༡. སུ་ཏྟ་ནྟ་བྷཱ་ཛ་ནཱི་ཡཾ
༢༢༥. ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ, ས་ངྑཱ་ར་པ་ཙྩ་ཡཱ ཝི་ཉྙཱ་ཎཾ, ཝི་ཉྙཱ་ཎ་པ་ཙྩ་ཡཱ ནཱ་མ་རཱུ་པཾ, ནཱ་མ་རཱུ་པ་པ་ཙྩ་ཡཱ ས་ལཱ༹་ཡ་ཏ་ནཾ, ས་ལཱ༹་ཡ་ཏ་ན་པ་ཙྩ་ཡཱ ཕ་སྶོ, ཕ་སྶ་པ་ཙྩ་ཡཱ ཝེ་ད་ནཱ, ཝེ་ད་ནཱ་པ་ཙྩ་ཡཱ ཏ་ཎྷཱ, ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ, ཨུ་པཱ་དཱ་ན་པ་ཙྩ་ཡཱ བྷ་ཝོ, བྷ་ཝ་པ་ཙྩ་ཡཱ ཛཱ་ཏི, ཛཱ་ཏི་པ་ཙྩ་ཡཱ ཛ་རཱ་མ་ར་ཎཾ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ས་མྦྷ་ཝ་ནྟི. ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི.
༢༢༦. ཏ་ཏྠ ཀ་ཏ་མཱ ཨ་ཝི་ཛྫཱ? དུ་ཀྑེ ཨ་ཉྙཱ་ཎཾ, དུ་ཀྑ་ས་མུ་ད་ཡེ ཨ་ཉྙཱ་ཎཾ, དུ་ཀྑ་ནི་རོ་དྷེ ཨ་ཉྙཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་ཉྙཱ་ཎཾ – ཨ་ཡཾ ཝུ་ཙྩ་ཏི ‘‘ཨ་ཝི་ཛྫཱ’’.
ཏ་ཏྠ ཀ་ཏ་མེ ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ? པུ་ཉྙཱ་བྷི་ས་ངྑཱ་རོ, ཨ་པུ་ཉྙཱ་བྷི་ས་ངྑཱ་རོ, ཨཱ་ནེ་ཉྫཱ་བྷི་ས་ངྑཱ་རོ, ཀཱ་ཡ་ས་ངྑཱ་རོ, ཝ་ཙཱི་ས་ངྑཱ་རོ, ཙི་ཏྟ་ས་ངྑཱ་རོ.
ཏ་ཏྠ ཀ་ཏ་མོ པུ་ཉྙཱ་བྷི་ས་ངྑཱ་རོ? ཀུ་ས་ལཱ ཙེ་ཏ་ནཱ ཀཱ་མཱ་ཝ་ཙ་རཱ རཱུ་པཱ་ཝ་ཙ་རཱ དཱ་ན་མ་ཡཱ སཱི་ལ་མ་ཡཱ བྷཱ་ཝ་ནཱ་མ་ཡཱ – ཨ་ཡཾ ཝུ་ཙྩ་ཏི ‘‘པུ་ཉྙཱ་བྷི་ས་ངྑཱ་རོ’’.
ཏ་ཏྠ ཀ་ཏ་མོ ཨ་པུ་ཉྙཱ་བྷི་ས་ངྑཱ་རོ? ཨ་ཀུ་ས་ལཱ ཙེ་ཏ་ནཱ ཀཱ་མཱ་ཝ་ཙ་རཱ – ཨ་ཡཾ ཝུ་ཙྩ་ཏི ‘‘ཨ་པུ་ཉྙཱ་བྷི་ས་ངྑཱ་རོ’’.
ཏ་ཏྠ ཀ་ཏ་མོ ཨཱ་ནེ་ཉྫཱ་བྷི་ས་ངྑཱ་རོ? ཀུ་ས་ལཱ ཙེ་ཏ་ནཱ ཨ་རཱུ་པཱ་ཝ་ཙ་རཱ – ཨ་ཡཾ ཝུ་ཙྩ་ཏི ‘‘ཨཱ་ནེ་ཉྫཱ་བྷི་ས་ངྑཱ་རོ’’.
