༩. ཨི་དྡྷི་པཱ་ད་ཝི་བྷ་ངྒོ
༡. སུ་ཏྟ་ནྟ་བྷཱ་ཛ་ནཱི་ཡཾ
༤༣༡. ཙ་ཏྟཱ་རོ ཨི་དྡྷི་པཱ་དཱ – ཨི་དྷ བྷི་ཀྑུ ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི, ཝཱི་རི་ཡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི, ཙི་ཏྟ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི, ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི.
༡. ཚ་ནྡི་དྡྷི་པཱ་དོ
༤༣༢. ཀ་ཐ་ཉྩ བྷི་ཀྑུ ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི? ཚ་ནྡཾ ཙེ བྷི་ཀྑུ ཨ་དྷི་པ་ཏིཾ ཀ་རི་ཏྭཱ ལ་བྷ་ཏི ས་མཱ་དྷིཾ, ལ་བྷ་ཏི ཙི་ཏྟ་སྶེ་ཀ་གྒ་ཏཾ [ཙི་ཏྟ་སྶ ཨེ་ཀ་གྒ་ཏཾ (སཱི. སྱཱ.)] – ཨ་ཡཾ ཝུ་ཙྩ་ཏི ‘‘ཚ་ནྡ་ས་མཱ་དྷི’’. སོ ཨ་ནུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ ཨ་ནུ་པྤཱ་དཱ་ཡ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི, ཨུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ པ་ཧཱ་ནཱ་ཡ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི, ཨ་ནུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཨུ་པྤཱ་དཱ་ཡ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི, ཨུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཋི་ཏི་ཡཱ ཨ་ས་མྨོ་སཱ་ཡ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ བྷཱ་ཝ་ནཱ་ཡ པཱ་རི་པཱུ་རི་ཡཱ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨི་མེ ཝུ་ཙྩ་ནྟི ‘‘པ་དྷཱ་ན་ས་ངྑཱ་རཱ’’. ཨི་ཏི ཨ་ཡ་ཉྩ ཚ་ནྡ་ས་མཱ་དྷི, ཨི་མེ ཙ པ་དྷཱ་ན་ས་ངྑཱ་རཱ. ཏ་དེ་ཀ་ཛ྄ཛྷཾ ཨ་བྷི་ས་ཉྙ་ཧི་ཏྭཱ ཨ་བྷི་ས་ངྑི་པི་ཏྭཱ ཚ་ནྡ་ས་མཱ་དྷི་པ་དྷཱ་ན་ས་ངྑཱ་རོ་ཏྭེ་ཝ ས་ངྑྱཾ [ས་ངྑཾ (སཱི.)] ག་ཙྪ་ཏི.
༤༣༣. ཏ་ཏྠ ཀ་ཏ་མོ ཚ་ནྡོ? ཡོ ཚ་ནྡོ ཚ་ནྡི་ཀ་ཏཱ ཀ་ཏྟུ་ཀ་མྱ་ཏཱ ཀུ་ས་ལོ དྷ་མྨ་ཙྪ་ནྡོ – ཨ་ཡཾ ཝུ་ཙྩ་ཏི ‘‘ཚ་ནྡོ’’.
ཏ་ཏྠ ཀ་ཏ་མོ ས་མཱ་དྷི? ཡཱ ཙི་ཏྟ་སྶ ཋི་ཏི ས་ཎྛི་ཏི ཨ་ཝ་ཊྛི་ཏི ཨ་ཝི་སཱ་ཧཱ་རོ ཨ་ཝི་ཀྑེ་པོ ཨ་ཝི་སཱ་ཧ་ཊ་མཱ་ན་ས་ཏཱ ས་མ་ཐོ ས་མཱ་དྷི་ནྡྲི་ཡཾ ས་མཱ་དྷི་བ་ལཾ ས་མྨཱ་ས་མཱ་དྷི – ཨ་ཡཾ ཝུ་ཙྩ་ཏི ‘‘ས་མཱ་དྷི’’.
ཏ་ཏྠ ཀ་ཏ་མོ པ་དྷཱ་ན་ས་ངྑཱ་རོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ ནི་ཀྐ་མོ པ་ར་ཀྐ་མོ ཨུ་ཡྻཱ་མོ ཝཱ་ཡཱ་མོ ཨུ་སྶཱ་ཧོ ཨུ་སྶོ་ལ༹ྷཱི ཐཱ་མོ ཋི་ཏི ཨ་སི་ཐི་ལ་པ་ར་ཀྐ་མ་ཏཱ ཨ་ནི་ཀྑི་ཏྟ་ཚ་ནྡ་ཏཱ ཨ་ནི་ཀྑི་ཏྟ་དྷུ་ར་ཏཱ དྷུ་ར་ས་མྤ་གྒཱ་ཧོ ཝཱི་རི་ཡཾ ཝཱི་རི་ཡི་ནྡྲི་ཡཾ ཝཱི་རི་ཡ་བ་ལཾ ས་མྨཱ་ཝཱ་ཡཱ་མོ – ཨ་ཡཾ ཝུ་ཙྩ་ཏི ‘‘པ་དྷཱ་ན་ས་ངྑཱ་རོ’’. ཨི་ཏི ཨི་མི་ནཱ ཙ ཚ་ནྡེ་ན, ཨི་མི་ནཱ ཙ ས་མཱ་དྷི་ནཱ, ཨི་མི་ནཱ ཙ པ་དྷཱ་ན་ས་ངྑཱ་རེ་ན ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏོ’’ཏི.
