༡. པ་ད་སོ་དྷ་ན་ཝཱ་རོ
(ཀ) ཨ་ནུ་ལོ་མཾ
༡༠. (ཀ) ཙ་ཀྑུ ཙ་ཀྑུ་དྷཱ་ཏཱུ་ཏི?
དི་བྦ་ཙ་ཀྑུ པ་ཉྙཱ་ཙ་ཀྑུ ཙ་ཀྑུ, ན ཙ་ཀྑུ་དྷཱ་ཏུ. ཙ་ཀྑུ་དྷཱ་ཏུ ཙ་ཀྑུ ཙེ་ཝ ཙ་ཀྑུ་དྷཱ་ཏུ ཙ.
(ཁ) ཙ་ཀྑུ་དྷཱ་ཏུ ཙ་ཀྑཱུ་ཏི? ཨཱ་མ་ནྟཱ.
(ཀ) སོ་ཏཾ སོ་ཏ་དྷཱ་ཏཱུ་ཏི?
དི་བྦ་སོ་ཏཾ ཏ་ཎྷཱ་སོ་ཏཾ སོ་ཏཾ, ན སོ་ཏ་དྷཱ་ཏུ. སོ་ཏ་དྷཱ་ཏུ སོ་ཏ་ཉྩེ་ཝ སོ་ཏ་དྷཱ་ཏུ ཙ.
(ཁ) སོ་ཏ་དྷཱ་ཏུ སོ་ཏ་ནྟི? ཨཱ་མ་ནྟཱ.
(ཀ) གྷཱ་ནཾ གྷཱ་ན་དྷཱ་ཏཱུ་ཏི? ཨཱ་མ་ནྟཱ.
(ཁ) གྷཱ་ན་དྷཱ་ཏུ གྷཱ་ན་ནྟི? ཨཱ་མ་ནྟཱ. (ཛི་ཝ྄ཧཱ་པི གྷཱ་ན་དྷཱ་ཏུ་ས་དི་སཱ).
(ཀ) ཀཱ་ཡོ ཀཱ་ཡ་དྷཱ་ཏཱུ་ཏི?
ཀཱ་ཡ་དྷཱ་ཏུཾ ཋ་པེ་ཏྭཱ ཨ་ཝ་སེ་སོ ཀཱ་ཡོ [ཨ་ཝ་སེ་སོ ཀཱ་ཡོ ཀཱ་ཡོ (སྱཱ.)], ན ཀཱ་ཡ་དྷཱ་ཏུ. ཀཱ་ཡ་དྷཱ་ཏུ ཀཱ་ཡོ ཙེ་ཝ ཀཱ་ཡ་དྷཱ་ཏུ ཙ.
(ཁ) ཀཱ་ཡ་དྷཱ་ཏུ ཀཱ་ཡོ་ཏི? ཨཱ་མ་ནྟཱ.
(ཀ) རཱུ་པཾ རཱུ་པ་དྷཱ་ཏཱུ་ཏི?
རཱུ་པ་དྷཱ་ཏུཾ ཋ་པེ་ཏྭཱ ཨ་ཝ་སེ་སཾ རཱུ་པཾ, ན རཱུ་པ་དྷཱ་ཏུ. རཱུ་པ་དྷཱ་ཏུ རཱུ་པ་ཉྩེ་ཝ རཱུ་པ་དྷཱ་ཏུ ཙ.
(ཁ) རཱུ་པ་དྷཱ་ཏུ རཱུ་པ་ནྟི? ཨཱ་མ་ནྟཱ. (ས་དྡོ གྷཱ་ན་ས་དི་སོ).
(ཀ) ག་ནྡྷོ ག་ནྡྷ་དྷཱ་ཏཱུ་ཏི?
སཱི་ལ་ག་ནྡྷོ ས་མཱ་དྷི་ག་ནྡྷོ པ་ཉྙཱ་ག་ནྡྷོ ག་ནྡྷོ, ན ག་ནྡྷ་དྷཱ་ཏུ. ག་ནྡྷ་དྷཱ་ཏུ ག་ནྡྷོ ཙེ་ཝ ག་ནྡྷ་དྷཱ་ཏུ ཙ.
