ཨ་བྱཱ་ཀ་ཏ་ཝི་པཱ་ཀོ

ཀུ་ས་ལ་ཝི་པཱ་ཀ་པ་ཉྩ་ཝི་ཉྙཱ་ཎཱ་ནི

༤༣༡. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཙ་ཀྑུ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ རཱུ་པཱ་ར་མྨ་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ.

༤༣༢. ཀ་ཏ་མོ ཏ་སྨིཾ ས་མ་ཡེ ཕ་སྶོ ཧོ་ཏི? ཡོ ཏ་སྨིཾ ས་མ་ཡེ ཕ་སྶོ ཕུ་ས་ནཱ སཾ་ཕུ་ས་ནཱ སཾ་ཕུ་སི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཕ་སྶོ ཧོ་ཏི.

༤༣༣. ཀ་ཏ་མཱ ཏ་སྨིཾ ས་མ་ཡེ ཝེ་ད་ནཱ ཧོ་ཏི? ཡཾ ཏ་སྨིཾ ས་མ་ཡེ ཏ་ཛྫཱ་ཙ་ཀྑུ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཾ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཏ་སྨིཾ ས་མ་ཡེ ཝེ་ད་ནཱ ཧོ་ཏི.

༤༣༤. ཀ་ཏ་མཱ ཏ་སྨིཾ ས་མ་ཡེ ས་ཉྙཱ ཧོ་ཏི? ཡཱ ཏ་སྨིཾ ས་མ་ཡེ ཏ་ཛྫཱ་ཙ་ཀྑུ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ས་ཉྙཱ ས་ཉྫཱ་ན་ནཱ ས་ཉྫཱ་ནི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ས་ཉྙཱ ཧོ་ཏི.

༤༣༥. ཀ་ཏ་མཱ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི? ཡཱ ཏ་སྨིཾ ས་མ་ཡེ ཏ་ཛྫཱ་ཙ་ཀྑུ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཙེ་ཏ་ནཱ ས་ཉྩེ་ཏ་ནཱ ཙེ་ཏ་ཡི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི.

༤༣༦. ཀ་ཏ་མཾ ཏ་སྨིཾ ས་མ་ཡེ ཙི་ཏྟཾ ཧོ་ཏི? ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་ཙ་ཀྑུ་ཝི་ཉྙཱ་ཎ་དྷཱ་ཏུ – ཨི་དཾ ཏ་སྨིཾ ས་མ་ཡེ ཙི་ཏྟཾ ཧོ་ཏི.

༤༣༧. ཀ་ཏ་མཱ ཏ་སྨིཾ ས་མ་ཡེ ཨུ་པེ་ཀྑཱ ཧོ་ཏི? ཡཾ ཏ་སྨིཾ ས་མ་ཡེ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཏ་སྨིཾ ས་མ་ཡེ ཨུ་པེ་ཀྑཱ ཧོ་ཏི.

༤༣༨. ཀ་ཏ་མཱ ཏ་སྨིཾ ས་མ་ཡེ ཙི་ཏྟ་སྶེ་ཀ་གྒ་ཏཱ ཧོ་ཏི? ཡཱ ཏ་སྨིཾ ས་མ་ཡེ ཙི་ཏྟ་སྶ ཋི་ཏི – ཨ་ཡཾ ཏ་སྨིཾ ས་མ་ཡེ ཙི་ཏྟ་སྶེ་ཀ་གྒ་ཏཱ ཧོ་ཏི.

༤༣༩. ཀ་ཏ་མཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་ཙ་ཀྑུ་ཝི་ཉྙཱ་ཎ་དྷཱ་ཏུ – ཨི་དཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི.

༤༤༠. ཀ་ཏ་མཾ ཏ་སྨིཾ ས་མ་ཡེ ཨུ་པེ་ཀྑི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨི་དཾ ཏ་སྨིཾ ས་མ་ཡེ ཨུ་པེ་ཀྑི་ནྡྲི་ཡཾ ཧོ་ཏི.

༤༤༡. ཀ་ཏ་མཾ ཏ་སྨིཾ ས་མ་ཡེ ཛཱི་ཝི་ཏི་ནྡྲི་ཡཾ ཧོ་ཏི? ཡོ ཏེ་སཾ ཨ་རཱུ་པཱི་ནཾ དྷ་མྨཱ་ནཾ ཨཱ་ཡུ ཋི་ཏི ཡ་པ་ནཱ ཡཱ་པ་ནཱ ཨི་རི་ཡ་ནཱ ཝ་ཏྟ་ནཱ པཱ་ལ་ནཱ ཛཱི་ཝི་ཏཾ ཛཱི་ཝི་ཏི་ནྡྲི་ཡཾ – ཨི་དཾ ཏ་སྨིཾ ས་མ་ཡེ ཛཱི་ཝི་ཏི་ནྡྲི་ཡཾ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ.

ཏ་སྨིཾ ཁོ པ་ན ས་མ་ཡེ ཙ་ཏྟཱ་རོ ཁ་ནྡྷཱ ཧོ་ནྟི, དྭཱ་ཡ་ཏ་ནཱ་ནི ཧོ་ནྟི, དྭེ དྷཱ་ཏུ་ཡོ ཧོ་ནྟི, ཏ་ཡོ ཨཱ་ཧཱ་རཱ ཧོ་ནྟི, ཏཱི་ཎི་ནྡྲི་ཡཱ་ནི ཧོ་ནྟི, ཨེ་ཀོ ཕ་སྶོ ཧོ་ཏི…པེ… ཨེ་ཀཱ ཙ་ཀྑུ་ཝི་ཉྙཱ་ཎ་དྷཱ་ཏུ ཧོ་ཏི, ཨེ་ཀཾ དྷ་མྨཱ་ཡ་ཏ་ནཾ ཧོ་ཏི, ཨེ་ཀཱ དྷ་མྨ་དྷཱ་ཏུ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ…པེ….

