༤. ཙ་ཏུ་ཏྠ་ཝ་གྒོ

(༣༥) ༣. ཨ་ནཱ་ས་ཝ་ཀ་ཐཱ

༣༩༡. ཨ་ར་ཧ་ཏོ ས་བྦེ དྷ་མྨཱ ཨ་ནཱ་ས་ཝཱ་ཏི? ཨཱ་མ་ནྟཱ. མ་གྒོ ཕ་ལཾ ནི་བྦཱ་ནཾ, སོ་ཏཱ་པ་ཏྟི་མ་གྒོ སོ་ཏཱ་པ་ཏྟི་ཕ་ལཾ, ས་ཀ་དཱ་གཱ་མི་མ་གྒོ ས་ཀ་དཱ་གཱ་མི་ཕ་ལཾ, ཨ་ནཱ་གཱ་མི་མ་གྒོ ཨ་ནཱ་གཱ་མི་ཕ་ལཾ, ཨ་ར་ཧ་ཏྟ་མ་གྒོ ཨ་ར་ཧ་ཏྟ་ཕ་ལཾ, ས་ཏི་པ་ཊྛཱ་ནཾ ས་མྨ་པྤ་དྷཱ་ནཾ ཨི་དྡྷི་པཱ་དོ ཨི་ནྡྲི་ཡཾ བ་ལཾ བོ་ཛ྄ཛྷ་ངྒོ་ཏི? ན ཧེ་ཝཾ ཝ་ཏྟ་བྦེ…པེ….

ཨ་ར་ཧ་ཏོ ས་བྦེ དྷ་མྨཱ ཨ་ནཱ་ས་ཝཱ་ཏི? ཨཱ་མ་ནྟཱ. ཨ་ར་ཧ་ཏོ ཙ་ཀྑུཾ ཨ་ནཱ་ས་ཝ་ནྟི? ན ཧེ་ཝཾ ཝ་ཏྟ་བྦེ…པེ…. ཨ་ར་ཧ་ཏོ ཙ་ཀྑུཾ ཨ་ནཱ་ས་ཝ་ནྟི? ཨཱ་མ་ནྟཱ. མ་གྒོ ཕ་ལཾ ནི་བྦཱ་ནཾ, སོ་ཏཱ་པ་ཏྟི་མ་གྒོ སོ་ཏཱ་པ་ཏྟི་ཕ་ལཾ…པེ… བོ་ཛ྄ཛྷ་ངྒོ་ཏི? ན ཧེ་ཝཾ ཝ་ཏྟ་བྦེ…པེ….

ཨ་ར་ཧ་ཏོ སོ་ཏཾ…པེ… ཨ་ར་ཧ་ཏོ གྷཱ་ནཾ… ཨ་ར་ཧ་ཏོ ཛི་ཝ྄ཧཱ… ཨ་ར་ཧ་ཏོ ཀཱ་ཡོ ཨ་ནཱ་ས་ཝོ་ཏི? ན ཧེ་ཝཾ ཝ་ཏྟ་བྦེ …པེ… ཨ་ར་ཧ་ཏོ ཀཱ་ཡོ ཨ་ནཱ་ས་ཝོ་ཏི? ཨཱ་མ་ནྟཱ. མ་གྒོ ཕ་ལཾ ནི་བྦཱ་ནཾ, སོ་ཏཱ་པ་ཏྟི་མ་གྒོ སོ་ཏཱ་པ་ཏྟི་ཕ་ལཾ…པེ… བོ་ཛ྄ཛྷ་ངྒོ་ཏི? ན ཧེ་ཝཾ ཝ་ཏྟ་བྦེ…པེ….

ཨ་ར་ཧ་ཏོ ཀཱ་ཡོ ཨ་ནཱ་ས་ཝོ་ཏི? ཨཱ་མ་ནྟཱ. ཨ་ར་ཧ་ཏོ ཀཱ་ཡོ པ་གྒ་ཧ་ནི་གྒ་ཧུ་པ་གོ ཚེ་ད་ན་བྷེ་ད་ནུ་པ་གོ ཀཱ་ཀེ་ཧི གི་ཛ྄ཛྷེ་ཧི ཀུ་ལ་ལེ་ཧི སཱ་དྷཱ་ར་ཎོ་ཏི? ཨཱ་མ་ནྟཱ. ཨ་ནཱ་ས་ཝོ དྷ་མྨོ པ་གྒ་ཧ་ནི་གྒ་ཧུ་པ་གོ ཚེ་ད་ན་བྷེ་ད་ནུ་པ་གོ ཀཱ་ཀེ་ཧི གི་ཛ྄ཛྷེ་ཧི ཀུ་ལ་ལེ་ཧི སཱ་དྷཱ་ར་ཎོ་ཏི? ན ཧེ་ཝཾ ཝ་ཏྟ་བྦེ …པེ….

