(༡) པ་ཙྩུ་པྤ་ནྣ་ཝཱ་རོ

(ཀ) ཨ་ནུ་ལོ་མ་པུ་གྒ་ལོ

༡༥༣. (ཀ) ཡ་སྶ རཱུ་པ་ཀྑ་ནྡྷོ ཨུ་པྤ་ཛྫ་ཏི ཏ་སྶ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷ་ཏཱི་ཏི? ནོ.

(ཁ) ཡ་སྶ ཝཱ པ་ན ཝེ་ད་ནཱ་ཀྑ་ནྡྷོ ནི་རུ་ཛ྄ཛྷ་ཏི ཏ་སྶ རཱུ་པ་ཀྑ་ནྡྷོ ཨུ་པྤ་ཛྫ་ཏཱི་ཏི? ནོ.

༡༥༤. (ཀ) ཡ་སྶ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི ཏ་སྶ ས་ཉྙཱ་ཀྑ་ནྡྷོ ནི་རུ་ཛ྄ཛྷ་ཏཱི་ཏི? ནོ.

(ཁ) ཡ་སྶ ཝཱ པ་ན ས་ཉྙཱ་ཀྑ་ནྡྷོ ནི་རུ་ཛ྄ཛྷ་ཏི ཏ་སྶ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏཱི་ཏི? ནོ.

(ཁ) ཨ་ནུ་ལོ་མ་ཨོ་ཀཱ་སོ

༡༥༥. (ཀ) ཡ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏི ཏ་ཏྠ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷ་ཏཱི་ཏི?

ཨ་ས་ཉྙ་ས་ཏྟེ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏི, ནོ ཙ ཏ་ཏྠ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷ་ཏི. པ་ཉྩ་ཝོ་ཀཱ་རེ ཏ་ཏྠ རཱུ་པ་ཀྑ་ནྡྷོ ཙ ཨུ་པྤ་ཛྫ་ཏི ཝེ་ད་ནཱ་ཀྑ་ནྡྷོ ཙ ནི་རུ་ཛ྄ཛྷ་ཏི.

(ཁ) ཡ་ཏྠ ཝཱ པ་ན ཝེ་ད་ནཱ་ཀྑ་ནྡྷོ ནི་རུ་ཛ྄ཛྷ་ཏི ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏཱི་ཏི?

ཨ་རཱུ་པེ ཏ་ཏྠ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷ་ཏི, ནོ ཙ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏི. པ་ཉྩ་ཝོ་ཀཱ་རེ ཏ་ཏྠ ཝེ་ད་ནཱ་ཀྑ་ནྡྷོ ཙ ནི་རུ་ཛ྄ཛྷ་ཏི རཱུ་པ་ཀྑ་ནྡྷོ ཙ ཨུ་པྤ་ཛྫ་ཏི.

༡༥༦. (ཀ) ཡ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི ཏ་ཏྠ ས་ཉྙཱ་ཀྑ་ནྡྷོ ནི་རུ་ཛ྄ཛྷ་ཏཱི་ཏི? ཨཱ་མ་ནྟཱ.

(ཁ) ཡ་ཏྠ ཝཱ པ་ན ས་ཉྙཱ་ཀྑ་ནྡྷོ ནི་རུ་ཛ྄ཛྷ་ཏི ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏཱི་ཏི? ཨཱ་མ་ནྟཱ.

(ག) ཨ་ནུ་ལོ་མ་པུ་གྒ་ལོ་ཀཱ་སཱ

༡༥༧. (ཀ) ཡ་སྶ ཡ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏི ཏ་སྶ ཏ་ཏྠ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷ་ཏཱི་ཏི? ནོ.

(ཁ) ཡ་སྶ ཝཱ པ་ན ཡ་ཏྠ ཝེ་ད་ནཱ་ཀྑ་ནྡྷོ ནི་རུ་ཛ྄ཛྷ་ཏི ཏ་སྶ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏཱི་ཏི? ནོ.

༡༥༨. (ཀ) ཡ་སྶ ཡ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི ཏ་སྶ ཏ་ཏྠ ས་ཉྙཱ་ཀྑ་ནྡྷོ ནི་རུ་ཛ྄ཛྷ་ཏཱི་ཏི? ནོ.

(ཁ) ཡ་སྶ ཝཱ པ་ན ཡ་ཏྠ ས་ཉྙཱ་ཀྑ་ནྡྷོ ནི་རུ་ཛ྄ཛྷ་ཏི ཏ་སྶ ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏཱི་ཏི? ནོ.

(གྷ) པ་ཙྩ་ནཱི་ཀ་པུ་གྒ་ལོ

༡༥༩. (ཀ) ཡ་སྶ རཱུ་པ་ཀྑ་ནྡྷོ ནུ་པྤ་ཛྫ་ཏི ཏ་སྶ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷ་ཏཱི་ཏི?

