༡. ཝི་བྷ་ངྒ་ཝཱ་རོ
ཧེ་ཏུ་པ་ཙྩ་ཡོ
༤༤༥. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣཱ ཧེ་ཏཱུ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ; པ་ཊི་ས་ནྡྷི་ཀྑ་ཎེ ཨུ་པཱ་དི་ནྣཱ ཧེ་ཏཱུ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣཱ ཧེ་ཏཱུ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ. (༢)
ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣཱ ཧེ་ཏཱུ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ. (༣)
ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ – ཨ་ནུ་པཱ་དི་ནྣཱ ཧེ་ཏཱུ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ. (༡)
ཨཱ་ར་མྨ་ཎ་པ་ཙྩ་ཡོ
༤༤༦. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ – ཙ་ཀྑུཾ…པེ… ཀཱ་ཡཾ ཨུ་པཱ་དི་ནྣེ རཱུ་པེ… ག་ནྡྷེ… ར་སེ… ཕོ་ཊྛ་བྦེ… ཝ་ཏྠུཾ ཨུ་པཱ་དི་ནྣེ ཁ་ནྡྷེ ཨ་ནི་ཙྩ་ཏོ…པེ… དོ་མ་ན་སྶཾ ཨུ་པྤ་ཛྫ་ཏི; ཀུ་ས་ལཱ་ཀུ་ས་ལེ ནི་རུ་དྡྷེ ཝི་པཱ་ཀོ ཏ་དཱ་ར་མྨ་ཎ་ཏཱ ཨུ་པྤ་ཛྫ་ཏི, ཨུ་པཱ་དི་ནྣཾ རཱུ་པཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་སྶ…པེ… ཨུ་པཱ་དི་ནྣཾ ག་ནྡྷཱ་ཡ་ཏ་ནཾ གྷཱ་ན་ཝི་ཉྙཱ་ཎ་སྶ…པེ… ཕོ་ཊྛ་བྦཱ་ཡ་ཏ་ནཾ ཀཱ་ཡ་ཝི་ཉྙཱ་ཎ་སྶ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ – ཙ་ཀྑུཾ…པེ… ཀཱ་ཡཾ ཨུ་པཱ་དི་ནྣེ རཱུ་པེ… ག་ནྡྷེ… ར་སེ… ཕོ་ཊྛ་བྦེ… ཝ་ཏྠུཾ ཨུ་པཱ་དི་ནྣེ ཁ་ནྡྷེ ཨ་ནི་ཙྩ་ཏོ…པེ… དོ་མ་ན་སྶཾ ཨུ་པྤ་ཛྫ་ཏི; དི་བྦེ་ན ཙ་ཀྑུ་ནཱ ཨུ་པཱ་དི་ནྣཾ རཱུ་པཾ པ་སྶ་ཏི. ཙེ་ཏོ་པ་རི་ཡ་ཉཱ་ཎེ་ན ཨུ་པཱ་དི་ནྣ་ཙི་ཏྟ་ས་མ་ངྒི་སྶ ཙི་ཏྟཾ ཛཱ་ནཱ་ཏི, ཨུ་པཱ་དི་ནྣཱ ཁ་ནྡྷཱ ཨི་དྡྷི་ཝི་དྷ་ཉཱ་ཎ་སྶ, ཙེ་ཏོ་པ་རི་ཡ་ཉཱ་ཎ་སྶ, པུ་བྦེ་ནི་ཝཱ་སཱ་ནུ་སྶ་ཏི་ཉཱ་ཎ་སྶ, ཨ་ནཱ་ག་ཏཾ་ས་ཉཱ་ཎ་སྶ, ཨཱ་ཝ་ཛྫ་ནཱ་ཡ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ. (༢)
༤༤༧. ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ – དཱ་ནཾ …པེ… སཱི་ལཾ…པེ… ཨུ་པོ་ས་ཐ་ཀ་མྨཾ ཀ་ཏྭཱ ཏཾ པ་ཙྩ་ཝེ་ཀྑ་ཏི ཨ་སྶཱ་དེ་ཏི ཨ་བྷི་ན་ནྡ་ཏི, ཏཾ ཨཱ་ར་བྦྷ རཱ་གོ…པེ… དོ་མ་ན་སྶཾ ཨུ་པྤ་ཛྫ་ཏི; པུ་བྦེ སུ་ཙི་ཎྞཱ་ནི…པེ… ཛྷཱ་ནཱ…པེ… ཨ་རི་ཡཱ མ་གྒཱ ཝུ་ཊྛ་ཧི་ཏྭཱ མ་གྒཾ པ་ཙྩ་ཝེ་ཀྑ་ནྟི, ཕ་ལཾ…པེ… ནི་བྦཱ་ནཾ…པེ… ནི་བྦཱ་ནཾ གོ་ཏྲ་བྷུ་སྶ, ཝོ་དཱ་ན་སྶ, མ་གྒ་སྶ, ཕ་ལ་སྶ, ཨཱ་ཝ་ཛྫ་ནཱ་ཡ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ. ཨ་རི་ཡཱ པ་ཧཱི་ནེ ཀི་ལེ་སེ…པེ… ཝི་ཀྑ་མྦྷི་ཏེ ཀི་ལེ་སེ…པེ… པུ་བྦེ…པེ… ཨ་ནུ་པཱ་དི་ནྣེ རཱུ་པེ… ས་དྡེ… ག་ནྡྷེ… ར་སེ… ཕོ་ཊྛ་བྦེ ཨ་ནུ་པཱ་དི་ནྣེ ཁ་ནྡྷེ ཨ་ནི་ཙྩ་ཏོ…པེ… དོ་མ་ན་སྶཾ ཨུ་པྤ་ཛྫ་ཏི; དི་བྦེ་ན ཙ་ཀྑུ་ནཱ ཨ་ནུ་པཱ་དི་ནྣཾ རཱུ་པཾ པ་སྶ་ཏི, དི་བྦཱ་ཡ སོ་ཏ་དྷཱ་ཏུ་ཡཱ ས་དྡཾ སུ་ཎཱ་ཏི. ཙེ་ཏོ་པ་རི་ཡ་ཉཱ་ཎེ་ན ཨ་ནུ་པཱ་དི་ནྣ་ཙི་ཏྟ་ས་མ་ངྒི་སྶ ཙི་ཏྟཾ ཛཱ་ནཱ་ཏི, ཨཱ་ཀཱ་སཱ་ན་ཉྩཱ་ཡ་ཏ་ནཾ…པེ… ཨཱ་ཀི་ཉྩ་ཉྙཱ་ཡ་ཏ་ནཾ…པེ… ཨ་ནུ་པཱ་དི་ནྣཱ ཁ་ནྡྷཱ ཨི་དྡྷི་ཝི་དྷ་ཉཱ་ཎ་སྶ, ཙེ་ཏོ་པ་རི་ཡ་ཉཱ་ཎ་སྶ, པུ་བྦེ་ནི་ཝཱ་སཱ་ནུ་སྶ་ཏི་ཉཱ་ཎ་སྶ, ཡ་ཐཱ་ཀ་མྨཱུ་པ་ག་ཉཱ་ཎ་སྶ, ཨ་ནཱ་ག་ཏཾ་ས་ཉཱ་ཎ་སྶ, ཨཱ་ཝ་ཛྫ་ནཱ་ཡ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ. (༡)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ – ཨ་ནུ་པཱ་དི་ནྣེ རཱུ་པེ… ས་དྡེ… ག་ནྡྷེ… ར་སེ… ཕོ་ཊྛ་བྦེ ཨ་ནུ་པཱ་དི་ནྣེ ཁ་ནྡྷེ ཨ་ནི་ཙྩ་ཏོ…པེ… དོ་མ་ན་སྶཾ ཨུ་པྤ་ཛྫ་ཏི; ཀུ་ས་ལཱ་ཀུ་ས་ལེ ནི་རུ་དྡྷེ ཝི་པཱ་ཀོ ཏ་དཱ་ར་མྨ་ཎ་ཏཱ ཨུ་པྤ་ཛྫ་ཏི, ཨཱ་ཀཱ་སཱ་ན་ཉྩཱ་ཡ་ཏ་ན་ཀུ་ས་ལཾ ཝི་ཉྙཱ་ཎ་ཉྩཱ་ཡ་ཏ་ན་ཝི་པཱ་ཀ་སྶ…པེ… ཨཱ་ཀི་ཉྩ་ཉྙཱ་ཡ་ཏ་ན་ཀུ་ས་ལཾ…པེ… ཨ་ནུ་པཱ་དི་ནྣཾ རཱུ་པཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་སྶ…པེ… ས་དྡཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ ཀཱ་ཡ་ཝི་ཉྙཱ་ཎ་སྶ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ. (༢)
ཨ་དྷི་པ་ཏི་པ་ཙྩ་ཡོ
༤༤༨. ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨ་དྷི་པ་ཏི་པ་ཙྩ་ཡེ་ན པ་ཙྩ་ཡོ. ཨཱ་ར་མྨ་ཎཱ་དྷི་པ་ཏི – ཙ་ཀྑུཾ…པེ… ཀཱ་ཡཾ ཨུ་པཱ་དི་ནྣེ རཱུ་པེ… ག་ནྡྷེ… ར་སེ… ཕོ་ཊྛ་བྦེ… ཝ་ཏྠུཾ ཨུ་པཱ་དི་ནྣེ ཁ་ནྡྷེ ག་རུཾ ཀ་ཏྭཱ ཨ་སྶཱ་དེ་ཏི ཨ་བྷི་ན་ནྡ་ཏི, ཏཾ ག་རུཾ ཀ་ཏྭཱ རཱ་གོ ཨུ་པྤ་ཛྫ་ཏི, དི་ཊྛི ཨུ་པྤ་ཛྫ་ཏི. (༡)
ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨ་དྷི་པ་ཏི་པ་ཙྩ་ཡེ་ན པ་ཙྩ་ཡོ – ཨཱ་ར་མྨ་ཎཱ་དྷི་པ་ཏི, ས་ཧ་ཛཱ་ཏཱ་དྷི་པ་ཏི. ཨཱ་ར་མྨ་ཎཱ་དྷི་པ་ཏི – དཱ་ནཾ…པེ… སཱི་ལཾ…པེ… ཨུ་པོ་ས་ཐ་ཀ་མྨཾ ཀ་ཏྭཱ ཏཾ ག་རུཾ ཀ་ཏྭཱ པ་ཙྩ་ཝེ་ཀྑ་ཏི ཨ་སྶཱ་དེ་ཏི ཨ་བྷི་ན་ནྡ་ཏི, ཏཾ ག་རུཾ ཀ་ཏྭཱ རཱ་གོ ཨུ་པྤ་ཛྫ་ཏི, དི་ཊྛི ཨུ་པྤ་ཛྫ་ཏི, པུ་བྦེ…པེ… ཛྷཱ་ནཱ…པེ… ཨ་རི་ཡཱ མ་གྒཱ ཝུ་ཊྛ་ཧི་ཏྭཱ མ་གྒཾ ག་རུཾ ཀ་ཏྭཱ པ་ཙྩ་ཝེ་ཀྑ་ནྟི, ཕ་ལཾ…པེ… ནི་བྦཱ་ནཾ ག་རུཾ ཀ་ཏྭཱ པ་ཙྩ་ཝེ་ཀྑ་ནྟི. ནི་བྦཱ་ནཾ གོ་ཏྲ་བྷུ་སྶ, ཝོ་དཱ་ན་སྶ, མ་གྒ་སྶ, ཕ་ལ་སྶ, ཨ་དྷི་པ་ཏི་པ་ཙྩ་ཡེ་ན པ་ཙྩ་ཡོ; ཨ་ནུ་པཱ་དི་ནྣེ རཱུ་པེ… ས་དྡེ… ག་ནྡྷེ… ར་སེ… ཕོ་ཊྛ་བྦེ ཨ་ནུ་པཱ་དི་ནྣེ ཁ་ནྡྷེ ག་རུཾ ཀ་ཏྭཱ ཨ་སྶཱ་དེ་ཏི ཨ་བྷི་ན་ནྡ་ཏི, ཏཾ ག་རུཾ ཀ་ཏྭཱ རཱ་གོ ཨུ་པྤ་ཛྫ་ཏི, དི་ཊྛི ཨུ་པྤ་ཛྫ་ཏི. ས་ཧ་ཛཱ་ཏཱ་དྷི་པ་ཏི – ཨ་ནུ་པཱ་དི་ནྣཱ་དྷི་པ་ཏི ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཨ་དྷི་པ་ཏི་པ་ཙྩ་ཡེ་ན པ་ཙྩ་ཡོ. (༡)
ཨ་ན་ནྟ་ར་པ་ཙྩ་ཡོ
༤༤༩. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ – པུ་རི་མཱ པུ་རི་མཱ ཨུ་པཱ་དི་ནྣཱ ཁ་ནྡྷཱ པ་ཙྪི་མཱ་ནཾ པ་ཙྪི་མཱ་ནཾ ཨུ་པཱ་དི་ནྣཱ་ནཾ ཁ་ནྡྷཱ་ནཾ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ. པ་ཉྩ་ཝི་ཉྙཱ་ཎཾ ཝི་པཱ་ཀ་མ་ནོ་དྷཱ་ཏུ་ཡཱ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ. ཝི་པཱ་ཀ་མ་ནོ་དྷཱ་ཏུ ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏུ་ཡཱ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ – བྷ་ཝ་ངྒཾ ཨཱ་ཝ་ཛྫ་ནཱ་ཡ, ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏུ ཀི་རི་ཡ་མ་ནོ་ཝི་ཉྙཱ་ཎ་དྷཱ་ཏུ་ཡཱ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ. (༢)