༤༣༤. ཨི་དྡྷཱི་ཏི. ཡཱ ཏེ་སཾ དྷ་མྨཱ་ནཾ ཨི་དྡྷི ས་མི་དྡྷི ཨི་ཛ྄ཛྷ་ནཱ ས་མི་ཛ྄ཛྷ་ནཱ ལཱ་བྷོ པ་ཊི་ལཱ་བྷོ པ་ཏྟི ས་མྤ་ཏྟི ཕུ་ས་ནཱ ས་ཙྪི་ཀི་རི་ཡཱ ཨུ་པ་ས་མྤ་དཱ.
‘‘ཨི་དྡྷི་པཱ་དོ’’ཏི. ཏ་ཐཱ་བྷཱུ་ཏ་སྶ ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ.
‘‘ཨི་དྡྷི་པཱ་དཾ བྷཱ་ཝེ་ཏཱི’’ཏི. ཏེ དྷ་མྨེ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི. ཏེ་ན ཝུ་ཙྩ་ཏི ‘‘ཨི་དྡྷི་པཱ་དཾ བྷཱ་ཝེ་ཏཱི’’ཏི.
༢. ཝཱི་རི་ཡི་དྡྷི་པཱ་དོ
༤༣༥. ཀ་ཐ་ཉྩ བྷི་ཀྑུ ཝཱི་རི་ཡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི? ཝཱི་རི་ཡཾ ཙེ བྷི་ཀྑུ ཨ་དྷི་པ་ཏིཾ ཀ་རི་ཏྭཱ ལ་བྷ་ཏི ས་མཱ་དྷིཾ ལ་བྷ་ཏི ཙི་ཏྟ་སྶེ་ཀ་གྒ་ཏཾ – ཨ་ཡཾ ཝུ་ཙྩ་ཏི ‘‘ཝཱི་རི་ཡ་ས་མཱ་དྷི’’. སོ ཨ་ནུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ ཨ་ནུ་པྤཱ་དཱ་ཡ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི, ཨུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ པ་ཧཱ་ནཱ་ཡ…པེ… ཨ་ནུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཨུ་པྤཱ་དཱ་ཡ…པེ… ཨུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཋི་ཏི་ཡཱ ཨ་ས་མྨོ་སཱ་ཡ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ བྷཱ་ཝ་ནཱ་ཡ པཱ་རི་པཱུ་རི་ཡཱ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨི་མེ ཝུ་ཙྩ་ནྟི ‘‘པ་དྷཱ་ན་ས་ངྑཱ་རཱ’’. ཨི་ཏི ཨ་ཡ་ཉྩ ཝཱི་རི་ཡ་ས་མཱ་དྷི, ཨི་མེ ཙ པ་དྷཱ་ན་ས་ངྑཱ་རཱ; ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ ཝཱི་རི་ཡ་ས་མཱ་དྷི་པ་དྷཱ་ན་ས་ངྑཱ་རོ་ཏྭེ་ཝ ས་ངྑྱཾ ག་ཙྪ་ཏི.
༤༣༦. ཏ་ཏྠ ཀ་ཏ་མཾ ཝཱི་རི་ཡཾ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ – ཨི་དཾ ཝུ་ཙྩ་ཏི ‘‘ཝཱི་རི་ཡཾ’’.
ཏ་ཏྠ ཀ་ཏ་མོ ས་མཱ་དྷི? ཡཱ ཙི་ཏྟ་སྶ ཋི་ཏི ས་ཎྛི་ཏི ཨ་ཝ་ཊྛི་ཏི ཨ་ཝི་སཱ་ཧཱ་རོ ཨ་ཝི་ཀྑེ་པོ ཨ་ཝི་སཱ་ཧ་ཊ་མཱ་ན་ས་ཏཱ ས་མ་ཐོ ས་མཱ་དྷི་ནྡྲི་ཡཾ ས་མཱ་དྷི་བ་ལཾ ས་མྨཱ་ས་མཱ་དྷི – ཨ་ཡཾ ཝུ་ཙྩ་ཏི ‘‘ས་མཱ་དྷི’’.
ཏ་ཏྠ ཀ་ཏ་མོ པ་དྷཱ་ན་ས་ངྑཱ་རོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ – ཨ་ཡཾ ཝུ་ཙྩ་ཏི ‘‘པ་དྷཱ་ན་ས་ངྑཱ་རོ’’. ཨི་ཏི ཨི་མི་ནཱ ཙ ཝཱི་རི་ཡེ་ན, ཨི་མི་ནཱ ཙ ས་མཱ་དྷི་ནཱ, ཨི་མི་ནཱ ཙ པ་དྷཱ་ན་ས་ངྑཱ་རེ་ན ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཝཱི་རི་ཡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏོ’’ཏི.
༤༣༧. ཨི་དྡྷཱི་ཏི. ཡཱ ཏེ་སཾ དྷ་མྨཱ་ནཾ ཨི་དྡྷི ས་མི་དྡྷི ཨི་ཛ྄ཛྷ་ནཱ ས་མི་ཛ྄ཛྷ་ནཱ ལཱ་བྷོ པ་ཊི་ལཱ་བྷོ པ་ཏྟི ས་མྤ་ཏྟི ཕུ་ས་ནཱ ས་ཙྪི་ཀི་རི་ཡཱ ཨུ་པ་ས་མྤ་དཱ.
ཨི་དྡྷི་པཱ་དོ་ཏི. ཏ་ཐཱ་བྷཱུ་ཏ་སྶ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ.
ཨི་དྡྷི་པཱ་དཾ བྷཱ་ཝེ་ཏཱི་ཏི. ཏེ དྷ་མྨེ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི. ཏེ་ན ཝུ་ཙྩ་ཏི ‘‘ཨི་དྡྷི་པཱ་དཾ བྷཱ་ཝེ་ཏཱི’’ཏི.
