༡. པ་ད་སོ་དྷ་ན་ཝཱ་རོ
(ཀ) ཨ་ནུ་ལོ་མཾ
༡༠. (ཀ) ཙ་ཀྑུ ཙ་ཀྑཱ་ཡ་ཏ་ན་ནྟི?
དི་བྦ་ཙ་ཀྑུ པ་ཉྙཱ་ཙ་ཀྑུ ཙ་ཀྑུ, ན ཙ་ཀྑཱ་ཡ་ཏ་ནཾ. ཙ་ཀྑཱ་ཡ་ཏ་ནཾ ཙ་ཀྑུ ཙེ་ཝ ཙ་ཀྑཱ་ཡ་ཏ་ན་ཉྩ.
(ཁ) ཙ་ཀྑཱ་ཡ་ཏ་ནཾ ཙ་ཀྑཱུ་ཏི? ཨཱ་མ་ནྟཱ.
(ཀ) སོ་ཏཾ སོ་ཏཱ་ཡ་ཏ་ན་ནྟི?
དི་བྦ་སོ་ཏཾ ཏ་ཎྷཱ་སོ་ཏཾ སོ་ཏཾ, ན སོ་ཏཱ་ཡ་ཏ་ནཾ. སོ་ཏཱ་ཡ་ཏ་ནཾ སོ་ཏ་ཉྩེ་ཝ སོ་ཏཱ་ཡ་ཏ་ན་ཉྩ.
(ཁ) སོ་ཏཱ་ཡ་ཏ་ནཾ སོ་ཏ་ནྟི? ཨཱ་མ་ནྟཱ.
(ཀ) གྷཱ་ནཾ གྷཱ་ནཱ་ཡ་ཏ་ན་ནྟི? ཨཱ་མ་ནྟཱ.
(ཁ) གྷཱ་ནཱ་ཡ་ཏ་ནཾ གྷཱ་ན་ནྟི? ཨཱ་མ་ནྟཱ.
(ཀ) ཛི་ཝ྄ཧཱ ཛི་ཝ྄ཧཱ་ཡ་ཏ་ན་ནྟི? ཨཱ་མ་ནྟཱ.
(ཁ) ཛི་ཝ྄ཧཱ་ཡ་ཏ་ནཾ ཛི་ཝ྄ཧཱ་ཏི? ཨཱ་མ་ནྟཱ.
(ཀ) ཀཱ་ཡོ ཀཱ་ཡཱ་ཡ་ཏ་ན་ནྟི?
ཀཱ་ཡཱ་ཡ་ཏ་ནཾ ཋ་པེ་ཏྭཱ ཨ་ཝ་སེ་སོ ཀཱ་ཡོ, ན ཀཱ་ཡཱ་ཡ་ཏ་ནཾ. ཀཱ་ཡཱ་ཡ་ཏ་ནཾ ཀཱ་ཡོ ཙེ་ཝ ཀཱ་ཡཱ་ཡ་ཏ་ན་ཉྩ.
(ཁ) ཀཱ་ཡཱ་ཡ་ཏ་ནཾ ཀཱ་ཡོ་ཏི? ཨཱ་མ་ནྟཱ.
(ཀ) རཱུ་པཾ རཱུ་པཱ་ཡ་ཏ་ན་ནྟི?
རཱུ་པཱ་ཡ་ཏ་ནཾ ཋ་པེ་ཏྭཱ ཨ་ཝ་སེ་སཾ རཱུ་པཾ, ན རཱུ་པཱ་ཡ་ཏ་ནཾ. རཱུ་པཱ་ཡ་ཏ་ནཾ རཱུ་པ་ཉྩེ་ཝ རཱུ་པཱ་ཡ་ཏ་ན་ཉྩ.
(ཁ) རཱུ་པཱ་ཡ་ཏ་ནཾ རཱུ་པ་ནྟི? ཨཱ་མ་ནྟཱ.
(ཀ) ས་དྡོ ས་དྡཱ་ཡ་ཏ་ན་ནྟི? ཨཱ་མ་ནྟཱ.
(ཁ) ས་དྡཱ་ཡ་ཏ་ནཾ ས་དྡོ་ཏི? ཨཱ་མ་ནྟཱ.
(ཀ) ག་ནྡྷོ ག་ནྡྷཱ་ཡ་ཏ་ན་ནྟི?
སཱི་ལ་ག་ནྡྷོ ས་མཱ་དྷི་ག་ནྡྷོ པ་ཉྙཱ་ག་ནྡྷོ ག་ནྡྷོ, ན ག་ནྡྷཱ་ཡ་ཏ་ནཾ. ག་ནྡྷཱ་ཡ་ཏ་ནཾ ག་ནྡྷོ ཙེ་ཝ ག་ནྡྷཱ་ཡ་ཏ་ན་ཉྩ.
