(༦༣) ༡. ས་ངྒ་ཧི་ཏ་ཀ་ཐཱ

༤༧༡. ན་ཏྠི ཀེ་ཙི དྷ་མྨཱ ཀེ་ཧི་ཙི དྷ་མྨེ་ཧི ས་ངྒ་ཧི་ཏཱ་ཏི [ས་ངྒ་ཧཱི་ཏཱ་ཏི (པཱི.)]? ཨཱ་མ་ནྟཱ. ན་ནུ ཨ་ཏྠི ཀེ་ཙི དྷ་མྨཱ ཀེ་ཧི་ཙི དྷ་མྨེ་ཧི ག་ཎ་ནཾ ག་ཙྪ་ནྟི ཨུ་དྡེ་སཾ ག་ཙྪ་ནྟི པ་རི་ཡཱ་པ་ནྣཱ་ཏི? ཨཱ་མ་ནྟཱ. ཧ་ཉྩི ཨ་ཏྠི ཀེ་ཙི དྷ་མྨཱ ཀེ་ཧི་ཙི དྷ་མྨེ་ཧི ག་ཎ་ནཾ ག་ཙྪ་ནྟི ཨུ་དྡེ་སཾ ག་ཙྪ་ནྟི པ་རི་ཡཱ་པ་ནྣཱ, ནོ ཙ ཝ་ཏ རེ ཝ་ཏྟ་བྦེ – ‘‘ན་ཏྠི ཀེ་ཙི དྷ་མྨཱ ཀེ་ཧི་ཙི དྷ་མྨེ་ཧི ས་ངྒ་ཧི་ཏཱ’’ཏི.

ཙ་ཀྑཱ་ཡ་ཏ་ནཾ ཀ་ཏ་མ་ཀྑ་ནྡྷ་ག་ཎ་ནཾ [ཀ་ཏ་མཾ ཁ་ནྡྷ་ག་ཎ་ནཾ (སཱི. པཱི. ཀ.)] ག་ཙྪ་ཏཱི་ཏི? རཱུ་པ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི. ཧ་ཉྩི ཙ་ཀྑཱ་ཡ་ཏ་ནཾ རཱུ་པ་ཀྑ་ནྡྷ་ག་ཎ་ནཾ ག་ཙྪ་ཏི, ཏེ་ན ཝ་ཏ རེ ཝ་ཏྟ་བྦེ – ‘‘ཙ་ཀྑཱ་ཡ་ཏ་ནཾ རཱུ་པ་ཀྑ་ནྡྷེ་ན ས་ངྒ་ཧི་ཏ’’ནྟི. སོ་ཏཱ་ཡ་ཏ་ནཾ…པེ… གྷཱ་ནཱ་ཡ་ཏ་ནཾ…པེ… ཛི་ཝ྄ཧཱ་ཡ་ཏ་ནཾ…པེ… ཀཱ་ཡཱ་ཡ་ཏ་ནཾ ཀ་ཏ་མ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི? རཱུ་པ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི. ཧ་ཉྩི ཀཱ་ཡཱ་ཡ་ཏ་ནཾ རཱུ་པ་ཀྑ་ནྡྷ་ག་ཎ་ནཾ ག་ཙྪ་ཏི, ཏེ་ན ཝ་ཏ རེ ཝ་ཏྟ་བྦེ – ‘‘ཀཱ་ཡཱ་ཡ་ཏ་ནཾ རཱུ་པ་ཀྑ་ནྡྷེ་ན ས་ངྒ་ཧི་ཏ’’ནྟི.

རཱུ་པཱ་ཡ་ཏ་ནཾ…པེ… ས་དྡཱ་ཡ་ཏ་ནཾ…པེ… ག་ནྡྷཱ་ཡ་ཏ་ནཾ…པེ… ར་སཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ ཀ་ཏ་མ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི? རཱུ་པ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི. ཧ་ཉྩི ཕོ་ཊྛ་བྦཱ་ཡ་ཏ་ནཾ རཱུ་པ་ཀྑ་ནྡྷ་ག་ཎ་ནཾ ག་ཙྪ་ཏི, ཏེ་ན ཝ་ཏ རེ ཝ་ཏྟ་བྦེ – ‘‘ཕོ་ཊྛ་བྦཱ་ཡ་ཏ་ནཾ རཱུ་པ་ཀྑ་ནྡྷེ་ན ས་ངྒ་ཧི་ཏ’’ནྟི.

སུ་ཁཱ ཝེ་ད་ནཱ ཀ་ཏ་མ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི? ཝེ་ད་ནཱ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི. ཧ་ཉྩི སུ་ཁཱ ཝེ་ད་ནཱ ཝེ་ད་ནཱ་ཀྑ་ནྡྷ་ག་ཎ་ནཾ ག་ཙྪ་ཏི, ཏེ་ན ཝ་ཏ རེ ཝ་ཏྟ་བྦེ – ‘‘སུ་ཁཱ ཝེ་ད་ནཱ ཝེ་ད་ནཱ་ཀྑ་ནྡྷེ་ན ས་ངྒ་ཧི་ཏཱ’’ཏི. དུ་ཀྑཱ ཝེ་ད་ནཱ…པེ… ཨ་དུ་ཀྑ་མ་སུ་ཁཱ ཝེ་ད་ནཱ ཀ་ཏ་མ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི? ཝེ་ད་ནཱ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི. ཧ་ཉྩི ཨ་དུ་ཀྑ་མ་སུ་ཁཱ ཝེ་ད་ནཱ ཝེ་ད་ནཱ་ཀྑ་ནྡྷ་ག་ཎ་ནཾ ག་ཙྪ་ཏི, ཏེ་ན ཝ་ཏ རེ ཝ་ཏྟ་བྦེ – ‘‘ཨ་དུ་ཀྑ་མ་སུ་ཁཱ ཝེ་ད་ནཱ ཝེ་ད་ནཱ་ཀྑ་ནྡྷེ་ན ས་ངྒ་ཧི་ཏཱ’’ཏི.

