༡༤. ཙུ་དྡ་ས་མ་ཝ་གྒོ

(༡༤༤) ༩. ཨ་པ་རི་ཡཱ་པ་ནྣ་ཀ་ཐཱ

༧༠༩. དི་ཊྛི་ག་ཏཾ ཨ་པ་རི་ཡཱ་པ་ནྣ་ནྟི? ཨཱ་མ་ནྟཱ. མ་གྒོ ཕ་ལཾ ནི་བྦཱ་ནཾ, སོ་ཏཱ་པ་ཏྟི་མ་གྒོ སོ་ཏཱ་པ་ཏྟི་ཕ་ལཾ, ས་ཀ་དཱ་གཱ་མི་མ་གྒོ ས་ཀ་དཱ་གཱ་མི་ཕ་ལཾ, ཨ་ནཱ་གཱ་མི་མ་གྒོ ཨ་ནཱ་གཱ་མི་ཕ་ལཾ, ཨ་ར་ཧ་ཏྟ་མ་གྒོ ཨ་ར་ཧ་ཏྟ་ཕ་ལཾ, ས་ཏི་པ་ཊྛཱ་ནཾ ས་མྨ་པྤ་དྷཱ་ནཾ ཨི་དྡྷི་པཱ་དོ ཨི་ནྡྲི་ཡཾ བ་ལཾ བོ་ཛ྄ཛྷ་ངྒོ་ཏི? ན ཧེ་ཝཾ ཝ་ཏྟ་བྦེ…པེ….

༧༡༠. ན ཝ་ཏྟ་བྦཾ – ‘‘དི་ཊྛི་ག་ཏཾ ཨ་པ་རི་ཡཱ་པ་ནྣ’’ནྟི? ཨཱ་མ་ནྟཱ. པུ་ཐུ་ཛྫ་ནོ ‘‘ཀཱ་མེ་སུ ཝཱི་ཏ་རཱ་གོ’’ཏི ཝ་ཏྟ་བྦོ་ཏི? ཨཱ་མ་ནྟཱ. ‘‘ཝི་ག་ཏ་དི་ཊྛི་ཡོ’’ཏི ཝ་ཏྟ་བྦོ་ཏི? ན ཧེ་ཝཾ ཝ་ཏྟ་བྦེ. ཏེ་ན ཧི དི་ཊྛི་ག་ཏཾ ཨ་པ་རི་ཡཱ་པ་ནྣ་ནྟི.

ཨ་པ་རི་ཡཱ་པ་ནྣ་ཀ་ཐཱ ནི་ཊྛི་ཏཱ.

ཙུ་དྡ་ས་མ་ཝ་གྒོ.

ཏ་སྶུ་དྡཱ་ནཾ –

ཨ་ཀུ་ས་ལ་མཱུ་ལཾ པ་ཊི་ས་ནྡ་ཧ་ཏི ཀུ་ས་ལ་མཱུ་ལཾ, ཀུ་ས་ལ་མཱུ་ལཾ པ་ཊི་ས་ནྡ་ཧ་ཏི ཨ་ཀུ་ས་ལ་མཱུ་ལཾ, ས་ལཱ༹་ཡ་ཏ་ནཾ ཚ་ཝི་ཉྙཱ་ཎ་ཀཱ་ཡཱ, ཨ་རི་ཡ་རཱུ་པཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ, སྭེ་ཝ ཨ་ནུ་ས་ཡོ ཏཾ པ་རི་ཡུ་ཊྛཱ་ནཾ, པ་རི་ཡུ་ཊྛཱ་ནཾ ཙི་ཏྟ་ཝི་པྤ་ཡུ་ཏྟཾ, ཡ་ཐཱ་དྷཱ་ཏུ ཏ་ཉྙེ་ཝ ཨ་ནུ་སེ་ཏི, དི་ཊྛི་ག་ཏཾ ཨ་བྱཱ་ཀ་ཏཾ, དི་ཊྛི་ག་ཏཾ ཨ་པ་རི་ཡཱ་པ་ནྣ་ནྟི.