ཏ་ཏྠ ཀ་ཏ་མོ ཀཱ་ཡ་ས་ངྑཱ་རོ? ཀཱ་ཡ་ས་ཉྩེ་ཏ་ནཱ ཀཱ་ཡ་ས་ངྑཱ་རོ, ཝ་ཙཱི་ས་ཉྩེ་ཏ་ནཱ ཝ་ཙཱི་ས་ངྑཱ་རོ, མ་ནོ་ས་ཉྩེ་ཏ་ནཱ ཙི་ཏྟ་ས་ངྑཱ་རོ. ཨི་མེ ཝུ་ཙྩ་ནྟི ‘‘ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ’’.
༢༢༧. ཏ་ཏྠ ཀ་ཏ་མཾ ས་ངྑཱ་ར་པ་ཙྩ་ཡཱ ཝི་ཉྙཱ་ཎཾ? ཙ་ཀྑུ་ཝི་ཉྙཱ་ཎཾ, སོ་ཏ་ཝི་ཉྙཱ་ཎཾ, གྷཱ་ན་ཝི་ཉྙཱ་ཎཾ, ཛི་ཝ྄ཧཱ་ཝི་ཉྙཱ་ཎཾ, ཀཱ་ཡ་ཝི་ཉྙཱ་ཎཾ, མ་ནོ་ཝི་ཉྙཱ་ཎཾ – ཨི་དཾ ཝུ་ཙྩ་ཏི ‘‘ས་ངྑཱ་ར་པ་ཙྩ་ཡཱ ཝི་ཉྙཱ་ཎཾ’’.
༢༢༨. ཏ་ཏྠ ཀ་ཏ་མཾ ཝི་ཉྙཱ་ཎ་པ་ཙྩ་ཡཱ ནཱ་མ་རཱུ་པཾ? ཨ་ཏྠི ནཱ་མཾ, ཨ་ཏྠི རཱུ་པཾ. ཏ་ཏྠ ཀ་ཏ་མཾ ནཱ་མཾ? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ – ཨི་དཾ ཝུ་ཙྩ་ཏི ‘‘ནཱ་མཾ’’. ཏ་ཏྠ ཀ་ཏ་མཾ རཱུ་པཾ? ཙ་ཏྟཱ་རོ མ་ཧཱ་བྷཱུ་ཏཱ, ཙ་ཏུ་ནྣ་ཉྩ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ རཱུ་པཾ – ཨི་དཾ ཝུ་ཙྩ་ཏི ‘‘རཱུ་པཾ’’. ཨི་ཏི ཨི་ད་ཉྩ ནཱ་མཾ, ཨི་ད་ཉྩ རཱུ་པཾ. ཨི་དཾ ཝུ་ཙྩ་ཏི ‘‘ཝི་ཉྙཱ་ཎ་པ་ཙྩ་ཡཱ ནཱ་མ་རཱུ་པཾ’’.
༢༢༩. ཏ་ཏྠ ཀ་ཏ་མཾ ནཱ་མ་རཱུ་པ་པ་ཙྩ་ཡཱ ས་ལཱ༹་ཡ་ཏ་ནཾ? ཙ་ཀྑཱ་ཡ་ཏ་ནཾ, སོ་ཏཱ་ཡ་ཏ་ནཾ, གྷཱ་ནཱ་ཡ་ཏ་ནཾ, ཛི་ཝ྄ཧཱ་ཡ་ཏ་ནཾ, ཀཱ་ཡཱ་ཡ་ཏ་ནཾ, མ་ནཱ་ཡ་ཏ་ནཾ – ཨི་དཾ ཝུ་ཙྩ་ཏི ‘‘ནཱ་མ་རཱུ་པ་པ་ཙྩ་ཡཱ ས་ལཱ༹་ཡ་ཏ་ནཾ’’.
