༡. ཝི་བྷ་ངྒ་ཝཱ་རོ

ན་ཧེ་ཏུ་པ་ཙྩ་ཡོ

༢༣༩. ཨ་ཀུ་ས་ལཾ དྷ་མྨཾ ས་ཧ་ཛཱ་ཏོ ཨ་ཀུ་ས་ལོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ – ཝི་ཙི་ཀི་ཙྪཱ་ས་ཧ་ག་ཏེ ཨུ་དྡྷ་ཙྩ་ས་ཧ་ག་ཏེ ཁ་ནྡྷེ ས་ཧ་ཛཱ་ཏོ ཝི་ཙི་ཀི་ཙྪཱ་ས་ཧ་ག་ཏོ ཨུ་དྡྷ་ཙྩ་ས་ཧ་ག་ཏོ མོ་ཧོ. (༡)

ཨ་བྱཱ་ཀ་ཏཾ དྷ་མྨཾ ས་ཧ་ཛཱ་ཏོ ཨ་བྱཱ་ཀ་ཏོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ – ཨ་ཧེ་ཏུ་ཀཾ ཝི་པཱ་ཀཱ་བྱཱ་ཀ་ཏཾ ཀི་རི་ཡཱ་བྱཱ་ཀ་ཏཾ ཨེ་ཀཾ ཁ་ནྡྷཾ ས་ཧ་ཛཱ་ཏཱ ཏ་ཡོ ཁ་ནྡྷཱ ཙི་ཏྟ་ས་མུ་ཊྛཱ་ན་ཉྩ རཱུ་པཾ, ཏ་ཡོ ཁ་ནྡྷེ ས་ཧ་ཛཱ་ཏོ ཨེ་ཀོ ཁ་ནྡྷོ ཙི་ཏྟ་ས་མུ་ཊྛཱ་ན་ཉྩ རཱུ་པཾ, དྭེ ཁ་ནྡྷེ ས་ཧ་ཛཱ་ཏཱ དྭེ ཁ་ནྡྷཱ ཙི་ཏྟ་ས་མུ་ཊྛཱ་ན་ཉྩ རཱུ་པཾ; ཨ་ཧེ་ཏུ་ཀ་པ་ཊི་ས་ནྡྷི་ཀྑ་ཎེ ཝི་པཱ་ཀཱ་བྱཱ་ཀ་ཏཾ ཨེ་ཀཾ ཁ་ནྡྷཾ ས་ཧ་ཛཱ་ཏཱ ཏ་ཡོ ཁ་ནྡྷཱ ཀ་ཊ་ཏྟཱ ཙ རཱུ་པཾ, ཏ་ཡོ ཁ་ནྡྷེ ས་ཧ་ཛཱ་ཏོ ཨེ་ཀོ ཁ་ནྡྷོ ཀ་ཊ་ཏྟཱ ཙ རཱུ་པཾ, དྭེ ཁ་ནྡྷེ ས་ཧ་ཛཱ་ཏཱ དྭེ ཁ་ནྡྷཱ ཀ་ཊ་ཏྟཱ ཙ རཱུ་པཾ, ཁ་ནྡྷེ ས་ཧ་ཛཱ་ཏཾ ཝ་ཏྠུ, ཝ་ཏྠུཾ ས་ཧ་ཛཱ་ཏཱ ཁ་ནྡྷཱ; ཨེ་ཀཾ མ་ཧཱ་བྷཱུ་ཏཾ ས་ཧ་ཛཱ་ཏཱ ཏ་ཡོ མ་ཧཱ་བྷཱུ་ཏཱ, ཏ་ཡོ མ་ཧཱ་བྷཱུ་ཏེ ས་ཧ་ཛཱ་ཏཾ ཨེ་ཀཾ མ་ཧཱ་བྷཱུ་ཏཾ, དྭེ མ་ཧཱ་བྷཱུ་ཏེ ས་ཧ་ཛཱ་ཏཱ དྭེ མ་ཧཱ་བྷཱུ་ཏཱ, མ་ཧཱ་བྷཱུ་ཏེ ས་ཧ་ཛཱ་ཏཾ ཙི་ཏྟ་ས་མུ་ཊྛཱ་ནཾ རཱུ་པཾ ཀ་ཊ་ཏྟཱ་རཱུ་པཾ ཨུ་པཱ་དཱ་རཱུ་པཾ; བཱ་ཧི་རཾ… ཨཱ་ཧཱ་ར་ས་མུ་ཊྛཱ་ནཾ… ཨུ་ཏུ་ས་མུ་ཊྛཱ་ནཾ… ཨ་ས་ཉྙ་ས་ཏྟཱ་ནཾ ཨེ་ཀཾ མ་ཧཱ་བྷཱུ་ཏཾ ས་ཧ་ཛཱ་ཏཱ ཏ་ཡོ མ་ཧཱ་བྷཱུ་ཏཱ…པེ… མ་ཧཱ་བྷཱུ་ཏེ ས་ཧ་ཛཱ་ཏཾ ཀ་ཊ་ཏྟཱ་རཱུ་པཾ ཨུ་པཱ་དཱ་རཱུ་པཾ. (༡)

(ཡ་ཐཱ པ་ཊི་ཙྩ་ཝཱ་རེ, ཨེ་ཝཾ ཝི་ཏྠཱ་རེ་ཏ་བྦཾ.)