ཙ་ཏུ་ཝོ་ཀཱ་རཱ པ་ཉྩ་ཝོ་ཀཱ་རཱ ཙ་ཝ་ནྟཱ་ནཾ ཏེ་སཾ རཱུ་པ་ཀྑ་ནྡྷོ ནུ་པྤ་ཛྫ་ཏི, ནོ ཙ ཏེ་སཾ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷ་ཏི. ཨ་རཱུ་པཾ ཨུ་པ་པ་ཛྫ་ནྟཱ་ནཾ ཨ་ས་ཉྙ་ས་ཏྟཱ ཙ་ཝ་ནྟཱ་ནཾ ཏེ་སཾ རཱུ་པ་ཀྑ་ནྡྷོ ཙ ནུ་པྤ་ཛྫ་ཏི ཝེ་ད་ནཱ་ཀྑ་ནྡྷོ ཙ ན ནི་རུ་ཛ྄ཛྷ་ཏི.

(ཁ) ཡ་སྶ ཝཱ པ་ན ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷ་ཏི ཏ་སྶ རཱུ་པ་ཀྑ་ནྡྷོ ནུ་པྤ་ཛྫ་ཏཱི་ཏི?

པ་ཉྩ་ཝོ་ཀཱ་རཾ ཨུ་པ་པ་ཛྫ་ནྟཱ་ནཾ ཨ་ས་ཉྙ་ས་ཏྟཾ ཨུ་པ་པ་ཛྫ་ནྟཱ་ནཾ ཏེ་སཾ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷ་ཏི, ནོ ཙ ཏེ་སཾ རཱུ་པ་ཀྑ་ནྡྷོ ནུ་པྤ་ཛྫ་ཏི. ཨ་རཱུ་པཾ ཨུ་པ་པ་ཛྫ་ནྟཱ་ནཾ ཨ་ས་ཉྙ་ས་ཏྟཱ ཙ་ཝ་ནྟཱ་ནཾ ཏེ་སཾ ཝེ་ད་ནཱ་ཀྑ་ནྡྷོ ཙ ན ནི་རུ་ཛ྄ཛྷ་ཏི རཱུ་པ་ཀྑ་ནྡྷོ ཙ ནུ་པྤ་ཛྫ་ཏི.

༡༦༠. (ཀ) ཡ་སྶ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི ཏ་སྶ ས་ཉྙཱ་ཀྑ་ནྡྷོ ན ནི་རུ་ཛ྄ཛྷ་ཏཱི་ཏི?

ཙ་ཏུ་ཝོ་ཀཱ་རཱ པ་ཉྩ་ཝོ་ཀཱ་རཱ ཙ་ཝ་ནྟཱ་ནཾ ཏེ་སཾ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི, ནོ ཙ ཏེ་སཾ ས་ཉྙཱ་ཀྑ་ནྡྷོ ན ནི་རུ་ཛ྄ཛྷ་ཏི. ཨ་ས་ཉྙ་ས་ཏྟཱ་ནཾ ཏེ་སཾ ཝེ་ད་ནཱ་ཀྑ་ནྡྷོ ཙ ནུ་པྤ་ཛྫ་ཏི ས་ཉྙཱ་ཀྑ་ནྡྷོ ཙ ན ནི་རུ་ཛ྄ཛྷ་ཏི.

(ཁ) ཡ་སྶ ཝཱ པ་ན ས་ཉྙཱ་ཀྑ་ནྡྷོ ན ནི་རུ་ཛ྄ཛྷ་ཏི ཏ་སྶ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏཱི་ཏི?

ཙ་ཏུ་ཝོ་ཀཱ་རཾ པ་ཉྩ་ཝོ་ཀཱ་རཾ ཨུ་པ་པ་ཛྫ་ནྟཱ་ནཾ ཏེ་སཾ ས་ཉྙཱ་ཀྑ་ནྡྷོ ན ནི་རུ་ཛ྄ཛྷ་ཏི, ནོ ཙ ཏེ་སཾ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི. ཨ་ས་ཉྙ་ས་ཏྟཱ་ནཾ ཏེ་སཾ ས་ཉྙཱ་ཀྑ་ནྡྷོ ཙ ན ནི་རུ་ཛ྄ཛྷ་ཏི ཝེ་ད་ནཱ་ཀྑ་ནྡྷོ ཙ ནུ་པྤ་ཛྫ་ཏི.

(ང) པ་ཙྩ་ནཱི་ཀ་ཨོ་ཀཱ་སོ

༡༦༡. (ཀ) ཡ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏི ཏ་ཏྠ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷ་ཏཱི་ཏི? ནི་རུ་ཛ྄ཛྷ་ཏི.