(ཁ) ག་ནྡྷཱ་ཡ་ཏ་ནཾ ག་ནྡྷོ་ཏི? ཨཱ་མ་ནྟཱ.
(ཀ) ར་སོ ར་སཱ་ཡ་ཏ་ན་ནྟི?
ཨ་ཏྠ་ར་སོ དྷ་མྨ་ར་སོ ཝི་མུ་ཏྟི་ར་སོ ར་སོ, ན ར་སཱ་ཡ་ཏ་ནཾ. ར་སཱ་ཡ་ཏ་ནཾ ར་སོ ཙེ་ཝ ར་སཱ་ཡ་ཏ་ན་ཉྩ.
(ཁ) ར་སཱ་ཡ་ཏ་ནཾ ར་སོ་ཏི? ཨཱ་མ་ནྟཱ.
(ཀ) ཕོ་ཊྛ་བྦོ ཕོ་ཊྛ་བྦཱ་ཡ་ཏ་ན་ནྟི? ཨཱ་མ་ནྟཱ.
(ཁ) ཕོ་ཊྛ་བྦཱ་ཡ་ཏ་ནཾ ཕོ་ཊྛ་བྦོ་ཏི? ཨཱ་མ་ནྟཱ.
(ཀ) མ་ནོ མ་ནཱ་ཡ་ཏ་ན་ནྟི? ཨཱ་མ་ནྟཱ.
(ཁ) མ་ནཱ་ཡ་ཏ་ནཾ མ་ནོ་ཏི? ཨཱ་མ་ནྟཱ.
(ཀ) དྷ་མྨོ དྷ་མྨཱ་ཡ་ཏ་ན་ནྟི?
དྷ་མྨཱ་ཡ་ཏ་ནཾ ཋ་པེ་ཏྭཱ ཨ་ཝ་སེ་སོ དྷ་མྨོ, ན དྷ་མྨཱ་ཡ་ཏ་ནཾ. དྷ་མྨཱ་ཡ་ཏ་ནཾ དྷ་མྨོ ཙེ་ཝ དྷ་མྨཱ་ཡ་ཏ་ན་ཉྩ.
(ཁ) དྷ་མྨཱ་ཡ་ཏ་ནཾ དྷ་མྨོ་ཏི? ཨཱ་མ་ནྟཱ.
(ཁ) པ་ཙྩ་ནཱི་ཀཾ
༡༡. (ཀ) ན ཙ་ཀྑུ ན ཙ་ཀྑཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན ཙ་ཀྑཱ་ཡ་ཏ་ནཾ ན ཙ་ཀྑཱུ་ཏི?
དི་བྦ་ཙ་ཀྑུ པ་ཉྙཱ་ཙ་ཀྑུ ན ཙ་ཀྑཱ་ཡ་ཏ་ནཾ, ཙ་ཀྑུ. ཙ་ཀྑུ་ཉྩ ཙ་ཀྑཱ་ཡ་ཏ་ན་ཉྩ ཋ་པེ་ཏྭཱ ཨ་ཝ་སེ་སཾ [ཨ་ཝ་སེ་སཱ (སྱཱ. པཱི.)] ན ཙེ་ཝ ཙ་ཀྑུ ན ཙ ཙ་ཀྑཱ་ཡ་ཏ་ནཾ.
(ཀ) ན སོ་ཏཾ ན སོ་ཏཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན སོ་ཏཱ་ཡ་ཏ་ནཾ ན སོ་ཏ་ནྟི?
དི་བྦ་སོ་ཏཾ ཏ་ཎྷཱ་སོ་ཏཾ ན སོ་ཏཱ་ཡ་ཏ་ནཾ, སོ་ཏཾ. སོ་ཏ་ཉྩ སོ་ཏཱ་ཡ་ཏ་ན་ཉྩ ཋ་པེ་ཏྭཱ ཨ་ཝ་སེ་སཾ ན ཙེ་ཝ སོ་ཏཾ ན ཙ སོ་ཏཱ་ཡ་ཏ་ནཾ.
(ཀ) ན གྷཱ་ནཾ ན གྷཱ་ནཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན གྷཱ་ནཱ་ཡ་ཏ་ནཾ ན གྷཱ་ན་ནྟི? ཨཱ་མ་ནྟཱ.
(ཀ) ན ཛི་ཝ྄ཧཱ ན ཛི་ཝ྄ཧཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན ཛི་ཝ྄ཧཱ་ཡ་ཏ་ནཾ ན ཛི་ཝ྄ཧཱ་ཏི? ཨཱ་མ་ནྟཱ.
(ཀ) ན ཀཱ་ཡོ ན ཀཱ་ཡཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན ཀཱ་ཡཱ་ཡ་ཏ་ནཾ ན ཀཱ་ཡོ་ཏི?