༤༥༠. ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ – པུ་རི་མཱ པུ་རི་མཱ ཨ་ནུ་པཱ་དི་ནྣཱ ཁ་ནྡྷཱ པ་ཙྪི་མཱ་ནཾ པ་ཙྪི་མཱ་ནཾ ཨ་ནུ་པཱ་དི་ནྣཱ་ནཾ ཁ་ནྡྷཱ་ནཾ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ, ཨ་ནུ་ལོ་མཾ གོ་ཏྲ་བྷུ་སྶ…པེ… ཕ་ལ་ས་མཱ་པ་ཏྟི་ཡཱ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ. (༡)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ – ཨཱ་ཝ་ཛྫ་ནཱ པ་ཉྩ་ནྣཾ ཝི་ཉྙཱ་ཎཱ་ནཾ…པེ… ཨ་ནུ་པཱ་དི་ནྣཱ ཁ་ནྡྷཱ ཝུ་ཊྛཱ་ན་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ… ས་མ་ན་ནྟ་ར་པ་ཙྩ་ཡེ་ན པ་ཙྩ་ཡོ… ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ… པ་ཉྩ (པ་ཊི་ཙྩ་ས་དི་སཱ)… ཨ་ཉྙ་མ་ཉྙ་པ་ཙྩ་ཡེ་ན པ་ཙྩ་ཡོ… དྭེ (པ་ཊི་ཙྩ་ས་དི་སཱ)… ནི་སྶ་ཡ་པ་ཙྩ་ཡེ་ན པ་ཙྩ་ཡོ (པ་ཙྩ་ཡ་ཝཱ་རེ ནི་སྶ་ཡ་ས་དི་སཱ) པ་ཉྩ.
ཨུ་པ་ནི་སྶ་ཡ་པ་ཙྩ་ཡོ
༤༥༡. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ – ཨ་ན་ནྟ་རཱུ་པ་ནི་སྶ་ཡོ, པ་ཀ་ཏཱུ་པ་ནི་སྶ་ཡོ…པེ…. པ་ཀ་ཏཱུ་པ་ནི་སྶ་ཡོ – ཀཱ་ཡི་ཀཾ སུ་ཁཾ ཀཱ་ཡི་ཀ་སྶ སུ་ཁ་སྶ… ཀཱ་ཡི་ཀ་སྶ དུ་ཀྑ་སྶ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ; ཀཱ་ཡི་ཀཾ དུ་ཀྑཾ… ཨུ་པཱ་དི་ནྣཾ ཨུ་ཏུ… བྷོ་ཛ་ནཾ ཀཱ་ཡི་ཀ་སྶ སུ་ཁ་སྶ… ཀཱ་ཡི་ཀ་སྶ དུ་ཀྑ་སྶ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ; ཀཱ་ཡི་ཀཾ སུ་ཁཾ… ཀཱ་ཡི་ཀཾ དུ་ཀྑཾ… ཨུ་ཏུ… བྷོ་ཛ་ནཾ… ཀཱ་ཡི་ཀ་སྶ སུ་ཁ་སྶ… ཀཱ་ཡི་ཀ་སྶ དུ་ཀྑ་སྶ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ – ཨཱ་ར་མྨ་ཎཱུ་པ་ནི་སྶ་ཡོ, ཨ་ན་ནྟ་རཱུ་པ་ནི་སྶ་ཡོ, པ་ཀ་ཏཱུ་པ་ནི་སྶ་ཡོ…པེ…. པ་ཀ་ཏཱུ་པ་ནི་སྶ་ཡོ – ཀཱ་ཡི་ཀཾ སུ་ཁཾ ཨུ་པ་ནི་སྶཱ་ཡ དཱ་ནཾ དེ་ཏི…པེ… ས་ངྒྷཾ བྷི་ནྡ་ཏི; ཀཱ་ཡི་ཀཾ དུ་ཀྑཾ… ཨུ་པཱ་དི་ནྣཾ ཨུ་ཏུཾ… བྷོ་ཛ་ནཾ ཨུ་པ་ནི་སྶཱ་ཡ དཱ་ནཾ དེ་ཏི…པེ… ས་མཱ་པ་ཏྟིཾ ཨུ་པྤཱ་དེ་ཏི; པཱ་ཎཾ ཧ་ན་ཏི…པེ… ས་ངྒྷཾ བྷི་ནྡ་ཏི; ཀཱ་ཡི་ཀཾ སུ་ཁཾ… ཀཱ་ཡི་ཀཾ དུ་ཀྑཾ… ཨུ་ཏུ… བྷོ་ཛ་ནཾ ས་དྡྷཱ་ཡ…པེ… པ་ཏྠ་ནཱ་ཡ མ་གྒ་སྶ, ཕ་ལ་ས་མཱ་པ་ཏྟི་ཡཱ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. (༢)
༤༥༢. ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ – ཨཱ་ར་མྨ་ཎཱུ་པ་ནི་སྶ་ཡོ, ཨ་ན་ནྟ་རཱུ་པ་ནི་སྶ་ཡོ, པ་ཀ་ཏཱུ་པ་ནི་སྶ་ཡོ…པེ…. པ་ཀ་ཏཱུ་པ་ནི་སྶ་ཡོ – ས་དྡྷཾ ཨུ་པ་ནི་སྶཱ་ཡ དཱ་ནཾ དེ་ཏི, མཱ་ནཾ ཛ་པྤེ་ཏི, དི་ཊྛིཾ ག་ཎྷཱ་ཏི; སཱི་ལཾ…པེ… པ་ཏྠ་ནཾ… ཨུ་ཏུཾ… བྷོ་ཛ་ནཾ… སེ་ནཱ་ས་ནཾ ཨུ་པ་ནི་སྶཱ་ཡ དཱ་ནཾ དེ་ཏི…པེ… ས་ངྒྷཾ བྷི་ནྡ་ཏི; ས་དྡྷཱ…པེ… པ་ཏྠ་ནཱ… ཨུ་ཏུ… བྷོ་ཛ་ནཾ… སེ་ནཱ་ས་ནཾ ས་དྡྷཱ་ཡ…པེ… པ་ཏྠ་ནཱ་ཡ མ་གྒ་སྶ, ཕ་ལ་ས་མཱ་པ་ཏྟི་ཡཱ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. (༡)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ – ཨ་ན་ནྟ་རཱུ་པ་ནི་སྶ་ཡོ, པ་ཀ་ཏཱུ་པ་ནི་སྶ་ཡོ…པེ…. པ་ཀ་ཏཱུ་པ་ནི་སྶ་ཡོ – ས་དྡྷཾ ཨུ་པ་ནི་སྶཱ་ཡ ཨ་ཏྟཱ་ནཾ ཨཱ་ཏཱ་པེ་ཏི པ་རི་ཏཱ་པེ་ཏི, པ་རི་ཡི་ཊྛི་མཱུ་ལ་ཀཾ དུ་ཀྑཾ པ་ཙྩ་ནུ་བྷོ་ཏི; སཱི་ལཾ…པེ… པ་ཏྠ་ནཾ… ཨུ་ཏུཾ… བྷོ་ཛ་ནཾ… སེ་ནཱ་ས་ནཾ ཨུ་པ་ནི་སྶཱ་ཡ ཨ་ཏྟཱ་ནཾ ཨཱ་ཏཱ་པེ་ཏི པ་རི་ཏཱ་པེ་ཏི, པ་རི་ཡི་ཊྛི་མཱུ་ལ་ཀཾ དུ་ཀྑཾ པ་ཙྩ་ནུ་བྷོ་ཏི; ས་དྡྷཱ…པེ… སེ་ནཱ་ས་ནཾ ཀཱ་ཡི་ཀ་སྶ སུ་ཁ་སྶ… ཀཱ་ཡི་ཀ་སྶ དུ་ཀྑ་སྶ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. ཀུ་ས་ལཱ་ཀུ་ས་ལཾ ཀ་མྨཾ ཝི་པཱ་ཀ་སྶ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. (༢)