༤༤༢. ཀ་ཏ་མོ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི? ཕ་སྶོ ཙེ་ཏ་ནཱ ཙི་ཏྟ་སྶེ་ཀ་གྒ་ཏཱ ཛཱི་ཝི་ཏི་ནྡྲི་ཡཾ; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ ཋ་པེ་ཏྭཱ ཝེ་ད་ནཱ་ཀྑ་ནྡྷཾ ཋ་པེ་ཏྭཱ ས་ཉྙཱ་ཀྑ་ནྡྷཾ ཋ་པེ་ཏྭཱ ཝི་ཉྙཱ་ཎ་ཀྑ་ནྡྷཾ – ཨ་ཡཾ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

༤༤༣. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ སོ་ཏ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ས་དྡཱ་ར་མྨ་ཎཾ…པེ… གྷཱ་ན་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ག་ནྡྷཱ་ར་མྨ་ཎཾ…པེ… ཛི་ཝ྄ཧཱ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ར་སཱ་ར་མྨ་ཎཾ…པེ… ཀཱ་ཡ་ཝི་ཉྙཱ་ཎཾ ཨུ་པྤ་ནྣཾ ཧོ་ཏི སུ་ཁ་ས་ཧ་ག་ཏཾ ཕོ་ཊྛ་བྦཱ་ར་མྨ་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, སུ་ཁཾ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, སུ་ཁི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ.

༤༤༤. ཀ་ཏ་མོ ཏ་སྨིཾ ས་མ་ཡེ ཕ་སྶོ ཧོ་ཏི? ཡོ ཏ་སྨིཾ ས་མ་ཡེ ཕ་སྶོ ཕུ་ས་ནཱ སཾ་ཕུ་ས་ནཱ སཾ་ཕུ་སི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཕ་སྶོ ཧོ་ཏི.

༤༤༥. ཀ་ཏ་མཱ ཏ་སྨིཾ ས་མ་ཡེ ཝེ་ད་ནཱ ཧོ་ཏི? ཡཾ ཏ་སྨིཾ ས་མ་ཡེ ཏ་ཛྫཱ་ཀཱ་ཡ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཾ ཀཱ་ཡི་ཀཾ སཱ་ཏཾ ཀཱ་ཡི་ཀཾ སུ་ཁཾ ཀཱ་ཡ་ས་མྥ་སྶ་ཛཾ སཱ་ཏཾ སུ་ཁཾ ཝེ་ད་ཡི་ཏཾ ཀཱ་ཡ་ས་མྥ་སྶ་ཛཱ སཱ་ཏཱ སུ་ཁཱ ཝེ་ད་ནཱ – ཨ་ཡཾ ཏ་སྨིཾ ས་མ་ཡེ ཝེ་ད་ནཱ ཧོ་ཏི.

༤༤༦. ཀ་ཏ་མཱ ཏ་སྨིཾ ས་མ་ཡེ ས་ཉྙཱ ཧོ་ཏི? ཡཱ ཏ་སྨིཾ ས་མ་ཡེ ཏ་ཛྫཱ་ཀཱ་ཡ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ས་ཉྙཱ ས་ཉྫཱ་ན་ནཱ ས་ཉྫཱ་ནི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ས་ཉྙཱ ཧོ་ཏི.

༤༤༧. ཀ་ཏ་མཱ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི? ཡཱ ཏ་སྨིཾ ས་མ་ཡེ ཏ་ཛྫཱ་ཀཱ་ཡ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཙེ་ཏ་ནཱ ས་ཉྩེ་ཏ་ནཱ ཙེ་ཏ་ཡི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི.

༤༤༨. ཀ་ཏ་མཾ ཏ་སྨིཾ ས་མ་ཡེ ཙི་ཏྟཾ ཧོ་ཏི? ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་ཀཱ་ཡ་ཝི་ཉྙཱ་ཎ་དྷཱ་ཏུ – ཨི་དཾ ཏ་སྨིཾ ས་མ་ཡེ ཙི་ཏྟཾ ཧོ་ཏི.

༤༤༩. ཀ་ཏ་མཾ ཏ་སྨིཾ ས་མ་ཡེ སུ་ཁཾ ཧོ་ཏི? ཡཾ ཏ་སྨིཾ ས་མ་ཡེ ཀཱ་ཡི་ཀཾ སཱ་ཏཾ ཀཱ་ཡི་ཀཾ སུ་ཁཾ ཀཱ་ཡ་ས་མྥ་སྶ་ཛཾ སཱ་ཏཾ སུ་ཁཾ ཝེ་ད་ཡི་ཏཾ ཀཱ་ཡ་ས་མྥ་སྶ་ཛཱ སཱ་ཏཱ སུ་ཁཱ ཝེ་ད་ནཱ – ཨི་དཾ ཏ་སྨིཾ ས་མ་ཡེ སུ་ཁཾ ཧོ་ཏི.

