༢. རཱུ་པ་དྷཱ་ཏུ
༡༠༡༥. རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏི ཁ་ནྡྷཱ པཱ་ཏུ་བྷ་ཝ་ནྟི…པེ… ཀ་ཏི ཙི་ཏྟཱ་ནི པཱ་ཏུ་བྷ་ཝ་ནྟི?
རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ, ཋ་པེ་ཏྭཱ ཨ་ས་ཉྙ་ས་ཏྟཱ་ནཾ དེ་ཝཱ་ནཾ, པ་ཉྩ་ཀྑ་ནྡྷཱ པཱ་ཏུ་བྷ་ཝ་ནྟི, པ་ཉྩཱ་ཡ་ཏ་ནཱ་ནི པཱ་ཏུ་བྷ་ཝ་ནྟི, པ་ཉྩ དྷཱ་ཏུ་ཡོ པཱ་ཏུ་བྷ་ཝ་ནྟི, ཨེ་ཀཾ ས་ཙྩཾ པཱ་ཏུ་བྷ་ཝ་ཏི, ད་སི་ནྡྲི་ཡཱ་ནི པཱ་ཏུ་བྷ་ཝ་ནྟི, ཏ་ཡོ ཧེ་ཏཱུ པཱ་ཏུ་བྷ་ཝ་ནྟི, ཏ་ཡོ ཨཱ་ཧཱ་རཱ པཱ་ཏུ་བྷ་ཝ་ནྟི, ཨེ་ཀོ ཕ་སྶོ པཱ་ཏུ་བྷ་ཝ་ཏི, ཨེ་ཀཱ ཝེ་ད་ནཱ… ཨེ་ཀཱ ས་ཉྙཱ… ཨེ་ཀཱ ཙེ་ཏ་ནཱ… ཨེ་ཀཾ ཙི་ཏྟཾ པཱ་ཏུ་བྷ་ཝ་ཏི.
༡༠༡༦. རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མེ པ་ཉྩ་ཀྑ་ནྡྷཱ པཱ་ཏུ་བྷ་ཝ་ནྟི? རཱུ་པ་ཀྑ་ནྡྷོ, ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མེ པ་ཉྩ་ཀྑ་ནྡྷཱ པཱ་ཏུ་བྷ་ཝ་ནྟི.
རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མཱ་ནི པ་ཉྩཱ་ཡ་ཏ་ནཱ་ནི པཱ་ཏུ་བྷ་ཝ་ནྟི? ཙ་ཀྑཱ་ཡ་ཏ་ནཾ, རཱུ་པཱ་ཡ་ཏ་ནཾ, སོ་ཏཱ་ཡ་ཏ་ནཾ, མ་ནཱ་ཡ་ཏ་ནཾ, དྷ་མྨཱ་ཡ་ཏ་ནཾ – རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མཱ་ནི པ་ཉྩཱ་ཡ་ཏ་ནཱ་ནི པཱ་ཏུ་བྷ་ཝ་ནྟི.
རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མཱ པ་ཉྩ དྷཱ་ཏུ་ཡོ པཱ་ཏུ་བྷ་ཝ་ནྟི? ཙ་ཀྑུ་དྷཱ་ཏུ, རཱུ་པ་དྷཱ་ཏུ, སོ་ཏ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ, དྷ་མྨ་དྷཱ་ཏུ – རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མཱ པ་ཉྩ དྷཱ་ཏུ་ཡོ པཱ་ཏུ་བྷ་ཝ་ནྟི.
རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མཾ ཨེ་ཀཾ ས་ཙྩཾ པཱ་ཏུ་བྷ་ཝ་ཏི? དུ་ཀྑ་ས་ཙྩཾ – རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་དཾ ཨེ་ཀཾ ས་ཙྩཾ པཱ་ཏུ་བྷ་ཝ་ཏི.
རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མཱ་ནི ད་སི་ནྡྲི་ཡཱ་ནི པཱ་ཏུ་བྷ་ཝ་ནྟི? ཙ་ཀྑུ་ནྡྲི་ཡཾ, སོ་ཏི་ནྡྲི་ཡཾ, མ་ནི་ནྡྲི་ཡཾ, ཛཱི་ཝི་ཏི་ནྡྲི་ཡཾ, སོ་མ་ན་སྶི་ནྡྲི་ཡཾ ཝཱ ཨུ་པེ་ཀྑི་ནྡྲི་ཡཾ ཝཱ, ས་དྡྷི་ནྡྲི་ཡཾ, ཝཱི་རི་ཡི་ནྡྲི་ཡཾ, ས་ཏི་ནྡྲི་ཡཾ, ས་མཱ་དྷི་ནྡྲི་ཡཾ, པ་ཉྙི་ནྡྲི་ཡཾ – རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མཱ་ནི ད་སི་ནྡྲི་ཡཱ་ནི པཱ་ཏུ་བྷ་ཝ་ནྟི.
རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མེ ཏ་ཡོ ཧེ་ཏཱུ པཱ་ཏུ་བྷ་ཝ་ནྟི? ཨ་ལོ་བྷོ ཝི་པཱ་ཀ་ཧེ་ཏུ, ཨ་དོ་སོ ཝི་པཱ་ཀ་ཧེ་ཏུ, ཨ་མོ་ཧོ ཝི་པཱ་ཀ་ཧེ་ཏུ – རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མེ ཏ་ཡོ ཧེ་ཏཱུ པཱ་ཏུ་བྷ་ཝ་ནྟི.
རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མེ ཏ་ཡོ ཨཱ་ཧཱ་རཱ པཱ་ཏུ་བྷ་ཝ་ནྟི? ཕ་སྶཱ་ཧཱ་རོ, མ་ནོ་ས་ཉྩེ་ཏ་ནཱ་ཧཱ་རོ, ཝི་ཉྙཱ་ཎཱ་ཧཱ་རོ – རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མེ ཏ་ཡོ ཨཱ་ཧཱ་རཱ པཱ་ཏུ་བྷ་ཝ་ནྟི.
རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མོ ཨེ་ཀོ ཕ་སྶོ པཱ་ཏུ་བྷ་ཝ་ཏི? མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ – རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨ་ཡཾ ཨེ་ཀོ ཕ་སྶོ པཱ་ཏུ་བྷ་ཝ་ཏི.
རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མཱ ཨེ་ཀཱ ཝེ་ད་ནཱ… ཨེ་ཀཱ ས་ཉྙཱ… ཨེ་ཀཱ ཙེ་ཏ་ནཱ… ཨེ་ཀཾ ཙི་ཏྟཾ པཱ་ཏུ་བྷ་ཝ་ཏི? མ་ནོ་ཝི་ཉྙཱ་ཎ་དྷཱ་ཏུ – རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་དཾ ཨེ་ཀཾ ཙི་ཏྟཾ པཱ་ཏུ་བྷ་ཝ་ཏི.