(ཁ) ག་ནྡྷ་དྷཱ་ཏུ ག་ནྡྷོ་ཏི? ཨཱ་མ་ནྟཱ.
(ཀ) ར་སོ ར་ས་དྷཱ་ཏཱུ་ཏི?
ཨ་ཏྠ་ར་སོ དྷ་མྨ་ར་སོ ཝི་མུ་ཏྟི་ར་སོ ར་སོ, ན ར་ས་དྷཱ་ཏུ. ར་ས་དྷཱ་ཏུ ར་སོ ཙེ་ཝ ར་ས་དྷཱ་ཏུ ཙ.
(ཁ) ར་ས་དྷཱ་ཏུ ར་སོ་ཏི? ཨཱ་མ་ནྟཱ. (ཕོ་ཊྛ་བྦོ གྷཱ་ན་ས་དི་སོ).
(ཀ) ཙ་ཀྑུ་ཝི་ཉྙཱ་ཎཾ ཙ་ཀྑུ་ཝི་ཉྙཱ་ཎ་དྷཱ་ཏཱུ་ཏི? ཨཱ་མ་ནྟཱ.
(ཁ) ཙ་ཀྑུ་ཝི་ཉྙཱ་ཎ་དྷཱ་ཏུ ཙ་ཀྑུ་ཝི་ཉྙཱ་ཎ་ནྟི? ཨཱ་མ་ནྟཱ.
སོ་ཏ་ཝི་ཉྙཱ་ཎཾ…པེ… གྷཱ་ན་ཝི་ཉྙཱ་ཎཾ… ཛི་ཝ྄ཧཱ་ཝི་ཉྙཱ་ཎཾ… ཀཱ་ཡ་ཝི་ཉྙཱ་ཎཾ….
(ཀ) མ་ནོ མ་ནོ་དྷཱ་ཏཱུ་ཏི?
མ་ནོ་དྷཱ་ཏུཾ ཋ་པེ་ཏྭཱ ཨ་ཝ་སེ་སོ མ་ནོ, ན མ་ནོ་དྷཱ་ཏུ. མ་ནོ་དྷཱ་ཏུ མ་ནོ ཙེ་ཝ མ་ནོ་དྷཱ་ཏུ ཙ.
(ཁ) མ་ནོ་དྷཱ་ཏུ མ་ནོ་ཏི? ཨཱ་མ་ནྟཱ.
(ཀ) མ་ནོ་ཝི་ཉྙཱ་ཎཾ མ་ནོ་ཝི་ཉྙཱ་ཎ་དྷཱ་ཏཱུ་ཏི? ཨཱ་མ་ནྟཱ.
(ཁ) མ་ནོ་ཝི་ཉྙཱ་ཎ་དྷཱ་ཏུ མ་ནོ་ཝི་ཉྙཱ་ཎ་ནྟི? ཨཱ་མ་ནྟཱ.
(ཀ) དྷ་མྨོ དྷ་མྨ་དྷཱ་ཏཱུ་ཏི?
དྷ་མྨ་དྷཱ་ཏུཾ ཋ་པེ་ཏྭཱ ཨ་ཝ་སེ་སོ དྷ་མྨོ, ན དྷ་མྨ་དྷཱ་ཏུ. དྷ་མྨ་དྷཱ་ཏུ དྷ་མྨོ ཙེ་ཝ དྷ་མྨ་དྷཱ་ཏུ ཙ.
(ཁ) དྷ་མྨ་དྷཱ་ཏུ དྷ་མྨོ་ཏི? ཨཱ་མ་ནྟཱ.
(ཁ) པ་ཙྩ་ནཱི་ཀཾ
༡༡. (ཀ) ན ཙ་ཀྑུ ན ཙ་ཀྑུ་དྷཱ་ཏཱུ་ཏི? ཨཱ་མ་ནྟཱ.
(ཁ) ན ཙ་ཀྑུ་དྷཱ་ཏུ ན ཙ་ཀྑཱུ་ཏི?