ཙ་ཀྑུ་ས་མྥ་སྶ་ཛཱ ས་ཉྙཱ ཀ་ཏ་མ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི? ས་ཉྙཱ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི. ཧ་ཉྩི ཙ་ཀྑུ་ས་མྥ་སྶ་ཛཱ ས་ཉྙཱ ས་ཉྙཱ་ཀྑ་ནྡྷ་ག་ཎ་ནཾ ག་ཙྪ་ཏི, ཏེ་ན ཝ་ཏ རེ ཝ་ཏྟ་བྦེ – ‘‘ཙ་ཀྑུ་ས་མྥ་སྶ་ཛཱ ས་ཉྙཱ ས་ཉྙཱ་ཀྑ་ནྡྷེ་ན ས་ངྒ་ཧི་ཏཱ’’ཏི. སོ་ཏ་ས་མྥ་སྶ་ཛཱ ས་ཉྙཱ…པེ… མ་ནོ་ས་མྥ་སྶ་ཛཱ ས་ཉྙཱ ཀ་ཏ་མ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི? ས་ཉྙཱ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི. ཧ་ཉྩི མ་ནོ་ས་མྥ་སྶ་ཛཱ ས་ཉྙཱ ས་ཉྙཱ་ཀྑ་ནྡྷ་ག་ཎ་ནཾ ག་ཙྪ་ཏི, ཏེ་ན ཝ་ཏ རེ ཝ་ཏྟ་བྦེ – ‘‘མ་ནོ་ས་མྥ་སྶ་ཛཱ ས་ཉྙཱ ས་ཉྙཱ་ཀྑ་ནྡྷེ་ན ས་ངྒ་ཧི་ཏཱ’’ཏི.

ཙ་ཀྑུ་ས་མྥ་སྶ་ཛཱ ཙེ་ཏ་ནཱ…པེ… མ་ནོ་ས་མྥ་སྶ་ཛཱ ཙེ་ཏ་ནཱ ཀ་ཏ་མ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི? ས་ངྑཱ་ར་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི. ཧ་ཉྩི མ་ནོ་ས་མྥ་སྶ་ཛཱ ཙེ་ཏ་ནཱ ས་ངྑཱ་ར་ཀྑ་ནྡྷ་ག་ཎ་ནཾ ག་ཙྪ་ཏི, ཏེ་ན ཝ་ཏ རེ ཝ་ཏྟ་བྦེ – ‘‘མ་ནོ་ས་མྥ་སྶ་ཛཱ ཙེ་ཏ་ནཱ ས་ངྑཱ་ར་ཀྑ་ནྡྷེ་ན ས་ངྒ་ཧི་ཏཱ’’ཏི.

ཙ་ཀྑུ་ཝི་ཉྙཱ་ཎཾ …པེ… མ་ནོ་ཝི་ཉྙཱ་ཎཾ ཀ་ཏ་མ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི? ཝི་ཉྙཱ་ཎ་ཀྑ་ནྡྷ་ག་ཎ་ནཾ ག་ཙྪ་ཏཱི་ཏི. ཧ་ཉྩི མ་ནོ་ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷ་ག་ཎ་ནཾ ག་ཙྪ་ཏི, ཏེ་ན ཝ་ཏ རེ ཝ་ཏྟ་བྦེ – ‘‘མ་ནོ་ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷེ་ན ས་ངྒ་ཧི་ཏ’’ནྟི.

༤༧༢. ཡ་ཐཱ དཱ་མེ་ན ཝཱ ཡོ་ཏྟེ་ན ཝཱ དྭེ བ་ལི་བ་དྡཱ ས་ངྒ་ཧི་ཏཱ, སི་ཀྐཱ་ཡ པི་ཎྜ་པཱ་ཏོ ས་ངྒ་ཧི་ཏོ, སཱ ག་དྡུ་ལེ་ན ས་ངྒ་ཧི་ཏོ; ཨེ་ཝ་མེ་ཝ ཏེ དྷ་མྨཱ ཏེ་ཧི དྷ་མྨེ་ཧི ས་ངྒ་ཧི་ཏཱ་ཏི [ས་ཀ་ཝཱ་དི་ཝ་ཙ་ནཾ (ཨ་ཊྛ་ཀ་ཐཱ པ་སྶི་ཏ་བྦཱ)]? ཧ་ཉྩི དཱ་མེ་ན ཝཱ ཡོ་ཏྟེ་ན ཝཱ དྭེ བ་ལཱི་བ་དྡཱ ས་ངྒ་ཧི་ཏཱ, སི་ཀྐཱ་ཡ པི་ཎྜ་པཱ་ཏོ ས་ངྒ་ཧི་ཏོ, སཱ ག་དྡུ་ལེ་ན ས་ངྒ་ཧི་ཏོ, ཏེ་ན ཝ་ཏ རེ ཝ་ཏྟ་བྦེ – ‘‘ཨ་ཏྠི ཀེ་ཙི དྷ་མྨཱ ཀེ་ཧི་ཙི དྷ་མྨེ་ཧི ས་ངྒ་ཧི་ཏཱ’’ཏི [ས་ཀ་ཝཱ་དི་ཝ་ཙ་ནཾ (ཨ་ཊྛ་ཀ་ཐཱ པ་སྶི་ཏ་བྦཱ)].

ས་ངྒ་ཧི་ཏ་ཀ་ཐཱ ནི་ཊྛི་ཏཱ.