༣. ཙི་ཏྟི་དྡྷི་པཱ་དོ
༤༣༨. ཀ་ཐ་ཉྩ བྷི་ཀྑུ ཙི་ཏྟ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི? ཙི་ཏྟཾ ཙེ བྷི་ཀྑུ ཨ་དྷི་པ་ཏིཾ ཀ་རི་ཏྭཱ ལ་བྷ་ཏི ས་མཱ་དྷིཾ ལ་བྷ་ཏི ཙི་ཏྟ་སྶེ་ཀ་གྒ་ཏཾ – ཨ་ཡཾ ཝུ་ཙྩ་ཏི ‘‘ཙི་ཏྟ་ས་མཱ་དྷི’’. སོ ཨ་ནུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ ཨ་ནུ་པྤཱ་དཱ་ཡ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི, ཨུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ པ་ཧཱ་ནཱ་ཡ…པེ… ཨ་ནུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཨུ་པྤཱ་དཱ་ཡ…པེ… ཨུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཋི་ཏི་ཡཱ ཨ་ས་མྨོ་སཱ་ཡ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ བྷཱ་ཝ་ནཱ་ཡ པཱ་རི་པཱུ་རི་ཡཱ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨི་མེ ཝུ་ཙྩ་ནྟི ‘‘པ་དྷཱ་ན་ས་ངྑཱ་རཱ’’. ཨི་ཏི ཨ་ཡ་ཉྩ ཙི་ཏྟ་ས་མཱ་དྷི, ཨི་མེ ཙ པ་དྷཱ་ན་ས་ངྑཱ་རཱ; ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ ཙི་ཏྟ་ས་མཱ་དྷི་པ་དྷཱ་ན་ས་ངྑཱ་རོ་ཏྭེ་ཝ ས་ངྑྱཾ ག་ཙྪ་ཏི.
༤༣༩. ཏ་ཏྠ ཀ་ཏ་མཾ ཙི་ཏྟཾ? ཡཾ ཙི་ཏྟཾ མ་ནོ མཱ་ན་སཾ…པེ… ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཙི་ཏྟཾ’’.
ཏ་ཏྠ ཀ་ཏ་མོ ས་མཱ་དྷི? ཡཱ ཙི་ཏྟ་སྶ ཋི་ཏི ས་ཎྛི་ཏི…པེ… ས་མྨཱ་ས་མཱ་དྷི – ཨ་ཡཾ ཝུ་ཙྩ་ཏི ‘‘ས་མཱ་དྷི’’.
ཏ་ཏྠ ཀ་ཏ་མོ པ་དྷཱ་ན་ས་ངྑཱ་རོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ – ཨ་ཡཾ ཝུ་ཙྩ་ཏི ‘‘པ་དྷཱ་ན་ས་ངྑཱ་རོ’’. ཨི་ཏི ཨི་མི་ནཱ ཙ ཙི་ཏྟེ་ན, ཨི་མི་ནཱ ཙ ས་མཱ་དྷི་ནཱ, ཨི་མི་ནཱ ཙ པ་དྷཱ་ན་ས་ངྑཱ་རེ་ན ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཙི་ཏྟ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏོ’’ཏི.
༤༤༠. ཨི་དྡྷཱི་ཏི. ཡཱ ཏེ་སཾ དྷ་མྨཱ་ནཾ ཨི་དྡྷི ས་མི་དྡྷི ཨི་ཛ྄ཛྷ་ནཱ ས་མི་ཛ྄ཛྷ་ནཱ ལཱ་བྷོ པ་ཊི་ལཱ་བྷོ པ་ཏྟི ས་མྤ་ཏྟི ཕུ་ས་ནཱ ས་ཙྪི་ཀི་རི་ཡཱ ཨུ་པ་ས་མྤ་དཱ.
ཨི་དྡྷི་པཱ་དོ་ཏི. ཏ་ཐཱ་བྷཱུ་ཏ་སྶ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ.
ཨི་དྡྷི་པཱ་དཾ བྷཱ་ཝེ་ཏཱི་ཏི. ཏེ དྷ་མྨེ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི. ཏེ་ན ཝུ་ཙྩ་ཏི ‘‘ཨི་དྡྷི་པཱ་དཾ བྷཱ་ཝེ་ཏཱི’’ཏི.
༤. ཝཱི་མཾ་སི་དྡྷི་པཱ་དོ
༤༤༡. ཀ་ཐ་ཉྩ བྷི་ཀྑུ ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི? ཝཱི་མཾ་སཾ ཙེ བྷི་ཀྑུ ཨ་དྷི་པ་ཏིཾ ཀ་རི་ཏྭཱ ལ་བྷ་ཏི ས་མཱ་དྷིཾ ལ་བྷ་ཏི ཙི་ཏྟ་སྶེ་ཀ་གྒ་ཏཾ – ཨ་ཡཾ ཝུ་ཙྩ་ཏི ‘‘ཝཱི་མཾ་སཱ་ས་མཱ་དྷི’’. སོ ཨ་ནུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ ཨ་ནུ་པྤཱ་དཱ་ཡ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི, ཨུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ པ་ཧཱ་ནཱ་ཡ…པེ… ཨ་ནུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཨུ་པྤཱ་དཱ་ཡ…པེ… ཨུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཋི་ཏི་ཡཱ ཨ་ས་མྨོ་སཱ་ཡ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ བྷཱ་ཝ་ནཱ་ཡ པཱ་རི་པཱུ་རི་ཡཱ ཚ་ནྡཾ ཛ་ནེ་ཏི ཝཱ་ཡ་མ་ཏི ཝཱི་རི་ཡཾ ཨཱ་ར་བྷ་ཏི ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨི་མེ ཝུ་ཙྩ་ནྟི ‘‘པ་དྷཱ་ན་ས་ངྑཱ་རཱ’’. ཨི་ཏི ཨ་ཡ་ཉྩ ཝཱི་མཾ་སཱ་ས་མཱ་དྷི, ཨི་མེ ཙ པ་དྷཱ་ན་ས་ངྑཱ་རཱ; ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་རོ་ཏྭེ་ཝ ས་ངྑྱཾ ག་ཙྪ་ཏི.