ཨ་ར་ཧ་ཏོ ཀཱ་ཡེ ཝི་སཾ ཀ་མེ་ཡྻ, ས་ཏྠཾ ཀ་མེ་ཡྻ, ཨ་གྒི ཀ་མེ་ཡྻཱ་ཏི? ཨཱ་མ་ནྟཱ. ཨ་ནཱ་ས་ཝེ དྷ་མྨེ ཝི་སཾ ཀ་མེ་ཡྻ, ས་ཏྠཾ ཀ་མེ་ཡྻ, ཨ་གྒི ཀ་མེ་ཡྻཱ་ཏི? ན ཧེ་ཝཾ ཝ་ཏྟ་བྦེ…པེ….

ལ་བྦྷཱ ཨ་ར་ཧ་ཏོ ཀཱ་ཡོ ཨ་དྡུ་བ་ནྡྷ་ནེ་ན བ་ནྡྷི་ཏུཾ, ར་ཛྫུ་བ་ནྡྷ་ནེ་ན བ་ནྡྷི་ཏུཾ, ས་ངྑ་ལི་ཀ་བ་ནྡྷ་ནེ་ན བ་ནྡྷི་ཏུཾ, གཱ་མ་བ་ནྡྷ་ནེ་ན བ་ནྡྷི་ཏུཾ, ནི་ག་མ་བ་ནྡྷ་ནེ་ན བ་ནྡྷི་ཏུཾ, ན་ག་ར་བ་ནྡྷ་ནེ་ན བ་ནྡྷི་ཏུཾ, ཛ་ན་པ་ད་བ་ནྡྷ་ནེ་ན བ་ནྡྷི་ཏུཾ, ཀ་ཎྛ་པ་ཉྩ་མེ་ཧི བ་ནྡྷ་ནེ་ཧི བ་ནྡྷི་ཏུ་ནྟི? ཨཱ་མ་ནྟཱ. ལ་བྦྷཱ ཨ་ནཱ་ས་ཝོ དྷ་མྨོ ཨ་དྡུ་བ་ནྡྷ་ནེ་ན བ་ནྡྷི་ཏུཾ, ར་ཛྫུ་བ་ནྡྷ་ནེ་ན བ་ནྡྷི་ཏུཾ, ས་ངྑ་ལི་ཀ་བ་ནྡྷ་ནེ་ན བ་ནྡྷི་ཏུཾ, གཱ་མ་ནི་ག་མ་ན་ག་ར་ཛ་ན་པ་ད་བ་ནྡྷ་ནེ་ན བ་ནྡྷི་ཏུཾ, ཀ་ཎྛ་པ་ཉྩ་མེ་ཧི བ་ནྡྷ་ནེ་ཧི བ་ནྡྷི་ཏུ་ནྟི? ན ཧེ་ཝཾ ཝ་ཏྟ་བྦེ…པེ….

༣༩༢. ཡ་དི ཨ་ར་ཧཱ པུ་ཐུ་ཛྫ་ན་སྶ ཙཱི་ཝ་རཾ དེ་ཏི, ཨ་ནཱ་ས་ཝཾ ཧུ་ཏྭཱ སཱ་ས་ཝཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨ་ནཱ་ས་ཝཾ ཧུ་ཏྭཱ སཱ་ས་ཝཾ ཧོ་ཏཱི་ཏི? ཨཱ་མ་ནྟཱ. ཏ་ཉྙེ་ཝ ཨ་ནཱ་ས་ཝཾ ཏཾ སཱ་ས་ཝ་ནྟི? ན ཧེ་ཝཾ ཝ་ཏྟ་བྦེ…པེ… ཏ་ཉྙེ་ཝ ཨ་ནཱ་ས་ཝཾ ཏཾ སཱ་ས་ཝ་ནྟི? ཨཱ་མ་ནྟཱ. མ་གྒོ ཨ་ནཱ་ས་ཝོ ཧུ་ཏྭཱ སཱ་ས་ཝོ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཕ་ལཾ… ས་ཏི་པ་ཊྛཱ་ནཾ… ས་མྨ་པྤ་དྷཱ་ནཾ… ཨི་དྡྷི་པཱ་དོ… ཨི་ནྡྲི་ཡཾ… བ་ལཾ… བོ་ཛ྄ཛྷ་ངྒོ ཨ་ནཱ་ས་ཝོ ཧུ་ཏྭཱ སཱ་ས་ཝོ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