༤༥༠. ཀ་ཏ་མཱ ཏ་སྨིཾ ས་མ་ཡེ ཙི་ཏྟ་སྶེ་ཀ་གྒ་ཏཱ ཧོ་ཏི? ཡཱ ཏ་སྨིཾ ས་མ་ཡེ ཙི་ཏྟ་སྶ ཋི་ཏི – ཨ་ཡཾ ཏ་སྨིཾ ས་མ་ཡེ ཙི་ཏྟ་སྶེ་ཀ་གྒ་ཏཱ ཧོ་ཏི.

༤༥༡. ཀ་ཏ་མཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་ཀཱ་ཡ་ཝི་ཉྙཱ་ཎ་དྷཱ་ཏུ – ཨི་དཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི.

༤༥༢. ཀ་ཏ་མཾ ཏ་སྨིཾ ས་མ་ཡེ སུ་ཁི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཀཱ་ཡི་ཀཾ སཱ་ཏཾ ཀཱ་ཡི་ཀཾ སུ་ཁཾ ཀཱ་ཡ་ས་མྥ་སྶ་ཛཾ སཱ་ཏཾ སུ་ཁཾ ཝེ་ད་ཡི་ཏཾ ཀཱ་ཡ་ས་མྥ་སྶ་ཛཱ སཱ་ཏཱ སུ་ཁཱ ཝེ་ད་ནཱ – ཨི་དཾ ཏ་སྨིཾ ས་མ་ཡེ སུ་ཁི་ནྡྲི་ཡཾ ཧོ་ཏི.

༤༥༣. ཀ་ཏ་མཾ ཏ་སྨིཾ ས་མ་ཡེ ཛཱི་ཝི་ཏི་ནྡྲི་ཡཾ ཧོ་ཏི? ཡོ ཏེ་སཾ ཨ་རཱུ་པཱི་ནཾ དྷ་མྨཱ་ནཾ ཨཱ་ཡུ ཋི་ཏི ཡ་པ་ནཱ ཡཱ་པ་ནཱ ཨི་རི་ཡ་ནཱ ཝ་ཏྟ་ནཱ པཱ་ལ་ནཱ ཛཱི་ཝི་ཏཾ ཛཱི་ཝི་ཏི་ནྡྲི་ཡཾ – ཨི་དཾ ཏ་སྨིཾ ས་མ་ཡེ ཛཱི་ཝི་ཏི་ནྡྲི་ཡཾ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ.

ཏ་སྨིཾ ཁོ པ་ན ས་མ་ཡེ ཙ་ཏྟཱ་རོ ཁ་ནྡྷཱ ཧོ་ནྟི, དྭཱ་ཡ་ཏ་ནཱ་ནི ཧོ་ནྟི, དྭེ དྷཱ་ཏུ་ཡོ ཧོ་ནྟི, ཏ་ཡོ ཨཱ་ཧཱ་རཱ ཧོ་ནྟི, ཏཱི་ཎི་ནྡྲི་ཡཱ་ནི ཧོ་ནྟི, ཨེ་ཀོ ཕ་སྶོ ཧོ་ཏི…པེ… ཨེ་ཀཱ ཀཱ་ཡ་ཝི་ཉྙཱ་ཎ་དྷཱ་ཏུ ཧོ་ཏི, ཨེ་ཀཾ དྷ་མྨཱ་ཡ་ཏ་ནཾ ཧོ་ཏི, ཨེ་ཀཱ དྷ་མྨ་དྷཱ་ཏུ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ…པེ….

༤༥༤. ཀ་ཏ་མོ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི? ཕ་སྶོ ཙེ་ཏ་ནཱ ཙི་ཏྟ་སྶེ་ཀ་གྒ་ཏཱ ཛཱི་ཝི་ཏི་ནྡྲི་ཡཾ; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ ཋ་པེ་ཏྭཱ ཝེ་ད་ནཱ་ཀྑ་ནྡྷཾ ཋ་པེ་ཏྭཱ ས་ཉྙཱ་ཀྑ་ནྡྷཾ ཋ་པེ་ཏྭཱ ཝི་ཉྙཱ་ཎ་ཀྑ་ནྡྷཾ – ཨ་ཡཾ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

ཀུ་ས་ལ་ཝི་པཱ་ཀཱ་ནི པ་ཉྩ་ཝི་ཉྙཱ་ཎཱ་ནི.

ཀུ་ས་ལ་ཝི་པཱ་ཀ་མ་ནོ་དྷཱ་ཏུ

༤༥༥. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཱ མ་ནོ་དྷཱ་ཏུ ཨུ་པྤ་ནྣཱ ཧོ་ཏི ཨུ་པེ་ཀྑཱ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… ཕོ་ཊྛ་བྦཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ.

༤༥༦. ཀ་ཏ་མོ ཏ་སྨིཾ ས་མ་ཡེ ཕ་སྶོ ཧོ་ཏི? ཡོ ཏ་སྨིཾ ས་མ་ཡེ ཕ་སྶོ ཕུ་ས་ནཱ སཾ་ཕུ་ས་ནཱ སཾ་ཕུ་སི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཕ་སྶོ ཧོ་ཏི.

༤༥༧. ཀ་ཏ་མཱ ཏ་སྨིཾ ས་མ་ཡེ ཝེ་ད་ནཱ ཧོ་ཏི? ཡཾ ཏ་སྨིཾ ས་མ་ཡེ ཏ་ཛྫཱ་མ་ནོ་དྷཱ་ཏུ་ས་མྥ་སྶ་ཛཾ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཏ་སྨིཾ ས་མ་ཡེ ཝེ་ད་ནཱ ཧོ་ཏི.

