(༦) ཨ་ཏཱི་ཏཱ་ནཱ་ག་ཏ་ཝཱ་རོ

(ཀ) ཨ་ནུ་ལོ་མ་པུ་གྒ་ལོ

༡༩༦. (ཀ) ཡ་སྶ རཱུ་པ་ཀྑ་ནྡྷོ ཨུ་པྤ་ཛྫི་ཏྠ ཏ་སྶ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷི་སྶ་ཏཱི་ཏི?

པ་རི་ནི་བྦ་ནྟཱ་ནཾ ཏེ་སཾ རཱུ་པ་ཀྑ་ནྡྷོ ཨུ་པྤ་ཛྫི་ཏྠ, ནོ ཙ ཏེ་སཾ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷི་སྶ་ཏི. ཨི་ཏ་རེ་སཾ ཏེ་སཾ རཱུ་པ་ཀྑ་ནྡྷོ ཙ ཨུ་པྤ་ཛྫི་ཏྠ ཝེ་ད་ནཱ་ཀྑ་ནྡྷོ ཙ ནི་རུ་ཛ྄ཛྷི་སྶ་ཏི.

(ཁ) ཡ་སྶ ཝཱ པ་ན ཝེ་ད་ནཱ་ཀྑ་ནྡྷོ ནི་རུ་ཛ྄ཛྷི་སྶ་ཏི ཏ་སྶ རཱུ་པ་ཀྑ་ནྡྷོ ཨུ་པྤ་ཛྫི་ཏྠཱ་ཏི? ཨཱ་མ་ནྟཱ.

༡༩༧. (ཀ) ཡ་སྶ ཝེ་ད་ནཱ་ཀྑ་ནྡྷོ ཨུ་པྤ་ཛྫི་ཏྠ ཏ་སྶ ས་ཉྙཱ་ཀྑ་ནྡྷོ ནི་རུ་ཛ྄ཛྷི་སྶ་ཏཱི་ཏི?

པ་རི་ནི་བྦ་ནྟཱ་ནཾ ཏེ་སཾ ཝེ་ད་ནཱ་ཀྑ་ནྡྷོ ཨུ་པྤ་ཛྫི་ཏྠ, ནོ ཙ ཏེ་སཾ ས་ཉྙཱ་ཀྑ་ནྡྷོ ནི་རུ་ཛ྄ཛྷི་སྶ་ཏི. ཨི་ཏ་རེ་སཾ ཏེ་སཾ ཝེ་ད་ནཱ་ཀྑ་ནྡྷོ ཙ ཨུ་པྤ་ཛྫི་ཏྠ ས་ཉྙཱ་ཀྑ་ནྡྷོ ཙ ནི་རུ་ཛ྄ཛྷི་སྶ་ཏི.

(ཁ) ཡ་སྶ ཝཱ པ་ན ས་ཉྙཱ་ཀྑ་ནྡྷོ ནི་རུ་ཛ྄ཛྷི་སྶ་ཏི ཏ་སྶ ཝེ་ད་ནཱ་ཀྑ་ནྡྷོ ཨུ་པྤ་ཛྫི་ཏྠཱ་ཏི? ཨཱ་མ་ནྟཱ.

(ཁ) ཨ་ནུ་ལོ་མ་ཨོ་ཀཱ་སོ

༡༩༨. ཡ་ཏྠ རཱུ་པ་ཀྑ་ནྡྷོ ཨུ་པྤ་ཛྫི་ཏྠ…པེ….

(ག) ཨ་ནུ་ལོ་མ་པུ་གྒ་ལོ་ཀཱ་སཱ

༡༩༩. (ཀ) ཡ་སྶ ཡ་ཏྠ རཱུ་པ་ཀྑ་ནྡྷོ ཨུ་པྤ་ཛྫི་ཏྠ ཏ་སྶ ཏ་ཏྠ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷི་སྶ་ཏཱི་ཏི?

པ་ཉྩ་ཝོ་ཀཱ་རེ པ་རི་ནི་བྦ་ནྟཱ་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫི་ཏྠ, ནོ ཙ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷི་སྶ་ཏི. ཨི་ཏ་རེ་སཾ པ་ཉྩ་ཝོ་ཀཱ་རཱ་ནཾ ཏེ་སཾ ཏ་ཏྠ རཱུ་པ་ཀྑ་ནྡྷོ ཙ ཨུ་པྤ་ཛྫི་ཏྠ ཝེ་ད་ནཱ་ཀྑ་ནྡྷོ ཙ ནི་རུ་ཛ྄ཛྷི་སྶ་ཏི.

