༡༦. སོ་ལ༹་ས་མ་ཝ་གྒོ

(༡༦༣) ༨. རཱུ་པཾ ཝི་པཱ་ཀོ་ཏི་ཀ་ཐཱ

༧༦༥. རཱུ་པཾ ཝི་པཱ་ཀོ་ཏི? ཨཱ་མ་ནྟཱ. རཱུ་པཾ སུ་ཁ་ཝེ་ད་ནི་ཡཾ དུ་ཀྑ་ཝེ་ད་ནི་ཡཾ ཨ་དུ་ཀྑ་མ་སུ་ཁ་ཝེ་ད་ནི་ཡཾ, སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, ཕ་སྶེ་ན ས་མྤ་ཡུ་ཏྟཾ…པེ… ཙི་ཏྟེ་ན ས་མྤ་ཡུ་ཏྟཾ, སཱ་ར་མྨ་ཎཾ, ཨ་ཏྠི ཏ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ན སུ་ཁ་ཝེ་ད་ནི་ཡཾ ན དུ་ཀྑ་ཝེ་ད་ནི་ཡཾ…པེ… ཨ་ནཱ་ར་མྨ་ཎཾ, ན་ཏྠི ཏ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ཨཱ་མ་ནྟཱ. ཧ་ཉྩི ན སུ་ཁ་ཝེ་ད་ནི་ཡཾ ན དུ་ཀྑ་ཝེ་ད་ནི་ཡཾ…པེ… ཨ་ནཱ་ར་མྨ་ཎཾ, ན་ཏྠི ཏ་སྶ ཨཱ་ཝ་ཊྚ་ནཱ…པེ… པ་ཎི་དྷི, ནོ ཙ ཝ་ཏ རེ ཝ་ཏྟ་བྦེ – ‘‘རཱུ་པཾ ཝི་པཱ་ཀོ’’ཏི.

༧༦༦. ཕ་སྶོ ཝི་པཱ་ཀོ, ཕ་སྶོ སུ་ཁ་ཝེ་ད་ནི་ཡོ དུ་ཀྑ་ཝེ་ད་ནི་ཡོ…པེ… སཱ་ར་མྨ་ཎོ, ཨ་ཏྠི ཏ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ཨཱ་མ་ནྟཱ. རཱུ་པཾ ཝི་པཱ་ཀོ, རཱུ་པཾ སུ་ཁ་ཝེ་ད་ནི་ཡཾ དུ་ཀྑ་ཝེ་ད་ནི་ཡཾ…པེ… སཱ་ར་མྨ་ཎཾ, ཨ་ཏྠི ཏ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ….

རཱུ་པཾ ཝི་པཱ་ཀོ, རཱུ་པཾ ན སུ་ཁ་ཝེ་ད་ནི་ཡཾ ན དུ་ཀྑ་ཝེ་ད་ནི་ཡཾ…པེ… ཨ་ནཱ་ར་མྨ་ཎཾ, ན་ཏྠི ཏ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ཨཱ་མ་ནྟཱ. ཕ་སྶོ ཝི་པཱ་ཀོ, ཕ་སྶོ ན སུ་ཁ་ཝེ་ད་ནི་ཡོ ན དུ་ཀྑ་ཝེ་ད་ནི་ཡོ…པེ… ཨ་ནཱ་ར་མྨ་ཎོ, ན་ཏྠི ཏ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ….

༧༦༧. ན ཝ་ཏྟ་བྦཾ – ‘‘རཱུ་པཾ ཝི་པཱ་ཀོ’’ཏི? ཨཱ་མ་ནྟཱ. ན་ནུ ཀ་མྨ་སྶ ཀ་ཏ་ཏྟཱ ཨུ་པྤ་ནྣཱ ཙི་ཏྟ་ཙེ་ཏ་སི་ཀཱ དྷ་མྨཱ ཝི་པཱ་ཀོ་ཏི? ཨཱ་མ་ནྟཱ. ཧ་ཉྩི ཀ་མྨ་སྶ ཀ་ཏ་ཏྟཱ ཨུ་པྤ་ནྣཱ ཙི་ཏྟ་ཙེ་ཏ་སི་ཀཱ དྷ་མྨཱ ཝི་པཱ་ཀོ, ཏེ་ན ཝ་ཏ རེ ཝ་ཏྟ་བྦེ – ‘‘ཀ་མྨ་སྶ ཀ་ཏ་ཏྟཱ ཨུ་པྤ་ནྣཾ རཱུ་པཾ ཝི་པཱ་ཀོ’’ཏི.

རཱུ་པཾ ཝི་པཱ་ཀོ་ཏི་ཀ་ཐཱ ནི་ཊྛི་ཏཱ.