༤༤༢. ཏ་ཏྠ ཀ་ཏ་མཱ ཝཱི་མཾ་སཱ? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཝཱི་མཾ་སཱ’’.
ཏ་ཏྠ ཀ་ཏ་མོ ས་མཱ་དྷི? ཡཱ ཙི་ཏྟ་སྶ ཋི་ཏི ས་ཎྛི་ཏི…པེ… ས་མྨཱ་ས་མཱ་དྷི – ཨ་ཡཾ ཝུ་ཙྩ་ཏི ‘‘ས་མཱ་དྷི’’.
ཏ་ཏྠ ཀ་ཏ་མོ པ་དྷཱ་ན་ས་ངྑཱ་རོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ …པེ… ས་མྨཱ་ཝཱ་ཡཱ་མོ – ཨ་ཡཾ ཝུ་ཙྩ་ཏི ‘‘པ་དྷཱ་ན་ས་ངྑཱ་རོ’’. ཨི་ཏི ཨི་མཱ་ཡ ཙ ཝཱི་མཾ་སཱ་ཡ, ཨི་མི་ནཱ ཙ ས་མཱ་དྷི་ནཱ, ཨི་མི་ནཱ ཙ པ་དྷཱ་ན་ས་ངྑཱ་རེ་ན ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏོ’’ཏི.
༤༤༣. ཨི་དྡྷཱི་ཏི. ཡཱ ཏེ་སཾ དྷ་མྨཱ་ནཾ ཨི་དྡྷི ས་མི་དྡྷི ཨི་ཛ྄ཛྷ་ནཱ ས་མི་ཛ྄ཛྷ་ནཱ ལཱ་བྷོ པ་ཊི་ལཱ་བྷོ པ་ཏྟི ས་མྤ་ཏྟི ཕུ་ས་ནཱ ས་ཙྪི་ཀི་རི་ཡཱ ཨུ་པ་ས་མྤ་དཱ.
ཨི་དྡྷི་པཱ་དོ་ཏི. ཏ་ཐཱ་བྷཱུ་ཏ་སྶ ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཁ་ནྡྷོ.
ཨི་དྡྷི་པཱ་དཾ བྷཱ་ཝེ་ཏཱི་ཏི. ཏེ དྷ་མྨེ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི. ཏེ་ན ཝུ་ཙྩ་ཏི ‘‘ཨི་དྡྷི་པཱ་དཾ བྷཱ་ཝེ་ཏཱི’’ཏི.
སུ་ཏྟ་ནྟ་བྷཱ་ཛ་ནཱི་ཡཾ.
༢. ཨ་བྷི་དྷ་མྨ་བྷཱ་ཛ་ནཱི་ཡཾ
༤༤༤. ཙ་ཏྟཱ་རོ ཨི་དྡྷི་པཱ་དཱ – ཨི་དྷ བྷི་ཀྑུ ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི, ཝཱི་རི་ཡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི, ཙི་ཏྟ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི, ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི.
༡. ཚ་ནྡི་དྡྷི་པཱ་དོ
༤༤༥. ཀ་ཐ་ཉྩ བྷི་ཀྑུ ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི.
༤༤༦. ཏ་ཏྠ ཀ་ཏ་མོ ཚ་ནྡོ? ཡོ ཚ་ནྡོ ཚ་ནྡི་ཀ་ཏཱ ཀ་ཏྟུ་ཀ་མྱ་ཏཱ ཀུ་ས་ལོ དྷ་མྨ་ཙྪ་ནྡོ – ཨ་ཡཾ ཝུ་ཙྩ་ཏི ‘‘ཚ་ནྡོ’’.
ཏ་ཏྠ ཀ་ཏ་མོ ས་མཱ་དྷི? ཡཱ ཙི་ཏྟ་སྶ ཋི་ཏི ས་ཎྛི་ཏི…པེ… ས་མྨཱ་ས་མཱ་དྷི ས་མཱ་དྷི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མཱ་དྷི’’.
ཏ་ཏྠ ཀ་ཏ་མོ པ་དྷཱ་ན་ས་ངྑཱ་རོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ ཝཱི་རི་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘པ་དྷཱ་ན་ས་ངྑཱ་རོ’’. ཨི་ཏི ཨི་མི་ནཱ ཙ ཚ་ནྡེ་ན, ཨི་མི་ནཱ ཙ ས་མཱ་དྷི་ནཱ, ཨི་མི་ནཱ ཙ པ་དྷཱ་ན་ས་ངྑཱ་རེ་ན ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏོ’’ཏི.
༤༤༧. ཨི་དྡྷཱི་ཏི. ཡཱ ཏེ་སཾ དྷ་མྨཱ་ནཾ ཨི་དྡྷི ས་མི་དྡྷི ཨི་ཛ྄ཛྷ་ནཱ ས་མི་ཛ྄ཛྷ་ནཱ ལཱ་བྷོ པ་ཊི་ལཱ་བྷོ པ་ཏྟི ས་མྤ་ཏྟི ཕུ་ས་ནཱ ས་ཙྪི་ཀི་རི་ཡཱ ཨུ་པ་ས་མྤ་དཱ.
ཨི་དྡྷི་པཱ་དོ་ཏི. ཏ་ཐཱ་བྷཱུ་ཏ་སྶ ཕ་སྶོ…པེ… པ་གྒཱ་ཧོ ཨ་ཝི་ཀྑེ་པོ.
ཨི་དྡྷི་པཱ་དཾ བྷཱ་ཝེ་ཏཱི་ཏི. ཏེ དྷ་མྨེ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི. ཏེ་ན ཝུ་ཙྩ་ཏི ‘‘ཨི་དྡྷི་པཱ་དཾ བྷཱ་ཝེ་ཏཱི’’ཏི.
