༡. ཝི་བྷ་ངྒ་ཝཱ་རོ

ན་ཧེ་ཏུ་པ་ཙྩ་ཡོ

༡༦. ནཱི་ཝ་ར་ཎཾ དྷ་མྨཾ པ་ཙྩ་ཡཱ ནཱི་ཝ་ར་ཎོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ – ཝི་ཙི་ཀི་ཙྪཱ་ནཱི་ཝ་ར་ཎཾ པ་ཙྩ་ཡཱ ཨ་ཝི་ཛྫཱ་ནཱི་ཝ་ར་ཎཾ, ཨུ་དྡྷ་ཙྩ་ནཱི་ཝ་ར་ཎཾ པ་ཙྩ་ཡཱ ཨ་ཝི་ཛྫཱ་ནཱི་ཝ་ར་ཎཾ. (༡)

ནོ་ནཱི་ཝ་ར་ཎཾ དྷ་མྨཾ པ་ཙྩ་ཡཱ ནོ་ནཱི་ཝ་ར་ཎོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ – ཨ་ཧེ་ཏུ་ཀཾ ནོ་ནཱི་ཝ་ར་ཎཾ ཨེ་ཀཾ ཁ་ནྡྷཾ པ་ཙྩ་ཡཱ ཏ་ཡོ ཁ་ནྡྷཱ ཙི་ཏྟ་ས་མུ་ཊྛཱ་ན་ཉྩ རཱུ་པཾ…པེ… དྭེ ཁ་ནྡྷེ…པེ… (ཡཱ་ཝ ཨ་ས་ཉྙ་ས་ཏྟཱ) ཙ་ཀྑཱ་ཡ་ཏ་ནཾ པ་ཙྩ་ཡཱ ཙ་ཀྑུ་ཝི་ཉྙཱ་ཎཾ…པེ… ཀཱ་ཡཱ་ཡ་ཏ་ནཾ པ་ཙྩ་ཡཱ ཀཱ་ཡ་ཝི་ཉྙཱ་ཎཾ, ཝ་ཏྠུཾ པ་ཙྩ་ཡཱ ཨ་ཧེ་ཏུ་ཀཱ ནོ་ནཱི་ཝ་ར་ཎཱ ཁ་ནྡྷཱ. (༡)

ནོ་ནཱི་ཝ་ར་ཎཾ དྷ་མྨཾ པ་ཙྩ་ཡཱ ནཱི་ཝ་ར་ཎོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ – ཝི་ཙི་ཀི་ཙྪཱ་ས་ཧ་ག་ཏེ ཨུ་དྡྷ་ཙྩ་ས་ཧ་ག་ཏེ ཁ་ནྡྷེ པ་ཙྩ་ཡཱ ཨ་ཝི་ཛྫཱ་ནཱི་ཝ་ར་ཎཾ, ཝ་ཏྠུཾ པ་ཙྩ་ཡཱ ཨ་ཝི་ཛྫཱ་ནཱི་ཝ་ར་ཎཾ. (༢)

༡༧. ནཱི་ཝ་ར་ཎ་ཉྩ ནོ་ནཱི་ཝ་ར་ཎ་ཉྩ དྷ་མྨཾ པ་ཙྩ་ཡཱ ནཱི་ཝ་ར་ཎོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ – ཝི་ཙི་ཀི་ཙྪཱ་ནཱི་ཝ་ར་ཎ་ཉྩ ས་མྤ་ཡུ་ཏྟ་ཀེ ཙ ཁ་ནྡྷེ པ་ཙྩ་ཡཱ ཨ་ཝི་ཛྫཱ་ནཱི་ཝ་ར་ཎཾ, ཨུ་དྡྷ་ཙྩ་ནཱི་ཝ་ར་ཎ་ཉྩ ས་མྤ་ཡུ་ཏྟ་ཀེ ཙ ཁ་ནྡྷེ པ་ཙྩ་ཡཱ ཨ་ཝི་ཛྫཱ་ནཱི་ཝ་ར་ཎཾ, ཝི་ཙི་ཀི་ཙྪཱ་ནཱི་ཝ་ར་ཎ་ཉྩ ཝ་ཏྠུ་ཉྩ པ་ཙྩ་ཡཱ ཨ་ཝི་ཛྫཱ་ནཱི་ཝ་ར་ཎཾ, ཨུ་དྡྷ་ཙྩ་ནཱི་ཝ་ར་ཎ་ཉྩ ཝ་ཏྠུ་ཉྩ པ་ཙྩ་ཡཱ ཨ་ཝི་ཛྫཱ་ནཱི་ཝ་ར་ཎཾ (སཾ་ཁི་ཏྟཾ). (༡)