མཱ་ཏི་ཀཱ
ཨེ་ཀ་ཀཾ
༥༨༤. ཏ་ཏྠ ཀ་ཏ་མཾ ས་བྦཾ རཱུ་པཾ? ཙ་ཏྟཱ་རོ ཙ མ་ཧཱ་བྷཱུ་ཏཱ, ཙ་ཏུ་ནྣ་ཉྩ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ རཱུ་པཾ – ཨི་དཾ ཝུ་ཙྩ་ཏི ས་བྦཾ རཱུ་པཾ. ས་བྦཾ རཱུ་པཾ ན ཧེ་ཏུ, ཨ་ཧེ་ཏུ་ཀཾ, ཧེ་ཏུ་ཝི་པྤ་ཡུ་ཏྟཾ, ས་པྤ་ཙྩ་ཡཾ, ས་ངྑ་ཏཾ, རཱུ་པཾ [རཱུ་པི་ཡཾ (སཱི.)], ལོ་ཀི་ཡཾ, སཱ་ས་ཝཾ, སཾ་ཡོ་ཛ་ནི་ཡཾ, ག་ནྠ་ནི་ཡཾ, ཨོ་གྷ་ནི་ཡཾ, ཡོ་ག་ནི་ཡཾ, ནཱི་ཝ་ར་ཎི་ཡཾ, པ་རཱ་མ་ཊྛཾ, ཨུ་པཱ་དཱ་ནི་ཡཾ, སཾ་ཀི་ལེ་སི་ཀཾ, ཨ་བྱཱ་ཀ་ཏཾ, ཨ་ནཱ་ར་མྨ་ཎཾ, ཨ་ཙེ་ཏ་སི་ཀཾ, ཙི་ཏྟ་ཝི་པྤ་ཡུ་ཏྟཾ, ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཾ, ཨ་སཾ་ཀི་ལི་ཊྛ་སཾ་ཀི་ལེ་སི་ཀཾ, ན ས་ཝི་ཏ་ཀྐ་ས་ཝི་ཙཱ་རཾ, ན ཨ་ཝི་ཏ་ཀྐ་ཝི་ཙཱ་ར་མ་ཏྟཾ, ཨ་ཝི་ཏ་ཀྐ་ཨ་ཝི་ཙཱ་རཾ, ན པཱི་ཏི་ས་ཧ་ག་ཏཾ, ན སུ་ཁ་ས་ཧ་ག་ཏཾ, ན ཨུ་པེ་ཀྑཱ་ས་ཧ་ག་ཏཾ, ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཾ, ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཾ, ནེ་ཝ ཨཱ་ཙ་ཡ་གཱ་མི ན ཨ་པ་ཙ་ཡ་གཱ་མི, ནེ་ཝ་སེ་ཀྑ་ནཱ་སེ་ཀྑཾ, པ་རི་ཏྟཾ, ཀཱ་མཱ་ཝ་ཙ་རཾ, ན རཱུ་པཱ་ཝ་ཙ་རཾ, ན ཨ་རཱུ་པཱ་ཝ་ཙ་རཾ, པ་རི་ཡཱ་པ་ནྣཾ, ནོ ཨ་པ་རི་ཡཱ་པ་ནྣཾ, ཨ་ནི་ཡ་ཏཾ, ཨ་ནི་ཡྻཱ་ནི་ཀཾ, ཨུ་པྤ་ནྣཾ, ཚ་ཧི ཝི་ཉྙཱ་ཎེ་ཧི ཝི་ཉྙེ་ཡྻཾ, ཨ་ནི་ཙྩཾ, ཛ་རཱ་བྷི་བྷཱུ་ཏཾ.
ཨེ་ཝཾ ཨེ་ཀ་ཝི་དྷེ་ན རཱུ་པ་ས་ངྒ་ཧོ.
ཨེ་ཀ་ཀཾ.
དུ་ཀཾ
དུ་ཝི་དྷེ་ན རཱུ་པ་ས་ངྒ་ཧོ –
ཨ་ཏྠི རཱུ་པཾ ཨུ་པཱ་དཱ, ཨ་ཏྠི རཱུ་པཾ ནོ ཨུ་པཱ་དཱ.
ཨ་ཏྠི རཱུ་པཾ ཨུ་པཱ་དི་ཎྞཾ, ཨ་ཏྠི རཱུ་པཾ ཨ་ནུ་པཱ་དི་ཎྞཾ.
ཨ་ཏྠི རཱུ་པཾ ཨུ་པཱ་དི་ཎྞུ་པཱ་དཱ་ནི་ཡཾ, ཨ་ཏྠི རཱུ་པཾ ཨ་ནུ་པཱ་དི་ཎྞུ་པཱ་དཱ་ནི་ཡཾ.
ཨ་ཏྠི རཱུ་པཾ ས་ནི་ད་སྶ་ནཾ, ཨ་ཏྠི རཱུ་པཾ ཨ་ནི་ད་སྶ་ནཾ.
ཨ་ཏྠི རཱུ་པཾ ས་པྤ་ཊི་གྷཾ, ཨ་ཏྠི རཱུ་པཾ ཨ་པྤ་ཊི་གྷཾ.
ཨ་ཏྠི རཱུ་པཾ ཨི་ནྡྲི་ཡཾ, ཨ་ཏྠི རཱུ་པཾ ན ཨི་ནྡྲི་ཡཾ.
ཨ་ཏྠི རཱུ་པཾ མ་ཧཱ་བྷཱུ་ཏཾ, ཨ་ཏྠི རཱུ་པཾ ན མ་ཧཱ་བྷཱུ་ཏཾ.
ཨ་ཏྠི རཱུ་པཾ ཝི་ཉྙ་ཏྟི, ཨ་ཏྠི རཱུ་པཾ ན ཝི་ཉྙ་ཏྟི.
ཨ་ཏྠི རཱུ་པཾ ཙི་ཏྟ་ས་མུ་ཊྛཱ་ནཾ, ཨ་ཏྠི རཱུ་པཾ ན ཙི་ཏྟ་ས་མུ་ཊྛཱ་ནཾ.
ཨ་ཏྠི རཱུ་པཾ ཙི་ཏྟ་ས་ཧ་བྷུ, ཨ་ཏྠི རཱུ་པཾ ན ཙི་ཏྟ་ས་ཧ་བྷུ.
ཨ་ཏྠི རཱུ་པཾ ཙི་ཏྟཱ་ནུ་པ་རི་ཝ་ཏྟི, ཨ་ཏྠི རཱུ་པཾ ན ཙི་ཏྟཱ་ནུ་པ་རི་ཝ་ཏྟི.
ཨ་ཏྠི རཱུ་པཾ ཨ་ཛ྄ཛྷ་ཏྟི་ཀཾ, ཨ་ཏྠི རཱུ་པཾ བཱ་ཧི་རཾ.