༢. ཝཱི་རི་ཡི་དྡྷི་པཱ་དོ
༤༤༨. ཀ་ཐ་ཉྩ བྷི་ཀྑུ ཝཱི་རི་ཡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཝཱི་རི་ཡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི.
༤༤༩. ཏ་ཏྠ ཀ་ཏ་མཾ ཝཱི་རི་ཡཾ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ ཝཱི་རི་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ‘‘ཝཱི་རི་ཡཾ’’.
ཏ་ཏྠ ཀ་ཏ་མོ ས་མཱ་དྷི? ཡཱ ཙི་ཏྟ་སྶ ཋི་ཏི ས་ཎྛི་ཏི…པེ… ས་མྨཱ་ས་མཱ་དྷི ས་མཱ་དྷི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མཱ་དྷི’’.
ཏ་ཏྠ ཀ་ཏ་མོ པ་དྷཱ་ན་ས་ངྑཱ་རོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ ཝཱི་རི་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘པ་དྷཱ་ན་ས་ངྑཱ་རོ’’. ཨི་ཏི ཨི་མི་ནཱ ཙ ཝཱི་རི་ཡེ་ན, ཨི་མི་ནཱ ཙ ས་མཱ་དྷི་ནཱ, ཨི་མི་ནཱ ཙ པ་དྷཱ་ན་ས་ངྑཱ་རེ་ན ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཝཱི་རི་ཡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏོ’’ཏི.
༤༥༠. ཨི་དྡྷཱི་ཏི. ཡཱ ཏེ་སཾ དྷ་མྨཱ་ནཾ ཨི་དྡྷི ས་མི་དྡྷི ཨི་ཛ྄ཛྷ་ནཱ ས་མི་ཛ྄ཛྷ་ནཱ ལཱ་བྷོ པ་ཊི་ལཱ་བྷོ པ་ཏྟི ས་མྤ་ཏྟི ཕུ་ས་ནཱ ས་ཙྪི་ཀི་རི་ཡཱ ཨུ་པ་ས་མྤ་དཱ.
ཨི་དྡྷི་པཱ་དོ་ཏི. ཏ་ཐཱ་བྷཱུ་ཏ་ས ཕ་སྶོ…པེ… པ་གྒཱ་ཧོ ཨ་ཝི་ཀྑེ་པོ.
ཨི་དྡྷི་པཱ་དཾ བྷཱ་ཝེ་ཏཱི་ཏི. ཏེ དྷ་མྨེ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི. ཏེ་ན ཝུ་ཙྩ་ཏི ‘‘ཨི་དྡྷི་པཱ་དཾ བྷཱ་ཝེ་ཏཱི’’ཏི.
༣. ཙི་ཏྟི་དྡྷི་པཱ་དོ
༤༥༡. ཀ་ཐ་ཉྩ བྷི་ཀྑུ ཙི་ཏྟ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཙི་ཏྟ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི.
༤༥༢. ཏ་ཏྠ ཀ་ཏ་མཾ ཙི་ཏྟཾ? ཡཾ ཙི་ཏྟཾ མ་ནོ མཱ་ན་སཾ…པེ… ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཙི་ཏྟཾ’’.
ཏ་ཏྠ ཀ་ཏ་མོ ས་མཱ་དྷི? ཡཱ ཙི་ཏྟ་སྶ ཋི་ཏི ས་ཎྛི་ཏི…པེ… ས་མྨཱ་ས་མཱ་དྷི ས་མཱ་དྷི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མཱ་དྷི’’.
ཏ་ཏྠ ཀ་ཏ་མོ པ་དྷཱ་ན་ས་ངྑཱ་རོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ ཝཱི་རི་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘པ་དྷཱ་ན་ས་ངྑཱ་རོ’’. ཨི་ཏི ཨི་མི་ནཱ ཙ ཙི་ཏྟེ་ན, ཨི་མི་ནཱ ཙ ས་མཱ་དྷི་ནཱ, ཨི་མི་ནཱ ཙ པ་དྷཱ་ན་ས་ངྑཱ་རེ་ན ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཙི་ཏྟ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏོ’’ཏི.
༤༥༣. ཨི་དྡྷཱི་ཏི. ཡཱ ཏེ་སཾ དྷ་མྨཱ་ནཾ ཨི་དྡྷི ས་མི་དྡྷི ཨི་ཛ྄ཛྷ་ནཱ ས་མི་ཛ྄ཛྷ་ནཱ ལཱ་བྷོ པ་ཊི་ལཱ་བྷོ པ་ཏྟི ས་མྤ་ཏྟི ཕུ་ས་ནཱ ས་ཙྪི་ཀི་རི་ཡཱ ཨུ་པ་ས་མྤ་དཱ.
ཨི་དྡྷི་པཱ་དོ་ཏི. ཏ་ཐཱ་བྷཱུ་ཏ་སྶ ཕ་སྶོ…པེ… པ་གྒཱ་ཧོ ཨ་ཝི་ཀྑེ་པོ.
ཨི་དྡྷི་པཱ་དཾ བྷཱ་ཝེ་ཏཱི་ཏི. ཏེ དྷ་མྨེ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི. ཏེ་ན ཝུ་ཙྩ་ཏི ‘‘ཨི་དྡྷི་པཱ་དཾ བྷཱ་ཝེ་ཏཱི’’ཏི.
༤. ཝཱི་མཾ་སི་དྡྷི་པཱ་དོ
༤༥༤. ཀ་ཐ་ཉྩ བྷི་ཀྑུ ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི.
༤༥༥. ཏ་ཏྠ ཀ་ཏ་མཱ ཝཱི་མཾ་སཱ? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ཝཱི་མཾ་སཱ’’.