༤༥༨. ཀ་ཏ་མཱ ཏ་སྨིཾ ས་མ་ཡེ ས་ཉྙཱ ཧོ་ཏི? ཡཱ ཏ་སྨིཾ ས་མ་ཡེ ཏ་ཛྫཱ་མ་ནོ་དྷཱ་ཏུ་ས་མྥ་སྶ་ཛཱ ས་ཉྙཱ ས་ཉྫཱ་ན་ནཱ ས་ཉྫཱ་ནི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ས་ཉྙཱ ཧོ་ཏི.

༤༥༩. ཀ་ཏ་མཱ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི? ཡཱ ཏ་སྨིཾ ས་མ་ཡེ ཏ་ཛྫཱ་མ་ནོ་དྷཱ་ཏུ་ས་མྥ་སྶ་ཛཱ ཙེ་ཏ་ནཱ ས་ཉྩེ་ཏ་ནཱ ཙེ་ཏ་ཡི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི.

༤༦༠. ཀ་ཏ་མཾ ཏ་སྨིཾ ས་མ་ཡེ ཙི་ཏྟཾ ཧོ་ཏི? ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་དྷཱ་ཏུ – ཨི་དཾ ཏ་སྨིཾ ས་མ་ཡེ ཙི་ཏྟཾ ཧོ་ཏི.

༤༦༡. ཀ་ཏ་མོ ཏ་སྨིཾ ས་མ་ཡེ ཝི་ཏ་ཀྐོ ཧོ་ཏི? ཡོ ཏ་སྨིཾ ས་མ་ཡེ ཏ་ཀྐོ ཝི་ཏ་ཀྐོ ས་ངྐ་པྤོ ཨ་པྤ་ནཱ བྱ་པྤ་ནཱ ཙེ་ཏ་སོ ཨ་བྷི་ནི་རོ་པ་ནཱ – ཨ་ཡཾ ཏ་སྨིཾ ས་མ་ཡེ ཝི་ཏ་ཀྐོ ཧོ་ཏི.

༤༦༢. ཀ་ཏ་མོ ཏ་སྨིཾ ས་མ་ཡེ ཝི་ཙཱ་རོ ཧོ་ཏི? ཡོ ཏ་སྨིཾ ས་མ་ཡེ ཙཱ་རོ ཝི་ཙཱ་རོ ཨ་ནུ་ཝི་ཙཱ་རོ ཨུ་པ་ཝི་ཙཱ་རོ ཙི་ཏྟ་སྶ ཨ་ནུ་ས་ནྡྷཱ་ན་ཏཱ ཨ་ནུ་པེ་ཀྑ་ན་ཏཱ – ཨ་ཡཾ ཏ་སྨིཾ ས་མ་ཡེ ཝི་ཙཱ་རོ ཧོ་ཏི.

༤༦༣. ཀ་ཏ་མཱ ཏ་སྨིཾ ས་མ་ཡེ ཨུ་པེ་ཀྑཱ ཧོ་ཏི? ཡཾ ཏ་སྨིཾ ས་མ་ཡེ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཏ་སྨིཾ ས་མ་ཡེ ཨུ་པེ་ཀྑཱ ཧོ་ཏི.

༤༦༤. ཀ་ཏ་མཱ ཏ་སྨིཾ ས་མ་ཡེ ཙི་ཏྟ་སྶེ་ཀ་གྒ་ཏཱ ཧོ་ཏི? ཡཱ ཏ་སྨིཾ ས་མ་ཡེ ཙི་ཏྟ་སྶ ཋི་ཏི – ཨ་ཡཾ ཏ་སྨིཾ ས་མ་ཡེ ཙི་ཏྟ་སྶེ་ཀ་གྒ་ཏཱ ཧོ་ཏི.

༤༦༥. ཀ་ཏ་མཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་དྷཱ་ཏུ – ཨི་དཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི.

༤༦༦. ཀ་ཏ་མཾ ཏ་སྨིཾ ས་མ་ཡེ ཨུ་པེ་ཀྑི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨི་དཾ ཏ་སྨིཾ ས་མ་ཡེ ཨུ་པེ་ཀྑི་ནྡྲི་ཡཾ ཧོ་ཏི.

༤༦༧. ཀ་ཏ་མཾ ཏ་སྨིཾ ས་མ་ཡེ ཛཱི་ཝི་ཏི་ནྡྲི་ཡཾ ཧོ་ཏི? ཡོ ཏེ་སཾ ཨ་རཱུ་པཱི་ནཾ དྷ་མྨཱ་ནཾ ཨཱ་ཡུ ཋི་ཏི ཡ་པ་ནཱ ཡཱ་པ་ནཱ ཨི་རི་ཡ་ནཱ ཝ་ཏྟ་ནཱ པཱ་ལ་ནཱ ཛཱི་ཝི་ཏཾ ཛཱི་ཝི་ཏི་ནྡྲི་ཡཾ – ཨི་དཾ ཏ་སྨིཾ ས་མ་ཡེ ཛཱི་ཝི་ཏི་ནྡྲི་ཡཾ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ.