ཨ་ཏྠི རཱུ་པཾ ཨོ་ལཱ༹་རི་ཀཾ, ཨ་ཏྠི རཱུ་པཾ སུ་ཁུ་མཾ.
ཨ་ཏྠི རཱུ་པཾ དཱུ་རེ, ཨ་ཏྠི རཱུ་པཾ ས་ནྟི་ཀེ.
ཨ་ཏྠི རཱུ་པཾ ཙ་ཀྑུ་ས་མྥ་སྶ་སྶ ཝ་ཏྠུ, ཨ་ཏྠི རཱུ་པཾ ཙ་ཀྑུ་ས་མྥ་སྶ་སྶ ན ཝ་ཏྠུ. ཨ་ཏྠི རཱུ་པཾ ཙ་ཀྑུ་ས་མྥ་སྶ་ཛཱ་ཡ ཝེ་ད་ནཱ་ཡ…པེ… ས་ཉྙཱ་ཡ…པེ… ཙེ་ཏ་ནཱ་ཡ…པེ… ཙ་ཀྑུ་ཝི་ཉྙཱ་ཎ་སྶ ཝ་ཏྠུ, ཨ་ཏྠི རཱུ་པཾ ཙ་ཀྑུ་ཝི་ཉྙཱ་ཎ་སྶ ན ཝ་ཏྠུ.
ཨ་ཏྠི རཱུ་པཾ སོ་ཏ་ས་མྥ་སྶ་སྶ…པེ… གྷཱ་ན་ས་མྥ་སྶ་སྶ…པེ… ཛི་ཝ྄ཧཱ་ས་མྥ་སྶ་སྶ…པེ… ཀཱ་ཡ་ས་མྥ་སྶ་སྶ ཝ་ཏྠུ, ཨ་ཏྠི རཱུ་པཾ ཀཱ་ཡ་ས་མྥ་སྶ་སྶ ན ཝ་ཏྠུ. ཨ་ཏྠི རཱུ་པཾ ཀཱ་ཡ་ས་མྥ་སྶ་ཛཱ་ཡ ཝེ་ད་ནཱ་ཡ…པེ… ས་ཉྙཱ་ཡ…པེ… ཙེ་ཏ་ནཱ་ཡ …པེ… ཀཱ་ཡ་ཝི་ཉྙཱ་ཎ་སྶ ཝ་ཏྠུ, ཨ་ཏྠི རཱུ་པཾ ཀཱ་ཡ་ཝི་ཉྙཱ་ཎ་སྶ ན ཝ་ཏྠུ.
ཨ་ཏྠི རཱུ་པཾ ཙ་ཀྑུ་ས་མྥ་སྶ་སྶ ཨཱ་ར་མྨ་ཎཾ, ཨ་ཏྠི རཱུ་པཾ ཙ་ཀྑུ་ས་མྥ་སྶ་སྶ ནཱ་ར་མྨ་ཎཾ. ཨ་ཏྠི རཱུ་པཾ ཙ་ཀྑུ་ས་མྥ་སྶ་ཛཱ་ཡ ཝེ་ད་ནཱ་ཡ…པེ… ས་ཉྙཱ་ཡ…པེ… ཙེ་ཏ་ནཱ་ཡ…པེ… ཙ་ཀྑུ་ཝི་ཉྙཱ་ཎ་སྶ ཨཱ་ར་མྨ་ཎཾ, ཨ་ཏྠི རཱུ་པཾ ཙ་ཀྑུ་ཝི་ཉྙཱ་ཎ་སྶ ནཱ་ར་མྨ་ཎཾ.
ཨ་ཏྠི རཱུ་པཾ སོ་ཏ་ས་མྥ་སྶ་སྶ…པེ… གྷཱ་ན་ས་མྥ་སྶ་སྶ…པེ… ཛི་ཝ྄ཧཱ་ས་མྥ་སྶ་སྶ…པེ… ཀཱ་ཡ་ས་མྥ་སྶ་སྶ ཨཱ་ར་མྨ་ཎཾ, ཨ་ཏྠི རཱུ་པཾ ཀཱ་ཡ་ས་མྥ་སྶ་སྶ ནཱ་ར་མྨ་ཎཾ. ཨ་ཏྠི རཱུ་པཾ ཀཱ་ཡ་ས་མྥ་སྶ་ཛཱ་ཡ ཝེ་ད་ནཱ་ཡ…པེ… ས་ཉྙཱ་ཡ…པེ… ཙེ་ཏ་ནཱ་ཡ…པེ… ཀཱ་ཡ་ཝི་ཉྙཱ་ཎ་སྶ ཨཱ་ར་མྨ་ཎཾ, ཨ་ཏྠི རཱུ་པཾ ཀཱ་ཡ་ཝི་ཉྙཱ་ཎ་སྶ ནཱ་ར་མྨ་ཎཾ.
ཨ་ཏྠི རཱུ་པཾ ཙ་ཀྑཱ་ཡ་ཏ་ནཾ, ཨ་ཏྠི རཱུ་པཾ ན ཙ་ཀྑཱ་ཡ་ཏ་ནཾ. ཨ་ཏྠི རཱུ་པཾ སོ་ཏཱ་ཡ་ཏ་ནཾ…པེ… གྷཱ་ནཱ་ཡ་ཏ་ནཾ…པེ… ཛི་ཝ྄ཧཱ་ཡ་ཏ་ནཾ…པེ… ཀཱ་ཡཱ་ཡ་ཏ་ནཾ, ཨ་ཏྠི རཱུ་པཾ ན ཀཱ་ཡཱ་ཡ་ཏ་ནཾ.
ཨ་ཏྠི རཱུ་པཾ རཱུ་པཱ་ཡ་ཏ་ནཾ, ཨ་ཏྠི རཱུ་པཾ ན རཱུ་པཱ་ཡ་ཏ་ནཾ. ཨ་ཏྠི རཱུ་པཾ ས་དྡཱ་ཡ་ཏ་ནཾ…པེ… ག་ནྡྷཱ་ཡ་ཏ་ནཾ…པེ… ར་སཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ, ཨ་ཏྠི རཱུ་པཾ ན ཕོ་ཊྛ་བྦཱ་ཡ་ཏ་ནཾ.
ཨ་ཏྠི རཱུ་པཾ ཙ་ཀྑུ་དྷཱ་ཏུ, ཨ་ཏྠི རཱུ་པཾ ན ཙ་ཀྑུ་དྷཱ་ཏུ. ཨ་ཏྠི རཱུ་པཾ སོ་ཏ་དྷཱ་ཏུ…པེ… གྷཱ་ན་དྷཱ་ཏུ…པེ… ཛི་ཝ྄ཧཱ་དྷཱ་ཏུ…པེ… ཀཱ་ཡ་དྷཱ་ཏུ, ཨ་ཏྠི རཱུ་པཾ ན ཀཱ་ཡ་དྷཱ་ཏུ.