དི་བྦ་ཙ་ཀྑུ པ་ཉྙཱ་ཙ་ཀྑུ ན ཙ་ཀྑུ་དྷཱ་ཏུ, ཙ་ཀྑུ. ཙ་ཀྑུ་ཉྩ ཙ་ཀྑུ་དྷཱ་ཏུ་ཉྩ ཋ་པེ་ཏྭཱ ཨ་ཝ་སེ་སཾ ན ཙེ་ཝ ཙ་ཀྑུ ན ཙ ཙ་ཀྑུ་དྷཱ་ཏུ.
(ཀ) ན སོ་ཏཾ ན སོ་ཏ་དྷཱ་ཏཱུ་ཏི? ཨཱ་མ་ནྟཱ.
(ཁ) ན སོ་ཏ་དྷཱ་ཏུ ན སོ་ཏ་ནྟི?
དི་བྦ་སོ་ཏཾ ཏ་ཎྷཱ་སོ་ཏཾ ན སོ་ཏ་དྷཱ་ཏུ, སོ་ཏཾ. སོ་ཏ་ཉྩ སོ་ཏ་དྷཱ་ཏུ་ཉྩ ཋ་པེ་ཏྭཱ ཨ་ཝ་སེ་སཾ ན ཙེ་ཝ སོ་ཏཾ ན ཙ སོ་ཏ་དྷཱ་ཏུ.
(ཀ) ན གྷཱ་ནཾ ན གྷཱ་ན་དྷཱ་ཏཱུ་ཏི? ཨཱ་མ་ནྟཱ.
(ཁ) ན གྷཱ་ན་དྷཱ་ཏུ ན གྷཱ་ན་ནྟི? ཨཱ་མ་ནྟཱ.
ན ཛི་ཝ྄ཧཱ… (སཾ་ཁི་ཏྟཾ [ཡཾ སཾ་ཁི་ཏྟཾ (སྱཱ.)], ཨུ་བྷ་ཏོ ཨཱ་མ་ནྟཱ).
(ཀ) ན ཀཱ་ཡོ ན ཀཱ་ཡ་དྷཱ་ཏཱུ་ཏི? ཨཱ་མ་ནྟཱ.
(ཁ) ན ཀཱ་ཡ་དྷཱ་ཏུ ན ཀཱ་ཡོ་ཏི?
ཀཱ་ཡ་དྷཱ་ཏུཾ ཋ་པེ་ཏྭཱ ཨ་ཝ་སེ་སོ ན ཀཱ་ཡ་དྷཱ་ཏུ, ཀཱ་ཡོ. ཀཱ་ཡ་ཉྩ ཀཱ་ཡ་དྷཱ་ཏུ་ཉྩ ཋ་པེ་ཏྭཱ ཨ་ཝ་སེ་སོ [ཨ་ཝ་སེ་སོ ཀཱ་ཡོ (སྱཱ.)] ན ཙེ་ཝ ཀཱ་ཡོ ན ཙ ཀཱ་ཡ་དྷཱ་ཏུ.
(ཀ) ན རཱུ་པཾ ན རཱུ་པ་དྷཱ་ཏཱུ་ཏི? ཨཱ་མ་ནྟཱ.
(ཁ) ན རཱུ་པ་དྷཱ་ཏུ ན རཱུ་པ་ནྟི?
རཱུ་པ་དྷཱ་ཏུཾ ཋ་པེ་ཏྭཱ ཨ་ཝ་སེ་སཾ ན རཱུ་པ་དྷཱ་ཏུ, རཱུ་པཾ. རཱུ་པ་ཉྩ རཱུ་པ་དྷཱ་ཏུ་ཉྩ ཋ་པེ་ཏྭཱ ཨ་ཝ་སེ་སཾ ན ཙེ་ཝ རཱུ་པཾ ན ཙ རཱུ་པ་དྷཱ་ཏུ.
ན ས་དྡོ…པེ… ན ག་ནྡྷོ ན ག་ནྡྷ་དྷཱ་ཏཱུ་ཏི? ཨཱ་མ་ནྟཱ.
ན ག་ནྡྷ་དྷཱ་ཏུ ན ག་ནྡྷོ་ཏི?