༢༣༠. ཏ་ཏྠ ཀ་ཏ་མོ ས་ལཱ༹་ཡ་ཏ་ན་པ་ཙྩ་ཡཱ ཕ་སྶོ? ཙ་ཀྑུ་ས་མྥ་སྶོ སོ་ཏ་ས་མྥ་སྶོ གྷཱ་ན་ས་མྥ་སྶོ ཛི་ཝ྄ཧཱ་ས་མྥ་སྶོ ཀཱ་ཡ་ས་མྥ་སྶོ མ་ནོ་ས་མྥ་སྶོ – ཨ་ཡཾ ཝུ་ཙྩ་ཏི ‘‘ས་ལཱ༹་ཡ་ཏ་ན་པ་ཙྩ་ཡཱ ཕ་སྶོ’’.
༢༣༡. ཏ་ཏྠ ཀ་ཏ་མཱ ཕ་སྶ་པ་ཙྩ་ཡཱ ཝེ་ད་ནཱ? ཙ་ཀྑུ་ས་མྥ་སྶ་ཛཱ ཝེ་ད་ནཱ, སོ་ཏ་ས་མྥ་སྶ་ཛཱ ཝེ་ད་ནཱ, གྷཱ་ན་ས་མྥ་སྶ་ཛཱ ཝེ་ད་ནཱ, ཛི་ཝ྄ཧཱ་ས་མྥ་སྶ་ཛཱ ཝེ་ད་ནཱ, ཀཱ་ཡ་ས་མྥ་སྶ་ཛཱ ཝེ་ད་ནཱ, མ་ནོ་ས་མྥ་སྶ་ཛཱ ཝེ་ད་ནཱ – ཨ་ཡཾ ཝུ་ཙྩ་ཏི ‘‘ཕ་སྶ་པ་ཙྩ་ཡཱ ཝེ་ད་ནཱ’’.
༢༣༢. ཏ་ཏྠ ཀ་ཏ་མཱ ཝེ་ད་ནཱ་པ་ཙྩ་ཡཱ ཏ་ཎྷཱ? རཱུ་པ་ཏ་ཎྷཱ, ས་དྡ་ཏ་ཎྷཱ, ག་ནྡྷ་ཏ་ཎྷཱ, ར་ས་ཏ་ཎྷཱ, ཕོ་ཊྛ་བྦ་ཏ་ཎྷཱ, དྷ་མྨ་ཏ་ཎྷཱ – ཨ་ཡཾ ཝུ་ཙྩ་ཏི ‘‘ཝེ་ད་ནཱ་པ་ཙྩ་ཡཱ ཏ་ཎྷཱ’’.
༢༣༣. ཏ་ཏྠ ཀ་ཏ་མཾ ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ? ཀཱ་མུ་པཱ་དཱ་ནཾ, དི་ཊྛུ་པཱ་དཱ་ནཾ, སཱི་ལ་བྦ་ཏུ་པཱ་དཱ་ནཾ, ཨ་ཏྟ་ཝཱ་དུ་པཱ་དཱ་ནཾ – ཨི་དཾ ཝུ་ཙྩ་ཏི ‘‘ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ’’.
༢༣༤. ཏ་ཏྠ ཀ་ཏ་མོ ཨུ་པཱ་དཱ་ན་པ་ཙྩ་ཡཱ བྷ་ཝོ? བྷ་ཝོ དུ་ཝི་དྷེ་ན – ཨ་ཏྠི ཀ་མྨ་བྷ་ཝོ, ཨ་ཏྠི ཨུ་པ་པ་ཏྟི་བྷ་ཝོ. ཏ་ཏྠ ཀ་ཏ་མོ ཀ་མྨ་བྷ་ཝོ? པུ་ཉྙཱ་བྷི་ས་ངྑཱ་རོ, ཨ་པུ་ཉྙཱ་བྷི་ས་ངྑཱ་རོ, ཨཱ་ནེ་ཉྫཱ་བྷི་ས་ངྑཱ་རོ – ཨ་ཡཾ ཝུ་ཙྩ་ཏི ‘‘ཀ་མྨ་བྷ་ཝོ’’. ས་བྦ་མྤི བྷ་ཝ་གཱ་མི་ཀ་མྨཾ ཀ་མྨ་བྷ་ཝོ.
