༡༥. པ་ཊི་ས་མྦྷི་དཱ་ཝི་བྷ་ངྒོ
༡. སུ་ཏྟ་ནྟ་བྷཱ་ཛ་ནཱི་ཡཾ
༡. ས་ངྒ་ཧ་ཝཱ་རོ
༧༡༨. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ [པ་ཊི་བྷཱ་ཎ་པ་ཊི་ས་མྦྷི་དཱ (སྱཱ.) ཨེ་ཝ་མུ་པ་རི་པི]. ཨ་ཏྠེ ཉཱ་ཎཾ ཨ་ཏྠ་པ་ཊི་ས་མྦྷི་དཱ, དྷ་མྨེ ཉཱ་ཎཾ དྷ་མྨ་པ་ཊི་ས་མྦྷི་དཱ, ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ. ཨ་ཡཾ ས་ངྒ་ཧ་ཝཱ་རོ.
༢. ས་ཙྩ་ཝཱ་རོ
༧༡༩. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ. དུ་ཀྑེ ཉཱ་ཎཾ ཨ་ཏྠ་པ་ཊི་ས་མྦྷི་དཱ, དུ་ཀྑ་ས་མུ་ད་ཡེ ཉཱ་ཎཾ དྷ་མྨ་པ་ཊི་ས་མྦྷི་དཱ, དུ་ཀྑ་ནི་རོ་དྷེ ཉཱ་ཎཾ ཨ་ཏྠ་པ་ཊི་ས་མྦྷི་དཱ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཉཱ་ཎཾ དྷ་མྨ་པ་ཊི་ས་མྦྷི་དཱ, ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ. ཨ་ཡཾ ས་ཙྩ་ཝཱ་རོ.
༣. ཧེ་ཏུ་ཝཱ་རོ
༧༢༠. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ. ཧེ་ཏུ་མྷི ཉཱ་ཎཾ དྷ་མྨ་པ་ཊི་ས་མྦྷི་དཱ, ཧེ་ཏུ་ཕ་ལེ ཉཱ་ཎཾ ཨ་ཏྠ་པ་ཊི་ས་མྦྷི་དཱ, ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ. ཨ་ཡཾ ཧེ་ཏུ་ཝཱ་རོ.
༤. དྷ་མྨ་ཝཱ་རོ
༧༢༡. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ. ཡེ དྷ་མྨཱ ཛཱ་ཏཱ བྷཱུ་ཏཱ ས་ཉྫཱ་ཏཱ ནི་བྦ་ཏྟཱ ཨ་བྷི་ནི་བྦ་ཏྟཱ པཱ་ཏུ་བྷཱུ་ཏཱ, ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ; ཡ་མྷཱ དྷ་མྨཱ ཏེ དྷ་མྨཱ ཛཱ་ཏཱ བྷཱུ་ཏཱ ས་ཉྫཱ་ཏཱ ནི་བྦ་ཏྟཱ ཨ་བྷི་ནི་བྦ་ཏྟཱ པཱ་ཏུ་བྷཱུ་ཏཱ, ཏེ་སུ དྷ་མྨེ་སུ ཉཱ་ཎཾ དྷ་མྨ་པ་ཊི་ས་མྦྷི་དཱ; ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ; ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ. ཨ་ཡཾ དྷ་མྨ་ཝཱ་རོ.
༥. པ་ཊི་ཙྩ་ས་མུ་པྤཱ་ད་ཝཱ་རོ
༧༢༢. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ. ཛ་རཱ་མ་ར་ཎེ ཉཱ་ཎཾ ཨ་ཏྠ་པ་ཊི་ས་མྦྷི་དཱ, ཛ་རཱ་མ་ར་ཎ་ས་མུ་ད་ཡེ ཉཱ་ཎཾ དྷ་མྨ་པ་ཊི་ས་མྦྷི་དཱ, ཛ་རཱ་མ་ར་ཎ་ནི་རོ་དྷེ ཉཱ་ཎཾ ཨ་ཏྠ་པ་ཊི་ས་མྦྷི་དཱ, ཛ་རཱ་མ་ར་ཎ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཉཱ་ཎཾ དྷ་མྨ་པ་ཊི་ས་མྦྷི་དཱ, ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༢༣. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ. ཛཱ་ཏི་ཡཱ ཉཱ་ཎཾ…པེ… བྷ་ཝེ ཉཱ་ཎཾ…པེ… ཨུ་པཱ་དཱ་ནེ ཉཱ་ཎཾ…པེ… ཏ་ཎྷཱ་ཡ ཉཱ་ཎཾ…པེ… ཝེ་ད་ནཱ་ཡ ཉཱ་ཎཾ…པེ… ཕ་སྶེ ཉཱ་ཎཾ…པེ… ས་ལཱ༹་ཡ་ཏ་ནེ ཉཱ་ཎཾ…པེ… ནཱ་མ་རཱུ་པེ ཉཱ་ཎཾ…པེ… ཝི་ཉྙཱ་ཎེ ཉཱ་ཎཾ…པེ… ས་ངྑཱ་རེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ, ས་ངྑཱ་ར་ས་མུ་ད་ཡེ ཉཱ་ཎཾ དྷ་མྨ་པ་ཊི་ས་མྦྷི་དཱ, ས་ངྑཱ་ར་ནི་རོ་དྷེ ཉཱ་ཎཾ ཨ་ཏྠ་པ་ཊི་ས་མྦྷི་དཱ, ས་ངྑཱ་ར་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཉཱ་ཎཾ དྷ་མྨ་པ་ཊི་ས་མྦྷི་དཱ, ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ. ཨ་ཡཾ པ་ཊི་ཙྩ་ས་མུ་པྤཱ་ད་ཝཱ་རོ.