ཏ་སྨིཾ ཁོ པ་ན ས་མ་ཡེ ཙ་ཏྟཱ་རོ ཁ་ནྡྷཱ ཧོ་ནྟི, དྭཱ་ཡ་ཏ་ནཱ་ནི ཧོ་ནྟི, དྭེ དྷཱ་ཏུ་ཡོ ཧོ་ནྟི, ཏ་ཡོ ཨཱ་ཧཱ་རཱ ཧོ་ནྟི, ཏཱི་ཎི་ནྡྲི་ཡཱ་ནི ཧོ་ནྟི, ཨེ་ཀོ ཕ་སྶོ ཧོ་ཏི…པེ… ཨེ་ཀཱ མ་ནོ་དྷཱ་ཏུ ཧོ་ཏི, ཨེ་ཀཾ དྷ་མྨཱ་ཡ་ཏ་ནཾ ཧོ་ཏི, ཨེ་ཀཱ དྷ་མྨ་དྷཱ་ཏུ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ…པེ….

༤༦༨. ཀ་ཏ་མོ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི? ཕ་སྶོ ཙེ་ཏ་ནཱ ཝི་ཏ་ཀྐོ ཝི་ཙཱ་རོ ཙི་ཏྟ་སྶེ་ཀ་གྒ་ཏཱ ཛཱི་ཝི་ཏི་ནྡྲི་ཡཾ; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ ཋ་པེ་ཏྭཱ ཝེ་ད་ནཱ་ཀྑ་ནྡྷཾ ཋ་པེ་ཏྭཱ ས་ཉྙཱ་ཀྑ་ནྡྷཾ ཋ་པེ་ཏྭཱ ཝི་ཉྙཱ་ཎ་ཀྑ་ནྡྷཾ – ཨ་ཡཾ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

ཀུ་ས་ལ་ཝི་པཱ་ཀཱ མ་ནོ་དྷཱ་ཏུ.

ཀུ་ས་ལ་ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏུ་སོ་མ་ན་སྶ་ས་ཧ་ག་ཏཱ

༤༦༩. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཱ མ་ནོ་ཝི་ཉྙཱ་ཎ་དྷཱ་ཏུ ཨུ་པྤ་ནྣཱ ཧོ་ཏི སོ་མ་ན་སྶ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… དྷ་མྨཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, པཱི་ཏི ཧོ་ཏི, སུ་ཁཾ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, སོ་མ་ན་སྶི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ.

༤༧༠. ཀ་ཏ་མོ ཏ་སྨིཾ ས་མ་ཡེ ཕ་སྶོ ཧོ་ཏི? ཡོ ཏ་སྨིཾ ས་མ་ཡེ ཕ་སྶོ ཕུ་ས་ནཱ སཾ་ཕུ་ས་ནཱ སཾ་ཕུ་སི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཕ་སྶོ ཧོ་ཏི.

༤༧༡. ཀ་ཏ་མཱ ཏ་སྨིཾ ས་མ་ཡེ ཝེ་ད་ནཱ ཧོ་ཏི? ཡཾ ཏ་སྨིཾ ས་མ་ཡེ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཾ ཙེ་ཏ་སི་ཀཾ སཱ་ཏཾ ཙེ་ཏ་སི་ཀཾ སུ་ཁཾ ཙེ་ཏོ་ས་མྥ་སྶ་ཛཾ སཱ་ཏཾ སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ སཱ་ཏཱ སུ་ཁཱ ཝེ་ད་ནཱ – ཨ་ཡཾ ཏ་སྨིཾ ས་མ་ཡེ ཝེ་ད་ནཱ ཧོ་ཏི.

༤༧༢. ཀ་ཏ་མཱ ཏ་སྨིཾ ས་མ་ཡེ ས་ཉྙཱ ཧོ་ཏི? ཡཱ ཏ་སྨིཾ ས་མ་ཡེ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ས་ཉྙཱ ས་ཉྫཱ་ན་ནཱ ས་ཉྫཱ་ནི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ས་ཉྙཱ ཧོ་ཏི.

༤༧༣. ཀ་ཏ་མཱ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི. ཡཱ ཏ་སྨིཾ ས་མ་ཡེ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཙེ་ཏ་ནཱ ས་ཉྩེ་ཏ་ནཱ ཙེ་ཏ་ཡི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི.

༤༧༤. ཀ་ཏ་མཾ ཏ་སྨིཾ ས་མ་ཡེ ཙི་ཏྟཾ ཧོ་ཏི? ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཏ་སྨིཾ ས་མ་ཡེ ཙི་ཏྟཾ ཧོ་ཏི.

༤༧༥. ཀ་ཏ་མོ ཏ་སྨིཾ ས་མ་ཡེ ཝི་ཏ་ཀྐོ ཧོ་ཏི? ཡོ ཏ་སྨིཾ ས་མ་ཡེ ཏ་ཀྐོ ཝི་ཏ་ཀྐོ ས་ངྐ་པྤོ ཨ་པྤ་ནཱ བྱ་པྤ་ནཱ ཙེ་ཏ་སོ ཨ་བྷི་ནི་རོ་པ་ནཱ – ཨ་ཡཾ ཏ་སྨིཾ ས་མ་ཡེ ཝི་ཏ་ཀྐོ ཧོ་ཏི.

༤༧༦. ཀ་ཏ་མོ ཏ་སྨིཾ ས་མ་ཡེ ཝི་ཙཱ་རོ ཧོ་ཏི? ཡོ ཏ་སྨིཾ ས་མ་ཡེ ཙཱ་རོ ཝི་ཙཱ་རོ ཨ་ནུ་ཝི་ཙཱ་རོ ཨུ་པ་ཝི་ཙཱ་རོ ཙི་ཏྟ་སྶ ཨ་ནུ་ས་ནྡྷཱ་ན་ཏཱ ཨ་ནུ་པེ་ཀྑ་ན་ཏཱ – ཨ་ཡཾ ཏ་སྨིཾ ས་མ་ཡེ ཝི་ཙཱ་རོ ཧོ་ཏི.

