(༡) པ་ཙྩུ་པྤ་ནྣ་ཝཱ་རོ

(ཀ) ཨ་ནུ་ལོ་མ་པུ་གྒ་ལོ

༥༠. (ཀ) ཡ་སྶ རཱུ་པ་ཀྑ་ནྡྷོ ཨུ་པྤ་ཛྫ་ཏི ཏ་སྶ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏཱི་ཏི?

ཨ་ས་ཉྙ་ས་ཏྟཾ ཨུ་པ་པ་ཛྫ་ནྟཱ་ནཾ ཏེ་སཾ རཱུ་པ་ཀྑ་ནྡྷོ ཨུ་པྤ་ཛྫ་ཏི, ནོ ཙ ཏེ་སཾ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི. པ་ཉྩ་ཝོ་ཀཱ་རཾ ཨུ་པ་པ་ཛྫ་ནྟཱ་ནཾ ཏེ་སཾ རཱུ་པ་ཀྑ་ནྡྷོ ཙ ཨུ་པྤ་ཛྫ་ཏི ཝེ་ད་ནཱ་ཀྑ་ནྡྷོ ཙ ཨུ་པྤ་ཛྫ་ཏི.

(ཁ) ཡ་སྶ ཝཱ པ་ན ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི ཏ་སྶ རཱུ་པ་ཀྑ་ནྡྷོ ཨུ་པྤ་ཛྫ་ཏཱི་ཏི?

ཨ་རཱུ་པཾ ཨུ་པ་པ་ཛྫ་ནྟཱ་ནཾ ཏེ་སཾ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི, ནོ ཙ ཏེ་སཾ རཱུ་པ་ཀྑ་ནྡྷོ ཨུ་པྤ་ཛྫ་ཏི. པ་ཉྩ་ཝོ་ཀཱ་རཾ ཨུ་པ་པ་ཛྫ་ནྟཱ་ནཾ ཏེ་སཾ ཝེ་ད་ནཱ་ཀྑ་ནྡྷོ ཙ ཨུ་པྤ་ཛྫ་ཏི རཱུ་པ་ཀྑ་ནྡྷོ ཙ ཨུ་པྤ་ཛྫ་ཏི.

(ཁ) ཨ་ནུ་ལོ་མ་ཨོ་ཀཱ་སོ

༥༡. (ཀ) ཡ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏི ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏཱི་ཏི?

ཨ་ས་ཉྙ་ས་ཏྟེ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏི, ནོ ཙ ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི. པ་ཉྩ་ཝོ་ཀཱ་རེ ཏ་ཏྠ རཱུ་པ་ཀྑ་ནྡྷོ ཙ ཨུ་པྤ་ཛྫ་ཏི ཝེ་ད་ནཱ་ཀྑ་ནྡྷོ ཙ ཨུ་པྤ་ཛྫ་ཏི.

(ཁ) ཡ་ཏྠ ཝཱ པ་ན ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏཱི་ཏི?

ཨ་རཱུ་པེ ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི, ནོ ཙ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏི. པ་ཉྩ་ཝོ་ཀཱ་རེ ཏ་ཏྠ ཝེ་ད་ནཱ་ཀྑ་ནྡྷོ ཙ ཨུ་པྤ་ཛྫ་ཏི རཱུ་པ་ཀྑ་ནྡྷོ ཙ ཨུ་པྤ་ཛྫ་ཏི.

(ག) ཨ་ནུ་ལོ་མ་པུ་གྒ་ལོ་ཀཱ་སཱ

༥༢. (ཀ) ཡ་སྶ ཡ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏི ཏ་སྶ ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏཱི་ཏི?

ཨ་ས་ཉྙ་ས་ཏྟཾ ཨུ་པ་པ་ཛྫ་ནྟཱ་ནཾ ཏེ་སཾ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏི, ནོ ཙ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི. པ་ཉྩ་ཝོ་ཀཱ་རཾ ཨུ་པ་པ་ཛྫ་ནྟཱ་ནཾ ཏེ་སཾ ཏ་ཏྠ རཱུ་པ་ཀྑ་ནྡྷོ ཙ ཨུ་པྤ་ཛྫ་ཏི ཝེ་ད་ནཱ་ཀྑ་ནྡྷོ ཙ ཨུ་པྤ་ཛྫ་ཏི.

(ཁ) ཡ་སྶ ཝཱ པ་ན ཡ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི ཏ་སྶ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏཱི་ཏི?