༦. པ་རི་ཡ་ཏྟི་ཝཱ་རོ
༧༢༤. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཏ་ཏྠ ཀ་ཏ་མཱ དྷ་མྨ་པ་ཊི་ས་མྦྷི་དཱ? ཨི་དྷ བྷི་ཀྑུ དྷ་མྨཾ ཛཱ་ནཱ་ཏི – སུ་ཏྟཾ གེ་ཡྻཾ ཝེ་ཡྻཱ་ཀ་ར་ཎཾ གཱ་ཐཾ ཨུ་དཱ་ནཾ ཨི་ཏི་ཝུ་ཏྟ་ཀཾ ཛཱ་ཏ་ཀཾ ཨ་བྦྷུ་ཏ་དྷ་མྨཾ ཝེ་ད་ལླཾ. ཨ་ཡཾ ཝུ་ཙྩ་ཏི ‘‘དྷ་མྨ་པ་ཊི་ས་མྦྷི་དཱ’’. སོ ཏ་སྶ ཏ་སྶེ་ཝ བྷཱ་སི་ཏ་སྶ ཨ་ཏྠཾ ཛཱ་ནཱ་ཏི – ‘‘ཨ་ཡཾ ཨི་མ་སྶ བྷཱ་སི་ཏ་སྶ ཨ་ཏྠོ, ཨ་ཡཾ ཨི་མ་སྶ བྷཱ་སི་ཏ་སྶ ཨ་ཏྠོ’’ཏི. ཨ་ཡཾ ཝུ་ཙྩ་ཏི ‘‘ཨ་ཏྠ་པ་ཊི་ས་མྦྷི་དཱ’’. ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ. ཨ་ཡཾ པ་རི་ཡ་ཏྟི་ཝཱ་རོ.
སུ་ཏྟ་ནྟ་བྷཱ་ཛ་ནཱི་ཡཾ.
༢. ཨ་བྷི་དྷ་མྨ་བྷཱ་ཛ་ནཱི་ཡཾ
༡. ཀུ་ས་ལ་ཝཱ་རོ
༧༢༥. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ཀཱ་མཱ་ཝ་ཙ་རཾ ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི སོ་མ་ན་སྶ་ས་ཧ་ག་ཏཾ ཉཱ་ཎ་ས་མྤ་ཡུ་ཏྟཾ རཱུ་པཱ་ར་མྨ་ཎཾ ཝཱ…པེ… དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི, ཨི་མེ དྷ་མྨཱ ཀུ་ས་ལཱ. ཨི་མེ་སུ དྷ་མྨེ་སུ ཉཱ་ཎཾ དྷ་མྨ་པ་ཊི་ས་མྦྷི་དཱ. ཏེ་སཾ ཝི་པཱ་ཀེ ཉཱ་ཎཾ ཨ་ཏྠ་པ་ཊི་ས་མྦྷི་དཱ, ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི, ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༢༦. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ཀཱ་མཱ་ཝ་ཙ་རཾ ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི སོ་མ་ན་སྶ་ས་ཧ་ག་ཏཾ ཉཱ་ཎ་ས་མྤ་ཡུ་ཏྟཾ ས་ས་ངྑཱ་རེ་ན…པེ… སོ་མ་ན་སྶ་ས་ཧ་ག་ཏཾ ཉཱ་ཎ་ཝི་པྤ་ཡུ་ཏྟཾ…པེ… སོ་མ་ན་སྶ་ས་ཧ་ག་ཏཾ ཉཱ་ཎ་ཝི་པྤ་ཡུ་ཏྟཾ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཾ ཉཱ་ཎ་ས་མྤ་ཡུ་ཏྟཾ…པེ… ཨུ་པེ་ཀྑཱ་ས་ཧ་ག་ཏཾ ཉཱ་ཎ་ས་མྤ་ཡུ་ཏྟཾ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཾ ཉཱ་ཎ་ཝི་པྤ་ཡུ་ཏྟཾ…པེ… ཨུ་པེ་ཀྑཱ་ས་ཧ་ག་ཏཾ ཉཱ་ཎ་ཝི་པྤ་ཡུ་ཏྟཾ ས་ས་ངྑཱ་རེ་ན རཱུ་པཱ་ར་མྨ་ཎཾ ཝཱ…པེ… དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཨི་མེ་སུ དྷ་མྨེ་སུ ཉཱ་ཎཾ དྷ་མྨ་པ་ཊི་ས་མྦྷི་དཱ. ཏེ་སཾ ཝི་པཱ་ཀེ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༢༧. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི པ་ཐ་ཝཱི་ཀ་སི་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཨི་མེ་སུ དྷ་མྨེ་སུ ཉཱ་ཎཾ དྷ་མྨ་པ་ཊི་ས་མྦྷི་དཱ. ཏེ་སཾ ཝི་པཱ་ཀེ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༢༨. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ཨ་རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཨི་མེ་སུ དྷ་མྨེ་སུ ཉཱ་ཎཾ དྷ་མྨ་པ་ཊི་ས་མྦྷི་དཱ. ཏེ་སཾ ཝི་པཱ་ཀེ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༢༩. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཨི་མེ་སུ དྷ་མྨེ་སུ ཉཱ་ཎཾ དྷ་མྨ་པ་ཊི་ས་མྦྷི་དཱ. ཏེ་སཾ ཝི་པཱ་ཀེ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༢. ཨ་ཀུ་ས་ལ་ཝཱ་རོ
༧༣༠. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་ཀུ་ས་ལཱ? ཡ་སྨིཾ ས་མ་ཡེ ཨ་ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི སོ་མ་ན་སྶ་ས་ཧ་ག་ཏཾ དི་ཊྛི་ག་ཏ་ས་མྤ་ཡུ་ཏྟཾ རཱུ་པཱ་ར་མྨ་ཎཾ ཝཱ…པེ… དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཨ་ཀུ་ས་ལཱ. ཨི་མེ་སུ དྷ་མྨེ་སུ ཉཱ་ཎཾ དྷ་མྨ་པ་ཊི་ས་མྦྷི་དཱ. ཏེ་སཾ ཝི་པཱ་ཀེ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༣༡. