༩. ན་ཝ་མ་ཝ་གྒོ

(༨༥) ༢. ཨ་མ་ཏཱ་ར་མྨ་ཎ་ཀ་ཐཱ

༥༤༩. ཨ་མ་ཏཱ་ར་མྨ་ཎཾ སཾ་ཡོ་ཛ་ན་ནྟི? ཨཱ་མ་ནྟཱ. ཨ་མ་ཏཾ སཾ་ཡོ་ཛ་ནི་ཡཾ ག་ནྠ་ནི་ཡཾ ཨོ་གྷ་ནི་ཡཾ ཡོ་ག་ནི་ཡཾ ནཱི་ཝ་ར་ཎི་ཡཾ པ་རཱ་མ་ཊྛཾ ཨུ་པཱ་དཱ་ནི་ཡཾ སཾ་ཀི་ལེ་སི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་མ་ཏཾ ཨ་སཾ་ཡོ་ཛ་ནི་ཡཾ ཨ་ག་ནྠ་ནི་ཡཾ…པེ… ཨ་སཾ་ཀི་ལེ་སི་ཡ་ནྟི? ཨཱ་མ་ནྟཱ. ཧ་ཉྩི ཨ་མ་ཏཾ ཨ་སཾ་ཡོ་ཛ་ནི་ཡཾ…པེ… ཨ་སཾ་ཀི་ལེ་སི་ཡཾ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་མ་ཏཱ་ར་མྨ་ཎཾ སཾ་ཡོ་ཛ་ན’’ནྟི.

ཨ་མ་ཏཾ ཨཱ་ར་བྦྷ རཱ་གོ ཨུ་པྤ་ཛྫ་ཏཱི་ཏི? ཨཱ་མ་ནྟཱ. ཨ་མ་ཏཾ རཱ་ག་ཊྛཱ་ནི་ཡཾ ར་ཛ་ནི་ཡཾ ཀ་མ་ནི་ཡཾ མ་ད་ནི་ཡཾ བ་ནྡྷ་ནི་ཡཾ མུ་ཙྪ་ནི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་མ་ཏཾ ན རཱ་ག་ཊྛཱ་ནི་ཡཾ ན ར་ཛ་ནི་ཡཾ ན ཀ་མ་ནི་ཡཾ ན མ་ད་ནི་ཡཾ ན བ་ནྡྷ་ནི་ཡཾ ན མུ་ཙྪ་ནི་ཡ་ནྟི? ཨཱ་མ་ནྟཱ. ཧ་ཉྩི ཨ་མ་ཏཾ ན རཱ་ག་ཊྛཱ་ནི་ཡཾ ན ར་ཛ་ནི་ཡཾ ན ཀ་མ་ནི་ཡཾ ན མ་ད་ནི་ཡཾ ན བ་ནྡྷ་ནི་ཡཾ ན མུ་ཙྪ་ནི་ཡཾ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་མ་ཏཾ ཨཱ་ར་བྦྷ རཱ་གོ ཨུ་པྤ་ཛྫ་ཏཱི’’ཏི.

ཨ་མ་ཏཾ ཨཱ་ར་བྦྷ དོ་སོ ཨུ་པྤ་ཛྫ་ཏཱི་ཏི? ཨཱ་མ་ནྟཱ. ཨ་མ་ཏཾ དོ་ས་ཊྛཱ་ནི་ཡཾ ཀོ་པ་ཊྛཱ་ནི་ཡཾ པ་ཊི་གྷ་ཊྛཱ་ནི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་མ་ཏཾ ན དོ་ས་ཊྛཱ་ནི་ཡཾ ན ཀོ་པ་ཊྛཱ་ནི་ཡཾ ན པ་ཊི་གྷ་ཊྛཱ་ནི་ཡ་ནྟི? ཨཱ་མ་ནྟཱ. ཧ་ཉྩི ཨ་མ་ཏཾ ན དོ་ས་ཊྛཱ་ནི་ཡཾ ན ཀོ་པ་ཊྛཱ་ནི་ཡཾ ན པ་ཊི་གྷ་ཊྛཱ་ནི་ཡཾ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་མ་ཏཾ ཨཱ་ར་བྦྷ དོ་སོ ཨུ་པྤ་ཛྫ་ཏཱི’’ཏི.

ཨ་མ་ཏཾ ཨཱ་ར་བྦྷ མོ་ཧོ ཨུ་པྤ་ཛྫ་ཏཱི་ཏི? ཨཱ་མ་ནྟཱ. ཨ་མ་ཏཾ མོ་ཧ་ཊྛཱ་ནི་ཡཾ ཨ་ཉྙཱ་ཎ་ཀ་ར་ཎཾ ཨ་ཙ་ཀྑུ་ཀ་ར་ཎཾ པ་ཉྙཱ་ནི་རོ་དྷི་ཡཾ ཝི་གྷཱ་ཏ་པ་ཀྑི་ཡཾ ཨ་ནི་བྦཱ་ན་སཾ་ཝ་ཏྟ་ནི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་མ་ཏཾ ན མོ་ཧ་ཊྛཱ་ནི་ཡཾ ན ཨ་ཉྙཱ་ཎ་ཀ་ར་ཎཾ ན ཨ་ཙ་ཀྑུ་ཀ་ར་ཎཾ པ་ཉྙཱ་བུ་དྡྷི་ཡཾ ཨ་ཝི་གྷཱ་ཏ་པ་ཀྑི་ཡཾ ནི་བྦཱ་ན་སཾ་ཝ་ཏྟ་ནི་ཡ་ནྟི? ཨཱ་མ་ནྟཱ. ཧ་ཉྩི ཨ་མ་ཏཾ ན མོ་ཧ་ཊྛཱ་ནི་ཡཾ ན ཨ་ཉྙཱ་ཎ་ཀ་ར་ཎཾ…པེ… ནི་བྦཱ་ན་སཾ་ཝ་ཏྟ་ནི་ཡཾ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་མ་ཏཾ ཨཱ་ར་བྦྷ མོ་ཧོ ཨུ་པྤ་ཛྫ་ཏཱི’’ཏི.

༥༥༠. རཱུ་པཾ ཨཱ་ར་བྦྷ སཾ་ཡོ་ཛ་ནཱ ཨུ་པྤ་ཛྫ་ནྟི, རཱུ་པཾ སཾ་ཡོ་ཛ་ནི་ཡཾ ག་ནྠ་ནི་ཡཾ…པེ… སཾ་ཀི་ལེ་སི་ཡ་ནྟི? ཨཱ་མ་ནྟཱ. ཨ་མ་ཏཾ ཨཱ་ར་བྦྷ སཾ་ཡོ་ཛ་ནཱ ཨུ་པྤ་ཛྫ་ནྟི, ཨ་མ་ཏཾ སཾ་ཡོ་ཛ་ནི་ཡཾ…པེ… སཾ་ཀི་ལེ་སི་ཡ་ནྟི? ན ཧེ་ཝཾ ཝ་ཏྟ་བྦེ…པེ….

རཱུ་པཾ ཨཱ་ར་བྦྷ རཱ་གོ ཨུ་པྤ་ཛྫ་ཏི, རཱུ་པཾ རཱ་ག་ཊྛཱ་ནི་ཡཾ ར་ཛ་ནི་ཡཾ ཀ་མ་ནི་ཡཾ མ་ད་ནི་ཡཾ བ་ནྡྷ་ནི་ཡཾ མུ་ཙྪ་ནི་ཡ་ནྟི? ཨཱ་མ་ནྟཱ. ཨ་མ་ཏཾ ཨཱ་ར་བྦྷ རཱ་གོ ཨུ་པྤ་ཛྫ་ཏི, ཨ་མ་ཏཾ རཱ་ག་ཊྛཱ་ནི་ཡཾ…པེ… མུ་ཙྪ་ནི་ཡ་ནྟི? ན ཧེ་ཝཾ ཝ་ཏྟ་བྦེ…པེ….

