(༢) ལོ་ཀི་ཡ་དུ་ཀཾ

༡༠༤༤. པ་ཉྩ་ནྣཾ ཁ་ནྡྷཱ་ནཾ ཀ་ཏི ལོ་ཀི་ཡཱ, ཀ་ཏི ལོ་ཀུ་ཏྟ་རཱ? དྭཱ་ད་ས་ནྣཾ ཨཱ་ཡ་ཏ་ནཱ་ནཾ ཀ་ཏི ལོ་ཀི་ཡཱ, ཀ་ཏི ལོ་ཀུ་ཏྟ་རཱ? ཨ་ཊྛཱ་ར་ས་ནྣཾ དྷཱ་ཏཱུ་ནཾ ཀ་ཏི ལོ་ཀི་ཡཱ, ཀ་ཏི ལོ་ཀུ་ཏྟ་རཱ? ཙ་ཏུ་ནྣཾ ས་ཙྩཱ་ནཾ ཀ་ཏི ལོ་ཀི་ཡཱ, ཀ་ཏི ལོ་ཀུ་ཏྟ་རཱ…པེ… ས་ཏྟ་ནྣཾ ཙི་ཏྟཱ་ནཾ ཀ་ཏི ལོ་ཀི་ཡཱ, ཀ་ཏི ལོ་ཀུ་ཏྟ་རཱ?

རཱུ་པ་ཀྑ་ནྡྷོ ལོ་ཀི་ཡོ. ཙ་ཏྟཱ་རོ ཁ་ནྡྷཱ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ. ད་སཱ་ཡ་ཏ་ནཱ ལོ་ཀི་ཡཱ. དྭེ ཨཱ་ཡ་ཏ་ནཱ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ. སོ་ལ༹་ས དྷཱ་ཏུ་ཡོ ལོ་ཀི་ཡཱ. དྭེ དྷཱ་ཏུ་ཡོ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ. དྭེ ས་ཙྩཱ ལོ་ཀི་ཡཱ. དྭེ ས་ཙྩཱ ལོ་ཀུ་ཏྟ་རཱ.

ད་སི་ནྡྲི་ཡཱ ལོ་ཀི་ཡཱ. ཏཱི་ཎི་ནྡྲི་ཡཱ ལོ་ཀུ་ཏྟ་རཱ. ན་ཝི་ནྡྲི་ཡཱ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ. ཏ་ཡོ ཨ་ཀུ་ས་ལ་ཧེ་ཏཱུ ལོ་ཀི་ཡཱ. ཚ ཧེ་ཏཱུ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ. ཀ་བ་ལཱི༹་ཀཱ་རོ ཨཱ་ཧཱ་རོ ལོ་ཀི་ཡོ. ཏ་ཡོ ཨཱ་ཧཱ་རཱ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ. ཚ ཕ་སྶཱ ལོ་ཀི་ཡཱ. མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ སི་ཡཱ ལོ་ཀི་ཡོ, སི་ཡཱ ལོ་ཀུ་ཏྟ་རོ. ཚ ཝེ་ད་ནཱ ལོ་ཀི་ཡཱ. མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཝེ་ད་ནཱ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ. ཚ ས་ཉྙཱ ལོ་ཀི་ཡཱ. མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ས་ཉྙཱ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ. ཚ ཙེ་ཏ་ནཱ ལོ་ཀི་ཡཱ. མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཙེ་ཏ་ནཱ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ. ཚ ཙི་ཏྟཱ ལོ་ཀི་ཡཱ. མ་ནོ་ཝི་ཉྙཱ་ཎ་དྷཱ་ཏུ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ་ཏི.

ཨ་བྷི་ཉྙཱ དྭེ སཱ་ར་མྨ་ཎཱ, དི་ཊྛཱ ཀུ་ས་ལ་ཝེ་ད་ནཱ;

ཝི་པཱ་ཀཱ ཙ ཨུ་པཱ་དི་ནྣཱ, ཝི་ཏ་ཀྐཾ རཱུ་པ་ལོ་ཀི་ཡཱ་ཏི.

དྷ་མྨ་ཧ་ད་ཡ་ཝི་བྷ་ངྒོ ནི་ཊྛི་ཏོ.

ཝི་བྷ་ངྒ་པ་ཀ་ར་ཎཾ ནི་ཊྛི་ཏཾ.