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་ཀུ་ས་ལཱ? ཡ་སྨིཾ ས་མ་ཡེ ཨ་ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི སོ་མ་ན་སྶ་ས་ཧ་ག་ཏཾ དི་ཊྛི་ག་ཏ་ས་མྤ་ཡུ་ཏྟཾ ས་ས་ངྑཱ་རེ་ན…པེ… སོ་མ་ན་སྶ་ས་ཧ་ག་ཏཾ དི་ཊྛི་ག་ཏ་ཝི་པྤ་ཡུ་ཏྟཾ…པེ… སོ་མ་ན་སྶ་ས་ཧ་ག་ཏཾ དི་ཊྛི་ག་ཏ་ཝི་པྤ་ཡུ་ཏྟཾ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཾ དི་ཊྛི་ག་ཏ་ས་མྤ་ཡུ་ཏྟཾ…པེ… ཨུ་པེ་ཀྑཱ་ས་ཧ་ག་ཏཾ དི་ཊྛི་ག་ཏ་ས་མྤ་ཡུ་ཏྟཾ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཾ དི་ཊྛི་ག་ཏ་ཝི་པྤ་ཡུ་ཏྟཾ…པེ… ཨུ་པེ་ཀྑཱ་ས་ཧ་ག་ཏཾ དི་ཊྛི་ག་ཏ་ཝི་པྤ་ཡུ་ཏྟཾ ས་ས་ངྑཱ་རེ་ན…པེ… དོ་མ་ན་སྶ་ས་ཧ་ག་ཏཾ པ་ཊི་གྷ་ས་མྤ་ཡུ་ཏྟཾ…པེ… དོ་མ་ན་སྶ་ས་ཧ་ག་ཏཾ པ་ཊི་གྷ་ས་མྤ་ཡུ་ཏྟཾ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཾ ཝི་ཙི་ཀི་ཙྪཱ་ས་མྤ་ཡུ་ཏྟཾ…པེ… ཨུ་པེ་ཀྑཱ་ས་ཧ་ག་ཏཾ ཨུ་དྡྷ་ཙྩ་ས་མྤ་ཡུ་ཏྟཾ རཱུ་པཱ་ར་མྨ་ཎཾ ཝཱ…པེ… དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཨ་ཀུ་ས་ལཱ. ཨི་མེ་སུ དྷ་མྨེ་སུ ཉཱ་ཎཾ དྷ་མྨ་པ་ཊི་ས་མྦྷི་དཱ. ཏེ་སཾ ཝི་པཱ་ཀེ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༣. ཝི་པཱ་ཀ་ཝཱ་རོ
༧༣༢. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཙ་ཀྑུ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ རཱུ་པཱ་ར་མྨ་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༣༣. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ སོ་ཏ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ས་དྡཱ་ར་མྨ་ཎཾ…པེ… གྷཱ་ན་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ག་ནྡྷཱ་ར་མྨ་ཎཾ…པེ… ཛི་ཝ྄ཧཱ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ར་སཱ་ར་མྨ་ཎཾ…པེ… ཀཱ་ཡ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི སུ་ཁ་ས་ཧ་ག་ཏཾ ཕོ་ཊྛ་བྦཱ་ར་མྨ་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, སུ་ཁཾ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, སུ་ཁི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༣༤. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཱ མ་ནོ་དྷཱ་ཏུ ཨུ་པྤ་ནྣཱ ཧོ་ཏི ཨུ་པེ་ཀྑཱ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… ཕོ་ཊྛ་བྦཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༣༥. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཱ མ་ནོ་ཝི་ཉྙཱ་ཎ་དྷཱ་ཏུ ཨུ་པྤ་ནྣཱ ཧོ་ཏི སོ་མ་ན་སྶ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… དྷ་མྨཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, པཱི་ཏི ཧོ་ཏི, སུ་ཁཾ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, སོ་མ་ན་སྶི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༣༦. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཱ མ་ནོ་ཝི་ཉྙཱ་ཎ་དྷཱ་ཏུ ཨུ་པྤ་ནྣཱ ཧོ་ཏི ཨུ་པེ་ཀྑཱ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… དྷ་མྨཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༣༧. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཱ མ་ནོ་ཝི་ཉྙཱ་ཎ་དྷཱ་ཏུ ཨུ་པྤ་ནྣཱ ཧོ་ཏི སོ་མ་ན་སྶ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ…པེ… སོ་མ་ན་སྶ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ ས་ས་ངྑཱ་རེ་ན…པེ… སོ་མ་ན་སྶ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ…པེ… སོ་མ་ན་སྶ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ ས་ས་ངྑཱ་རེ་ན རཱུ་པཱ་ར་མྨ་ཎཱ ཝཱ…པེ… དྷ་མྨཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༣༨. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི པ་ཐ་ཝཱི་ཀ་སི་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི པ་ཐ་ཝཱི་ཀ་སི་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༣༩. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཨ་རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ཨ་རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༤༠. