༩. དི་ཊྛ་སུ་ཏཱ་དི་ད་སྶ་ན་ཝཱ་རོ

༡༠༣༦. པ་ཉྩ་ནྣཾ ཁ་ནྡྷཱ་ནཾ ཀ་ཏི དི་ཊྛཱ, ཀ་ཏི སུ་ཏཱ, ཀ་ཏི མུ་ཏཱ, ཀ་ཏི ཝི་ཉྙཱ་ཏཱ, ཀ་ཏི ན དི་ཊྛཱ ན སུ་ཏཱ ན མུ་ཏཱ ན ཝི་ཉྙཱ་ཏཱ…པེ… ས་ཏྟ་ནྣཾ ཙི་ཏྟཱ་ནཾ ཀ་ཏི དི་ཊྛཱ, ཀ་ཏི སུ་ཏཱ, ཀ་ཏི མུ་ཏཱ, ཀ་ཏི ཝི་ཉྙཱ་ཏཱ, ཀ་ཏི ན དི་ཊྛཱ ན སུ་ཏཱ ན མུ་ཏཱ ན ཝི་ཉྙཱ་ཏཱ?

༡༠༣༧. རཱུ་པ་ཀྑ་ནྡྷོ སི་ཡཱ དི་ཊྛོ, སི་ཡཱ སུ་ཏོ, སི་ཡཱ མུ་ཏོ, སི་ཡཱ ཝི་ཉྙཱ་ཏོ, སི་ཡཱ ན དི་ཊྛོ ན སུ་ཏོ ན མུ་ཏོ, ཝི་ཉྙཱ་ཏོ. ཙ་ཏྟཱ་རོ ཁ་ནྡྷཱ ན དི་ཊྛཱ ན སུ་ཏཱ ན མུ་ཏཱ, ཝི་ཉྙཱ་ཏཱ.

རཱུ་པཱ་ཡ་ཏ་ནཾ དི་ཊྛཾ, ན སུ་ཏཾ ན མུ་ཏཾ, ཝི་ཉྙཱ་ཏཾ. ས་དྡཱ་ཡ་ཏ་ནཾ ན དི་ཊྛཾ, སུ་ཏཾ, ན མུ་ཏཾ, ཝི་ཉྙཱ་ཏཾ. ག་ནྡྷཱ་ཡ་ཏ་ནཾ… ར་སཱ་ཡ་ཏ་ནཾ… ཕོ་ཊྛ་བྦཱ་ཡ་ཏ་ནཾ ན དི་ཊྛཾ ན སུ་ཏཾ, མུ་ཏཾ, ཝི་ཉྙཱ་ཏཾ. ས་ཏྟཱ་ཡ་ཏ་ནཱ ན དི་ཊྛཱ ན སུ་ཏཱ ན མུ་ཏཱ, ཝི་ཉྙཱ་ཏཱ.

རཱུ་པ་དྷཱ་ཏུ དི་ཊྛཱ, ན སུ་ཏཱ ན མུ་ཏཱ, ཝི་ཉྙཱ་ཏཱ. ས་དྡ་དྷཱ་ཏུ ན དི་ཊྛཱ, སུ་ཏཱ, ན མུ་ཏཱ, ཝི་ཉྙཱ་ཏཱ. ག་ནྡྷ་དྷཱ་ཏུ… ར་ས་དྷཱ་ཏུ… ཕོ་ཊྛ་བྦ་དྷཱ་ཏུ ན དི་ཊྛཱ ན སུ་ཏཱ, མུ་ཏཱ, ཝི་ཉྙཱ་ཏཱ. ཏེ་ར་ས དྷཱ་ཏུ་ཡོ ན དི་ཊྛཱ ན སུ་ཏཱ ན མུ་ཏཱ, ཝི་ཉྙཱ་ཏཱ.

ཏཱི་ཎི ས་ཙྩཱ་ནི ན དི་ཊྛཱ ན སུ་ཏཱ ན མུ་ཏཱ, ཝི་ཉྙཱ་ཏཱ. དུ་ཀྑ་ས་ཙྩཾ སི་ཡཱ དི་ཊྛཾ, སི་ཡཱ སུ་ཏཾ, སི་ཡཱ མུ་ཏཾ, སི་ཡཱ ཝི་ཉྙཱ་ཏཾ, སི་ཡཱ ན དི་ཊྛཾ ན སུ་ཏཾ ན མུ་ཏཾ, ཝི་ཉྙཱ་ཏཾ.

བཱ་ཝཱི་ས་ཏི་ནྡྲི་ཡཱ ན དི་ཊྛཱ ན སུ་ཏཱ ན མུ་ཏཱ, ཝི་ཉྙཱ་ཏཱ. ན་ཝ ཧེ་ཏཱུ ན དི་ཊྛཱ ན སུ་ཏཱ ན མུ་ཏཱ, ཝི་ཉྙཱ་ཏཱ. ཙ་ཏྟཱ་རོ ཨཱ་ཧཱ་རཱ ན དི་ཊྛཱ ན སུ་ཏཱ ན མུ་ཏཱ, ཝི་ཉྙཱ་ཏཱ. ས་ཏྟ ཕ་སྶཱ ན དི་ཊྛཱ ན སུ་ཏཱ ན མུ་ཏཱ, ཝི་ཉྙཱ་ཏཱ. ས་ཏྟ ཝེ་ད་ནཱ… ས་ཏྟ ས་ཉྙཱ… ས་ཏྟ ཙེ་ཏ་ནཱ… ས་ཏྟ ཙི་ཏྟཱ ན དི་ཊྛཱ ན སུ་ཏཱ ན མུ་ཏཱ, ཝི་ཉྙཱ་ཏཱ.