པུ་རེ་ཛཱ་ཏ་པ་ཙྩ་ཡོ
༤༥༣. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ – ཨཱ་ར་མྨ་ཎ་པུ་རེ་ཛཱ་ཏཾ, ཝ་ཏྠུ་པུ་རེ་ཛཱ་ཏཾ. ཨཱ་ར་མྨ་ཎ་པུ་རེ་ཛཱ་ཏཾ – ཙ་ཀྑུཾ…པེ… ཀཱ་ཡཾ ཨུ་པཱ་དི་ནྣེ རཱུ་པེ… ག་ནྡྷེ… ར་སེ… ཕོ་ཊྛ་བྦེ… ཝ་ཏྠུཾ ཨ་ནི་ཙྩ་ཏོ…པེ… དོ་མ་ན་སྶཾ ཨུ་པྤ་ཛྫ་ཏི; ཀུ་ས་ལཱ་ཀུ་ས་ལེ ནི་རུ་དྡྷེ ཝི་པཱ་ཀོ ཏ་དཱ་ར་མྨ་ཎ་ཏཱ ཨུ་པྤ་ཛྫ་ཏི, ཨུ་པཱ་དི་ནྣཾ རཱུ་པཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་སྶ…པེ… ག་ནྡྷཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ ཀཱ་ཡ་ཝི་ཉྙཱ་ཎ་སྶ…པེ…. ཝ་ཏྠུ་པུ་རེ་ཛཱ་ཏཾ – ཙ་ཀྑཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་སྶ…པེ… ཀཱ་ཡཱ་ཡ་ཏ་ནཾ ཀཱ་ཡ་ཝི་ཉྙཱ་ཎ་སྶ…པེ… ཝ་ཏྠུ ཨུ་པཱ་དི་ནྣཱ་ནཾ ཁ་ནྡྷཱ་ནཾ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ – ཨཱ་ར་མྨ་ཎ་པུ་རེ་ཛཱ་ཏཾ, ཝ་ཏྠུ་པུ་རེ་ཛཱ་ཏཾ. ཨཱ་ར་མྨ་ཎ་པུ་རེ་ཛཱ་ཏཾ – ཙ་ཀྑུཾ…པེ… ཀཱ་ཡཾ, ཨུ་པཱ་དི་ནྣེ རཱུ་པེ… ག་ནྡྷེ… ར་སེ… ཕོ་ཊྛ་བྦེ ཝ་ཏྠུཾ ཨ་ནི་ཙྩ་ཏོ…པེ… དོ་མ་ན་སྶཾ ཨུ་པྤ་ཛྫ་ཏི; དི་བྦེ་ན ཙ་ཀྑུ་ནཱ ཨུ་པཱ་དི་ནྣཾ རཱུ་པཾ པ་སྶ་ཏི. ཝ་ཏྠུ་པུ་རེ་ཛཱ་ཏཾ – ཝ་ཏྠུ ཨ་ནུ་པཱ་དི་ནྣཱ་ནཾ ཁ་ནྡྷཱ་ནཾ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. (༢)
༤༥༤. ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཨཱ་ར་མྨ་ཎ་པུ་རེ་ཛཱ་ཏཾ – ཨ་ནུ་པཱ་དི་ནྣེ རཱུ་པེ… ས་དྡེ… ག་ནྡྷེ… ར་སེ… ཕོ་ཊྛ་བྦེ ཨ་ནི་ཙྩ་ཏོ…པེ… དོ་མ་ན་སྶཾ ཨུ་པྤ་ཛྫ་ཏི; དི་བྦེ་ན ཙ་ཀྑུ་ནཱ ཨ་ནུ་པཱ་དི་ནྣཾ རཱུ་པཾ པ་སྶ་ཏི, དི་བྦཱ་ཡ སོ་ཏ་དྷཱ་ཏུ་ཡཱ ས་དྡཾ སུ་ཎཱ་ཏི. (༡)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཨཱ་ར་མྨ་ཎ་པུ་རེ་ཛཱ་ཏཾ – ཨ་ནུ་པཱ་དི་ནྣེ རཱུ་པེ… ས་དྡེ… ག་ནྡྷེ… ར་སེ… ཕོ་ཊྛ་བྦེ ཨ་ནི་ཙྩ་ཏོ…པེ… དོ་མ་ན་སྶཾ ཨུ་པྤ་ཛྫ་ཏི; ཀུ་ས་ལཱ་ཀུ་ས་ལེ ནི་རུ་དྡྷེ ཝི་པཱ་ཀོ ཏ་དཱ་ར་མྨ་ཎ་ཏཱ ཨུ་པྤ་ཛྫ་ཏི, ཨ་ནུ་པཱ་དི་ནྣཾ རཱུ་པཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་སྶ…པེ… ས་དྡཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ ཀཱ་ཡ་ཝི་ཉྙཱ་ཎ་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. (༢)
ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ དྷ་མྨཱ ཨུ་པཱ་དི་ནྣ་སྶ དྷ་མྨ་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ – ཨཱ་ར་མྨ་ཎ་པུ་རེ་ཛཱ་ཏཾ, ཝ་ཏྠུ་པུ་རེ་ཛཱ་ཏཾ. ཨ་ནུ་པཱ་དི་ནྣཾ རཱུ་པཱ་ཡ་ཏ་ན་ཉྩ ཙ་ཀྑཱ་ཡ་ཏ་ན་ཉྩ ཙ་ཀྑུ་ཝི་ཉྙཱ་ཎ་སྶ…པེ… ས་དྡཱ་ཡ་ཏ་ན་ཉྩ སོ་ཏཱ་ཡ་ཏ་ན་ཉྩ…པེ… ཕོ་ཊྛ་བྦཱ་ཡ་ཏ་ན་ཉྩ ཀཱ་ཡཱ་ཡ་ཏ་ན་ཉྩ ཀཱ་ཡ་ཝི་ཉྙཱ་ཎ་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ; ཨ་ནུ་པཱ་དི་ནྣཾ རཱུ་པཱ་ཡ་ཏ་ན་ཉྩ ཝ་ཏྠུ ཙ…པེ… ཕོ་ཊྛ་བྦཱ་ཡ་ཏ་ན་ཉྩ ཝ་ཏྠུ ཙ ཨུ་པཱ་དི་ནྣཱ་ནཾ ཁ་ནྡྷཱ་ནཾ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ དྷ་མྨཱ ཨ་ནུ་པཱ་དི་ནྣ་སྶ དྷ་མྨ་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ – ཨཱ་ར་མྨ་ཎ་པུ་རེ་ཛཱ་ཏཾ, ཝ་ཏྠུ་པུ་རེ་ཛཱ་ཏཾ. ཨ་ནུ་པཱ་དི་ནྣཾ རཱུ་པཱ་ཡ་ཏ་ན་ཉྩ ཝ་ཏྠུ ཙ…པེ… ཕོ་ཊྛ་བྦཱ་ཡ་ཏ་ན་ཉྩ ཝ་ཏྠུ ཙ ཨ་ནུ་པཱ་དི་ནྣཱ་ནཾ ཁ་ནྡྷཱ་ནཾ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. (༢)