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ལོ་ཀུ་ཏྟ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ བྷཱ་ཝི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ སུ་ཉྙ་ཏཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༤༡. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཨ་ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཙ་ཀྑུ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ རཱུ་པཱ་ར་མྨ་ཎཾ…པེ… སོ་ཏ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ས་དྡཱ་ར་མྨ་ཎཾ…པེ… གྷཱ་ན་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ག་ནྡྷཱ་ར་མྨ་ཎཾ…པེ… ཛི་ཝ྄ཧཱ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ར་སཱ་ར་མྨ་ཎཾ…པེ… ཀཱ་ཡ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི དུ་ཀྑ་ས་ཧ་ག་ཏཾ ཕོ་ཊྛ་བྦཱ་ར་མྨ་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, དུ་ཀྑཾ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, དུ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༤༢. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཨ་ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཱ མ་ནོ་དྷཱ་ཏུ ཨུ་པྤ་ནྣཱ ཧོ་ཏི ཨུ་པེ་ཀྑཱ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… ཕོ་ཊྛ་བྦཱ་ར་མྨ་ཎཱ ཝཱ…པེ… མ་ནོ་ཝི་ཉྙཱ་ཎ་དྷཱ་ཏུ ཨུ་པྤ་ནྣཱ ཧོ་ཏི ཨུ་པེ་ཀྑཱ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… དྷ་མྨཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༤. ཀི་རི་ཡ་ཝཱ་རོ
༧༤༣. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ མ་ནོ་དྷཱ་ཏུ ཨུ་པྤ་ནྣཱ ཧོ་ཏི ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ ཨུ་པེ་ཀྑཱ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… ཕོ་ཊྛ་བྦཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༤༤. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ མ་ནོ་ཝི་ཉྙཱ་ཎ་དྷཱ་ཏུ ཨུ་པྤ་ནྣཱ ཧོ་ཏི ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ སོ་མ་ན་སྶ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… དྷ་མྨཱ་ར་མྨ་ཎཱ ཝཱ…པེ… མ་ནོ་ཝི་ཉྙཱ་ཎ་དྷཱ་ཏུ ཨུ་པྤ་ནྣཱ ཧོ་ཏི ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ ཨུ་པེ་ཀྑཱ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… དྷ་མྨཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, ཝཱི་རི་ཡི་ནྡྲི་ཡཾ ཧོ་ཏི, ས་མཱ་དྷི་ནྡྲི་ཡཾ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༤༥. ཏི་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ མ་ནོ་ཝི་ཉྙཱ་ཎ་དྷཱ་ཏུ ཨུ་པྤ་ནྣཱ ཧོ་ཏི ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ སོ་མ་ན་སྶ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ…པེ… སོ་མ་ན་སྶ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ ས་ས་ངྑཱ་རེ་ན…པེ… སོ་མ་ན་སྶ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ…པེ… སོ་མ་ན་སྶ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ ས་ས་ངྑཱ་རེ་ན…པེ… རཱུ་པཱ་ཝ་ཙ་རཾ ཛྷཱ་ནཾ བྷཱ་ཝེ་ཏི…པེ… ཨ་རཱུ་པཱ་ཝ་ཙ་རཾ ཛྷཱ་ནཾ བྷཱ་ཝེ་ཏི ཀི་རི་ཡཾ ནེ་ཝ ཀུ་ས་ལཾ ནཱ་ཀུ་ས་ལཾ ན ཙ ཀ་མྨ་ཝི་པཱ་ཀཾ དི་ཊྛ་དྷ་མྨ་སུ་ཁ་ཝི་ཧཱ་རཾ…པེ… ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཨ་བྱཱ་ཀ་ཏཱ. ཨི་མེ་སུ དྷ་མྨེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱ. ཡཱ་ཡ ནི་རུ་ཏྟི་ཡཱ ཏེ་སཾ དྷ་མྨཱ་ནཾ པ་ཉྙ་ཏྟི ཧོ་ཏི ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ. ཡེ་ན ཉཱ་ཎེ་ན ཏཱ་ནི ཉཱ་ཎཱ་ནི ཛཱ་ནཱ་ཏི – ‘‘ཨི་མཱ་ནི ཉཱ་ཎཱ་ནི ཨི་ད་མ་ཏྠ་ཛོ་ཏ་ཀཱ་ནཱི’’ཏི, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ.
