(༤) མཱུ་ལ་མཱུ་ལ་ཀ་ན་ཡོ

༧༡. (ཀ) ཡེ ཀེ་ཙི ཨ་ཀུ་ས་ལཱ དྷ་མྨཱ, ས་བྦེ ཏེ ཨ་ཀུ་ས་ལ་མཱུ་ལ་མཱུ་ལ་ཀཱ་ཏི?

ཨ་ཧེ་ཏུ་ཀཾ ཨ་ཀུ་ས་ལཾ ན ཨ་ཀུ་ས་ལ་མཱུ་ལ་མཱུ་ལ་ཀཾ. ས་ཧེ་ཏུ་ཀཾ ཨ་ཀུ་ས་ལཾ ཨ་ཀུ་ས་ལ་མཱུ་ལ་མཱུ་ལ་ཀཾ.

(ཁ) ཡེ ཝཱ པ་ན ཨ་ཀུ་ས་ལ་མཱུ་ལ་མཱུ་ལ་ཀཱ, ས་བྦེ ཏེ དྷ་མྨཱ ཨ་ཀུ་ས་ལཱ་ཏི?

ཨ་ཀུ་ས་ལ་ས་མུ་ཊྛཱ་ནཾ རཱུ་པཾ ཨ་ཀུ་ས་ལ་མཱུ་ལ་མཱུ་ལ་ཀཾ ན ཨ་ཀུ་ས་ལཾ. ཨ་ཀུ་ས་ལཾ ཨ་ཀུ་ས་ལ་མཱུ་ལ་མཱུ་ལ་ཀ་ཉྩེ་ཝ ཨ་ཀུ་ས་ལ་ཉྩ.

༧༢. (ཀ) ཡེ ཀེ་ཙི ཨ་ཀུ་ས་ལཱ དྷ་མྨཱ, ས་བྦེ ཏེ ཨ་ཀུ་ས་ལ་མཱུ་ལེ་ན ཨེ་ཀ་མཱུ་ལ་མཱུ་ལ་ཀཱ་ཏི?

ཨ་ཧེ་ཏུ་ཀཾ ཨ་ཀུ་ས་ལཾ ཨ་ཀུ་ས་ལ་མཱུ་ལེ་ན ན ཨེ་ཀ་མཱུ་ལ་མཱུ་ལ་ཀཾ. ས་ཧེ་ཏུ་ཀཾ ཨ་ཀུ་ས་ལཾ ཨ་ཀུ་ས་ལ་མཱུ་ལེ་ན ཨེ་ཀ་མཱུ་ལ་མཱུ་ལ་ཀཾ.

(ཁ) ཡེ ཝཱ པ་ན ཨ་ཀུ་ས་ལ་མཱུ་ལེ་ན ཨེ་ཀ་མཱུ་ལ་མཱུ་ལ་ཀཱ, ས་བྦེ ཏེ དྷ་མྨཱ ཨ་ཀུ་ས་ལཱ་ཏི?

ཨ་ཀུ་ས་ལ་ས་མུ་ཊྛཱ་ནཾ རཱུ་པཾ ཨ་ཀུ་ས་ལ་མཱུ་ལེ་ན ཨེ་ཀ་མཱུ་ལ་མཱུ་ལ་ཀཾ, ན ཨ་ཀུ་ས་ལཾ. ཨ་ཀུ་ས་ལཾ ཨ་ཀུ་ས་ལ་མཱུ་ལེ་ན ཨེ་ཀ་མཱུ་ལ་མཱུ་ལ་ཀ་ཉྩེ་ཝ ཨ་ཀུ་ས་ལ་ཉྩ.

༧༣. (ཀ) ཡེ ཀེ་ཙི ཨ་ཀུ་ས་ལ་མཱུ་ལེ་ན ཨེ་ཀ་མཱུ་ལ་མཱུ་ལ་ཀཱ དྷ་མྨཱ, ས་བྦེ ཏེ ཨ་ཀུ་ས་ལ་མཱུ་ལེ་ན ཨ་ཉྙ་མ་ཉྙ་མཱུ་ལ་མཱུ་ལ་ཀཱ་ཏི?

མཱུ་ལཱ་ནི ཡཱ་ནི ཨེ་ཀ་ཏོ ཨུ་པྤ་ཛྫ་ནྟི ཨ་ཀུ་ས་ལ་མཱུ་ལཱ་ནི ཨེ་ཀ་མཱུ་ལ་མཱུ་ལ་ཀཱ་ནི ཙེ་ཝ ཨ་ཉྙ་མ་ཉྙ་མཱུ་ལ་མཱུ་ལ་ཀཱ་ནི ཙ. ཨ་ཝ་སེ་སཱ ཨ་ཀུ་ས་ལ་མཱུ་ལ་ས་ཧ་ཛཱ་ཏཱ དྷ་མྨཱ ཨ་ཀུ་ས་ལ་མཱུ་ལེ་ན ཨེ་ཀ་མཱུ་ལ་མཱུ་ལ་ཀཱ, ན ཙ ཨ་ཉྙ་མ་ཉྙ་མཱུ་ལ་མཱུ་ལ་ཀཱ.

(ཁ) ཡེ ཝཱ པ་ན ཨ་ཀུ་ས་ལ་མཱུ་ལེ་ན ཨ་ཉྙ་མ་ཉྙ་མཱུ་ལ་མཱུ་ལ་ཀཱ, ས་བྦེ ཏེ དྷ་མྨཱ ཨ་ཀུ་ས་ལཱ་ཏི? ཨཱ་མ་ནྟཱ.