ཨ་ཏྠི རཱུ་པཾ རཱུ་པ་དྷཱ་ཏུ, ཨ་ཏྠི རཱུ་པཾ ན རཱུ་པ་དྷཱ་ཏུ. ཨ་ཏྠི རཱུ་པཾ ས་དྡ་དྷཱ་ཏུ…པེ… ག་ནྡྷ་དྷཱ་ཏུ…པེ… ར་ས་དྷཱ་ཏུ…པེ… ཕོ་ཊྛ་བྦ་དྷཱ་ཏུ, ཨ་ཏྠི རཱུ་པཾ ན ཕོ་ཊྛ་བྦ་དྷཱ་ཏུ.
ཨ་ཏྠི རཱུ་པཾ ཙ་ཀྑུ་ནྡྲི་ཡཾ, ཨ་ཏྠི རཱུ་པཾ ན ཙ་ཀྑུ་ནྡྲི་ཡཾ. ཨ་ཏྠི རཱུ་པཾ སོ་ཏི་ནྡྲི་ཡཾ…པེ… གྷཱ་ནི་ནྡྲི་ཡཾ…པེ… ཛི་ཝ྄ཧི་ནྡྲི་ཡཾ…པེ… ཀཱ་ཡི་ནྡྲི་ཡཾ, ཨ་ཏྠི རཱུ་པཾ ན ཀཱ་ཡི་ནྡྲི་ཡཾ.
ཨ་ཏྠི རཱུ་པཾ ཨི་ཏྠི་ནྡྲི་ཡཾ, ཨ་ཏྠི རཱུ་པཾ ན ཨི་ཏྠི་ནྡྲི་ཡཾ.
ཨ་ཏྠི རཱུ་པཾ པུ་རི་སི་ནྡྲི་ཡཾ, ཨ་ཏྠི རཱུ་པཾ ན པུ་རི་སི་ནྡྲི་ཡཾ.
ཨ་ཏྠི རཱུ་པཾ ཛཱི་ཝི་ཏི་ནྡྲི་ཡཾ, ཨ་ཏྠི རཱུ་པཾ ན ཛཱི་ཝི་ཏི་ནྡྲི་ཡཾ.
ཨ་ཏྠི རཱུ་པཾ ཀཱ་ཡ་ཝི་ཉྙ་ཏྟི, ཨ་ཏྠི རཱུ་པཾ ན ཀཱ་ཡ་ཝི་ཉྙ་ཏྟི.
ཨ་ཏྠི རཱུ་པཾ ཝ་ཙཱི་ཝི་ཉྙ་ཏྟི, ཨ་ཏྠི རཱུ་པཾ ན ཝ་ཙཱི་ཝི་ཉྙ་ཏྟི.
ཨ་ཏྠི རཱུ་པཾ ཨཱ་ཀཱ་ས་དྷཱ་ཏུ, ཨ་ཏྠི རཱུ་པཾ ན ཨཱ་ཀཱ་ས་དྷཱ་ཏུ.
ཨ་ཏྠི རཱུ་པཾ ཨཱ་པོ་དྷཱ་ཏུ, ཨ་ཏྠི རཱུ་པཾ ན ཨཱ་པོ་དྷཱ་ཏུ.
ཨ་ཏྠི རཱུ་པཾ རཱུ་པ་སྶ ལ་ཧུ་ཏཱ, ཨ་ཏྠི རཱུ་པཾ རཱུ་པ་སྶ ན ལ་ཧུ་ཏཱ.
ཨ་ཏྠི རཱུ་པཾ རཱུ་པ་སྶ མུ་དུ་ཏཱ, ཨ་ཏྠི རཱུ་པཾ རཱུ་པ་སྶ ན མུ་དུ་ཏཱ.
ཨ་ཏྠི རཱུ་པཾ རཱུ་པ་སྶ ཀ་མྨ་ཉྙ་ཏཱ, ཨ་ཏྠི རཱུ་པཾ རཱུ་པ་སྶ ན ཀ་མྨ་ཉྙ་ཏཱ.
ཨ་ཏྠི རཱུ་པཾ རཱུ་པ་སྶ ཨུ་པ་ཙ་ཡོ, ཨ་ཏྠི རཱུ་པཾ རཱུ་པ་སྶ ན ཨུ་པ་ཙ་ཡོ.
ཨ་ཏྠི རཱུ་པཾ རཱུ་པ་སྶ ས་ནྟ་ཏི, ཨ་ཏྠི རཱུ་པཾ རཱུ་པ་སྶ ན ས་ནྟ་ཏི.
ཨ་ཏྠི རཱུ་པཾ རཱུ་པ་སྶ ཛ་ར་ཏཱ, ཨ་ཏྠི རཱུ་པཾ རཱུ་པ་སྶ ན ཛ་ར་ཏཱ.
ཨ་ཏྠི རཱུ་པཾ རཱུ་པ་སྶ ཨ་ནི་ཙྩ་ཏཱ, ཨ་ཏྠི རཱུ་པཾ རཱུ་པ་སྶ ན ཨ་ནི་ཙྩ་ཏཱ.
ཨ་ཏྠི རཱུ་པཾ ཀ་བ་ལཱི༹་ཀཱ་རོ ཨཱ་ཧཱ་རོ, ཨ་ཏྠི རཱུ་པཾ ན ཀ་བ་ལཱི༹་ཀཱ་རོ ཨཱ་ཧཱ་རོ.
ཨེ་ཝཾ དུ་ཝི་དྷེ་ན རཱུ་པ་ས་ངྒ་ཧོ.
དུ་ཀཾ.
