༥. པ་ཉྩ་མ་ཝ་གྒོ

(༤༨) ༦. ས་མྨུ་ཏི་ཉཱ་ཎ་ཀ་ཐཱ

༤༣༤. ན ཝ་ཏྟ་བྦཾ – ‘‘ས་མྨུ་ཏི་ཉཱ་ཎཾ ས་ཙྩཱ་ར་མྨ་ཎ་ཉྙེ་ཝ ན ཨ་ཉྙཱ་ར་མྨ་ཎ’’ནྟི? ཨཱ་མ་ནྟཱ. ན་ནུ པ་ཐ་ཝཱི་ཀ་སི་ཎཾ ས་མཱ་པ་ཏྟིཾ ས་མཱ་པ་ནྣ་སྶ ཨ་ཏྠི ཉཱ་ཎཾ, པ་ཐ་ཝཱི་ཀ་སི་ཎ་ཉྩ ས་མྨུ་ཏི་ས་ཙྩ་མྷཱི་ཏི? ཨཱ་མ་ནྟཱ. ཧ་ཉྩི པ་ཐ་ཝཱི་ཀ་སི་ཎཾ ས་མཱ་པ་ཏྟིཾ ས་མཱ་པ་ནྣ་སྶ ཨ་ཏྠི ཉཱ་ཎཾ, པ་ཐ་ཝཱི་ཀ་སི་ཎ་ཉྩ ས་མྨུ་ཏི་ས་ཙྩ་མྷི, ཏེ་ན ཝ་ཏ རེ ཝ་ཏྟ་བྦེ – ‘‘ས་མྨུ་ཏི་ཉཱ་ཎཾ ས་ཙྩཱ་ར་མྨ་ཎ་ཉྙེ་ཝ ན ཨ་ཉྙཱ་ར་མྨ་ཎ’’ནྟི.

ན ཝ་ཏྟ་བྦཾ – ‘‘ས་མྨུ་ཏི་ཉཱ་ཎཾ ས་ཙྩཱ་ར་མྨ་ཎ་ཉྙེ་ཝ ན ཨ་ཉྙཱ་ར་མྨ་ཎ’’ནྟི? ཨཱ་མ་ནྟཱ…པེ… ན་ནུ ཨཱ་པོ་ཀ་སི་ཎཾ…པེ… ཏེ་ཛོ་ཀ་སི་ཎཾ…པེ… གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཾ ད་ད་ནྟ་སྶ ཨ་ཏྠི ཉཱ་ཎཾ, གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རོ ཙ ས་མྨུ་ཏི་ས་ཙྩ་མྷཱི་ཏི? ཨཱ་མ་ནྟཱ. ཧ་ཉྩི གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཾ ད་ད་ནྟ་སྶ ཨ་ཏྠི ཉཱ་ཎཾ, གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རོ ཙ ས་མྨུ་ཏི་ས་ཙྩ་མྷི, ཏེ་ན ཝ་ཏ རེ ཝ་ཏྟ་བྦེ – ‘‘ས་མྨུ་ཏི་ཉཱ་ཎཾ ས་ཙྩཱ་ར་མྨ་ཎ་ཉྙེ་ཝ ན ཨ་ཉྙཱ་ར་མྨ་ཎ’’ནྟི.

༤༣༥. ས་མྨུ་ཏི་ཉཱ་ཎཾ ས་ཙྩཱ་ར་མྨ་ཎ་ཉྙེ་ཝ ན ཨ་ཉྙཱ་ར་མྨ་ཎ་ནྟི? ཨཱ་མ་ནྟཱ. ཏེ་ན ཉཱ་ཎེ་ན དུ་ཀྑཾ པ་རི་ཛཱ་ནཱ་ཏི, ས་མུ་ད་ཡཾ པ་ཛ་ཧ་ཏི, ནི་རོ་དྷཾ ས་ཙྪི་ཀ་རོ་ཏི, མ་གྒཾ བྷཱ་ཝེ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

ས་མྨུ་ཏི་ཉཱ་ཎ་ཀ་ཐཱ ནི་ཊྛི་ཏཱ.