(ཁ) ཡ་སྶ ཝཱ པ་ན ཡ་ཏྠ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷི་སྶ་ཏི ཏ་སྶ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫི་ཏྠཱ་ཏི?

སུ་དྡྷཱ་ཝཱ་སཾ ཨུ་པ་པ་ཛྫ་ནྟཱ་ནཾ ཨ་རཱུ་པཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷི་སྶ་ཏི, ནོ ཙ ཏེ་སཾ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫི་ཏྠ. ཨི་ཏ་རེ་སཾ པ་ཉྩ་ཝོ་ཀཱ་རཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཙ ནི་རུ་ཛ྄ཛྷི་སྶ་ཏི རཱུ་པ་ཀྑ་ནྡྷོ ཙ ཨུ་པྤ་ཛྫི་ཏྠ.

༢༠༠. (ཀ) ཡ་སྶ ཡ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫི་ཏྠ ཏ་སྶ ཏ་ཏྠ ས་ཉྙཱ་ཀྑ་ནྡྷོ ནི་རུ་ཛ྄ཛྷི་སྶ་ཏཱི་ཏི?

པ་རི་ནི་བྦ་ནྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫི་ཏྠ, ནོ ཙ ཏེ་སཾ ཏ་ཏྠ ས་ཉྙཱ་ཀྑ་ནྡྷོ ནི་རུ་ཛ྄ཛྷི་སྶ་ཏི. ཨི་ཏ་རེ་སཾ ཙ་ཏུ་ཝོ་ཀཱ་རཱ་ནཾ པ་ཉྩ་ཝོ་ཀཱ་རཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཙ ཨུ་པྤ་ཛྫི་ཏྠ ས་ཉྙཱ་ཀྑ་ནྡྷོ ཙ ནི་རུ་ཛ྄ཛྷི་སྶ་ཏི.

(ཁ) ཡ་སྶ ཝཱ པ་ན ཡ་ཏྠ ས་ཉྙཱ་ཀྑ་ནྡྷོ ནི་རུ་ཛ྄ཛྷི་སྶ་ཏི ཏ་སྶ ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫི་ཏྠཱ་ཏི?

སུ་དྡྷཱ་ཝཱ་སཾ ཨུ་པ་པ་ཛྫ་ནྟཱ་ནཾ ཏེ་སཾ ཏ་ཏྠ ས་ཉྙཱ་ཀྑ་ནྡྷོ ནི་རུ་ཛ྄ཛྷི་སྶ་ཏི, ནོ ཙ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫི་ཏྠ. ཨི་ཏ་རེ་སཾ ཙ་ཏུ་ཝོ་ཀཱ་རཱ་ནཾ པ་ཉྩ་ཝོ་ཀཱ་རཱ་ནཾ ཏེ་སཾ ཏ་ཏྠ ས་ཉྙཱ་ཀྑ་ནྡྷོ ཙ ནི་རུ་ཛ྄ཛྷི་སྶ་ཏི ཝེ་ད་ནཱ་ཀྑ་ནྡྷོ ཙ ཨུ་པྤ་ཛྫི་ཏྠ.

(གྷ) པ་ཙྩ་ནཱི་ཀ་པུ་གྒ་ལོ

༢༠༡. (ཀ) ཡ་སྶ རཱུ་པ་ཀྑ་ནྡྷོ ནུ་པྤ་ཛྫི་ཏྠ ཏ་སྶ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏཱི་ཏི? ན་ཏྠི.

(ཁ) ཡ་སྶ ཝཱ པ་ན ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏི ཏ་སྶ རཱུ་པ་ཀྑ་ནྡྷོ ནུ་པྤ་ཛྫི་ཏྠཱ་ཏི? ཨུ་པྤ་ཛྫི་ཏྠ.

༢༠༢. (ཀ) ཡ་སྶ ཝེ་ད་ནཱ་ཀྑ་ནྡྷོ ནུ་པྤ་ཛྫི་ཏྠ ཏ་སྶ ས་ཉྙཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏཱི་ཏི? ན་ཏྠི.

(ཁ) ཡ་སྶ ཝཱ པ་ན ས་ཉྙཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏི ཏ་སྶ ཝེ་ད་ནཱ་ཀྑ་ནྡྷོ ནུ་པྤ་ཛྫི་ཏྠཱ་ཏི? ཨུ་པྤ་ཛྫི་ཏྠ.