ཏ་ཏྠ ཀ་ཏ་མོ ས་མཱ་དྷི? ཡཱ ཙི་ཏྟ་སྶ ཋི་ཏི ས་ཎྛི་ཏི…པེ… ས་མྨཱ་ས་མཱ་དྷི ས་མཱ་དྷི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མཱ་དྷི’’.
ཏ་ཏྠ ཀ་ཏ་མོ པ་དྷཱ་ན་ས་ངྑཱ་རོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ ཝཱི་རི་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘པ་དྷཱ་ན་ས་ངྑཱ་རོ’’. ཨི་ཏི ཨི་མཱ་ཡ ཙ ཝཱི་མཾ་སཱ་ཡ, ཨི་མི་ནཱ ཙ ས་མཱ་དྷི་ནཱ, ཨི་མི་ནཱ ཙ པ་དྷཱ་ན་ས་ངྑཱ་རེ་ན ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏོ’’ཏི
༤༥༦. ཨི་དྡྷཱི་ཏི. ཡཱ ཏེ་སཾ དྷ་མྨཱ་ནཾ ཨི་དྡྷི ས་མི་དྡྷི ཨི་ཛ྄ཛྷ་ནཱ ས་མི་ཛ྄ཛྷ་ནཱ ལཱ་བྷོ པ་ཊི་ལཱ་བྷོ པ་ཏྟི ས་མྤ་ཏྟི ཕུ་ས་ནཱ ས་ཙྪི་ཀི་རི་ཡཱ ཨུ་པ་ས་མྤ་དཱ.
ཨི་དྡྷི་པཱ་དོ་ཏི. ཏ་ཐཱ་བྷཱུ་ཏ་སྶ ཕ་སྶོ…པེ… པ་གྒཱ་ཧོ ཨ་ཝི་ཀྑེ་པོ.
ཨི་དྡྷི་པཱ་དཾ བྷཱ་ཝེ་ཏཱི་ཏི. ཏེ དྷ་མྨེ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི. ཏེ་ན ཝུ་ཙྩ་ཏི ‘‘ཨི་དྡྷི་པཱ་དཾ བྷཱ་ཝེ་ཏཱི’’ཏི.
༤༥༧. ཙ་ཏྟཱ་རོ ཨི་དྡྷི་པཱ་དཱ – ཚ་ནྡི་དྡྷི་པཱ་དོ, ཝཱི་རི་ཡི་དྡྷི་པཱ་དོ, ཙི་ཏྟི་དྡྷི་པཱ་དོ, ཝཱི་མཾ་སི་དྡྷི་པཱ་དོ.
༤༥༨. ཏ་ཏྠ ཀ་ཏ་མོ ཚ་ནྡི་དྡྷི་པཱ་དོ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཡོ ཏ་སྨིཾ ས་མ་ཡེ ཚ་ནྡོ ཚ་ནྡི་ཀ་ཏཱ ཀ་ཏྟུ་ཀ་མྱ་ཏཱ ཀུ་ས་ལོ དྷ་མྨ་ཙྪ་ནྡོ – ཨ་ཡཾ ཝུ་ཙྩ་ཏི ‘‘ཚ་ནྡི་དྡྷི་པཱ་དོ’’. ཨ་ཝ་སེ་སཱ དྷ་མྨཱ ཚ་ནྡི་དྡྷི་པཱ་ད་ས་མྤ་ཡུ་ཏྟཱ.
༤༥༩. ཏ་ཏྠ ཀ་ཏ་མོ ཝཱི་རི་ཡི་དྡྷི་པཱ་དོ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཡོ ཏ་སྨིཾ ས་མ་ཡེ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ ཝཱི་རི་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ཝཱི་རི་ཡི་དྡྷི་པཱ་དོ’’. ཨ་ཝ་སེ་སཱ དྷ་མྨཱ ཝཱི་རི་ཡི་དྡྷི་པཱ་ད་ས་མྤ་ཡུ་ཏྟཱ.
༤༦༠. ཏ་ཏྠ ཀ་ཏ་མོ ཙི་ཏྟི་དྡྷི་པཱ་དོ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི …པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ…པེ… ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨ་ཡཾ ཝུ་ཙྩ་ཏི ‘‘ཙི་ཏྟི་དྡྷི་པཱ་དོ’’. ཨ་ཝ་སེ་སཱ དྷ་མྨཱ ཙི་ཏྟི་དྡྷི་པཱ་ད་ས་མྤ་ཡུ་ཏྟཱ.
༤༦༡. ཏ་ཏྠ ཀ་ཏ་མོ ཝཱི་མཾ་སི་དྡྷི་པཱ་དོ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཡཱ ཏ་སྨིཾ ས་མ་ཡེ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ཝཱི་མཾ་སི་དྡྷི་པཱ་དོ’’. ཨ་ཝ་སེ་སཱ དྷ་མྨཱ ཝཱི་མཾ་སི་དྡྷི་པཱ་ད་ས་མྤ་ཡུ་ཏྟཱ.
ཨ་བྷི་དྷ་མྨ་བྷཱ་ཛ་ནཱི་ཡཾ.
༣. པ་ཉྷཱ་པུ་ཙྪ་ཀཾ
༤༦༢. ཙ་ཏྟཱ་རོ ཨི་དྡྷི་པཱ་དཱ – ཨི་དྷ བྷི་ཀྑུ ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི, ཝཱི་རི་ཡ་ས་མཱ་དྷི…པེ… ཙི་ཏྟ་ས་མཱ་དྷི…པེ… ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི.
༤༦༣. ཙ་ཏུ་ནྣཾ ཨི་དྡྷི་པཱ་དཱ་ནཾ ཀ་ཏི ཀུ་ས་ལཱ, ཀ་ཏི ཨ་ཀུ་ས་ལཱ, ཀ་ཏི ཨ་བྱཱ་ཀ་ཏཱ…པེ… ཀ་ཏི ས་ར་ཎཱ, ཀ་ཏི ཨ་ར་ཎཱ?