ཏི་ཀཾ
ཏི་ཝི་དྷེ་ན རཱུ་པ་ས་ངྒ་ཧོ –
༥༨༥. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨུ་པཱ་དཱ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཨུ་པཱ་དཱ, ཨ་ཏྠི ནོ ཨུ་པཱ་དཱ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨུ་པཱ་དི་ཎྞཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཨུ་པཱ་དི་ཎྞཾ, ཨ་ཏྠི ཨ་ནུ་པཱ་དི་ཎྞཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨུ་པཱ་དི་ཎྞུ་པཱ་དཱ་ནི་ཡཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཨུ་པཱ་དི་ཎྞུ་པཱ་དཱ་ནི་ཡཾ, ཨ་ཏྠི ཨ་ནུ་པཱ་དི་ཎྞུ་པཱ་དཱ་ནི་ཡཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ནི་ད་སྶ་ནཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ས་ནི་ད་སྶ་ནཾ, ཨ་ཏྠི ཨ་ནི་ད་སྶ་ནཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ས་པྤ་ཊི་གྷཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ས་པྤ་ཊི་གྷཾ, ཨ་ཏྠི ཨ་པྤ་ཊི་གྷཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨི་ནྡྲི་ཡཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཨི་ནྡྲི་ཡཾ, ཨ་ཏྠི ན ཨི་ནྡྲི་ཡཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན མ་ཧཱ་བྷཱུ་ཏཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི མ་ཧཱ་བྷཱུ་ཏཾ, ཨ་ཏྠི ན མ་ཧཱ་བྷཱུ་ཏཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཝི་ཉྙ་ཏྟི. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཝི་ཉྙ་ཏྟི, ཨ་ཏྠི ན ཝི་ཉྙ་ཏྟི.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཙི་ཏྟ་ས་མུ་ཊྛཱ་ནཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཙི་ཏྟ་ས་མུ་ཊྛཱ་ནཾ, ཨ་ཏྠི ན ཙི་ཏྟ་ས་མུ་ཊྛཱ་ནཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཙི་ཏྟ་ས་ཧ་བྷུ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཙི་ཏྟ་ས་ཧ་བྷུ, ཨ་ཏྠི ན ཙི་ཏྟ་ས་ཧ་བྷུ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཙི་ཏྟཱ་ནུ་པ་རི་ཝ་ཏྟི. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཙི་ཏྟཱ་ནུ་པ་རི་ཝ་ཏྟི, ཨ་ཏྠི ན ཙི་ཏྟཱ་ནུ་པ་རི་ཝ་ཏྟི.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨོ་ལཱ༹་རི་ཀཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ས་ནྟི་ཀེ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ.
ཡཾ ཏཾ རཱུ་པཾ བཱ་ཧི་རཾ, ཏཾ ཙ་ཀྑུ་ས་མྥ་སྶ་སྶ ན ཝ་ཏྠུ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ཏྠི ཙ་ཀྑུ་ས་མྥ་སྶ་སྶ ཝ་ཏྠུ, ཨ་ཏྠི ཙ་ཀྑུ་ས་མྥ་སྶ་སྶ ན ཝ་ཏྠུ.
ཡཾ ཏཾ རཱུ་པཾ བཱ་ཧི་རཾ, ཏཾ ཙ་ཀྑུ་ས་མྥ་སྶ་ཛཱ་ཡ ཝེ་ད་ནཱ་ཡ…པེ… ས་ཉྙཱ་ཡ…པེ… ཙེ་ཏ་ནཱ་ཡ…པེ… ཙ་ཀྑུ་ཝི་ཉྙཱ་ཎ་སྶ ན ཝ་ཏྠུ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ཏྠི ཙ་ཀྑུ་ཝི་ཉྙཱ་ཎ་སྶ ཝ་ཏྠུ, ཨ་ཏྠི ཙ་ཀྑུ་ཝི་ཉྙཱ་ཎ་སྶ ན ཝ་ཏྠུ.
ཡཾ ཏཾ རཱུ་པཾ བཱ་ཧི་རཾ, ཏཾ སོ་ཏ་ས་མྥ་སྶ་སྶ…པེ… གྷཱ་ན་ས་མྥ་སྶ་སྶ…པེ… ཛི་ཝ྄ཧཱ་ས་མྥ་སྶ་སྶ…པེ… ཀཱ་ཡ་ས་མྥ་སྶ་སྶ ན ཝ་ཏྠུ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ཏྠི ཀཱ་ཡ་ས་མྥ་སྶ་སྶ ཝ་ཏྠུ, ཨ་ཏྠི ཀཱ་ཡ་ས་མྥ་སྶ་སྶ ན ཝ་ཏྠུ. ཡཾ ཏཾ རཱུ་པཾ བཱ་ཧི་རཾ, ཏཾ ཀཱ་ཡ་ས་མྥ་སྶ་ཛཱ་ཡ ཝེ་ད་ནཱ་ཡ…པེ… ས་ཉྙཱ་ཡ…པེ… ཙེ་ཏ་ནཱ་ཡ…པེ… ཀཱ་ཡ་ཝི་ཉྙཱ་ཎ་སྶ ན ཝ་ཏྠུ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ཏྠི ཀཱ་ཡ་ཝི་ཉྙཱ་ཎ་སྶ ཝ་ཏྠུ, ཨ་ཏྠི ཀཱ་ཡ་ཝི་ཉྙཱ་ཎ་སྶ ན ཝ་ཏྠུ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཙ་ཀྑུ་ས་མྥ་སྶ་སྶ ནཱ་ར་མྨ་ཎཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཙ་ཀྑུ་ས་མྥ་སྶ་སྶ ཨཱ་ར་མྨ་ཎཾ, ཨ་ཏྠི ཙ་ཀྑུ་ས་མྥ་སྶ་སྶ ནཱ་ར་མྨ་ཎཾ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཙ་ཀྑུ་ས་མྥ་སྶ་ཛཱ་ཡ ཝེ་ད་ནཱ་ཡ…པེ… ས་ཉྙཱ་ཡ…པེ… ཙེ་ཏ་ནཱ་ཡ…པེ… ཙ་ཀྑུ་ཝི་ཉྙཱ་ཎ་སྶ ནཱ་ར་མྨ་ཎཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཙ་ཀྑུ་ཝི་ཉྙཱ་ཎ་སྶ ཨཱ་ར་མྨ་ཎཾ, ཨ་ཏྠི ཙ་ཀྑུ་ཝི་ཉྙཱ་ཎ་སྶ ནཱ་ར་མྨ་ཎཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ སོ་ཏ་ས་མྥ་སྶ་སྶ…པེ… གྷཱ་ན་ས་མྥ་སྶ་སྶ…པེ… ཛི་ཝ྄ཧཱ་ས་མྥ་སྶ་སྶ…པེ… ཀཱ་ཡ་ས་མྥ་སྶ་སྶ ནཱ་ར་མྨ་ཎཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཀཱ་ཡ་ས་མྥ་སྶ་སྶ ཨཱ་ར་མྨ་ཎཾ, ཨ་ཏྠི ཀཱ་ཡ་ས་མྥ་སྶ་སྶ ནཱ་ར་མྨ་ཎཾ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཀཱ་ཡ་ས་མྥ་སྶ་ཛཱ་ཡ ཝེ་ད་ནཱ་ཡ…པེ… ས་ཉྙཱ་ཡ…པེ… ཙེ་ཏ་ནཱ་ཡ…པེ… ཀཱ་ཡ་ཝི་ཉྙཱ་ཎ་སྶ ནཱ་ར་མྨ་ཎཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཀཱ་ཡ་ཝི་ཉྙཱ་ཎ་སྶ ཨཱ་ར་མྨ་ཎཾ, ཨ་ཏྠི ཀཱ་ཡ་ཝི་ཉྙཱ་ཎ་སྶ ནཱ་ར་མྨ་ཎཾ.
