༡༤. ཙུ་དྡ་ས་མ་ཝ་གྒོ

(༡༣༩) ༤. ཨ་རི་ཡ་རཱུ་པ་ཀ་ཐཱ

༦༩༨. ཨ་རི་ཡ་རཱུ་པཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡཱ་ཏི? ཨཱ་མ་ནྟཱ. ཨ་རི་ཡ་རཱུ་པཾ ཀུ་ས་ལ་ནྟི? ཨཱ་མ་ནྟཱ. མ་ཧཱ་བྷཱུ་ཏཱ ཀུ་ས་ལཱ་ཏི? ན ཧེ་ཝཾ ཝ་ཏྟ་བྦེ …པེ… མ་ཧཱ་བྷཱུ་ཏཱ ཨ་བྱཱ་ཀ་ཏཱ་ཏི? ཨཱ་མ་ནྟཱ. ཨ་རི་ཡ་རཱུ་པཾ ཨ་བྱཱ་ཀ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ཨ་རི་ཡ་རཱུ་པཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡཱ་ཏི? ཨཱ་མ་ནྟཱ. ཨ་རི་ཡ་རཱུ་པཾ ཨ་ནཱ་ས་ཝཾ ཨ་སཾ་ཡོ་ཛ་ནི་ཡཾ ཨ་ག་ནྠ་ནི་ཡཾ ཨ་ནོ་གྷ་ནི་ཡཾ ཨ་ཡོ་ག་ནི་ཡཾ ཨ་ནཱི་ཝ་ར་ཎི་ཡཾ ཨ་པ་རཱ་མ་ཊྛཾ ཨ་ནུ་པཱ་དཱ་ནི་ཡཾ ཨ་སཾ་ཀི་ལེ་སི་ཡ་ནྟི? ཨཱ་མ་ནྟཱ. མ་ཧཱ་བྷཱུ་ཏཱ ཨ་ནཱ་ས་ཝཱ…པེ… ཨ་སཾ་ཀི་ལེ་སི་ཡཱ་ཏི? ན ཧེ་ཝཾ ཝ་ཏྟ་བྦེ…པེ… མ་ཧཱ་བྷཱུ་ཏཱ སཱ་ས་ཝཱ སཾ་ཡོ་ཛ་ནི་ཡཱ…པེ… སཾ་ཀི་ལེ་སི་ཡཱ་ཏི? ཨཱ་མ་ནྟཱ. ཨ་རི་ཡ་རཱུ་པཾ སཱ་ས་ཝཾ སཾ་ཡོ་ཛ་ནི་ཡཾ…པེ… སཾ་ཀི་ལེ་སི་ཡ་ནྟི? ན ཧེ་ཝཾ ཝ་ཏྟ་བྦེ…པེ….

༦༩༩. ན ཝ་ཏྟ་བྦཾ – ‘‘ཨ་རི་ཡ་རཱུ་པཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡཱ’’ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཡཾ ཀི་ཉྩི, བྷི་ཀྑ་ཝེ, རཱུ་པཾ ཙ་ཏྟཱ་རི མ་ཧཱ་བྷཱུ་ཏཱ་ནི ཙ་ཏུ་ནྣ་ཉྩ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ་རཱུ་པ’’ནྟི [མ. ནི. ༡.༣༤༧; ཨ. ནི. ༡༡.༡༥]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཨ་རི་ཡ་རཱུ་པཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡཱ་ཏི.

ཨ་རི་ཡ་རཱུ་པ་ཀ་ཐཱ ནི་ཊྛི་ཏཱ.