༧༤༦. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ. ཏི་སྶོ པ་ཊི་ས་མྦྷི་དཱ ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏཱུ་སུ ཉཱ་ཎ་ས་མྤ་ཡུ་ཏྟེ་སུ ཙི་ཏྟུ་པྤཱ་དེ་སུ, ཀི་རི་ཡ་ཏོ ཙ་ཏཱུ་སུ ཉཱ་ཎ་ས་མྤ་ཡུ་ཏྟེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ནྟི. ཨ་ཏྠ་པ་ཊི་ས་མྦྷི་དཱ ཨེ་ཏེ་སུ ཙེ་ཝ ཨུ་པྤ་ཛྫ་ཏི, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ ཙ ཨུ་པྤ་ཛྫ་ཏི.
ཨ་བྷི་དྷ་མྨ་བྷཱ་ཛ་ནཱི་ཡཾ.
༣. པ་ཉྷཱ་པུ་ཙྪ་ཀཾ
༧༤༧. ཙ་ཏ་སྶོ པ་ཊི་ས་མྦྷི་དཱ – ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ.
༧༤༨. ཙ་ཏུ་ནྣཾ པ་ཊི་ས་མྦྷི་དཱ་ནཾ ཀ་ཏི ཀུ་ས་ལཱ, ཀ་ཏི ཨ་ཀུ་ས་ལཱ, ཀ་ཏི ཨ་བྱཱ་ཀ་ཏཱ…པེ… ཀ་ཏི ས་ར་ཎཱ, ཀ་ཏི ཨ་ར་ཎཱ?
༡. ཏི་ཀཾ
༧༤༩. སི་ཡཱ ཀུ་ས་ལཱ, སི་ཡཱ ཨ་བྱཱ་ཀ་ཏཱ. སི་ཡཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, སི་ཡཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ. ཏི་སྶོ པ་ཊི་ས་མྦྷི་དཱ སི་ཡཱ ཝི་པཱ་ཀ་དྷ་མྨ་དྷ་མྨཱ, སི་ཡཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ; ཨ་ཏྠ་པ་ཊི་ས་མྦྷི་དཱ སི་ཡཱ ཝི་པཱ་ཀཱ, སི་ཡཱ ཝི་པཱ་ཀ་དྷ་མྨ་དྷ་མྨཱ, སི་ཡཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ. ཏི་སྶོ པ་ཊི་ས་མྦྷི་དཱ ཨ་ནུ་པཱ་དི་ནྣུ་པཱ་དཱ་ནི་ཡཱ; ཨ་ཏྠ་པ་ཊི་ས་མྦྷི་དཱ སི་ཡཱ ཨ་ནུ་པཱ་དི་ནྣུ་པཱ་དཱ་ནི་ཡཱ, སི་ཡཱ ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡཱ. ཏི་སྶོ པ་ཊི་ས་མྦྷི་དཱ ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ; ཨ་ཏྠ་པ་ཊི་ས་མྦྷི་དཱ སི་ཡཱ ཨ་སཾ་ཀི་ལི་ཊྛ་སཾ་ཀི་ལེ་སི་ཀཱ, སི་ཡཱ ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ.
ཏི་སྶོ པ་ཊི་ས་མྦྷི་དཱ ས་ཝི་ཏ་ཀྐ་ས་ཝི་ཙཱ་རཱ; ཨ་ཏྠ་པ་ཊི་ས་མྦྷི་དཱ སི་ཡཱ ས་ཝི་ཏ་ཀྐ་ས་ཝི་ཙཱ་རཱ, སི་ཡཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ, སི་ཡཱ ཨ་ཝི་ཏ་ཀྐ་ཨ་ཝི་ཙཱ་རཱ. སི་ཡཱ པཱི་ཏི་ས་ཧ་ག་ཏཱ, སི་ཡཱ སུ་ཁ་ས་ཧ་ག་ཏཱ, སི་ཡཱ ཨུ་པེ་ཀྑཱ་ས་ཧ་ག་ཏཱ. ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ. ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ.
ཏི་སྶོ པ་ཊི་ས་མྦྷི་དཱ སི་ཡཱ ཨཱ་ཙ་ཡ་གཱ་མི་ནོ, སི་ཡཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནོ; ཨ་ཏྠ་པ་ཊི་ས་མྦྷི་དཱ སི་ཡཱ ཨཱ་ཙ་ཡ་གཱ་མི་ནཱི, སི་ཡཱ ཨ་པ་ཙ་ཡ་གཱ་མི་ནཱི, སི་ཡཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནཱི.