པ་ཙྪཱ་ཛཱ་ཏཱ་སེ་ཝ་ན་པ་ཙྩ་ཡཱ
༤༥༥. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ – པ་ཙྪཱ་ཛཱ་ཏཱ ཨུ་པཱ་དི་ནྣཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཨུ་པཱ་དི་ནྣ་སྶ ཀཱ་ཡ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ – པ་ཙྪཱ་ཛཱ་ཏཱ ཨུ་པཱ་དི་ནྣཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཨ་ནུ་པཱ་དི་ནྣ་སྶ ཀཱ་ཡ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ. (༢)
ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ (སཾ་ཁི་ཏྟཾ). (༣)
ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ (སཾ་ཁི་ཏྟཾ). (༡)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ (སཾ་ཁི་ཏྟཾ). (༢)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ (སཾ་ཁི་ཏྟཾ). (༣)
༤༥༦. ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨཱ་སེ་ཝ་ན་པ་ཙྩ་ཡེ་ན པ་ཙྩ་ཡོ… ཨེ་ཀཾ (སཾ་ཁི་ཏྟཾ).
ཀ་མྨ་པ་ཙྩ་ཡོ
༤༥༧. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཀ་མྨ་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣཱ ཙེ་ཏ་ནཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཀ་མྨ་པ་ཙྩ་ཡེ་ན པ་ཙྩ་ཡོ; པ་ཊི་ས་ནྡྷི་ཀྑ་ཎེ ཨུ་པཱ་དི་ནྣཱ ཙེ་ཏ་ནཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ ཀ་མྨ་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཀ་མྨ་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣཱ ཙེ་ཏ་ནཱ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ ཀ་མྨ་པ་ཙྩ་ཡེ་ན པ་ཙྩ་ཡོ. (༢)
ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ ཀ་མྨ་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣཱ ཙེ་ཏ་ནཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཀ་མྨ་པ་ཙྩ་ཡེ་ན པ་ཙྩ་ཡོ. (༣)
ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཀ་མྨ་པ་ཙྩ་ཡེ་ན པ་ཙྩ་ཡོ – ཨ་ནུ་པཱ་དི་ནྣཱ ཙེ་ཏ་ནཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཀ་མྨ་པ་ཙྩ་ཡེ་ན པ་ཙྩ་ཡོ. (༡)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཀ་མྨ་པ་ཙྩ་ཡེ་ན པ་ཙྩ་ཡོ. ནཱ་ནཱ་ཀྑ་ཎི་ཀཱ – ཨ་ནུ་པཱ་དི་ནྣཱ ཙེ་ཏ་ནཱ ཝི་པཱ་ཀཱ་ནཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ ཀ་མྨ་པ་ཙྩ་ཡེ་ན པ་ཙྩ་ཡོ. (༢)
ཝི་པཱ་ཀ་པ་ཙྩ་ཡོ
༤༥༨. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཝི་པཱ་ཀ་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣོ ཨེ་ཀོ ཁ་ནྡྷོ (སཾ་ཁི་ཏྟཾ. ཨུ་པཱ་དི་ནྣ་མཱུ་ལ་ཀེ ཏཱི་ཎི. ).
ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཝི་པཱ་ཀ་པ་ཙྩ་ཡེ་ན པ་ཙྩ་ཡོ – ཝི་པཱ་ཀོ ཨ་ནུ་པཱ་དི་ནྣོ ཨེ་ཀོ ཁ་ནྡྷོ ཏི་ཎྞ་ནྣཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཝི་པཱ་ཀ་པ་ཙྩ་ཡེ་ན པ་ཙྩ་ཡོ…པེ… དྭེ ཁ་ནྡྷཱ…པེ…. (༡)
ཨཱ་ཧཱ་ར་པ་ཙྩ་ཡོ
༤༥༩. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣཱ ཨཱ་ཧཱ་རཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ; པ་ཊི་ས་ནྡྷི་ཀྑ་ཎེ…པེ… ཨུ་པཱ་དི་ནྣོ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨུ་པཱ་དི་ནྣ་སྶ ཀཱ་ཡ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣཱ ཨཱ་ཧཱ་རཱ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ; ཨུ་པཱ་དི་ནྣོ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨ་ནུ་པཱ་དི་ནྣ་སྶ ཀཱ་ཡ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. (༢)
ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣཱ ཨཱ་ཧཱ་རཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ; ཨུ་པཱ་དི་ནྣོ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ ཀཱ་ཡ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. (༣)
༤༦༠. ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ – ཨ་ནུ་པཱ་དི་ནྣཱ ཨཱ་ཧཱ་རཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ; ཨ་ནུ་པཱ་དི་ནྣོ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨ་ནུ་པཱ་དི་ནྣ་སྶ ཀཱ་ཡ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. (༡)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ – ཨ་ནུ་པཱ་དི་ནྣོ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨུ་པཱ་དི་ནྣ་སྶ ཀཱ་ཡ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. (༢)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ – ཨ་ནུ་པཱ་དི་ནྣོ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ ཀཱ་ཡ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. (༣)
ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ དྷ་མྨཱ ཨུ་པཱ་དི་ནྣ་སྶ དྷ་མྨ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨུ་པཱ་དི་ནྣ་སྶ ཀཱ་ཡ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ དྷ་མྨཱ ཨ་ནུ་པཱ་དི་ནྣ་སྶ དྷ་མྨ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨ་ནུ་པཱ་དི་ནྣ་སྶ ཀཱ་ཡ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. (༢)
ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ དྷ་མྨཱ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ ཀཱ་ཡ་སྶ ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. (༣)
ཨི་ནྡྲི་ཡ་པ་ཙྩ་ཡཱ་དི
༤༦༡. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨི་ནྡྲི་ཡ་པ་ཙྩ་ཡེ་ན པ་ཙྩ་ཡོ – ཨུ་པཱ་དི་ནྣཱ ཨི་ནྡྲི་ཡཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཨི་ནྡྲི་ཡ་པ་ཙྩ་ཡེ་ན པ་ཙྩ་ཡོ. (༡)
པ་ཊི་ས་ནྡྷི་ཀྑ་ཎེ ཨུ་པཱ་དི་ནྣཱ ཨི་ནྡྲི་ཡཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཀ་ཊ་ཏྟཱ ཙ རཱུ་པཱ་ནཾ ཨི་ནྡྲི་ཡ་པ་ཙྩ་ཡེ་ན པ་ཙྩ་ཡོ; ཙ་ཀྑུ་ནྡྲི་ཡཾ ཙ་ཀྑུ་ཝི་ཉྙཱ་ཎ་སྶ…པེ… ཀཱ་ཡི་ནྡྲི་ཡཾ ཀཱ་ཡ་ཝི་ཉྙཱ་ཎ་སྶ…པེ… རཱུ་པ་ཛཱི་ཝི་ཏི་ནྡྲི་ཡཾ ཀ་ཊ་ཏྟཱ་རཱུ་པཱ་ནཾ ཨི་ནྡྲི་ཡ་པ་ཙྩ་ཡེ་ན པ་ཙྩ་ཡོ. (༢)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ…པེ… (ཨུ་པཱ་དི་ནྣ་མཱུ་ལ་ཀེ ཏཱི་ཎི, པ་ཋ་མ་སྶེ་ཝ རཱུ་པ་ཛཱི་ཝི་ཏི་ནྡྲི་ཡཾ, ཨི་ཏ་རེ་སུ ན་ཏྠི). (༣)
ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨི་ནྡྲི་ཡ་པ་ཙྩ་ཡེ་ན པ་ཙྩ་ཡོ – ཨ་ནུ་པཱ་དི་ནྣཱ ཨི་ནྡྲི་ཡཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ ཨི་ནྡྲི་ཡ་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཛྷཱ་ན་པ་ཙྩ་ཡེ་ན པ་ཙྩ་ཡོ… ཙ་ཏྟཱ་རི, མ་གྒ་པ་ཙྩ་ཡེ་ན པ་ཙྩ་ཡོ… ཙ་ཏྟཱ་རི, ས་མྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ… དྭེ.