ཡཾ ཏཾ རཱུ་པཾ བཱ་ཧི་རཾ, ཏཾ ན ཙ་ཀྑཱ་ཡ་ཏ་ནཾ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ཏྠི ཙ་ཀྑཱ་ཡ་ཏ་ནཾ, ཨ་ཏྠི ན ཙ་ཀྑཱ་ཡ་ཏ་ནཾ. ཡཾ ཏཾ རཱུ་པཾ བཱ་ཧི་རཾ, ཏཾ ན སོ་ཏཱ་ཡ་ཏ་ནཾ…པེ… ན གྷཱ་ནཱ་ཡ་ཏ་ནཾ…པེ… ན ཛི་ཝ྄ཧཱ་ཡ་ཏ་ནཾ…པེ… ན ཀཱ་ཡཱ་ཡ་ཏ་ནཾ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ཏྠི ཀཱ་ཡཱ་ཡ་ཏ་ནཾ, ཨ་ཏྠི ན ཀཱ་ཡཱ་ཡ་ཏ་ནཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན རཱུ་པཱ་ཡ་ཏ་ནཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི རཱུ་པཱ་ཡ་ཏ་ནཾ, ཨ་ཏྠི ན རཱུ་པཱ་ཡ་ཏ་ནཾ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ས་དྡཱ་ཡ་ཏ་ནཾ…པེ… ན ག་ནྡྷཱ་ཡ་ཏ་ནཾ…པེ… ན ར་སཱ་ཡ་ཏ་ནཾ…པེ… ན ཕོ་ཊྛ་བྦཱ་ཡ་ཏ་ནཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཕོ་ཊྛ་བྦཱ་ཡ་ཏ་ནཾ, ཨ་ཏྠི ན ཕོ་ཊྛ་བྦཱ་ཡ་ཏ་ནཾ.
ཡཾ ཏཾ རཱུ་པཾ བཱ་ཧི་རཾ, ཏཾ ན ཙ་ཀྑུ་དྷཱ་ཏུ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ཏྠི ཙ་ཀྑུ་དྷཱ་ཏུ, ཨ་ཏྠི ན ཙ་ཀྑུ་དྷཱ་ཏུ. ཡཾ ཏཾ རཱུ་པཾ བཱ་ཧི་རཾ, ཏཾ ན སོ་ཏ་དྷཱ་ཏུ…པེ… ན གྷཱ་ན་དྷཱ་ཏུ…པེ… ན ཛི་ཝ྄ཧཱ་དྷཱ་ཏུ…པེ… ན ཀཱ་ཡ་དྷཱ་ཏུ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ཏྠི ཀཱ་ཡ་དྷཱ་ཏུ, ཨ་ཏྠི ན ཀཱ་ཡ་དྷཱ་ཏུ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན རཱུ་པ་དྷཱ་ཏུ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི རཱུ་པ་དྷཱ་ཏུ, ཨ་ཏྠི ན རཱུ་པ་དྷཱ་ཏུ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ས་དྡ་དྷཱ་ཏུ…པེ… ན ག་ནྡྷ་དྷཱ་ཏུ…པེ… ན ར་ས་དྷཱ་ཏུ…པེ… ན ཕོ་ཊྛ་བྦ་དྷཱ་ཏུ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཕོ་ཊྛ་བྦ་དྷཱ་ཏུ, ཨ་ཏྠི ན ཕོ་ཊྛ་བྦ་དྷཱ་ཏུ.
ཡཾ ཏཾ རཱུ་པཾ བཱ་ཧི་རཾ, ཏཾ ན ཙ་ཀྑུ་ནྡྲི་ཡཾ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ཏྠི ཙ་ཀྑུ་ནྡྲི་ཡཾ, ཨ་ཏྠི ན ཙ་ཀྑུ་ནྡྲི་ཡཾ. ཡཾ ཏཾ རཱུ་པཾ བཱ་ཧི་རཾ, ཏཾ ན སོ་ཏི་ནྡྲི་ཡཾ…པེ… ན གྷཱ་ནི་ནྡྲི་ཡཾ…པེ… ན ཛི་ཝ྄ཧི་ནྡྲི་ཡཾ…པེ… ན ཀཱ་ཡི་ནྡྲི་ཡཾ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ཨ་ཏྠི ཀཱ་ཡི་ནྡྲི་ཡཾ, ཨ་ཏྠི ན ཀཱ་ཡི་ནྡྲི་ཡཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཨི་ཏྠི་ནྡྲི་ཡཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཨི་ཏྠི་ནྡྲི་ཡཾ, ཨ་ཏྠི ན ཨི་ཏྠི་ནྡྲི་ཡཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན པུ་རི་སི་ནྡྲི་ཡཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི པུ་རི་སི་ནྡྲི་ཡཾ, ཨ་ཏྠི ན པུ་རི་སི་ནྡྲི་ཡཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཛཱི་ཝི་ཏི་ནྡྲི་ཡཾ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཛཱི་ཝི་ཏི་ནྡྲི་ཡཾ, ཨ་ཏྠི ན ཛཱི་ཝི་ཏི་ནྡྲི་ཡཾ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཀཱ་ཡ་ཝི་ཉྙ་ཏྟི. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཀཱ་ཡ་ཝི་ཉྙ་ཏྟི, ཨ་ཏྠི ན ཀཱ་ཡ་ཝི་ཉྙ་ཏྟི.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཝ་ཙཱི་ཝི་ཉྙ་ཏྟི. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཝ་ཙཱི་ཝི་ཉྙ་ཏྟི, ཨ་ཏྠི ན ཝ་ཙཱི་ཝི་ཉྙ་ཏྟི.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཨཱ་ཀཱ་ས་དྷཱ་ཏུ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཨཱ་ཀཱ་ས་དྷཱ་ཏུ, ཨ་ཏྠི ན ཨཱ་ཀཱ་ས་དྷཱ་ཏུ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཨཱ་པོ་དྷཱ་ཏུ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཨཱ་པོ་དྷཱ་ཏུ, ཨ་ཏྠི ན ཨཱ་པོ་དྷཱ་ཏུ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ རཱུ་པ་སྶ ན ལ་ཧུ་ཏཱ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི རཱུ་པ་སྶ ལ་ཧུ་ཏཱ, ཨ་ཏྠི རཱུ་པ་སྶ ན ལ་ཧུ་ཏཱ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ རཱུ་པ་སྶ ན མུ་དུ་ཏཱ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི རཱུ་པ་སྶ མུ་དུ་ཏཱ, ཨ་ཏྠི རཱུ་པ་སྶ ན མུ་དུ་ཏཱ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ རཱུ་པ་སྶ ན ཀ་མྨ་ཉྙ་ཏཱ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི རཱུ་པ་སྶ ཀ་མྨ་ཉྙ་ཏཱ, ཨ་ཏྠི རཱུ་པ་སྶ ན ཀ་མྨ་ཉྙ་ཏཱ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ རཱུ་པ་སྶ ན ཨུ་པ་ཙ་ཡོ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི རཱུ་པ་སྶ ཨུ་པ་ཙ་ཡོ, ཨ་ཏྠི རཱུ་པ་སྶ ན ཨུ་པ་ཙ་ཡོ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ རཱུ་པ་སྶ ན ས་ནྟ་ཏི. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི རཱུ་པ་སྶ ས་ནྟ་ཏི, ཨ་ཏྠི རཱུ་པ་སྶ ན ས་ནྟ་ཏི.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ རཱུ་པ་སྶ ན ཛ་ར་ཏཱ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི རཱུ་པ་སྶ ཛ་ར་ཏཱ, ཨ་ཏྠི རཱུ་པ་སྶ ན ཛ་ར་ཏཱ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ རཱུ་པ་སྶ ན ཨ་ནི་ཙྩ་ཏཱ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི རཱུ་པ་སྶ ཨ་ནི་ཙྩ་ཏཱ, ཨ་ཏྠི རཱུ་པ་སྶ ན ཨ་ནི་ཙྩ་ཏཱ.
ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ, ཏཾ ན ཀ་བ་ལཱི༹་ཀཱ་རོ ཨཱ་ཧཱ་རོ. ཡཾ ཏཾ རཱུ་པཾ བཱ་ཧི་རཾ, ཏཾ ཨ་ཏྠི ཀ་བ་ལཱི༹་ཀཱ་རོ ཨཱ་ཧཱ་རོ, ཨ་ཏྠི ན ཀ་བ་ལཱི༹་ཀཱ་རོ ཨཱ་ཧཱ་རོ.
ཨེ་ཝཾ ཏི་ཝི་དྷེ་ན རཱུ་པ་ས་ངྒ་ཧོ.
ཏི་ཀཾ.
ཙ་ཏུ་ཀྐཾ
ཙ་ཏུ་བྦི་དྷེ་ན རཱུ་པ་ས་ངྒ་ཧོ –
༥༨༦. ཡཾ ཏཾ རཱུ་པཾ ཨུ་པཱ་དཱ, ཏཾ ཨ་ཏྠི ཨུ་པཱ་དི་ཎྞཾ, ཨ་ཏྠི ཨ་ནུ་པཱ་དི་ཎྞཾ. ཡཾ ཏཾ རཱུ་པཾ ནོ ཨུ་པཱ་དཱ, ཏཾ ཨ་ཏྠི ཨུ་པཱ་དི་ཎྞཾ, ཨ་ཏྠི ཨ་ནུ་པཱ་དི་ཎྞཾ.
ཡཾ ཏཾ རཱུ་པཾ ཨུ་པཱ་དཱ, ཏཾ ཨ་ཏྠི ཨུ་པཱ་དི་ཎྞུ་པཱ་དཱ་ནི་ཡཾ, ཨ་ཏྠི ཨ་ནུ་པཱ་དི་ཎྞུ་པཱ་དཱ་ནི་ཡཾ. ཡཾ ཏཾ རཱུ་པཾ ནོ ཨུ་པཱ་དཱ, ཏཾ ཨ་ཏྠི ཨུ་པཱ་དི་ཎྞུ་པཱ་དཱ་ནི་ཡཾ, ཨ་ཏྠི ཨ་ནུ་པཱ་དི་ཎྞུ་པཱ་དཱ་ནི་ཡཾ.
ཡཾ ཏཾ རཱུ་པཾ ཨུ་པཱ་དཱ, ཏཾ ཨ་ཏྠི ས་པྤ་ཊི་གྷཾ, ཨ་ཏྠི ཨ་པྤ་ཊི་གྷཾ. ཡཾ ཏཾ རཱུ་པཾ ནོ ཨུ་པཱ་དཱ, ཏཾ ཨ་ཏྠི ས་པྤ་ཊི་གྷཾ, ཨ་ཏྠི ཨ་པྤ་ཊི་གྷཾ.
ཡཾ ཏཾ རཱུ་པཾ ཨུ་པཱ་དཱ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ. ཡཾ ཏཾ རཱུ་པཾ ནོ ཨུ་པཱ་དཱ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ.
ཡཾ ཏཾ རཱུ་པཾ ཨུ་པཱ་དཱ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ. ཡཾ ཏཾ རཱུ་པཾ ནོ ཨུ་པཱ་དཱ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ.
ཡཾ ཏཾ རཱུ་པཾ ཨུ་པཱ་དི་ཎྞཾ, ཏཾ ཨ་ཏྠི ས་ནི་ད་སྶ་ནཾ, ཨ་ཏྠི ཨ་ནི་ད་སྶ་ནཾ. ཡཾ ཏཾ རཱུ་པཾ ཨ་ནུ་པཱ་དི་ཎྞཾ, ཏཾ ཨ་ཏྠི ས་ནི་ད་སྶ་ནཾ, ཨ་ཏྠི ཨ་ནི་ད་སྶ་ནཾ.
ཡཾ ཏཾ རཱུ་པཾ ཨུ་པཱ་དི་ཎྞཾ, ཏཾ ཨ་ཏྠི ས་པྤ་ཊི་གྷཾ ཨ་ཏྠི ཨ་པྤ་ཊི་གྷཾ. ཡཾ ཏཾ རཱུ་པཾ ཨ་ནུ་པཱ་དི་ཎྞཾ, ཏཾ ཨ་ཏྠི ས་པྤ་ཊི་གྷཾ, ཨ་ཏྠི ཨ་པྤ་ཊི་གྷཾ.
ཡཾ ཏཾ རཱུ་པཾ ཨུ་པཱ་དི་ཎྞཾ, ཏཾ ཨ་ཏྠི མ་ཧཱ་བྷཱུ་ཏཾ, ཨ་ཏྠི ན མ་ཧཱ་བྷཱུ་ཏཾ. ཡཾ ཏཾ རཱུ་པཾ ཨ་ནུ་པཱ་དི་ཎྞཾ, ཏཾ ཨ་ཏྠི མ་ཧཱ་བྷཱུ་ཏཾ, ཨ་ཏྠི ན མ་ཧཱ་བྷཱུ་ཏཾ.
ཡཾ ཏཾ རཱུ་པཾ ཨུ་པཱ་དི་ཎྞཾ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ. ཡཾ ཏཾ རཱུ་པཾ ཨ་ནུ་པཱ་དི་ཎྞཾ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ.