༤༧༧. ཀ་ཏ་མཱ ཏ་སྨིཾ ས་མ་ཡེ པཱི་ཏི ཧོ་ཏི? ཡཱ ཏ་སྨིཾ ས་མ་ཡེ པཱི་ཏི པཱ་མོ་ཛྫཾ ཨཱ་མོ་ད་ནཱ པ་མོ་ད་ནཱ ཧཱ་སོ པ་ཧཱ་སོ ཝི་ཏྟི ཨོ་ད་གྱཾ ཨ་ཏྟ་མ་ན་ཏཱ ཙི་ཏྟ་སྶ – ཨ་ཡཾ ཏ་སྨིཾ ས་མ་ཡེ པཱི་ཏི ཧོ་ཏི.

༤༧༨. ཀ་ཏ་མཾ ཏ་སྨིཾ ས་མ་ཡེ སུ་ཁཾ ཧོ་ཏི? ཡཾ ཏ་སྨིཾ ས་མ་ཡེ ཙེ་ཏ་སི་ཀཾ སཱ་ཏཾ ཙེ་ཏ་སི་ཀཾ སུ་ཁཾ ཙེ་ཏོ་ས་མྥ་སྶ་ཛཾ སཱ་ཏཾ སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ སཱ་ཏཱ སུ་ཁཱ ཝེ་ད་ནཱ – ཨི་དཾ ཏ་སྨིཾ ས་མ་ཡེ སུ་ཁཾ ཧོ་ཏི.

༤༧༩. ཀ་ཏ་མཱ ཏ་སྨིཾ ས་མ་ཡེ ཙི་ཏྟ་སྶེ་ཀ་གྒ་ཏཱ ཧོ་ཏི? ཡཱ ཏ་སྨིཾ ས་མ་ཡེ ཙི་ཏྟ་སྶ ཋི་ཏི – ཨ་ཡཾ ཏ་སྨིཾ ས་མ་ཡེ ཙི་ཏྟ་སྶེ་ཀ་གྒ་ཏཱ ཧོ་ཏི.

༤༨༠. ཀ་ཏ་མཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི.

༤༨༡. ཀ་ཏ་མཾ ཏ་སྨིཾ ས་མ་ཡེ སོ་མ་ན་སྶི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཙེ་ཏ་སི་ཀཾ སཱ་ཏཾ ཙེ་ཏ་སི་ཀཾ སུ་ཁཾ ཙེ་ཏོ་ས་མྥ་སྶ་ཛཾ སཱ་ཏཾ སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ སཱ་ཏཱ སུ་ཁཱ ཝེ་ད་ནཱ – ཨི་དཾ ཏ་སྨིཾ ས་མ་ཡེ སོ་མ་ན་སྶི་ནྡྲི་ཡཾ ཧོ་ཏི.

༤༨༢. ཀ་ཏ་མཾ ཏ་སྨིཾ ས་མ་ཡེ ཛཱི་ཝི་ཏི་ནྡྲི་ཡཾ ཧོ་ཏི? ཡོ ཏེ་སཾ ཨ་རཱུ་པཱི་ནཾ དྷ་མྨཱ་ནཾ ཨཱ་ཡུ ཋི་ཏི ཡ་པ་ནཱ ཡཱ་པ་ནཱ ཨི་རི་ཡ་ནཱ ཝ་ཏྟ་ནཱ པཱ་ལ་ནཱ ཛཱི་ཝི་ཏཾ ཛཱི་ཝི་ཏི་ནྡྲི་ཡཾ – ཨི་དཾ ཏ་སྨིཾ ས་མ་ཡེ ཛཱི་ཝི་ཏི་ནྡྲི་ཡཾ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ.

ཏ་སྨིཾ ཁོ པ་ན ས་མ་ཡེ ཙ་ཏྟཱ་རོ ཁ་ནྡྷཱ ཧོ་ནྟི, དྭཱ་ཡ་ཏ་ནཱ་ནི ཧོ་ནྟི, དྭེ དྷཱ་ཏུ་ཡོ ཧོ་ནྟི, ཏ་ཡོ ཨཱ་ཧཱ་རཱ ཧོ་ནྟི, ཏཱི་ཎི་ནྡྲི་ཡཱ་ནི ཧོ་ནྟི, ཨེ་ཀོ ཕ་སྶོ ཧོ་ཏི…པེ… ཨེ་ཀཱ མ་ནོ་ཝི་ཉྙཱ་ཎ་དྷཱ་ཏུ ཧོ་ཏི, ཨེ་ཀཾ དྷ་མྨཱ་ཡ་ཏ་ནཾ ཧོ་ཏི, ཨེ་ཀཱ དྷ་མྨ་དྷཱ་ཏུ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ…པེ….