ཝི་པྤ་ཡུ་ཏྟ་པ་ཙྩ་ཡོ
༤༦༢. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ – ས་ཧ་ཛཱ་ཏཾ, པུ་རེ་ཛཱ་ཏཾ, པ་ཙྪཱ་ཛཱ་ཏཾ. ས་ཧ་ཛཱ་ཏཾ – པ་ཊི་ས་ནྡྷི་ཀྑ་ཎེ ཨུ་པཱ་དི་ནྣཱ ཁ་ནྡྷཱ ཀ་ཊ་ཏྟཱ་རཱུ་པཱ་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ, ཁ་ནྡྷཱ ཝ་ཏྠུ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ, ཝ་ཏྠུ ཁ་ནྡྷཱ་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. པུ་རེ་ཛཱ་ཏཾ – ཙ་ཀྑཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་སྶ…པེ… ཀཱ་ཡཱ་ཡ་ཏ་ནཾ ཀཱ་ཡ་ཝི་ཉྙཱ་ཎ་སྶ…པེ… ཝ་ཏྠུ ཨུ་པཱ་དི་ནྣཱ་ནཾ ཁ་ནྡྷཱ་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. པ་ཙྪཱ་ཛཱ་ཏཱ – ཨུ་པཱ་དི་ནྣཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཨུ་པཱ་དི་ནྣ་སྶ ཀཱ་ཡ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ – ས་ཧ་ཛཱ་ཏཾ, པུ་རེ་ཛཱ་ཏཾ, པ་ཙྪཱ་ཛཱ་ཏཾ. ས་ཧ་ཛཱ་ཏཱ – ཨུ་པཱ་དི་ནྣཱ ཁ་ནྡྷཱ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. པུ་རེ་ཛཱ་ཏཾ – ཝ་ཏྠུ ཨ་ནུ་པཱ་དི་ནྣཱ་ནཾ ཁ་ནྡྷཱ་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. པ་ཙྪཱ་ཛཱ་ཏཱ – ཨུ་པཱ་དི་ནྣཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཨ་ནུ་པཱ་དི་ནྣ་སྶ ཀཱ་ཡ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. (༢)
ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. པ་ཙྪཱ་ཛཱ་ཏཱ – ཨུ་པཱ་དི་ནྣཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ ཀཱ་ཡ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. (༣)
༤༦༣. ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ – ས་ཧ་ཛཱ་ཏཾ, པ་ཙྪཱ་ཛཱ་ཏཾ. ས་ཧ་ཛཱ་ཏཱ – ཨ་ནུ་པཱ་དི་ནྣཱ ཁ་ནྡྷཱ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. པ་ཙྪཱ་ཛཱ་ཏཱ – ཨ་ནུ་པཱ་དི་ནྣཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཨ་ནུ་པཱ་དི་ནྣ་སྶ ཀཱ་ཡ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. (༡)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. པ་ཙྪཱ་ཛཱ་ཏཱ – ཨ་ནུ་པཱ་དི་ནྣཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཨུ་པཱ་དི་ནྣ་སྶ ཀཱ་ཡ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. (༢)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. པ་ཙྪཱ་ཛཱ་ཏཱ – ཨ་ནུ་པཱ་དི་ནྣཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ ཀཱ་ཡ་སྶ ཝི་པྤ་ཡུ་ཏྟ་པ་ཙྩ་ཡེ་ན པ་ཙྩ་ཡོ. (༣)
ཨ་ཏྠི་པ་ཙྩ་ཡཱ་དི
༤༦༤. ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ – ས་ཧ་ཛཱ་ཏཾ, པུ་རེ་ཛཱ་ཏཾ, པ་ཙྪཱ་ཛཱ་ཏཾ, ཨཱ་ཧཱ་རཾ, ཨི་ནྡྲི་ཡཾ (སཾ་ཁི་ཏྟཾ. ཡ་ཐཱ ནི་ཀྑི་ཏྟ་པ་དཱ་ནི ཝི་བྷ་ཛི་ཏ་བྦཱ་ནི པ་རི་པུ་ཎྞཱ་ནི). (༡)
ཨུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ – ས་ཧ་ཛཱ་ཏཾ, པུ་རེ་ཛཱ་ཏཾ, པ་ཙྪཱ་ཛཱ་ཏཾ, ཨཱ་ཧཱ་རཾ (སཾ་ཁི་ཏྟཾ, ཡ་ཐཱ ནི་ཀྑི་ཏྟ་པ་དཱ་ནི ཝི་ཏྠཱ་རེ་ཏ་བྦཱ་ནི. (༢)
ཨུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ – ས་ཧ་ཛཱ་ཏཾ, པ་ཙྪཱ་ཛཱ་ཏཾ, ཨཱ་ཧཱ་རཾ (སཾ་ཁི་ཏྟཾ, ཡ་ཐཱ ནི་ཀྑི་ཏྟ་པ་དཱ་ནི ཝི་ཏྠཱ་རེ་ཏ་བྦཱ་ནི). (༣)