རཱུ་པཾ ཨཱ་ར་བྦྷ དོ་སོ ཨུ་པྤ་ཛྫ་ཏི, རཱུ་པཾ དོ་ས་ཊྛཱ་ནི་ཡཾ ཀོ་པ་ཊྛཱ་ནི་ཡཾ པ་ཊི་གྷ་ཊྛཱ་ནི་ཡ་ནྟི? ཨཱ་མ་ནྟཱ. ཨ་མ་ཏཾ ཨཱ་ར་བྦྷ དོ་སོ ཨུ་པྤ་ཛྫ་ཏི, ཨ་མ་ཏཾ དོ་ས་ཊྛཱ་ནི་ཡཾ ཀོ་པ་ཊྛཱ་ནི་ཡཾ པ་ཊི་གྷ་ཊྛཱ་ནི་ཡ་ནྟི? ན ཧེ་ཝཾ ཝ་ཏྟ་བྦེ…པེ….

རཱུ་པཾ ཨཱ་ར་བྦྷ མོ་ཧོ ཨུ་པྤ་ཛྫ་ཏི, རཱུ་པཾ མོ་ཧ་ཊྛཱ་ནི་ཡཾ ཨ་ཉྙཱ་ཎ་ཀ་ར་ཎཾ…པེ… ཨ་ནི་བྦཱ་ན་སཾ་ཝ་ཏྟ་ནི་ཡ་ནྟི? ཨཱ་མ་ནྟཱ. ཨ་མ་ཏཾ ཨཱ་ར་བྦྷ མོ་ཧོ ཨུ་པྤ་ཛྫ་ཏི, ཨ་མ་ཏཾ མོ་ཧ་ཊྛཱ་ནི་ཡཾ ཨ་ཉྙཱ་ཎ་ཀ་ར་ཎཾ…པེ… ཨ་ནི་བྦཱ་ན་སཾ་ཝ་ཏྟ་ནི་ཡ་ནྟི? ན ཧེ་ཝཾ ཝ་ཏྟ་བྦེ…པེ….

ཨ་མ་ཏཾ ཨཱ་ར་བྦྷ སཾ་ཡོ་ཛ་ནཱ ཨུ་པྤ་ཛྫ་ནྟི, ཨ་མ་ཏཾ ཨ་སཾ་ཡོ་ཛ་ནི་ཡཾ ཨ་ག་ནྠ་ནི་ཡཾ ཨ་ནོ་གྷ་ནི་ཡཾ ཨ་ཡོ་ག་ནི་ཡཾ ཨ་ནཱི་ཝ་ར་ཎི་ཡཾ ཨ་པ་རཱ་མ་ཊྛཾ ཨ་ནུ་པཱ་དཱ་ནི་ཡཾ ཨ་སཾ་ཀི་ལེ་སི་ཡ་ནྟི? ཨཱ་མ་ནྟཱ. རཱུ་པཾ ཨཱ་ར་བྦྷ སཾ་ཡོ་ཛ་ནཱ ཨུ་པྤ་ཛྫ་ནྟི, རཱུ་པཾ ཨ་སཾ་ཡོ་ཛ་ནི་ཡཾ ཨ་ག་ནྠ་ནི་ཡཾ…པེ… ཨ་སཾ་ཀི་ལེ་སི་ཡ་ནྟི? ན ཧེ་ཝཾ ཝ་ཏྟ་བྦེ…པེ….