ཨ་རཱུ་པཾ ཨུ་པ་པ་ཛྫ་ནྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཨུ་པྤ་ཛྫ་ཏི, ནོ ཙ ཏེ་སཾ ཏ་ཏྠ རཱུ་པ་ཀྑ་ནྡྷོ ཨུ་པྤ་ཛྫ་ཏི. པ་ཉྩ་ཝོ་ཀཱ་རཾ ཨུ་པ་པ་ཛྫ་ནྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཙ ཨུ་པྤ་ཛྫ་ཏི རཱུ་པ་ཀྑ་ནྡྷོ ཙ ཨུ་པྤ་ཛྫ་ཏི.

(གྷ) པ་ཙྩ་ནཱི་ཀ་པུ་གྒ་ལོ

༥༣. (ཀ) ཡ་སྶ རཱུ་པ་ཀྑ་ནྡྷོ ནུ་པྤ་ཛྫ་ཏི ཏ་སྶ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏཱི་ཏི?

ཨ་རཱུ་པཾ ཨུ་པ་པ་ཛྫ་ནྟཱ་ནཾ ཏེ་སཾ རཱུ་པ་ཀྑ་ནྡྷོ ནུ་པྤ་ཛྫ་ཏི, ནོ ཙ ཏེ་སཾ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི. ས་བྦེ་སཾ ཙ་ཝ་ནྟཱ་ནཾ ཏེ་སཾ རཱུ་པ་ཀྑ་ནྡྷོ ཙ ནུ་པྤ་ཛྫ་ཏི ཝེ་ད་ནཱ་ཀྑ་ནྡྷོ ཙ ནུ་པྤ་ཛྫ་ཏི.

(ཁ) ཡ་སྶ ཝཱ པ་ན ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི ཏ་སྶ རཱུ་པ་ཀྑ་ནྡྷོ ནུ་པྤ་ཛྫ་ཏཱི་ཏི?

ཨ་ས་ཉྙ་ས་ཏྟཾ ཨུ་པ་པ་ཛྫ་ནྟཱ་ནཾ ཏེ་སཾ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི, ནོ ཙ ཏེ་སཾ རཱུ་པ་ཀྑ་ནྡྷོ ནུ་པྤ་ཛྫ་ཏི. ས་བྦེ་སཾ ཙ་ཝ་ནྟཱ་ནཾ ཏེ་སཾ ཝེ་ད་ནཱ་ཀྑ་ནྡྷོ ཙ ནུ་པྤ་ཛྫ་ཏི རཱུ་པ་ཀྑ་ནྡྷོ ཙ ནུ་པྤ་ཛྫ་ཏི.

(ང) པ་ཙྩ་ནཱི་ཀ་ཨོ་ཀཱ་སོ

༥༤. (ཀ) ཡ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏི ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏཱི་ཏི? ཨུ་པྤ་ཛྫ་ཏི.

(ཁ) ཡ་ཏྠ ཝཱ པ་ན ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏཱི་ཏི? ཨུ་པྤ་ཛྫ་ཏི.

(ཙ) པ་ཙྩ་ནཱི་ཀ་པུ་གྒ་ལོ་ཀཱ་སཱ

༥༥. (ཀ) ཡ་སྶ ཡ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏི ཏ་སྶ ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏཱི་ཏི?

ཨ་རཱུ་པཾ ཨུ་པ་པ་ཛྫ་ནྟཱ་ནཾ ཏེ་སཾ ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏི, ནོ ཙ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི. ས་བྦེ་སཾ ཙ་ཝ་ནྟཱ་ནཾ ཏེ་སཾ ཏ་ཏྠ རཱུ་པ་ཀྑ་ནྡྷོ ཙ ནུ་པྤ་ཛྫ་ཏི ཝེ་ད་ནཱ་ཀྑ་ནྡྷོ ཙ ནུ་པྤ་ཛྫ་ཏི.

(ཁ) ཡ་སྶ ཝཱ པ་ན ཡ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི ཏ་སྶ ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏཱི་ཏི?

ཨ་ས་ཉྙ་ས་ཏྟཾ ཨུ་པ་པ་ཛྫ་ནྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ནུ་པྤ་ཛྫ་ཏི, ནོ ཙ ཏེ་སཾ ཏ་ཏྠ རཱུ་པ་ཀྑ་ནྡྷོ ནུ་པྤ་ཛྫ་ཏི. ས་བྦེ་སཾ ཙ་ཝ་ནྟཱ་ནཾ ཏེ་སཾ ཏ་ཏྠ ཝེ་ད་ནཱ་ཀྑ་ནྡྷོ ཙ ནུ་པྤ་ཛྫ་ཏི རཱུ་པ་ཀྑ་ནྡྷོ ཙ ནུ་པྤ་ཛྫ་ཏི.