ཡ་དི ཨ་ར་ཧཱ པུ་ཐུ་ཛྫ་ན་སྶ པི་ཎྜ་པཱ་ཏཾ དེ་ཏི, སེ་ནཱ་ས་ནཾ དེ་ཏི, གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཾ དེ་ཏི, ཨ་ནཱ་ས་ཝོ ཧུ་ཏྭཱ སཱ་ས་ཝོ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨ་ནཱ་ས་ཝོ ཧུ་ཏྭཱ སཱ་ས་ཝོ ཧོ་ཏཱི་ཏི? ཨཱ་མ་ནྟཱ. ཏ་ཉྙེ་ཝ ཨ་ནཱ་ས་ཝཾ ཏཾ སཱ་ས་ཝ་ནྟི? ན ཧེ་ཝཾ ཝ་ཏྟ་བྦེ…པེ… ཏ་ཉྙེ་ཝ ཨ་ནཱ་ས་ཝཾ ཏཾ སཱ་ས་ཝ་ནྟི? ཨཱ་མ་ནྟཱ. མ་གྒོ ཨ་ནཱ་ས་ཝོ ཧུ་ཏྭཱ སཱ་ས་ཝོ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཕ་ལཾ… ས་ཏི་པ་ཊྛཱ་ནཾ… ས་མྨ་པྤ་དྷཱ་ནཾ… ཨི་དྡྷི་པཱ་དོ… ཨི་ནྡྲི་ཡཾ… བ་ལཾ… བོ་ཛ྄ཛྷ་ངྒོ ཨ་ནཱ་ས་ཝོ ཧུ་ཏྭཱ སཱ་ས་ཝོ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

ཡ་དི པུ་ཐུ་ཛྫ་ནོ ཨ་ར་ཧ་ཏོ ཙཱི་ཝ་རཾ དེ་ཏི, སཱ་ས་ཝཾ ཧུ་ཏྭཱ ཨ་ནཱ་ས་ཝཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… སཱ་ས་ཝཾ ཧུ་ཏྭཱ ཨ་ནཱ་ས་ཝཾ ཧོ་ཏཱི་ཏི? ཨཱ་མ་ནྟཱ. ཏ་ཉྙེ་ཝ སཱ་ས་ཝཾ ཏཾ ཨ་ནཱ་ས་ཝ་ནྟི? ན ཧེ་ཝཾ ཝ་ཏྟ་བྦེ…པེ… ཏ་ཉྙེ་ཝ སཱ་ས་ཝཾ ཏཾ ཨ་ནཱ་ས་ཝ་ནྟི? ཨཱ་མ་ནྟཱ. རཱ་གོ སཱ་ས་ཝོ ཧུ་ཏྭཱ ཨ་ནཱ་ས་ཝོ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… དོ་སོ…པེ… མོ་ཧོ…པེ… ཨ་ནོ་ཏྟ་པྤཾ སཱ་ས་ཝཾ ཧུ་ཏྭཱ ཨ་ནཱ་ས་ཝཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

ཡ་དི པུ་ཐུ་ཛྫ་ནོ ཨ་ར་ཧ་ཏོ པི་ཎྜ་པཱ་ཏཾ དེ་ཏི, སེ་ནཱ་ས་ནཾ དེ་ཏི, གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཾ དེ་ཏི, སཱ་ས་ཝོ ཧུ་ཏྭཱ ཨ་ནཱ་ས་ཝོ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… སཱ་ས་ཝོ ཧུ་ཏྭཱ ཨ་ནཱ་ས་ཝོ ཧོ་ཏཱི་ཏི? ཨཱ་མ་ནྟཱ. ཏ་ཉྙེ་ཝ སཱ་ས་ཝཾ ཏཾ ཨ་ནཱ་ས་ཝ་ནྟི? ན ཧེ་ཝཾ ཝ་ཏྟ་བྦེ…པེ… ཏ་ཉྙེ་ཝ སཱ་ས་ཝཾ ཏཾ ཨ་ནཱ་ས་ཝ་ནྟི? ཨཱ་མ་ནྟཱ. རཱ་གོ སཱ་ས་ཝོ ཧུ་ཏྭཱ ཨ་ནཱ་ས་ཝོ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… དོ་སོ…པེ… མོ་ཧོ…པེ… ཨ་ནོ་ཏྟ་པྤཾ སཱ་ས་ཝཾ ཧུ་ཏྭཱ ཨ་ནཱ་ས་ཝཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

ན ཝ་ཏྟ་བྦཾ – ‘‘ཨ་ར་ཧ་ཏོ ས་བྦེ དྷ་མྨཱ ཨ་ནཱ་ས་ཝཱ’’ཏི? ཨཱ་མ་ནྟཱ. ན་ནུ ཨ་ར་ཧཱ ཨ་ནཱ་ས་ཝོ་ཏི? ཨཱ་མ་ནྟཱ. ཧ་ཉྩི ཨ་ར་ཧཱ ཨ་ནཱ་ས་ཝོ, ཏེ་ན ཝ་ཏ རེ ཝ་ཏྟ་བྦེ – ‘‘ཨ་ར་ཧ་ཏོ ས་བྦེ དྷ་མྨཱ ཨ་ནཱ་ས་ཝཱ’’ཏི.

ཨ་ནཱ་ས་ཝ་ཀ་ཐཱ ནི་ཊྛི་ཏཱ.