ཡཾ ཏཾ རཱུ་པཾ ཨུ་པཱ་དི་ཎྞཾ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ. ཡཾ ཏཾ རཱུ་པཾ ཨ་ནུ་པཱ་དི་ཎྞཾ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ.
ཡཾ ཏཾ རཱུ་པཾ ཨུ་པཱ་དི་ཎྞུ་པཱ་དཱ་ནི་ཡཾ, ཏཾ ཨ་ཏྠི ས་ནི་ད་སྶ་ནཾ, ཨ་ཏྠི ཨ་ནི་ད་སྶ་ནཾ. ཡཾ ཏཾ རཱུ་པཾ ཨ་ནུ་པཱ་དི་ཎྞུ་པཱ་དཱ་ནི་ཡཾ, ཏཾ ཨ་ཏྠི ས་ནི་ད་སྶ་ནཾ, ཨ་ཏྠི ཨ་ནི་ད་སྶ་ནཾ.
ཡཾ ཏཾ རཱུ་པཾ ཨུ་པཱ་དི་ཎྞུ་པཱ་དཱ་ནི་ཡཾ, ཏཾ ཨ་ཏྠི ས་པྤ་ཊི་གྷཾ, ཨ་ཏྠི ཨ་པྤ་ཊི་གྷཾ. ཡཾ ཏཾ རཱུ་པཾ ཨ་ནུ་པཱ་དི་ཎྞུ་པཱ་དཱ་ནི་ཡཾ, ཏཾ ཨ་ཏྠི ས་པྤ་ཊི་གྷཾ, ཨ་ཏྠི ཨ་པྤ་ཊི་གྷཾ.
ཡཾ ཏཾ རཱུ་པཾ ཨུ་པཱ་དི་ཎྞུ་པཱ་དཱ་ནི་ཡཾ, ཏཾ ཨ་ཏྠི མ་ཧཱ་བྷཱུ་ཏཾ, ཨ་ཏྠི ན མ་ཧཱ་བྷཱུ་ཏཾ. ཡཾ ཏཾ རཱུ་པཾ ཨ་ནུ་པཱ་དི་ཎྞུ་པཱ་དཱ་ནི་ཡཾ, ཏཾ ཨ་ཏྠི མ་ཧཱ་བྷཱུ་ཏཾ, ཨ་ཏྠི ན མ་ཧཱ་བྷཱུ་ཏཾ.
ཡཾ ཏཾ རཱུ་པཾ ཨུ་པཱ་དི་ཎྞུ་པཱ་དཱ་ནི་ཡཾ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ. ཡཾ ཏཾ རཱུ་པཾ ཨ་ནུ་པཱ་དི་ཎྞུ་པཱ་དཱ་ནི་ཡཾ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ.
ཡཾ ཏཾ རཱུ་པཾ ཨུ་པཱ་དི་ཎྞུ་པཱ་དཱ་ནི་ཡཾ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ. ཡཾ ཏཾ རཱུ་པཾ ཨ་ནུ་པཱ་དི་ཎྞུ་པཱ་དཱ་ནི་ཡཾ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ.
ཡཾ ཏཾ རཱུ་པཾ ས་པྤ་ཊི་གྷཾ, ཏཾ ཨ་ཏྠི ཨི་ནྡྲི་ཡཾ, ཨ་ཏྠི ན ཨི་ནྡྲི་ཡཾ. ཡཾ ཏཾ རཱུ་པཾ ཨ་པྤ་ཊི་གྷཾ, ཏཾ ཨ་ཏྠི ཨི་ནྡྲི་ཡཾ, ཨ་ཏྠི ན ཨི་ནྡྲི་ཡཾ.
ཡཾ ཏཾ རཱུ་པཾ ས་པྤ་ཊི་གྷཾ, ཏཾ ཨ་ཏྠི མ་ཧཱ་བྷཱུ་ཏཾ, ཨ་ཏྠི ན མ་ཧཱ་བྷཱུ་ཏཾ. ཡཾ ཏཾ རཱུ་པཾ ཨ་པྤ་ཊི་གྷཾ, ཏཾ ཨ་ཏྠི མ་ཧཱ་བྷཱུ་ཏཾ, ཨ་ཏྠི ན མ་ཧཱ་བྷཱུ་ཏཾ.
ཡཾ ཏཾ རཱུ་པཾ ཨི་ནྡྲི་ཡཾ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ. ཡཾ ཏཾ རཱུ་པཾ ན ཨི་ནྡྲི་ཡཾ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ.
ཡཾ ཏཾ རཱུ་པཾ ཨི་ནྡྲི་ཡཾ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ. ཡཾ ཏཾ རཱུ་པཾ ན ཨི་ནྡྲི་ཡཾ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ.
ཡཾ ཏཾ རཱུ་པཾ མ་ཧཱ་བྷཱུ་ཏཾ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ. ཡཾ ཏཾ རཱུ་པཾ ན མ་ཧཱ་བྷཱུ་ཏཾ, ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ.
ཡཾ ཏཾ རཱུ་པཾ མ་ཧཱ་བྷཱུ་ཏཾ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ. ཡཾ ཏཾ རཱུ་པཾ ན མ་ཧཱ་བྷཱུ་ཏཾ, ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ.
དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ རཱུ་པཾ.
ཨེ་ཝཾ ཙ་ཏུ་བྦི་དྷེ་ན རཱུ་པ་ས་ངྒ་ཧོ.
ཙ་ཏུ་ཀྐཾ.
པ་ཉྩ་ཀཾ
པ་ཉྩ་ཝི་དྷེ་ན རཱུ་པ་ས་ངྒ་ཧོ –
༥༨༧. པ་ཐ་ཝཱི་དྷཱ་ཏུ, ཨཱ་པོ་དྷཱ་ཏུ, ཏེ་ཛོ་དྷཱ་ཏུ, ཝཱ་ཡོ་དྷཱ་ཏུ, ཡ་ཉྩ རཱུ་པཾ ཨུ་པཱ་དཱ.
ཨེ་ཝཾ པ་ཉྩ་ཝི་དྷེ་ན རཱུ་པ་ས་ངྒ་ཧོ.
པ་ཉྩ་ཀཾ.
ཚ་ཀྐཾ
ཚ་བྦི་དྷེ་ན རཱུ་པ་ས་ངྒ་ཧོ –
༥༨༨. ཙ་ཀྑུ་ཝི་ཉྙེ་ཡྻཾ རཱུ་པཾ, སོ་ཏ་ཝི་ཉྙེ་ཡྻཾ རཱུ་པཾ, གྷཱ་ན་ཝི་ཉྙེ་ཡྻཾ རཱུ་པཾ, ཛི་ཝ྄ཧཱ་ཝི་ཉྙེ་ཡྻཾ རཱུ་པཾ, ཀཱ་ཡ་ཝི་ཉྙེ་ཡྻཾ རཱུ་པཾ, མ་ནོ་ཝི་ཉྙེ་ཡྻཾ རཱུ་པཾ.