ཏ་ཏྠ ཀ་ཏ་མོ ཨུ་པ་པ་ཏྟི་བྷ་ཝོ? ཀཱ་མ་བྷ་ཝོ, རཱུ་པ་བྷ་ཝོ, ཨ་རཱུ་པ་བྷ་ཝོ, ས་ཉྙཱ་བྷ་ཝོ, ཨ་ས་ཉྙཱ་བྷ་ཝོ, ནེ་ཝ་ས་ཉྙཱ་ནཱ་ས་ཉྙཱ་བྷ་ཝོ, ཨེ་ཀ་ཝོ་ཀཱ་ར་བྷ་ཝོ, ཙ་ཏུ་ཝོ་ཀཱ་ར་བྷ་ཝོ, པ་ཉྩ་ཝོ་ཀཱ་ར་བྷ་ཝོ – ཨ་ཡཾ ཝུ་ཙྩ་ཏི ‘‘ཨུ་པ་པ་ཏྟི་བྷ་ཝོ’’. ཨི་ཏི ཨ་ཡ་ཉྩ ཀ་མྨ་བྷ་ཝོ, ཨ་ཡ་ཉྩ ཨུ་པ་པ་ཏྟི་བྷ་ཝོ. ཨ་ཡཾ ཝུ་ཙྩ་ཏི ‘‘ཨུ་པཱ་དཱ་ན་པ་ཙྩ་ཡཱ བྷ་ཝོ’’.
༢༣༥. ཏ་ཏྠ ཀ་ཏ་མཱ བྷ་ཝ་པ་ཙྩ་ཡཱ ཛཱ་ཏི? ཡཱ ཏེ་སཾ ཏེ་སཾ ས་ཏྟཱ་ནཾ ཏ་མྷི ཏ་མྷི ས་ཏྟ་ནི་ཀཱ་ཡེ ཛཱ་ཏི ས་ཉྫཱ་ཏི ཨོ་ཀྐ་ནྟི ཨ་བྷི་ནི་བྦ་ཏྟི, ཁ་ནྡྷཱ་ནཾ པཱ་ཏུ་བྷཱ་ཝོ, ཨཱ་ཡ་ཏ་ནཱ་ནཾ པ་ཊི་ལཱ་བྷོ – ཨ་ཡཾ ཝུ་ཙྩ་ཏི ‘‘བྷ་ཝ་པ་ཙྩ་ཡཱ ཛཱ་ཏི’’.
༢༣༦. ཏ་ཏྠ ཀ་ཏ་མཾ ཛཱ་ཏི་པ་ཙྩ་ཡཱ ཛ་རཱ་མ་ར་ཎཾ? ཨ་ཏྠི ཛ་རཱ, ཨ་ཏྠི མ་ར་ཎཾ. ཏ་ཏྠ ཀ་ཏ་མཱ ཛ་རཱ? ཡཱ ཏེ་སཾ ཏེ་སཾ ས་ཏྟཱ་ནཾ ཏ་མྷི ཏ་མྷི ས་ཏྟ་ནི་ཀཱ་ཡེ ཛ་རཱ ཛཱི་ར་ཎ་ཏཱ ཁ་ཎྜི་ཙྩཾ པཱ་ལི་ཙྩཾ ཝ་ལི་ཏྟ་ཙ་ཏཱ ཨཱ་ཡུ་ནོ སཾ་ཧཱ་ནི ཨི་ནྡྲི་ཡཱ་ནཾ པ་རི་པཱ་ཀོ – ཨ་ཡཾ ཝུ་ཙྩ་ཏི ‘‘ཛ་རཱ’’.