༤༨༣. ཀ་ཏ་མོ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི? ཕ་སྶོ ཙེ་ཏ་ནཱ ཝི་ཏ་ཀྐོ ཝི་ཙཱ་རོ པཱི་ཏི ཙི་ཏྟ་སྶེ་ཀ་གྒ་ཏཱ ཛཱི་ཝི་ཏི་ནྡྲི་ཡཾ; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ ཋ་པེ་ཏྭཱ ཝེ་ད་ནཱ་ཀྑ་ནྡྷཾ ཋ་པེ་ཏྭཱ ས་ཉྙཱ་ཀྑ་ནྡྷཾ ཋ་པེ་ཏྭཱ ཝི་ཉྙཱ་ཎ་ཀྑ་ནྡྷཾ – ཨ་ཡཾ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

ཀུ་ས་ལ་ཝི་པཱ་ཀཱ མ་ནོ་ཝི་ཉྙཱ་ཎ་དྷཱ་ཏུ སོ་མ་ན་སྶ་ས་ཧ་ག་ཏཱ.

ཀུ་ས་ལ་ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏུ་ཨུ་པེ་ཀྑཱ་ས་ཧ་ག་ཏཱ

༤༨༤. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཱ མ་ནོ་ཝི་ཉྙཱ་ཎ་དྷཱ་ཏུ ཨུ་པྤ་ནྣཱ ཧོ་ཏི ཨུ་པེ་ཀྑཱ་ས་ཧ་ག་ཏཱ རཱུ་པཱ་ར་མྨ་ཎཱ ཝཱ…པེ… དྷ་མྨཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ.

༤༨༥. ཀ་ཏ་མོ ཏ་སྨིཾ ས་མ་ཡེ ཕ་སྶོ ཧོ་ཏི? ཡོ ཏ་སྨིཾ ས་མ་ཡེ ཕ་སྶོ ཕུ་ས་ནཱ སཾ་ཕུ་ས་ནཱ སཾ་ཕུ་སི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཕ་སྶོ ཧོ་ཏི.

༤༨༦. ཀ་ཏ་མཱ ཏ་སྨིཾ ས་མ་ཡེ ཝེ་ད་ནཱ ཧོ་ཏི? ཡཾ ཏ་སྨིཾ ས་མ་ཡེ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཾ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཏ་སྨིཾ ས་མ་ཡེ ཝེ་ད་ནཱ ཧོ་ཏི.

༤༨༧. ཀ་ཏ་མཱ ཏ་སྨིཾ ས་མ་ཡེ ས་ཉྙཱ ཧོ་ཏི? ཡཱ ཏ་སྨིཾ ས་མ་ཡེ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ས་ཉྙཱ ས་ཉྫཱ་ན་ནཱ ས་ཉྫཱ་ནི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ས་ཉྙཱ ཧོ་ཏི.

༤༨༨. ཀ་ཏ་མཱ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི? ཡཱ ཏ་སྨིཾ ས་མ་ཡེ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཙེ་ཏ་ནཱ ས་ཉྩེ་ཏ་ནཱ ཙེ་ཏ་ཡི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི.

༤༨༩. ཀ་ཏ་མཾ ཏ་སྨིཾ ས་མ་ཡེ ཙི་ཏྟཾ ཧོ་ཏི? ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཏ་སྨིཾ ས་མ་ཡེ ཙི་ཏྟཾ ཧོ་ཏི.

༤༩༠. ཀ་ཏ་མོ ཏ་སྨིཾ ས་མ་ཡེ ཝི་ཏ་ཀྐོ ཧོ་ཏི? ཡོ ཏ་སྨིཾ ས་མ་ཡེ ཏ་ཀྐོ ཝི་ཏ་ཀྐོ ས་ངྐ་པྤོ ཨ་པྤ་ནཱ བྱ་པྤ་ནཱ ཙེ་ཏ་སོ ཨ་བྷི་ནི་རོ་པ་ནཱ – ཨ་ཡཾ ཏ་སྨིཾ ས་མ་ཡེ ཝི་ཏ་ཀྐོ ཧོ་ཏི.

༤༩༡. ཀ་ཏ་མོ ཏ་སྨིཾ ས་མ་ཡེ ཝི་ཙཱ་རོ ཧོ་ཏི? ཡོ ཏ་སྨིཾ ས་མ་ཡེ ཙཱ་རོ ཝི་ཙཱ་རོ ཨ་ནུ་ཝི་ཙཱ་རོ ཨུ་པ་ཝི་ཙཱ་རོ ཙི་ཏྟ་སྶ ཨ་ནུ་ས་ནྡྷཱ་ན་ཏཱ ཨ་ནུ་པེ་ཀྑ་ན་ཏཱ – ཨ་ཡཾ ཏ་སྨིཾ ས་མ་ཡེ ཝི་ཙཱ་རོ ཧོ་ཏི.

༤༩༢. ཀ་ཏ་མཱ ཏ་སྨིཾ ས་མ་ཡེ ཨུ་པེ་ཀྑཱ ཧོ་ཏི? ཡཾ ཏ་སྨིཾ ས་མ་ཡེ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཏ་སྨིཾ ས་མ་ཡེ ཨུ་པེ་ཀྑཱ ཧོ་ཏི.

༤༩༣. ཀ་ཏ་མཱ ཏ་སྨིཾ ས་མ་ཡེ ཙི་ཏྟ་སྶེ་ཀ་གྒ་ཏཱ ཧོ་ཏི? ཡཱ ཏ་སྨིཾ ས་མ་ཡེ ཙི་ཏྟ་སྶ ཋི་ཏི – ཨ་ཡཾ ཏ་སྨིཾ ས་མ་ཡེ ཙི་ཏྟ་སྶེ་ཀ་གྒ་ཏཱ ཧོ་ཏི.

