༦. ཚ་ཀྐ་པུ་གྒ་ལ་པ་ཉྙ་ཏྟི

༢༠༢. ཏ་ཏྲ ཡྭཱ་ཡཾ པུ་གྒ་ལོ པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ སཱ་མཾ ས་ཙྩཱ་ནི ཨ་བྷི་ས་མྦུ་ཛ྄ཛྷ་ཏི, ཏ་ཏྠ ཙ ས་བྦ་ཉྙུ་ཏཾ པཱ་པུ་ཎཱ་ཏི བ་ལེ་སུ ཙ ཝ་སཱི་བྷཱ་ཝཾ, ས་མྨཱ་ས་མྦུ་དྡྷོ ཏེ་ན ད་ཊྛ་བྦོ.

ཏ་ཏྲ ཡྭཱ་ཡཾ པུ་གྒ་ལོ པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ སཱ་མཾ ས་ཙྩཱ་ནི ཨ་བྷི་ས་མྦུ་ཛ྄ཛྷ་ཏི, ན ཙ ཏ་ཏྠ ས་བྦ་ཉྙུ་ཏཾ པཱ་པུ་ཎཱ་ཏི ན ཙ བ་ལེ་སུ ཝ་སཱི་བྷཱ་ཝཾ, པ་ཙྩེ་ཀ་ས་མྦུ་དྡྷོ ཏེ་ན ད་ཊྛ་བྦོ.

ཏ་ཏྲ ཡྭཱ་ཡཾ པུ་གྒ་ལོ པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ སཱ་མཾ ས་ཙྩཱ་ནི ཨ་ན་བྷི་ས་མྦུ་ཛ྄ཛྷ་ཏི, དི་ཊྛེ་ཝ དྷ་མྨེ དུ་ཀྑ་སྶ་ནྟ་ཀ་རོ ཧོ་ཏི [དུ་ཀྑ་སྶ་ནྟཾ ཀ་རོ་ཏི (སཱི.) ཨེ་ཝ་མུ་པ་རི་པི], སཱ་ཝ་ཀ་པཱ་ར་མི་ཉྩ པཱ་པུ་ཎཱ་ཏི, སཱ་རི་པུ་ཏྟ་མོ་གྒ་ལླཱ་ནཱ ཏེ་ན ད་ཊྛ་བྦཱ.

ཏ་ཏྲ ཡྭཱ་ཡཾ པུ་གྒ་ལོ པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ སཱ་མཾ ས་ཙྩཱ་ནི ཨ་ན་བྷི་ས་མྦུ་ཛ྄ཛྷ་ཏི, དི་ཊྛེ་ཝ དྷ་མྨེ དུ་ཀྑ་སྶ་ནྟ་ཀ་རོ ཧོ་ཏི, ན ཙ སཱ་ཝ་ཀ་པཱ་ར་མིཾ པཱ་པུ་ཎཱ་ཏི, ཨ་ཝ་སེ་སཱ ཨ་ར་ཧ་ནྟཱ ཏེ་ན ད་ཊྛ་བྦཱ.

ཏ་ཏྲ ཡྭཱ་ཡཾ པུ་གྒ་ལོ པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ སཱ་མཾ ས་ཙྩཱ་ནི ཨ་ན་བྷི་ས་མྦུ་ཛ྄ཛྷ་ཏི, ན ཙ དི་ཊྛེ་ཝ དྷ་མྨེ དུ་ཀྑ་སྶ་ནྟ་ཀ་རོ ཧོ་ཏི, ཨ་ནཱ་གཱ་མཱི ཧོ་ཏི ཨ་ནཱ་ག་ནྟཱ ཨི་ཏྠ་ཏྟཾ, ཨ་ནཱ་གཱ་མཱི ཏེ་ན ད་ཊྛ་བྦོ.

ཏ་ཏྲ ཡྭཱ་ཡཾ པུ་གྒ་ལོ པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ སཱ་མཾ ས་ཙྩཱ་ནི ཨ་ན་བྷི་ས་མྦུ་ཛ྄ཛྷ་ཏི, ན ཙ དི་ཊྛེ་ཝ དྷ་མྨེ དུ་ཀྑ་སྶ་ནྟ་ཀ་རོ ཧོ་ཏི, ཨཱ་ག་ནྟཱ ཨི་ཏྠ་ཏྟཾ, སོ་ཏཱ་པ་ནྣ་ས་ཀ་དཱ་གཱ་མི་ནོ ཏེ་ན ད་ཊྛ་བྦཱ.

ཚ་ཀྐ་ནི་དྡེ་སོ.