ཨ་ནུ་པཱ་དི་ནྣོ དྷ་མྨོ ཨ་ནུ་པཱ་དི་ནྣ་སྶ དྷ་མྨ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ – ས་ཧ་ཛཱ་ཏཾ, པུ་རེ་ཛཱ་ཏཾ, པ་ཙྪཱ་ཛཱ་ཏཾ, ཨཱ་ཧཱ་རཾ (སཾ་ཁི་ཏྟཾ, ཡ་ཐཱ ནི་ཀྑི་ཏྟ་པ་དཱ་ནི ཝི་བྷ་ཛི་ཏ་བྦཱ་ནི). (༡)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ དྷ་མྨ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ – པུ་རེ་ཛཱ་ཏཾ, པ་ཙྪཱ་ཛཱ་ཏཾ, ཨཱ་ཧཱ་རཾ. པུ་རེ་ཛཱ་ཏཾ – ཨ་ནུ་པཱ་དི་ནྣེ རཱུ་པེ… ས་དྡེ… ག་ནྡྷེ… ར་སེ… ཕོ་ཊྛ་བྦེ ཨ་ནི་ཙྩ་ཏོ…པེ… དོ་མ་ན་སྶཾ ཨུ་པྤ་ཛྫ་ཏི; ཀུ་ས་ལཱ་ཀུ་ས་ལེ ནི་རུ་དྡྷེ ཝི་པཱ་ཀོ ཏ་དཱ་ར་མྨ་ཎ་ཏཱ ཨུ་པྤ་ཛྫ་ཏི, ཨ་ནུ་པཱ་དི་ནྣཾ རཱུ་པཱ་ཡ་ཏ་ནཾ ཙ་ཀྑུ་ཝི་ཉྙཱ་ཎ་སྶ…པེ… ཕོ་ཊྛ་བྦཱ་ཡ་ཏ་ནཾ ཀཱ་ཡ་ཝི་ཉྙཱ་ཎ་སྶ…པེ…. པ་ཙྪཱ་ཛཱ་ཏཱ – ཨ་ནུ་པཱ་དི་ནྣཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཨུ་པཱ་དི་ནྣ་སྶ ཀཱ་ཡ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ; ཨ་ནུ་པཱ་དི་ནྣོ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨུ་པཱ་དི་ནྣ་སྶ ཀཱ་ཡ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ. (༢)
ཨ་ནུ་པཱ་དི་ནྣོ དྷ་མྨོ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ – པ་ཙྪཱ་ཛཱ་ཏཾ, ཨཱ་ཧཱ་རཾ. པ་ཙྪཱ་ཛཱ་ཏཱ – ཨ་ནུ་པཱ་དི་ནྣཱ ཁ་ནྡྷཱ པུ་རེ་ཛཱ་ཏ་སྶ ཨི་མ་སྶ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ ཀཱ་ཡ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ; ཨ་ནུ་པཱ་དི་ནྣོ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ ཀཱ་ཡ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ. (༣)
༤༦༥. ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ དྷ་མྨཱ ཨུ་པཱ་དི་ནྣ་སྶ དྷ་མྨ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ – པུ་རེ་ཛཱ་ཏཾ, པ་ཙྪཱ་ཛཱ་ཏཾ, ཨཱ་ཧཱ་རཾ, ཨི་ནྡྲི་ཡཾ. པུ་རེ་ཛཱ་ཏཾ – ཨ་ནུ་པཱ་དི་ནྣཾ རཱུ་པཱ་ཡ་ཏ་ན་ཉྩ ཙ་ཀྑཱ་ཡ་ཏ་ན་ཉྩ ཙ་ཀྑུ་ཝི་ཉྙཱ་ཎ་སྶ…པེ… ཨ་ནུ་པཱ་དི་ནྣཾ ཕོ་ཊྛ་བྦཱ་ཡ་ཏ་ན་ཉྩ ཀཱ་ཡཱ་ཡ་ཏ་ན་ཉྩ ཀཱ་ཡ་ཝི་ཉྙཱ་ཎ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ; ཨ་ནུ་པཱ་དི་ནྣཾ རཱུ་པཱ་ཡ་ཏ་ན་ཉྩ ཝ་ཏྠུ ཙ…པེ… ཕོ་ཊྛ་བྦཱ་ཡ་ཏ་ན་ཉྩ ཝ་ཏྠུ ཙ ཨུ་པཱ་དི་ནྣཱ་ནཾ ཁ་ནྡྷཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ. པ་ཙྪཱ་ཛཱ་ཏཱ – ཨུ་པཱ་དི་ནྣཱ ཁ་ནྡྷཱ ཙ ཨ་ནུ་པཱ་དི་ནྣོ ཀ་བ་ལཱི༹་ཀཱ་རོ ཨཱ་ཧཱ་རོ ཙ ཨི་མ་སྶ ཨུ་པཱ་དི་ནྣ་སྶ ཀཱ་ཡ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ. པ་ཙྪཱ་ཛཱ་ཏཱ – ཨ་ནུ་པཱ་དི་ནྣཱ ཁ་ནྡྷཱ ཙ རཱུ་པ་ཛཱི་ཝི་ཏི་ནྡྲི་ཡ་ཉྩ ཀ་ཊ་ཏྟཱ་རཱུ་པཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ. (༡)
ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ དྷ་མྨཱ ཨ་ནུ་པཱ་དི་ནྣ་སྶ དྷ་མྨ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ – ས་ཧ་ཛཱ་ཏཾ, པུ་རེ་ཛཱ་ཏཾ, པ་ཙྪཱ་ཛཱ་ཏཾ, ཨཱ་ཧཱ་རཾ. ས་ཧ་ཛཱ་ཏཱ – ཨུ་པཱ་དི་ནྣཱ ཁ་ནྡྷཱ ཙ མ་ཧཱ་བྷཱུ་ཏཱ ཙ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ. ས་ཧ་ཛཱ་ཏོ – ཨ་ནུ་པཱ་དི་ནྣོ ཨེ་ཀོ ཁ་ནྡྷོ ཙ ཝ་ཏྠུ ཙ ཏི་ཎྞ་ནྣཾ ཁ་ནྡྷཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ…པེ… དྭེ ཁ་ནྡྷཱ ཙ…པེ…. པུ་རེ་ཛཱ་ཏཾ – ཨ་ནུ་པཱ་དི་ནྣཾ རཱུ་པཱ་ཡ་ཏ་ན་ཉྩ ཝ་ཏྠུ ཙ ཨ་ནུ་པཱ་དི་ནྣཱ་ནཾ ཁ་ནྡྷཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ…པེ… ཕོ་ཊྛ་བྦཱ་ཡ་ཏ་ན་ཉྩ ཝ་ཏྠུ ཙ ཨ་ནུ་པཱ་དི་ནྣཱ་ནཾ ཁ་ནྡྷཱ་ནཾ ཨ་ཏྠི་པ་ཙྩ་ཡེ་ན པ་ཙྩ་ཡོ. པ་ཙྪཱ་ཛཱ་ཏཱ – ཨུ་པཱ་དི་ནྣཱ ཁ་ནྡྷཱ ཙ ཨ་ནུ་པཱ་དི་ནྣོ ཀ་བ་ལཱི༹་ཀཱ་རོ ཨཱ་ཧཱ་རོ ཙ ཨི་མ་སྶ ཨ་ནུ་པཱ་དི་ནྣ་སྶ ཀཱ་ཡ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ. (༢)
ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ དྷ་མྨཱ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ དྷ་མྨ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ. ཨཱ་ཧཱ་རཾ – ཨུ་པཱ་དི་ནྣོ ཙ ཨ་ནུ་པཱ་དི་ནྣོ ཙ ཀ་བ་ལཱི༹་ཀཱ་རོ ཨཱ་ཧཱ་རོ ཨི་མ་སྶ ཨུ་པཱ་དི་ནྣ་སྶ ཙ ཨ་ནུ་པཱ་དི་ནྣ་སྶ ཙ ཀཱ་ཡ་སྶ ཨ་ཏྠི་པ་ཙྩ་ཡེ་ན པ་ཙྩ་ཡོ. (༣)
ན་ཏྠི་པ་ཙྩ་ཡེ་ན པ་ཙྩ་ཡོ… ཝི་ག་ཏ་པ་ཙྩ་ཡེ་ན པ་ཙྩ་ཡོ… ཨ་ཝི་ག་ཏ་པ་ཙྩ་ཡེ་ན པ་ཙྩ་ཡོ.