ཨ་མ་ཏཾ ཨཱ་ར་བྦྷ རཱ་གོ ཨུ་པྤ་ཛྫ་ཏི, ཨ་མ་ཏཾ ན རཱ་ག་ཊྛཱ་ནི་ཡཾ ན ར་ཛ་ནི་ཡཾ ན ཀ་མ་ནི་ཡཾ ན མ་ད་ནི་ཡཾ ན བ་ནྡྷ་ནི་ཡཾ ན མུ་ཙྪ་ནི་ཡ་ནྟི? ཨཱ་མ་ནྟཱ. རཱུ་པཾ ཨཱ་ར་བྦྷ རཱ་གོ ཨུ་པྤ་ཛྫ་ཏི, རཱུ་པཾ ན རཱ་ག་ཊྛཱ་ནི་ཡཾ…པེ… ན མུ་ཙྪ་ནི་ཡ་ནྟི? ན ཧེ་ཝཾ ཝ་ཏྟ་བྦེ…པེ….

ཨ་མ་ཏཾ ཨཱ་ར་བྦྷ དོ་སོ ཨུ་པྤ་ཛྫ་ཏི, ཨ་མ་ཏཾ ན དོ་ས་ཊྛཱ་ནི་ཡཾ ན ཀོ་པ་ཊྛཱ་ནི་ཡཾ ན པ་ཊི་གྷ་ཊྛཱ་ནི་ཡ་ནྟི? ཨཱ་མ་ནྟཱ. རཱུ་པཾ ཨཱ་ར་བྦྷ དོ་སོ ཨུ་པྤ་ཛྫ་ཏི, རཱུ་པཾ ན དོ་ས་ཊྛཱ་ནི་ཡཾ ན ཀོ་པ་ཊྛཱ་ནི་ཡཾ ན པ་ཊི་གྷ་ཊྛཱ་ནི་ཡ་ནྟི? ན ཧེ་ཝཾ ཝ་ཏྟ་བྦེ…པེ….

ཨ་མ་ཏཾ ཨཱ་ར་བྦྷ མོ་ཧོ ཨུ་པྤ་ཛྫ་ཏི, ཨ་མ་ཏཾ ན མོ་ཧ་ཊྛཱ་ནི་ཡཾ ན ཨ་ཉྙཱ་ཎ་ཀ་ར་ཎཾ…པེ… ནི་བྦཱ་ན་སཾ་ཝ་ཏྟ་ནི་ཡ་ནྟི? ཨཱ་མ་ནྟཱ. རཱུ་པཾ ཨཱ་ར་བྦྷ མོ་ཧོ ཨུ་པྤ་ཛྫ་ཏི, རཱུ་པཾ ན མོ་ཧ་ཊྛཱ་ནི་ཡཾ ན ཨ་ཉྙཱ་ཎ་ཀ་ར་ཎཾ…པེ… ནི་བྦཱ་ན་སཾ་ཝ་ཏྟ་ནི་ཡ་ནྟི? ན ཧེ་ཝཾ ཝ་ཏྟ་བྦེ…པེ….

༥༥༡. ན ཝ་ཏྟ་བྦཾ – ‘‘ཨ་མ་ཏཱ་ར་མྨ་ཎཾ སཾ་ཡོ་ཛ་ན’’ནྟི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ནི་བྦཱ་ནཾ ནི་བྦཱ་ན་ཏོ ས་ཉྫཱ་ནཱ་ཏི, ནི་བྦཱ་ནཾ ནི་བྦཱ་ན་ཏོ ས་ཉྫཱ་ནི་ཏྭཱ ནི་བྦཱ་ནཾ མ་ཉྙ་ཏི, ནི་བྦཱ་ན་སྨིཾ མ་ཉྙ་ཏི, ནི་བྦཱ་ན་ཏོ མ་ཉྙ་ཏི, ནི་བྦཱ་ནཾ མེ་ཏི མ་ཉྙ་ཏི, ནི་བྦཱ་ནཾ ཨ་བྷི་ན་ནྡ་ཏཱི’’ཏི [མ. ནི. ༡.༦]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཨ་མ་ཏཱ་ར་མྨ་ཎཾ སཾ་ཡོ་ཛ་ན་ནྟི.

ཨ་མ་ཏཱ་ར་མྨ་ཎ་ཀ་ཐཱ ནི་ཊྛི་ཏཱ.