ཀཱ་ཡཱ་ཡ་ཏ་ནཾ ཋ་པེ་ཏྭཱ ཨ་ཝ་སེ་སོ ན ཀཱ་ཡཱ་ཡ་ཏ་ནཾ, ཀཱ་ཡོ. ཀཱ་ཡ་ཉྩ ཀཱ་ཡཱ་ཡ་ཏ་ན་ཉྩ ཋ་པེ་ཏྭཱ ཨ་ཝ་སེ་སཾ [ཨ་ཝ་སེ་སོ (སྱཱ.)] ན ཙེ་ཝ ཀཱ་ཡོ ན ཙ ཀཱ་ཡཱ་ཡ་ཏ་ནཾ.
(ཀ) ན རཱུ་པཾ ན རཱུ་པཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན རཱུ་པཱ་ཡ་ཏ་ནཾ ན རཱུ་པ་ནྟི?
རཱུ་པཱ་ཡ་ཏ་ནཾ ཋ་པེ་ཏྭཱ ཨ་ཝ་སེ་སཾ ན རཱུ་པཱ་ཡ་ཏ་ནཾ, རཱུ་པཾ. རཱུ་པ་ཉྩ རཱུ་པཱ་ཡ་ཏ་ན་ཉྩ ཋ་པེ་ཏྭཱ ཨ་ཝ་སེ་སཾ ན ཙེ་ཝ རཱུ་པཾ ན ཙ རཱུ་པཱ་ཡ་ཏ་ནཾ.
(ཀ) ན ས་དྡོ ན ས་དྡཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན ས་དྡཱ་ཡ་ཏ་ནཾ ན ས་དྡོ་ཏི? ཨཱ་མ་ནྟཱ.
(ཀ) ན ག་ནྡྷོ ན ག་ནྡྷཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན ག་ནྡྷཱ་ཡ་ཏ་ནཾ ན ག་ནྡྷོ་ཏི?
སཱི་ལ་ག་ནྡྷོ ས་མཱ་དྷི་ག་ནྡྷོ པ་ཉྙཱ་ག་ནྡྷོ ན ག་ནྡྷཱ་ཡ་ཏ་ནཾ, ག་ནྡྷོ. ག་ནྡྷ་ཉྩ ག་ནྡྷཱ་ཡ་ཏ་ན་ཉྩ ཋ་པེ་ཏྭཱ ཨ་ཝ་སེ་སཾ [ཨ་ཝ་སེ་སཱ (སྱཱ.)] ན ཙེ་ཝ ག་ནྡྷོ ན ཙ ག་ནྡྷཱ་ཡ་ཏ་ནཾ.
(ཀ) ན ར་སོ ན ར་སཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན ར་སཱ་ཡ་ཏ་ནཾ ན ར་སོ་ཏི?
ཨ་ཏྠ་ར་སོ དྷ་མྨ་ར་སོ ཝི་མུ་ཏྟི་ར་སོ ན ར་སཱ་ཡ་ཏ་ནཾ, ར་སོ. ར་ས་ཉྩ ར་སཱ་ཡ་ཏ་ན་ཉྩ ཋ་པེ་ཏྭཱ ཨ་ཝ་སེ་སཾ ན ཙེ་ཝ ར་སོ ན ཙ ར་སཱ་ཡ་ཏ་ནཾ.
(ཀ) ན ཕོ་ཊྛ་བྦོ ན ཕོ་ཊྛ་བྦཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན ཕོ་ཊྛ་བྦཱ་ཡ་ཏ་ནཾ ན ཕོ་ཊྛ་བྦོ་ཏི? ཨཱ་མ་ནྟཱ.
(ཀ) ན མ་ནོ ན མ་ནཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན མ་ནཱ་ཡ་ཏ་ནཾ ན མ་ནོ་ཏི? ཨཱ་མ་ནྟཱ.
(ཀ) ན དྷ་མྨོ ན དྷ་མྨཱ་ཡ་ཏ་ན་ནྟི? ཨཱ་མ་ནྟཱ.
(ཁ) ན དྷ་མྨཱ་ཡ་ཏ་ནཾ ན དྷ་མྨོ་ཏི?
དྷ་མྨཱ་ཡ་ཏ་ནཾ ཋ་པེ་ཏྭཱ ཨ་ཝ་སེ་སོ ན དྷ་མྨཱ་ཡ་ཏ་ནཾ, དྷ་མྨོ. དྷ་མྨ་ཉྩ དྷ་མྨཱ་ཡ་ཏ་ན་ཉྩ ཋ་པེ་ཏྭཱ ཨ་ཝ་སེ་སཾ ན ཙེ་ཝ དྷ་མྨོ ན ཙ དྷ་མྨཱ་ཡ་ཏ་ནཾ.