ཏ་ཏྠ ཀ་ཏ་མཾ མ་ར་ཎཾ? ཡཱ ཏེ་སཾ ཏེ་སཾ ས་ཏྟཱ་ནཾ ཏ་མྷཱ ཏ་མྷཱ ས་ཏྟ་ནི་ཀཱ་ཡཱ ཙུ་ཏི ཙ་ཝ་ན་ཏཱ བྷེ་དོ ཨ་ནྟ་ར་དྷཱ་ནཾ མ་ཙྩུ མ་ར་ཎཾ ཀཱ་ལ་ཀི་རི་ཡཱ [ཀཱ་ལཾ་ཀི་རི་ཡཱ (ཀ.)] ཁ་ནྡྷཱ་ནཾ བྷེ་དོ ཀ་ལེ༹་ཝ་ར་སྶ ནི་ཀྑེ་པོ ཛཱི་ཝི་ཏི་ནྡྲི་ཡ་སྶུ་པ་ཙྪེ་དོ – ཨི་དཾ ཝུ་ཙྩ་ཏི ‘‘མ་ར་ཎཾ’’. ཨི་ཏི ཨ་ཡ་ཉྩ ཛ་རཱ, ཨི་ད་ཉྩ མ་ར་ཎཾ. ཨི་དཾ ཝུ་ཙྩ་ཏི ‘‘ཛཱ་ཏི་པ་ཙྩ་ཡཱ ཛ་རཱ་མ་ར་ཎཾ’’.
༢༣༧. ཏ་ཏྠ ཀ་ཏ་མོ སོ་ཀོ? ཉཱ་ཏི་བྱ་ས་ནེ་ན ཝཱ ཕུ་ཊྛ་སྶ, བྷོ་ག་བྱ་ས་ནེ་ན ཝཱ ཕུ་ཊྛ་སྶ, རོ་ག་བྱ་ས་ནེ་ན ཝཱ ཕུ་ཊྛ་སྶ, སཱི་ལ་བྱ་ས་ནེ་ན ཝཱ ཕུ་ཊྛ་སྶ, དི་ཊྛི་བྱ་ས་ནེ་ན ཝཱ ཕུ་ཊྛ་སྶ, ཨ་ཉྙ་ཏ་ར་ཉྙ་ཏ་རེ་ན བྱ་ས་ནེ་ན ས་མ་ནྣཱ་ག་ཏ་སྶ, ཨ་ཉྙ་ཏ་ར་ཉྙ་ཏ་རེ་ན དུ་ཀྑ་དྷ་མྨེ་ན ཕུ་ཊྛ་སྶ སོ་ཀོ སོ་ཙ་ནཱ སོ་ཙི་ཏ་ཏྟཾ ཨ་ནྟོ་སོ་ཀོ ཨ་ནྟོ་པ་རི་སོ་ཀོ ཙེ་ཏ་སོ པ་རི་ཛ྄ཛྷཱ་ཡ་ནཱ དོ་མ་ན་སྶཾ སོ་ཀ་ས་ལླཾ – ཨ་ཡཾ ཝུ་ཙྩ་ཏི ‘‘སོ་ཀོ’’.