(ཁ) ཡ་ཏྠ ཝཱ པ་ན ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷ་ཏི ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏཱི་ཏི? ཨུ་པྤ་ཛྫ་ཏི.

༡༦༢. (ཀ) ཡ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི ཏ་ཏྠ ས་ཉྙཱ་ཀྑ་ནྡྷོ ན ནི་རུ་ཛ྄ཛྷ་ཏཱི་ཏི? ཨཱ་མ་ནྟཱ.

(ཁ) ཡ་ཏྠ ཝཱ པ་ན ས་ཉྙཱ་ཀྑ་ནྡྷོ ན ནི་རུ་ཛ྄ཛྷ་ཏི ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏཱི་ཏི? ཨཱ་མ་ནྟཱ.

(ཙ) པ་ཙྩ་ནཱི་ཀ་པུ་གྒ་ལོ་ཀཱ་སཱ

༡༦༣. (ཀ) ཡ་སྶ ཡ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏི ཏ་སྶ ཏ་ཏྠ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷ་ཏཱི་ཏི?

ཙ་ཏུ་ཝོ་ཀཱ་རཱ པ་ཉྩ་ཝོ་ཀཱ་རཱ ཙ་ཝ་ནྟཱ་ནཾ ཏེ་སཾ ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏི, ནོ ཙ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷ་ཏི. ཨ་རཱུ་པཾ ཨུ་པ་པ་ཛྫ་ནྟཱ་ནཾ ཨ་ས་ཉྙ་ས་ཏྟཱ ཙ་ཝ་ནྟཱ་ནཾ ཏེ་སཾ ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏི ཝེ་ད་ནཱ་ཀྑ་ནྡྷོ ཙ ན ནི་རུ་ཛ྄ཛྷ་ཏི.

(ཁ) ཡ་སྶ ཝཱ པ་ན ཡ་ཏྠ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷ་ཏི ཏ་སྶ ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏཱི་ཏི?

པ་ཉྩ་ཝོ་ཀཱ་རཾ ཨུ་པ་པ་ཛྫ་ནྟཱ་ནཾ ཨ་ས་ཉྙ་ས་ཏྟཾ ཨུ་པ་པ་ཛྫ་ནྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ན ནི་རུ་ཛ྄ཛྷ་ཏི, ནོ ཙ ཏེ་སཾ ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏི. ཨ་རཱུ་པཾ ཨུ་པ་པ་ཛྫ་ནྟཱ་ནཾ ཨ་ས་ཉྙ་ས་ཏྟཱ ཙ་ཝ་ནྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཙ ན ནི་རུ་ཛ྄ཛྷ་ཏི རཱུ་པ་ཀྑ་ནྡྷོ ཙ ནུ་པྤ་ཛྫ་ཏི.

༡༦༤. (ཀ) ཡ་སྶ ཡ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི ཏ་སྶ ཏ་ཏྠ ས་ཉྙཱ་ཀྑ་ནྡྷོ ན ནི་རུ་ཛ྄ཛྷ་ཏཱི་ཏི?

ཙ་ཏུ་ཝོ་ཀཱ་རཱ པ་ཉྩ་ཝོ་ཀཱ་རཱ ཙ་ཝ་ནྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི, ནོ ཙ ཏེ་སཾ ཏ་ཏྠ ས་ཉྙཱ་ཀྑ་ནྡྷོ ན ནི་རུ་ཛ྄ཛྷ་ཏི. ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཙ ནུ་པྤ་ཛྫ་ཏི ས་ཉྙཱ་ཀྑ་ནྡྷོ ཙ ན ནི་རུ་ཛ྄ཛྷ་ཏི.

(ཁ) ཡ་སྶ ཝཱ པ་ན ཡ་ཏྠ ས་ཉྙཱ་ཀྑ་ནྡྷོ ན ནི་རུ་ཛ྄ཛྷ་ཏི ཏ་སྶ ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏཱི་ཏི?

ཙ་ཏུ་ཝོ་ཀཱ་རཾ པ་ཉྩ་ཝོ་ཀཱ་རཾ ཨུ་པ་པ་ཛྫ་ནྟཱ་ནཾ ཏེ་སཾ ཏ་ཏྠ ས་ཉྙཱ་ཀྑ་ནྡྷོ ན ནི་རུ་ཛ྄ཛྷ་ཏི, ནོ ཙ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི. ཨ་ས་ཉྙ་ས་ཏྟཱ་ནཾ ཏེ་སཾ ཏ་ཏྠ ས་ཉྙཱ་ཀྑ་ནྡྷོ ཙ ན ནི་རུ་ཛ྄ཛྷ་ཏི ཝེ་ད་ནཱ་ཀྑ་ནྡྷོ ཙ ནུ་པྤ་ཛྫ་ཏི.