༡. ཏི་ཀཾ
༤༦༤. ཀུ་ས་ལཱ་ཡེ་ཝ. སི་ཡཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, སི་ཡཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ. ཝི་པཱ་ཀ་དྷ་མྨ་དྷ་མྨཱ. ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡཱ. ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ. སི་ཡཱ ས་ཝི་ཏ་ཀྐ་ས་ཝི་ཙཱ་རཱ, སི་ཡཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ, སི་ཡཱ ཨ་ཝི་ཏ་ཀྐ་ཨ་ཝི་ཙཱ་རཱ. སི་ཡཱ པཱི་ཏི་ས་ཧ་ག་ཏཱ, སི་ཡཱ སུ་ཁ་ས་ཧ་ག་ཏཱ, སི་ཡཱ ཨུ་པེ་ཀྑཱ་ས་ཧ་ག་ཏཱ. ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ. ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. ཨ་པ་ཙ་ཡ་གཱ་མི་ནོ. སེ་ཀྑཱ. ཨ་པྤ་མཱ་ཎཱ. ཨ་པྤ་མཱ་ཎཱ་ར་མྨ་ཎཱ. པ་ཎཱི་ཏཱ. ས་མྨ་ཏྟ་ནི་ཡ་ཏཱ. ན མ་གྒཱ་ར་མྨ་ཎཱ, མ་གྒ་ཧེ་ཏུ་ཀཱ, ན མ་གྒཱ་དྷི་པ་ཏི་ནོ. སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, ན ཝ་ཏྟ་བྦཱ ཨུ་པྤཱ་དི་ནོ་ཏི. སི་ཡཱ ཨ་ཏཱི་ཏཱ, སི་ཡཱ ཨ་ནཱ་ག་ཏཱ, སི་ཡཱ པ་ཙྩུ་པྤ་ནྣཱ. ན ཝ་ཏྟ་བྦཱ ཨ་ཏཱི་ཏཱ་ར་མྨ་ཎཱ་ཏི་པི, ཨ་ནཱ་ག་ཏཱ་ར་མྨ་ཎཱ་ཏི་པི, པ་ཙྩུ་པྤ་ནྣཱ་ར་མྨ་ཎཱ་ཏི་པི. སི་ཡཱ ཨ་ཛ྄ཛྷ་ཏྟཱ, སི་ཡཱ བ་ཧི་དྡྷཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ. བ་ཧི་དྡྷཱ་ར་མྨ་ཎཱ. ཨ་ནི་ད་སྶ་ན་ཨ་པྤ་ཊི་གྷཱ.
༢. དུ་ཀཾ
༤༦༥. ཝཱི་མཾ་སི་དྡྷི་པཱ་དོ ཧེ་ཏུ, ཏ་ཡོ ཨི་དྡྷི་པཱ་དཱ ན ཧེ་ཏཱུ. ས་ཧེ་ཏུ་ཀཱ. ཧེ་ཏུ་ས་མྤ་ཡུ་ཏྟཱ. ཝཱི་མཾ་སི་དྡྷི་པཱ་དོ ཧེ་ཏུ ཙེ་ཝ ས་ཧེ་ཏུ་ཀོ ཙ, ཏ་ཡོ ཨི་དྡྷི་པཱ་དཱ ན ཝ་ཏྟ་བྦཱ ཧེ་ཏཱུ ཙེ་ཝ ས་ཧེ་ཏུ་ཀཱ ཙཱ་ཏི, ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ. ཝཱི་མཾ་སི་དྡྷི་པཱ་དོ ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟོ ཙ, ཏ་ཡོ ཨི་དྡྷི་པཱ་དཱ ན ཝ་ཏྟ་བྦཱ ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙཱ་ཏི, ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ. ཏ་ཡོ ཨི་དྡྷི་པཱ་དཱ ན ཧེ་ཏཱུ ས་ཧེ་ཏུ་ཀཱ, ཝཱི་མཾ་སི་དྡྷི་པཱ་དོ ན ཝ་ཏྟ་བྦོ ན ཧེ་ཏུ ས་ཧེ་ཏུ་ཀོ་ཏི་པི, ན ཧེ་ཏུ ཨ་ཧེ་ཏུ་ཀོ་ཏི་པི. ས་པྤ་ཙྩ་ཡཱ. ས་ངྑ་ཏཱ. ཨ་ནི་ད་སྶ་ནཱ. ཨ་པྤ་ཊི་གྷཱ. ཨ་རཱུ་པཱ. ལོ་ཀུ་ཏྟ་རཱ. ཀེ་ན་ཙི ཝི་ཉྙེ་ཡྻཱ, ཀེ་ན་ཙི ན ཝི་ཉྙེ་ཡྻཱ. ནོ ཨཱ་ས་ཝཱ. ཨ་ནཱ་ས་ཝཱ. ཨཱ་ས་ཝ་ཝི་པྤ་ཡུ་ཏྟཱ. ན ཝ་ཏྟ་བྦཱ ཨཱ་ས་ཝཱ ཙེ་ཝ སཱ་ས་ཝཱ ཙཱ་ཏི་པི, སཱ་ས་ཝཱ ཙེ་ཝ ནོ ཙ ཨཱ་ས་ཝཱ་ཏི་པི. ན ཝ་ཏྟ་བྦཱ ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙཱ་ཏི་པི, ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ་ཏི་པི. ཨཱ་ས་ཝ་ཝི་པྤ་ཡུ་ཏྟཱ. ཨ་ནཱ་ས་ཝཱ.