ཏི་སྶོ པ་ཊི་ས་མྦྷི་དཱ ནེ་ཝ་སེ་ཀྑ་ནཱ་སེ་ཀྑཱ, ཨ་ཏྠ་པ་ཊི་ས་མྦྷི་དཱ སི་ཡཱ སེ་ཀྑཱ, སི་ཡཱ ཨ་སེ་ཀྑཱ, སི་ཡཱ ནེ་ཝ་སེ་ཀྑ་ནཱ་སེ་ཀྑཱ. ཏི་སྶོ པ་ཊི་ས་མྦྷི་དཱ པ་རི་ཏྟཱ; ཨ་ཏྠ་པ་ཊི་ས་མྦྷི་དཱ སི་ཡཱ པ་རི་ཏྟཱ, སི་ཡཱ ཨ་པྤ་མཱ་ཎཱ. ནི་རུ་ཏྟི་པ་ཊི་ས་མྦྷི་དཱ པ་རི་ཏྟཱ་ར་མྨ་ཎཱ; ཏི་སྶོ པ་ཊི་ས་མྦྷི་དཱ སི་ཡཱ པ་རི་ཏྟཱ་ར་མྨ་ཎཱ, སི་ཡཱ མ་ཧ་གྒ་ཏཱ་ར་མྨ་ཎཱ, སི་ཡཱ ཨ་པྤ་མཱ་ཎཱ་ར་མྨ་ཎཱ.
ཏི་སྶོ པ་ཊི་ས་མྦྷི་དཱ མ་ཛ྄ཛྷི་མཱ; ཨ་ཏྠ་པ་ཊི་ས་མྦྷི་དཱ སི་ཡཱ མ་ཛ྄ཛྷི་མཱ, སི་ཡཱ པ་ཎཱི་ཏཱ. ཏི་སྶོ པ་ཊི་ས་མྦྷི་དཱ ཨ་ནི་ཡ་ཏཱ; ཨ་ཏྠ་པ་ཊི་ས་མྦྷི་དཱ སི་ཡཱ ས་མྨ་ཏྟ་ནི་ཡ་ཏཱ, སི་ཡཱ ཨ་ནི་ཡ་ཏཱ. ནི་རུ་ཏྟི་པ་ཊི་ས་མྦྷི་དཱ ན ཝ་ཏྟ་བྦཱ – མ་གྒཱ་ར་མྨ་ཎཱ་ཏི་པི, མ་གྒ་ཧེ་ཏུ་ཀཱ་ཏི་པི, མ་གྒཱ་དྷི་པ་ཏི་ནཱི་ཏི་པི; ཨ་ཏྠ་པ་ཊི་ས་མྦྷི་དཱ ན མ་གྒཱ་ར་མྨ་ཎཱ, སི་ཡཱ མ་གྒ་ཧེ་ཏུ་ཀཱ, སི་ཡཱ མ་གྒཱ་དྷི་པ་ཏི་ནཱི, སི་ཡཱ ན ཝ་ཏྟ་བྦཱ མ་གྒ་ཧེ་ཏུ་ཀཱ་ཏི་པི, མ་གྒཱ་དྷི་པ་ཏི་ནཱི་ཏི་པི; དྭེ པ་ཊི་ས་མྦྷི་དཱ སི་ཡཱ མ་གྒཱ་ར་མྨ་ཎཱ, ན མ་གྒ་ཧེ་ཏུ་ཀཱ, སི་ཡཱ མ་གྒཱ་དྷི་པ་ཏི་ནོ, སི་ཡཱ ན ཝ་ཏྟ་བྦཱ མ་གྒཱ་ར་མྨ་ཎཱ་ཏི་པི, མ་གྒཱ་དྷི་པ་ཏི་ནོ་ཏི་པི.
ཏི་སྶོ པ་ཊི་ས་མྦྷི་དཱ སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, ན ཝ་ཏྟ་བྦཱ ཨུ་པྤཱ་དི་ནོ་ཏི; ཨ་ཏྠ་པ་ཊི་ས་མྦྷི་དཱ སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, སི་ཡཱ ཨུ་པྤཱ་དི་ནཱི. སི་ཡཱ ཨ་ཏཱི་ཏཱ, སི་ཡཱ ཨ་ནཱ་ག་ཏཱ, སི་ཡཱ པ་ཙྩུ་པྤ་ནྣཱ. ནི་རུ་ཏྟི་པ་ཊི་ས་མྦྷི་དཱ པ་ཙྩུ་པྤ་ནྣཱ་ར་མྨ་ཎཱ; དྭེ པ་ཊི་ས་མྦྷི་དཱ སི་ཡཱ ཨ་ཏཱི་ཏཱ་ར་མྨ་ཎཱ, སི་ཡཱ ཨ་ནཱ་ག་ཏཱ་ར་མྨ་ཎཱ, སི་ཡཱ པ་ཙྩུ་པྤ་ནྣཱ་ར་མྨ་ཎཱ; ཨ་ཏྠ་པ་ཊི་ས་མྦྷི་དཱ སི་ཡཱ ཨ་ཏཱི་ཏཱ་ར་མྨ་ཎཱ, སི་ཡཱ ཨ་ནཱ་ག་ཏཱ་ར་མྨ་ཎཱ, སི་ཡཱ པ་ཙྩུ་པྤ་ནྣཱ་ར་མྨ་ཎཱ, སི་ཡཱ ན ཝ་ཏྟ་བྦཱ ཨ་ཏཱི་ཏཱ་ར་མྨ་ཎཱ་ཏི་པི, ཨ་ནཱ་ག་ཏཱ་ར་མྨ་ཎཱ་ཏི་པི, པ་ཙྩུ་པྤ་ནྣཱ་ར་མྨ་ཎཱ་ཏི་པི. སི་ཡཱ ཨ་ཛ྄ཛྷ་ཏྟཱ, སི་ཡཱ བ་ཧི་དྡྷཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ. ནི་རུ་ཏྟི་པ་ཊི་ས་མྦྷི་དཱ བ་ཧི་དྡྷཱ་ར་མྨ་ཎཱ; ཏི་སྶོ པ་ཊི་ས་མྦྷི་དཱ སི་ཡཱ ཨ་ཛ྄ཛྷ་ཏྟཱ་ར་མྨ་ཎཱ, སི་ཡཱ བ་ཧི་དྡྷཱ་ར་མྨ་ཎཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ. ཨ་ནི་ད་སྶ་ན་ཨ་པ་ཊི་གྷཱ.