སཱི་ལ་ག་ནྡྷོ ས་མཱ་དྷི་ག་ནྡྷོ པ་ཉྙཱ་ག་ནྡྷོ ན ག་ནྡྷ་དྷཱ་ཏུ, ག་ནྡྷོ. ག་ནྡྷ་ཉྩ ག་ནྡྷ་དྷཱ་ཏུ་ཉྩ ཋ་པེ་ཏྭཱ ཨ་ཝ་སེ་སོ ན ཙེ་ཝ ག་ནྡྷོ ན ཙ ག་ནྡྷ་དྷཱ་ཏུ.
(ཀ) ན ར་སོ ན ར་ས་དྷཱ་ཏཱུ་ཏི? ཨཱ་མ་ནྟཱ.
(ཁ) ན ར་ས་དྷཱ་ཏུ ན ར་སོ་ཏི?
ཨ་ཏྠ་ར་སོ དྷ་མྨ་ར་སོ ཝི་མུ་ཏྟི་ར་སོ ན ར་ས་དྷཱ་ཏུ, ར་སོ. ར་ས་ཉྩ ར་ས་དྷཱ་ཏུ་ཉྩ ཋ་པེ་ཏྭཱ ཨ་ཝ་སེ་སོ ན ཙེ་ཝ ར་སོ ན ཙ ར་ས་དྷཱ་ཏུ.
ན ཕོ་ཊྛ་བྦོ…པེ… ན ཙ་ཀྑུ་ཝི་ཉྙཱ་ཎཾ ན ཙ་ཀྑུ་ཝི་ཉྙཱ་ཎ་དྷཱ་ཏཱུ་ཏི? ཨཱ་མ་ནྟཱ.
ན ཙ་ཀྑུ་ཝི་ཉྙཱ་ཎ་དྷཱ་ཏུ ན ཙ་ཀྑུ་ཝི་ཉྙཱ་ཎ་ནྟི? ཨཱ་མ་ནྟཱ.
ན སོ་ཏ་ཝི་ཉྙཱ་ཎཾ…པེ… ན གྷཱ་ན་ཝི་ཉྙཱ་ཎཾ… ན ཛི་ཝ྄ཧཱ་ཝི་ཉྙཱ་ཎཾ… ན ཀཱ་ཡ་ཝི་ཉྙཱ་ཎཾ….
(ཀ) ན མ་ནོ ན མ་ནོ་དྷཱ་ཏཱུ་ཏི? ཨཱ་མ་ནྟཱ.
(ཁ) ན མ་ནོ་དྷཱ་ཏུ ན མ་ནོ་ཏི?
མ་ནོ་དྷཱ་ཏུཾ ཋ་པེ་ཏྭཱ ཨ་ཝ་སེ་སོ ན མ་ནོ་དྷཱ་ཏུ, མ་ནོ. མ་ན་ཉྩ མ་ནོ་དྷཱ་ཏུ་ཉྩ ཋ་པེ་ཏྭཱ ཨ་ཝ་སེ་སོ ན ཙེ་ཝ མ་ནོ ན ཙ མ་ནོ་དྷཱ་ཏུ.
(ཀ) ན མ་ནོ་ཝི་ཉྙཱ་ཎཾ ན མ་ནོ་ཝི་ཉྙཱ་ཎ་དྷཱ་ཏཱུ་ཏི? ཨཱ་མ་ནྟཱ.
(ཁ) ན མ་ནོ་ཝི་ཉྙཱ་ཎ་དྷཱ་ཏུ ན མ་ནོ་ཝི་ཉྙཱ་ཎ་ནྟི? ཨཱ་མ་ནྟཱ.
(ཀ) ན དྷ་མྨོ ན དྷ་མྨ་དྷཱ་ཏཱུ་ཏི? ཨཱ་མ་ནྟཱ.
(ཁ) ན དྷ་མྨ་དྷཱ་ཏུ ན དྷ་མྨོ་ཏི?
དྷ་མྨ་དྷཱ་ཏུཾ ཋ་པེ་ཏྭཱ ཨ་ཝ་སེ་སོ ན དྷ་མྨ་དྷཱ་ཏུ, དྷ་མྨོ. དྷ་མྨ་ཉྩ དྷ་མྨ་དྷཱ་ཏུ་ཉྩ ཋ་པེ་ཏྭཱ ཨ་ཝ་སེ་སོ ན ཙེ་ཝ དྷ་མྨོ ན ཙ དྷ་མྨ་དྷཱ་ཏུ.