ནོ སཾ་ཡོ་ཛ་ནཱ…པེ… ནོ ག་ནྠཱ…པེ… ནོ ཨོ་གྷཱ…པེ… ནོ ཡོ་གཱ…པེ… ནོ ནཱི་ཝ་ར་ཎཱ…པེ… ནོ པ་རཱ་མཱ་སཱ…པེ… སཱ་ར་མྨ་ཎཱ. ཏ་ཡོ ཨི་དྡྷི་པཱ་དཱ ནོ ཙི་ཏྟཱ, ཙི་ཏྟི་དྡྷི་པཱ་དོ ཙི་ཏྟཾ. ཏ་ཡོ ཨི་དྡྷི་པཱ་དཱ ཙེ་ཏ་སི་ཀཱ, ཙི་ཏྟི་དྡྷི་པཱ་དོ ཨ་ཙེ་ཏ་སི་ཀོ. ཏ་ཡོ ཨི་དྡྷི་པཱ་དཱ ཙི་ཏྟ་ས་མྤ་ཡུ་ཏྟཱ, ཙི་ཏྟི་དྡྷི་པཱ་དོ ན ཝ་ཏྟ་བྦོ ཙི་ཏྟེ་ན ས་མྤ་ཡུ་ཏྟོ་ཏི་པི, ཙི་ཏྟེ་ན ཝི་པྤ་ཡུ་ཏྟོ་ཏི་པི. ཏ་ཡོ ཨི་དྡྷི་པཱ་དཱ ཙི་ཏྟ་སཾ་ས་ཊྛཱ, ཙི་ཏྟི་དྡྷི་པཱ་དོ ན ཝ་ཏྟ་བྦོ ཙི་ཏྟེ་ན སཾ་ས་ཊྛོ་ཏི་པི, ཙི་ཏྟེ་ན ཝི་སཾ་ས་ཊྛོ་ཏི་པི. ཏ་ཡོ ཨི་དྡྷི་པཱ་དཱ ཙི་ཏྟ་ས་མུ་ཊྛཱ་ནཱ, ཙི་ཏྟི་དྡྷི་པཱ་དོ ནོ ཙི་ཏྟ་ས་མུ་ཊྛཱ་ནོ. ཏ་ཡོ ཨི་དྡྷི་པཱ་དཱ ཙི་ཏྟ་ས་ཧ་བྷུ་ནོ, ཙི་ཏྟི་དྡྷི་པཱ་དོ ནོ ཙི་ཏྟ་ས་ཧ་བྷཱུ. ཏ་ཡོ ཨི་དྡྷི་པཱ་དཱ ཙི་ཏྟཱ་ནུ་པ་རི་ཝ་ཏྟི་ནོ, ཙི་ཏྟི་དྡྷི་པཱ་དོ ནོ ཙི་ཏྟཱ་ནུ་པ་རི་ཝ་ཏྟི. ཏ་ཡོ ཨི་དྡྷི་པཱ་དཱ ཙི་ཏྟ་སཾ་ས་ཊྛ་ས་མུ་ཊྛཱ་ནཱ, ཙི་ཏྟི་དྡྷི་པཱ་དོ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནོ. ཏ་ཡོ ཨི་དྡྷི་པཱ་དཱ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷུ་ནོ, ཙི་ཏྟི་དྡྷི་པཱ་དོ ནོ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷཱུ. ཏ་ཡོ ཨི་དྡྷི་པཱ་དཱ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི་ནོ, ཙི་ཏྟི་དྡྷི་པཱ་དོ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི.
ཏ་ཡོ ཨི་དྡྷི་པཱ་དཱ བཱ་ཧི་རཱ, ཙི་ཏྟི་དྡྷི་པཱ་དོ ཨ་ཛ྄ཛྷ་ཏྟི་ཀོ. ནོ ཨུ་པཱ་དཱ. ཨ་ནུ་པཱ་དི་ནྣཱ. ནོ ཨུ་པཱ་དཱ་ནཱ…པེ… ནོ ཀི་ལེ་སཱ…པེ… ན ད་སྶ་ནེ་ན པ་ཧཱ་ཏ་བྦཱ. ན བྷཱ་ཝ་ནཱ་ཡ པ་ཧཱ་ཏ་བྦཱ. ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ. ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. སི་ཡཱ ས་ཝི་ཏ་ཀྐཱ, སི་ཡཱ ཨ་ཝི་ཏ་ཀྐཱ. སི་ཡཱ ས་ཝི་ཙཱ་རཱ, སི་ཡཱ ཨ་ཝི་ཙཱ་རཱ. སི་ཡཱ ས་པྤཱི་ཏི་ཀཱ, སི་ཡཱ ཨ་པྤཱི་ཏི་ཀཱ. སི་ཡཱ པཱི་ཏི་ས་ཧ་ག་ཏཱ, སི་ཡཱ ན པཱི་ཏི་ས་ཧ་ག་ཏཱ. སི་ཡཱ སུ་ཁ་ས་ཧ་ག་ཏཱ, སི་ཡཱ ན སུ་ཁ་ས་ཧ་ག་ཏཱ. སི་ཡཱ ཨུ་པེ་ཀྑཱ་ས་ཧ་ག་ཏཱ, སི་ཡཱ ན ཨུ་པེ་ཀྑཱ་ས་ཧ་ག་ཏཱ. ན ཀཱ་མཱ་ཝ་ཙ་རཱ. ན རཱུ་པཱ་ཝ་ཙ་རཱ. ན ཨ་རཱུ་པཱ་ཝ་ཙ་རཱ. ཨ་པ་རི་ཡཱ་པ་ནྣཱ. ནི་ཡྻཱ་ནི་ཀཱ. ནི་ཡ་ཏཱ. ཨ་ནུ་ཏྟ་རཱ. ཨ་ར་ཎཱ་ཏི.
པ་ཉྷཱ་པུ་ཙྪ་ཀཾ.
ཨི་དྡྷི་པཱ་ད་ཝི་བྷ་ངྒོ ནི་ཊྛི་ཏོ.