༡༥. པ་ནྣ་ར་ས་མ་ཝ་གྒོ

(༡༤༨) ༤. ཁ་ཎ་ལ་ཡ་མུ་ཧུ་ཏྟ་ཀ་ཐཱ

༧༢༢. ཁ་ཎོ པ་རི་ནི་པྥ་ནྣོ, ལ་ཡོ པ་རི་ནི་པྥ་ནྣོ, མུ་ཧུ་ཏྟཾ པ་རི་ནི་པྥ་ནྣ་ནྟི? ཨཱ་མ་ནྟཱ. རཱུ་པ་ནྟི? ན ཧེ་ཝཾ ཝ་ཏྟ་བྦེ…པེ… ཝེ་ད་ནཱ… ས་ཉྙཱ… ས་ངྑཱ་རཱ… ཝི་ཉྙཱ་ཎ་ནྟི? ན ཧེ་ཝཾ ཝ་ཏྟ་བྦེ…པེ….

༧༢༣. ན ཝ་ཏྟ་བྦཾ – ‘‘མུ་ཧུ་ཏྟཾ པ་རི་ནི་པྥ་ནྣ་ནྟི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཏཱི་ཎི་མཱ་ནི, བྷི་ཀྑ་ཝེ, ཀ་ཐཱ་ཝ་ཏྠཱུ་ནི! ཀ་ཏ་མཱ་ནི ཏཱི་ཎི? ཨ་ཏཱི་ཏཾ ཝཱ, བྷི་ཀྑ་ཝེ, ཨ་དྡྷཱ་ནཾ ཨཱ་ར་བྦྷ ཀ་ཐཾ ཀ་ཐེ་ཡྻ – ‘ཨེ་ཝཾ ཨ་ཧོ་སི ཨ་ཏཱི་ཏ་མ་དྡྷཱ་ན’ནྟི; ཨ་ནཱ་ག་ཏཾ ཝཱ, བྷི་ཀྑ་ཝེ, ཨ་དྡྷཱ་ནཾ ཨཱ་ར་བྦྷ ཀ་ཐཾ ཀ་ཐེ་ཡྻ – ‘ཨེ་ཝཾ བྷ་ཝི་སྶ་ཏི ཨ་ནཱ་ག་ཏ་མ་དྡྷཱ་ན’ནྟི; ཨེ་ཏ་ར་ཧི ཝཱ, བྷི་ཀྑ་ཝེ, པ་ཙྩུ་པྤ་ནྣཾ ཨ་དྡྷཱ་ནཾ ཨཱ་ར་བྦྷ ཀ་ཐཾ ཀ་ཐེ་ཡྻ – ‘ཨེ་ཝཾ ཧོ་ཏི ཨེ་ཏ་ར་ཧི པ་ཙྩུ་པྤ་ནྣ’ནྟི. ཨི་མཱ་ནི ཁོ, བྷི་ཀྑ་ཝེ, ཏཱི་ཎི ཀ་ཐཱ་ཝ་ཏྠཱུ་ནཱི’’ཏི. ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི མུ་ཧུ་ཏྟཾ པ་རི་ནི་པྥ་ནྣ་ནྟི.

ཁ་ཎ་ལ་ཡ་མུ་ཧུ་ཏྟ་ཀ་ཐཱ ནི་ཊྛི་ཏཱ.