ཨེ་ཝཾ ཚ་བྦི་དྷེ་ན རཱུ་པ་ས་ངྒ་ཧོ.
ཚ་ཀྐཾ.
ས་ཏྟ་ཀཾ
ས་ཏྟ་ཝི་དྷེ་ན རཱུ་པ་ས་ངྒ་ཧོ –
༥༨༩. ཙ་ཀྑུ་ཝི་ཉྙེ་ཡྻཾ རཱུ་པཾ, སོ་ཏ་ཝི་ཉྙེ་ཡྻཾ རཱུ་པཾ, གྷཱ་ན་ཝི་ཉྙེ་ཡྻཾ རཱུ་པཾ, ཛི་ཝ྄ཧཱ་ཝི་ཉྙེ་ཡྻཾ རཱུ་པཾ, ཀཱ་ཡ་ཝི་ཉྙེ་ཡྻཾ རཱུ་པཾ, མ་ནོ་དྷཱ་ཏུ་ཝི་ཉྙེ་ཡྻཾ རཱུ་པཾ, མ་ནོ་ཝི་ཉྙཱ་ཎ་དྷཱ་ཏུ་ཝི་ཉྙེ་ཡྻཾ རཱུ་པཾ.
ཨེ་ཝཾ ས་ཏྟ་ཝི་དྷེ་ན རཱུ་པ་ས་ངྒ་ཧོ.
ས་ཏྟ་ཀཾ.
ཨ་ཊྛ་ཀཾ
ཨ་ཊྛ་ཝི་དྷེ་ན རཱུ་པ་ས་ངྒ་ཧོ –
༥༩༠. ཙ་ཀྑུ་ཝི་ཉྙེ་ཡྻཾ རཱུ་པཾ, སོ་ཏ་ཝི་ཉྙེ་ཡྻཾ རཱུ་པཾ, གྷཱ་ན་ཝི་ཉྙེ་ཡྻཾ རཱུ་པཾ, ཛི་ཝ྄ཧཱ་ཝི་ཉྙེ་ཡྻཾ རཱུ་པཾ, ཀཱ་ཡ་ཝི་ཉྙེ་ཡྻཾ རཱུ་པཾ, ཨ་ཏྠི སུ་ཁ་ས་མྥ་སྶཾ, ཨ་ཏྠི དུ་ཀྑ་ས་མྥ་སྶཾ, མ་ནོ་དྷཱ་ཏུ་ཝི་ཉྙེ་ཡྻཾ རཱུ་པཾ, མ་ནོ་ཝི་ཉྙཱ་ཎ་དྷཱ་ཏུ་ཝི་ཉྙེ་ཡྻཾ རཱུ་པཾ.
ཨེ་ཝཾ ཨ་ཊྛ་ཝི་དྷེ་ན རཱུ་པ་ས་ངྒ་ཧོ.
ཨ་ཊྛ་ཀཾ.
ན་ཝ་ཀཾ
ན་ཝ་ཝི་དྷེ་ན རཱུ་པ་ས་ངྒ་ཧོ –
༥༩༡. ཙ་ཀྑུ་ནྡྲི་ཡཾ, སོ་ཏི་ནྡྲི་ཡཾ, གྷཱ་ནི་ནྡྲི་ཡཾ, ཛི་ཝ྄ཧི་ནྡྲི་ཡཾ ཀཱ་ཡི་ནྡྲི་ཡཾ, ཨི་ཏྠི་ནྡྲི་ཡཾ, པུ་རི་སི་ནྡྲི་ཡཾ, ཛཱི་ཝི་ཏི་ནྡྲི་ཡཾ, ཡ་ཉྩ རཱུ་པཾ ན ཨི་ནྡྲི་ཡཾ.
ཨེ་ཝཾ ན་ཝ་ཝི་དྷེ་ན རཱུ་པ་ས་ངྒ་ཧོ.
ན་ཝ་ཀཾ.
ད་ས་ཀཾ
ད་ས་ཝི་དྷེ་ན རཱུ་པ་ས་ངྒ་ཧོ –
༥༩༢. ཙ་ཀྑུ་ནྡྲི་ཡཾ, སོ་ཏི་ནྡྲི་ཡཾ, གྷཱ་ནི་ནྡྲི་ཡཾ, ཛི་ཝ྄ཧི་ནྡྲི་ཡཾ ཀཱ་ཡི་ནྡྲི་ཡཾ, ཨི་ཏྠི་ནྡྲི་ཡཾ, པུ་རི་སི་ནྡྲི་ཡཾ, ཛཱི་ཝི་ཏི་ནྡྲི་ཡཾ, ན ཨི་ནྡྲི་ཡཾ རཱུ་པཾ ཨ་ཏྠི ས་པྤ་ཊི་གྷཾ, ཨ་ཏྠི ཨ་པྤ་ཊི་གྷཾ.
ཨེ་ཝཾ ད་ས་ཝི་དྷེ་ན རཱུ་པ་ས་ངྒ་ཧོ.
ད་ས་ཀཾ.
ཨེ་ཀཱ་ད་ས་ཀཾ
ཨེ་ཀཱ་ད་ས་ཝི་དྷེ་ན རཱུ་པ་ས་ངྒ་ཧོ –
༥༩༣. ཙ་ཀྑཱ་ཡ་ཏ་ནཾ, སོ་ཏཱ་ཡ་ཏ་ནཾ, གྷཱ་ནཱ་ཡ་ཏ་ནཾ, ཛི་ཝ྄ཧཱ་ཡ་ཏ་ནཾ, ཀཱ་ཡཱ་ཡ་ཏ་ནཾ, རཱུ་པཱ་ཡ་ཏ་ནཾ, ས་དྡཱ་ཡ་ཏ་ནཾ, ག་ནྡྷཱ་ཡ་ཏ་ནཾ, ར་སཱ་ཡ་ཏ་ནཾ, ཕོ་ཊྛ་བྦཱ་ཡ་ཏ་ནཾ, ཡ་ཉྩ རཱུ་པཾ ཨ་ནི་ད་སྶ་ན་ཨ་པྤ་ཊི་གྷཾ [ཨ་ནི་ད་སྶ་ནཾ ཨ་པྤ་ཊི་གྷཾ (སཱི. སྱཱ.)] དྷ་མྨཱ་ཡ་ཏ་ན་པ་རི་ཡཱ་པ་ནྣཾ.
ཨེ་ཝཾ ཨེ་ཀཱ་ད་ས་ཝི་དྷེ་ན རཱུ་པ་ས་ངྒ་ཧོ.
ཨེ་ཀཱ་ད་ས་ཀཾ.