༢. དུ་ཀཾ
༧༥༠. ཧེ་ཏཱུ, ས་ཧེ་ཏུ་ཀཱ, ཧེ་ཏུ་ས་མྤ་ཡུ་ཏྟཱ, ཧེ་ཏཱུ ཙེ་ཝ ས་ཧེ་ཏུ་ཀཱ ཙ, ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙ, ན ཝ་ཏྟ་བྦཱ ན ཧེ་ཏཱུ ས་ཧེ་ཏུ་ཀཱ་ཏི་པི, ན་ཧེ་ཏཱུ་ཨ་ཧེ་ཏུ་ཀཱ་ཏི་པི.
ས་པྤ་ཙྩ་ཡཱ, ས་ངྑ་ཏཱ, ཨ་ནི་ད་སྶ་ནཱ, ཨ་པྤ་ཊི་གྷཱ, ཨ་རཱུ་པཱ, ཏི་སྶོ པ་ཊི་ས་མྦྷི་དཱ ལོ་ཀི་ཡཱ, ཨ་ཏྠ་པ་ཊི་ས་མྦྷི་དཱ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ, ཀེ་ན་ཙི ཝི་ཉྙེ་ཡྻཱ, ཀེ་ན་ཙི ན ཝི་ཉྙེ་ཡྻཱ.
ནོ ཨཱ་ས་ཝཱ. ཏི་སྶོ པ་ཊི་ས་མྦྷི་དཱ སཱ་ས་ཝཱ; ཨ་ཏྠ་པ་ཊི་ས་མྦྷི་དཱ སི་ཡཱ སཱ་ས་ཝཱ, སི་ཡཱ ཨ་ནཱ་ས་ཝཱ. ཨཱ་ས་ཝ་ཝི་པྤ་ཡུ་ཏྟཱ. ཏི་སྶོ པ་ཊི་ས་མྦྷི་དཱ ན ཝ་ཏྟ་བྦཱ ཨཱ་ས་ཝཱ ཙེ་ཝ སཱ་ས་ཝཱ ཙཱ་ཏི, སཱ་ས་ཝཱ ཙེ་ཝ ནོ ཙ ཨཱ་ས་ཝཱ; ཨ་ཏྠ་པ་ཊི་ས་མྦྷི་དཱ ན ཝ་ཏྟ་བྦཱ ཨཱ་ས་ཝོ [ཨཱ་ས་ཝཱ (སཱི.) དྷཱ་ཏུ་ཝི་བྷ་ངྒེ པ་ན པཱ་ཋ་ནཱ་ན་ཏྟཾ ན་ཏྠི] ཙེ་ཝ སཱ་ས་ཝཱ ཙཱ་ཏི, སི་ཡཱ སཱ་ས་ཝཱ ཙེ་ཝ ནོ ཙ ཨཱ་ས་ཝོ [ཨཱ་ས་ཝཱ (སཱི.) དྷཱ་ཏུ་ཝི་བྷ་ངྒེ པ་ན པཱ་ཋ་ནཱ་ན་ཏྟཾ ན་ཏྠི], སི་ཡཱ ན ཝ་ཏྟ་བྦཱ སཱ་ས་ཝཱ ཙེ་ཝ ནོ ཙ ཨཱ་ས་ཝཱ་ཏི. ན ཝ་ཏྟ་བྦཱ ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙཱ་ཏི་པི, ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ་ཏི་པི. ཏི་སྶོ པ་ཊི་ས་མྦྷི་དཱ ཨཱ་ས་ཝ་ཝི་པྤ་ཡུ་ཏྟཱ སཱ་ས་ཝཱ; ཨ་ཏྠ་པ་ཊི་ས་མྦྷི་དཱ སི་ཡཱ ཨཱ་ས་ཝ་ཝི་པྤ་ཡུ་ཏྟཱ སཱ་ས་ཝཱ, སི་ཡཱ ཨཱ་ས་ཝ་ཝི་པྤ་ཡུ་ཏྟཱ ཨ་ནཱ་ས་ཝཱ.
