༡. ཝི་བྷ་ངྒ་ཝཱ་རོ

ན་ཧེ་ཏུ་པ་ཙྩ་ཡོ

༣༣༤. ཨ་ཀུ་ས་ལཾ དྷ་མྨཾ ནི་སྶཱ་ཡ ཨ་ཀུ་ས་ལོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ – ཝི་ཙི་ཀི་ཙྪཱ་ས་ཧ་ག་ཏེ ཨུ་དྡྷ་ཙྩ་ས་ཧ་ག་ཏེ ཁ་ནྡྷེ ནི་སྶཱ་ཡ ཝི་ཙི་ཀི་ཙྪཱ་ས་ཧ་ག་ཏོ ཨུ་དྡྷ་ཙྩ་ས་ཧ་ག་ཏོ མོ་ཧོ. (༡)

ཨ་བྱཱ་ཀ་ཏཾ དྷ་མྨཾ ནི་སྶཱ་ཡ ཨ་བྱཱ་ཀ་ཏོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ – ཨ་ཧེ་ཏུ་ཀཾ ཝི་པཱ་ཀཱ་བྱཱ་ཀ་ཏཾ ཀི་རི་ཡཱ་བྱཱ་ཀ་ཏཾ ཨེ་ཀཾ ཁ་ནྡྷཾ ནི་སྶཱ་ཡ ཏ་ཡོ ཁ་ནྡྷཱ ཙི་ཏྟ་ས་མུ་ཊྛཱ་ན་ཉྩ རཱུ་པཾ, ཏ་ཡོ ཁ་ནྡྷེ ནི་སྶཱ་ཡ ཨེ་ཀོ ཁ་ནྡྷོ ཙི་ཏྟ་ས་མུ་ཊྛཱ་ན་ཉྩ རཱུ་པཾ, དྭེ ཁ་ནྡྷ ནི་སྶཱ་ཡ དྭེ ཁ་ནྡྷཱ ཙི་ཏྟ་ས་མུ་ཊྛཱ་ན་ཉྩ རཱུ་པཾ; ཨ་ཧེ་ཏུ་ཀ་པ་ཊི་ས་ནྡྷི་ཀྑ་ཎེ ཝི་པཱ་ཀཱ་བྱཱ་ཀ་ཏཾ ཨེ་ཀཾ ཁ་ནྡྷཾ ནི་སྶཱ་ཡ ཏ་ཡོ ཁ་ནྡྷཱ ཀ་ཊ་ཏྟཱ ཙ རཱུ་པཾ…པེ… དྭེ ཁ་ནྡྷེ ནི་སྶཱ་ཡ དྭེ ཁ་ནྡྷཱ ཀ་ཊ་ཏྟཱ ཙ རཱུ་པཾ; ཁ་ནྡྷེ ནི་སྶཱ་ཡ ཝ་ཏྠུ, ཝ་ཏྠུཾ ནི་སྶཱ་ཡ ཁ་ནྡྷཱ; ཨེ་ཀཾ མ་ཧཱ་བྷཱུ་ཏཾ ནི་སྶཱ་ཡ ཏ་ཡོ མ་ཧཱ་བྷཱུ་ཏཱ…པེ… མ་ཧཱ་བྷཱུ་ཏེ ནི་སྶཱ་ཡ ཙི་ཏྟ་ས་མུ་ཊྛཱ་ནཾ རཱུ་པཾ ཀ་ཊ་ཏྟཱ་རཱུ་པཾ ཨུ་པཱ་དཱ་རཱུ་པཾ; བཱ་ཧི་རཾ… ཨཱ་ཧཱ་ར་ས་མུ་ཊྛཱ་ནཾ… ཨུ་ཏུ་ས་མུ་ཊྛཱ་ནཾ… ཨ་ས་ཉྙ་ས་ཏྟཱ་ནཾ ཨེ་ཀཾ མ་ཧཱ་བྷཱུ་ཏཾ ནི་སྶཱ་ཡ ཏ་ཡོ མ་ཧཱ་བྷཱུ་ཏཱ…པེ… མ་ཧཱ་བྷཱུ་ཏེ ནི་སྶཱ་ཡ ཀ་ཊ་ཏྟཱ་རཱུ་པཾ ཨུ་པཱ་དཱ་རཱུ་པཾ; ཙ་ཀྑཱ་ཡ་ཏ་ནཾ ནི་སྶཱ་ཡ ཙ་ཀྑུ་ཝི་ཉྙཱ་ཎཾ…པེ… ཀཱ་ཡཱ་ཡ་ཏ་ནཾ ནི་སྶཱ་ཡ ཀཱ་ཡ་ཝི་ཉྙཱ་ཎཾ; ཝ་ཏྠུཾ ནི་སྶཱ་ཡ ཨ་ཧེ་ཏུ་ཀཱ ཝི་པཱ་ཀཱ་བྱཱ་ཀ་ཏཱ ཀི་རི་ཡཱ་བྱཱ་ཀ་ཏཱ ཁ་ནྡྷཱ. (༡)

ཨ་བྱཱ་ཀ་ཏཾ དྷ་མྨཾ ནི་སྶཱ་ཡ ཨ་ཀུ་ས་ལོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ – ཝ་ཏྠུཾ ནི་སྶཱ་ཡ ཝི་ཙི་ཀི་ཙྪཱ་ས་ཧ་ག་ཏོ ཨུ་དྡྷ་ཙྩ་ས་ཧ་ག་ཏོ མོ་ཧོ. (༢)

ཨ་ཀུ་ས་ལ་ཉྩ ཨ་བྱཱ་ཀ་ཏ་ཉྩ དྷ་མྨཾ ནི་སྶཱ་ཡ ཨ་ཀུ་ས་ལོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ – ཝི་ཙི་ཀི་ཙྪཱ་ས་ཧ་ག་ཏེ ཨུ་དྡྷ་ཙྩ་ས་ཧ་ག་ཏེ ཁ་ནྡྷེ ཙ ཝ་ཏྠུ་ཉྩ ནི་སྶཱ་ཡ ཝི་ཙི་ཀི་ཙྪཱ་ས་ཧ་ག་ཏོ ཨུ་དྡྷ་ཙྩ་ས་ཧ་ག་ཏོ མོ་ཧོ. (༡)

(ཡ་ཐཱ པ་ཙྩ་ཡ་ཝཱ་རེ, ཨེ་ཝཾ ཝི་ཏྠཱ་རེ་ཏ་བྦཾ.)