(ང) པ་ཙྩ་ནཱི་ཀ་ཨོ་ཀཱ་སོ

༢༠༣. ཡ་ཏྠ རཱུ་པ་ཀྑ་ནྡྷོ ནུ་པྤ་ཛྫི་ཏྠ…པེ….

(ཙ) པ་ཙྩ་ནཱི་ཀ་པུ་གྒ་ལོ་ཀཱ་སཱ

༢༠༤. (ཀ) ཡ་སྶ ཡ་ཏྠ རཱུ་པ་ཀྑ་ནྡྷོ ནུ་པྤ་ཛྫི་ཏྠ ཏ་སྶ ཏ་ཏྠ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏཱི་ཏི?

སུ་དྡྷཱ་ཝཱ་སཾ ཨུ་པ་པ་ཛྫ་ནྟཱ་ནཾ ཨ་རཱུ་པཱ་ནཾ ཏེ་སཾ ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫི་ཏྠ, ནོ ཙ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏི. སུ་དྡྷཱ་ཝཱ་སེ པ་རི་ནི་བྦ་ནྟཱ་ནཾ ཨ་རཱུ་པེ པ་རི་ནི་བྦ་ནྟཱ་ནཾ ཏེ་སཾ ཏ་ཏྠ རཱུ་པ་ཀྑ་ནྡྷོ ཙ ནུ་པྤ་ཛྫི་ཏྠ ཝེ་ད་ནཱ་ཀྑ་ནྡྷོ ཙ ན ནི་རུ་ཛ྄ཛྷི་སྶ་ཏི.

(ཁ) ཡ་སྶ ཝཱ པ་ན ཡ་ཏྠ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏི ཏ་སྶ ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫི་ཏྠཱ་ཏི?

པ་ཉྩ་ཝོ་ཀཱ་རེ པ་རི་ནི་བྦ་ནྟཱ་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏི, ནོ ཙ ཏེ་སཾ ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫི་ཏྠ. སུ་དྡྷཱ་ཝཱ་སེ པ་རི་ནི་བྦ་ནྟཱ་ནཾ ཨ་རཱུ་པེ པ་རི་ནི་བྦ་ནྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཙ ན ནི་རུ་ཛ྄ཛྷི་སྶ་ཏི རཱུ་པ་ཀྑ་ནྡྷོ ཙ ནུ་པྤ་ཛྫི་ཏྠ.

༢༠༥. (ཀ) ཡ་སྶ ཡ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫི་ཏྠ ཏ་སྶ ཏ་ཏྠ ས་ཉྙཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏཱི་ཏི?

སུ་དྡྷཱ་ཝཱ་སཾ ཨུ་པ་པ་ཛྫ་ནྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫི་ཏྠ, ནོ ཙ ཏེ་སཾ ཏ་ཏྠ ས་ཉྙཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏི. སུ་དྡྷཱ་ཝཱ་སེ པ་རི་ནི་བྦ་ནྟཱ་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཙ ནུ་པྤ་ཛྫི་ཏྠ ས་ཉྙཱ་ཀྑ་ནྡྷོ ཙ ན ནི་རུ་ཛ྄ཛྷི་སྶ་ཏི.

(ཁ) ཡ་སྶ ཝཱ པ་ན ཡ་ཏྠ ས་ཉྙཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏི ཏ་སྶ ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫི་ཏྠཱ་ཏི?

པ་རི་ནི་བྦ་ནྟཱ་ནཾ ཏེ་སཾ ཏ་ཏྠ ས་ཉྙཱ་ཀྑ་ནྡྷོ ན ནི་རུ་ཛ྄ཛྷི་སྶ་ཏི, ནོ ཙ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫི་ཏྠ. སུ་དྡྷཱ་ཝཱ་སེ པ་རི་ནི་བྦ་ནྟཱ་ནཾ ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ས་ཉྙཱ་ཀྑ་ནྡྷོ ཙ ན ནི་རུ་ཛ྄ཛྷི་སྶ་ཏི ཝེ་ད་ནཱ་ཀྑ་ནྡྷོ ཙ ནུ་པྤ་ཛྫི་ཏྠ.

ཨུ་པྤཱ་ད་ནི་རོ་དྷ་ཝཱ་རོ.

པ་ཝ་ཏྟི་ཝཱ་རོ ནི་ཊྛི་ཏོ.