༢༣༨. ཏ་ཏྠ ཀ་ཏ་མོ པ་རི་དེ་ཝོ? ཉཱ་ཏི་བྱ་ས་ནེ་ན ཝཱ ཕུ་ཊྛ་སྶ, བྷོ་ག་བྱ་ས་ནེ་ན ཝཱ ཕུ་ཊྛ་སྶ, རོ་ག་བྱ་ས་ནེ་ན ཝཱ ཕུ་ཊྛ་སྶ, སཱི་ལ་བྱ་ས་ནེ་ན ཝཱ ཕུ་ཊྛ་སྶ, དི་ཊྛི་བྱ་ས་ནེ་ན ཝཱ ཕུ་ཊྛ་སྶ, ཨ་ཉྙ་ཏ་ར་ཉྙ་ཏ་རེ་ན བྱ་ས་ནེ་ན ས་མ་ནྣཱ་ག་ཏ་སྶ, ཨ་ཉྙ་ཏ་ར་ཉྙ་ཏ་རེ་ན དུ་ཀྑ་དྷ་མྨེ་ན ཕུ་ཊྛ་སྶ ཨཱ་དེ་ཝོ པ་རི་དེ་ཝོ ཨཱ་དེ་ཝ་ནཱ པ་རི་དེ་ཝ་ནཱ ཨཱ་དེ་ཝི་ཏ་ཏྟཾ པ་རི་དེ་ཝི་ཏ་ཏྟཾ ཝཱ་ཙཱ པ་ལཱ་པོ ཝི་པྤ་ལཱ་པོ ལཱ་ལ་པྤོ ལཱ་ལ་པྤ་ནཱ ལཱ་ལ་པྤི་ཏ་ཏྟཾ – ཨ་ཡཾ ཝུ་ཙྩ་ཏི པ་རི་དེ་ཝོ’’.
༢༣༩. ཏ་ཏྠ ཀ་ཏ་མཾ དུ་ཀྑཾ? ཡཾ ཀཱ་ཡི་ཀཾ ཨ་སཱ་ཏཾ ཀཱ་ཡི་ཀཾ དུ་ཀྑཾ ཀཱ་ཡ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཀཱ་ཡ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དུ་ཀྑཾ’’.
༢༤༠. ཏ་ཏྠ ཀ་ཏ་མཾ དོ་མ་ན་སྶཾ? ཡཾ ཙེ་ཏ་སི་ཀཾ ཨ་སཱ་ཏཾ, ཙེ་ཏ་སི་ཀཾ དུ་ཀྑཾ, ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ, ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དོ་མ་ན་སྶཾ’’.
༢༤༡. ཏ་ཏྠ ཀ་ཏ་མོ ཨུ་པཱ་ཡཱ་སོ? ཉཱ་ཏི་བྱ་ས་ནེ་ན ཝཱ ཕུ་ཊྛ་སྶ, བྷོ་ག་བྱ་ས་ནེ་ན ཝཱ ཕུ་ཊྛ་སྶ, རོ་ག་བྱ་ས་ནེ་ན ཝཱ ཕུ་ཊྛ་སྶ, སཱི་ལ་བྱ་ས་ནེ་ན ཝཱ ཕུ་ཊྛ་སྶ, དི་ཊྛི་བྱ་ས་ནེ་ན ཝཱ ཕུ་ཊྛ་སྶ, ཨ་ཉྙ་ཏ་ར་ཉྙ་ཏ་རེ་ན བྱ་ས་ནེ་ན ས་མ་ནྣཱ་ག་ཏ་སྶ, ཨ་ཉྙ་ཏ་ར་ཉྙ་ཏ་རེ་ན དུ་ཀྑ་དྷ་མྨེ་ན ཕུ་ཊྛ་སྶ ཨཱ་ཡཱ་སོ ཨུ་པཱ་ཡཱ་སོ ཨཱ་ཡཱ་སི་ཏ་ཏྟཾ ཨུ་པཱ་ཡཱ་སི་ཏ་ཏྟཾ – ཨ་ཡཾ ཝུ་ཙྩ་ཏི ‘‘ཨུ་པཱ་ཡཱ་སོ’’.
༢༤༢. ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏཱི་ཏི, ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་ངྒ་ཏི ཧོ་ཏི, ས་མཱ་ག་མོ ཧོ་ཏི, ས་མོ་དྷཱ་ནཾ ཧོ་ཏི, པཱ་ཏུ་བྷཱ་ཝོ ཧོ་ཏི. ཏེ་ན ཝུ་ཙྩ་ཏི ‘‘ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏཱི’’ཏི.
སུ་ཏྟ་ནྟ་བྷཱ་ཛ་ནཱི་ཡཾ.