་རཱུ་པེ ཕ་ལ་སྶ བྷ་ངྒ་ཀྑ་ཎེ ཏེ་སཾ མ་གྒ་ས་ཙྩ་ཉྩ ན ནི་རུ་ཛ྄ཛྷ་ཏི དུ་ཀྑ་ས་ཙྩ་ཉྩ ན ནི་རུ་ཛ྄ཛྷ་ཏི.

༩༣. (ཀ) ཡ་སྶ ས་མུ་ད་ཡ་ས་ཙྩཾ ན ནི་རུ་ཛ྄ཛྷ་ཏི ཏ་སྶ མ་གྒ་ས་ཙྩཾ ན ནི་རུ་ཛ྄ཛྷ་ཏཱི་ཏི?

མ་གྒ་སྶ བྷ་ངྒ་ཀྑ་ཎེ ཏེ་སཾ ས་མུ་ད་ཡ་ས་ཙྩཾ ན ནི་རུ་ཛ྄ཛྷ་ཏི, ནོ ཙ ཏེ་སཾ མ་གྒ་ས་ཙྩཾ ན ནི་རུ་ཛ྄ཛྷ་ཏི. ས་བྦེ་སཾ ཙི་ཏྟ་སྶ ཨུ་པྤཱ་ད་ཀྑ་ཎེ ཏ་ཎྷཱ་ཝི་པྤ་ཡུ་ཏྟ་མ་གྒ་ཝི་པྤ་ཡུ་ཏྟ་ཙི་ཏྟ་སྶ བྷ་ངྒ་ཀྑ་ཎེ ནི་རོ་དྷ་ས་མཱ་པ་ནྣཱ་ནཾ ཨ་ས་ཉྙ་ས་ཏྟཱ་ནཾ ཏེ་སཾ ས་མུ་ད་ཡ་ས་ཙྩ་ཉྩ ན ནི་རུ་ཛ྄ཛྷ་ཏི མ་གྒ་ས་ཙྩ་ཉྩ ན ནི་རུ་ཛ྄ཛྷ་ཏི.

(ཁ) ཡ་སྶ ཝཱ པ་ན མ་གྒ་ས་ཙྩཾ ན ནི་རུ་ཛ྄ཛྷ་ཏི ཏ་སྶ ས་མུ་ད་ཡ་ས་ཙྩཾ ན ནི་རུ་ཛ྄ཛྷ་ཏཱི་ཏི?

ཏ་ཎྷཱ་ཡ བྷ་ངྒ་ཀྑ་ཎེ ཏེ་སཾ མ་གྒ་ས་ཙྩཾ ན ནི་རུ་ཛ྄ཛྷ་ཏི, ནོ ཙ ཏེ་སཾ ས་མུ་ད་ཡ་ས་ཙྩཾ ན ནི་རུ་ཛ྄ཛྷ་ཏི. ས་བྦེ་སཾ ཙི་ཏྟ་སྶ ཨུ་པྤཱ་ད་ཀྑ་ཎེ མ་གྒ་ཝི་པྤ་ཡུ་ཏྟ་ཏ་ཎྷཱ་ཝི་པྤ་ཡུ་ཏྟ་ཙི་ཏྟ་སྶ བྷ་ངྒ་ཀྑ་ཎེ ནི་རོ་དྷ་ས་མཱ་པ་ནྣཱ་ནཾ ཨ་ས་ཉྙ་ས་ཏྟཱ་ནཾ ཏེ་སཾ མ་གྒ་ས་ཙྩ་ཉྩ ན ནི་རུ་ཛ྄ཛྷ་ཏི ས་མུ་ད་ཡ་ས་ཙྩ་ཉྩ ན ནི་རུ་ཛ྄ཛྷ་ཏི.

(ང) པ་ཙྩ་ནཱི་ཀ་ཨོ་ཀཱ་སོ

༩༤. ཡ་ཏྠ དུ་ཀྑ་ས་ཙྩཾ ན ནི་རུ་ཛ྄ཛྷ་ཏི…པེ….

(ཙ) པ་ཙྩ་ནཱི་ཀ་པུ་གྒ་ལོ་ཀཱ་སཱ

༩༥. ཡ་སྶ ཡ་ཏྠ དུ་ཀྑ་ས་ཙྩཾ ན ནི་རུ་ཛ྄ཛྷ་ཏི…པེ….

(ཡ་སྶ་ཀ་མྤི [ཡ་སྶ་ཀ་མྤི ཡ་ཏྠ་ཀ་མྤི (སཱི. སྱཱ.)] ཡ་སྶ་ཡ་ཏྠ་ཀ་མྤི ས་དི་སཾ, ཡ་སྶ་ཡ་ཏྠ་ཀེ་པི ནི་རོ་དྷ་ས་མཱ་པ་ནྣཱ་ན་ནྟི ཙེ་ཏཾ ན ཀཱ་ཏ་བྦཾ).