ནོ སཾ་ཡོ་ཛ་ནཱ…པེ… ནོ ག་ནྠཱ…པེ… ནོ ཨོ་གྷཱ…པེ… ནོ ཡོ་གཱ…པེ… ནོ ནཱི་ཝ་ར་ཎཱ…པེ… ནོ པ་རཱ་མཱ་སཱ…པེ… སཱ་ར་མྨ་ཎཱ. ནོ ཙི་ཏྟཱ, ཙེ་ཏ་སི་ཀཱ, ཙི་ཏྟ་ས་མྤ་ཡུ་ཏྟཱ, ཙི་ཏྟ་སཾ་ས་ཊྛཱ, ཙི་ཏྟ་ས་མུ་ཊྛཱ་ནཱ, ཙི་ཏྟ་ས་ཧ་བྷུ་ནོ, ཙི་ཏྟཱ་ནུ་པ་རི་ཝ་ཏྟི་ནོ. ཙི་ཏྟ་སཾ་ས་ཊྛ་ས་མུ་ཊྛཱ་ནཱ, ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷུ་ནོ, ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི་ནོ, བཱ་ཧི་རཱ, ནོ ཨུ་པཱ་དཱ, ཨ་ནུ་པཱ་དི་ནྣཱ.
ནོ ཨུ་པཱ་དཱ་ནཱ…པེ… ནོ ཀི་ལེ་སཱ…པེ… ན ད་སྶ་ནེ་ན པ་ཧཱ་ཏ་བྦཱ. ན བྷཱ་ཝ་ནཱ་ཡ པ་ཧཱ་ཏ་བྦཱ. ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ. ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. ཏི་སྶོ པ་ཊི་ས་མྦྷི་དཱ ས་ཝི་ཏ་ཀྐཱ; ཨ་ཏྠ་པ་ཊི་ས་མྦྷི་དཱ སི་ཡཱ ས་ཝི་ཏ་ཀྐཱ, སི་ཡཱ ཨ་ཝི་ཏ་ཀྐཱ. ཏི་སྶོ པ་ཊི་ས་མྦྷི་དཱ ས་ཝི་ཙཱ་རཱ; ཨ་ཏྠ་པ་ཊི་ས་མྦྷི་དཱ སི་ཡཱ ས་ཝི་ཙཱ་རཱ, སི་ཡཱ ཨ་ཝི་ཙཱ་རཱ. སི་ཡཱ ས་པྤཱི་ཏི་ཀཱ, སི་ཡཱ ཨ་པྤཱི་ཏི་ཀཱ. སི་ཡཱ པཱི་ཏི་ས་ཧ་ག་ཏཱ, སི་ཡཱ ན པཱི་ཏི་ས་ཧ་ག་ཏཱ. སི་ཡཱ སུ་ཁ་ས་ཧ་ག་ཏཱ, སི་ཡཱ ན སུ་ཁ་ས་ཧ་ག་ཏཱ. སི་ཡཱ ཨུ་པེ་ཀྑཱ་ས་ཧ་ག་ཏཱ, སི་ཡཱ ན ཨུ་པེ་ཀྑཱ་ས་ཧ་ག་ཏཱ. ཏི་སྶོ པ་ཊི་ས་མྦྷི་དཱ ཀཱ་མཱ་ཝ་ཙ་རཱ; ཨ་ཏྠ་པ་ཊི་ས་མྦྷི་དཱ སི་ཡཱ ཀཱ་མཱ་ཝ་ཙ་རཱ, སི་ཡཱ ན ཀཱ་མཱ་ཝ་ཙ་རཱ. ན རཱུ་པཱ་ཝ་ཙ་རཱ. ན ཨ་རཱུ་པཱ་ཝ་ཙ་རཱ. ཏི་སྶོ པ་ཊི་ས་མྦྷི་དཱ པ་རི་ཡཱ་པ་ནྣཱ; ཨ་ཏྠ་པ་ཊི་ས་མྦྷི་དཱ སི་ཡཱ པ་རི་ཡཱ་པ་ནྣཱ, སི་ཡཱ ཨ་པ་རི་ཡཱ་པ་ནྣཱ. ཏི་སྶོ པ་ཊི་ས་མྦྷི་དཱ ཨ་ནི་ཡྻཱ་ནི་ཀཱ; ཨ་ཏྠ་པ་ཊི་ས་མྦྷི་དཱ སི་ཡཱ ནི་ཡྻཱ་ནི་ཀཱ, སི་ཡཱ ཨ་ནི་ཡྻཱ་ནི་ཀཱ. ཏི་སྶོ པ་ཊི་ས་མྦྷི་དཱ ཨ་ནི་ཡ་ཏཱ; ཨ་ཏྠ་པ་ཊི་ས་མྦྷི་དཱ སི་ཡཱ ནི་ཡ་ཏཱ, སི་ཡཱ ཨ་ནི་ཡ་ཏཱ. ཏི་སྶོ པ་ཊི་ས་མྦྷི་དཱ ས་ཨུ་ཏྟ་རཱ; ཨ་ཏྠ་པ་ཊི་ས་མྦྷི་དཱ སི་ཡཱ ས་ཨུ་ཏྟ་རཱ, སི་ཡཱ ཨ་ནུ་ཏྟ་རཱ. ཨ་ར་ཎཱ་ཏི.
པ་ཉྷཱ་པུ་ཙྪ་ཀཾ.
པ་ཊི་ས་མྦྷི་དཱ་ཝི་བྷ་ངྒོ ནི་ཊྛི་ཏོ.