༤༩༤. ཀ་ཏ་མཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི.

༤༩༥. ཀ་ཏ་མཾ ཏ་སྨིཾ ས་མ་ཡེ ཨུ་པེ་ཀྑི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨི་དཾ ཏ་སྨིཾ ས་མ་ཡེ ཨུ་པེ་ཀྑི་ནྡྲི་ཡཾ ཧོ་ཏི.

༤༩༦. ཀ་ཏ་མཾ ཏ་སྨིཾ ས་མ་ཡེ ཛཱི་ཝི་ཏི་ནྡྲི་ཡཾ ཧོ་ཏི? ཡོ ཏེ་སཾ ཨ་རཱུ་པཱི་ནཾ དྷ་མྨཱ་ནཾ ཨཱ་ཡུ ཋི་ཏི ཡ་པ་ནཱ ཡཱ་པ་ནཱ ཨི་རི་ཡ་ནཱ ཝ་ཏྟ་ནཱ པཱ་ལ་ནཱ ཛཱི་ཝི་ཏཾ ཛཱི་ཝི་ཏི་ནྡྲི་ཡཾ – ཨི་དཾ ཏ་སྨིཾ ས་མ་ཡེ ཛཱི་ཝི་ཏི་ནྡྲི་ཡཾ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཨ་བྱཱ་ཀ་ཏཱ.

༤༩༧. ཀ་ཏ་མོ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི? ཕ་སྶོ ཙེ་ཏ་ནཱ ཝི་ཏ་ཀྐོ ཝི་ཙཱ་རོ ཙི་ཏྟ་སྶེ་ཀ་གྒ་ཏཱ ཛཱི་ཝི་ཏི་ནྡྲི་ཡཾ; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ ཋ་པེ་ཏྭཱ ཝེ་ད་ནཱ་ཀྑ་ནྡྷཾ ཋ་པེ་ཏྭཱ ས་ཉྙཱ་ཀྑ་ནྡྷཾ ཋ་པེ་ཏྭཱ ཝི་ཉྙཱ་ཎ་ཀྑ་ནྡྷཾ – ཨ་ཡཾ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

ཀུ་ས་ལ་ཝི་པཱ་ཀཱ ཨུ་པེ་ཀྑཱ་ས་ཧ་ག་ཏཱ མ་ནོ་ཝི་ཉྙཱ་ཎ་དྷཱ་ཏུ.

ཨ་ཊྛ་མ་ཧཱ་ཝི་པཱ་ཀཱ

༤༩༨. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཀཱ་མཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཱ མ་ནོ་ཝི་ཉྙཱ་ཎ་དྷཱ་ཏུ ཨུ་པྤ་ནྣཱ ཧོ་ཏི སོ་མ་ན་སྶ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ…པེ… སོ་མ་ན་སྶ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ ས་ས་ངྑཱ་རེ་ན…པེ… སོ་མ་ན་སྶ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ…པེ… སོ་མ་ན་སྶ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ས་མྤ་ཡུ་ཏྟཱ ས་ས་ངྑཱ་རེ་ན…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ…པེ… ཨུ་པེ་ཀྑཱ་ས་ཧ་ག་ཏཱ ཉཱ་ཎ་ཝི་པྤ་ཡུ་ཏྟཱ ས་ས་ངྑཱ་རེ་ན རཱུ་པཱ་ར་མྨ་ཎཱ ཝཱ…པེ… དྷ་མྨཱ་ར་མྨ་ཎཱ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི …པེ… ཨི་མེ དྷ་མྨཱ ཨ་བྱཱ་ཀ་ཏཱ…པེ… ཨ་ལོ་བྷོ ཨ་བྱཱ་ཀ་ཏ་མཱུ་ལཾ…པེ… ཨ་དོ་སོ ཨ་བྱཱ་ཀ་ཏ་མཱུ་ལཾ…པེ… ཨི་མེ དྷ་མྨཱ ཨ་བྱཱ་ཀ་ཏཱ.

ཨ་ཊྛ་མ་ཧཱ་ཝི་པཱ་ཀཱ.

རཱུ་པཱ་ཝ་ཙ་ར་ཝི་པཱ་ཀཱ

༤༩༩. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི པ་ཐ་ཝཱི་ཀ་སི་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ. ཏ་སྶེ་ཝ རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི པ་ཐ་ཝཱི་ཀ་སི་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

༥༠༠. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… ཙ་ཏུ་ཏྠཾ ཛྷཱ་ནཾ…པེ… པ་ཋ་མཾ ཛྷཱ་ནཾ…པེ… པ་ཉྩ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི པ་ཐ་ཝཱི་ཀ་སི་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ. ཏ་སྶེ་ཝ རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ སུ་ཁ་སྶ ཙ པ་ཧཱ་ནཱ…པེ… པ་ཉྩ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི པ་ཐ་ཝཱི་ཀ་སི་ཎཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

རཱུ་པཱ་ཝ་ཙ་ར་ཝི་པཱ་ཀཱ.

ཨ་རཱུ་པཱ་ཝ་ཙ་ར་ཝི་པཱ་ཀཱ

༥༠༡. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཨ་རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ས་བྦ་སོ རཱུ་པ་ས་ཉྙཱ་ནཾ ས་མ་ཏི་ཀྐ་མཱ པ་ཊི་གྷ་ས་ཉྙཱ་ནཾ ཨ་ཏྠ་ངྒ་མཱ ནཱ་ན་ཏྟ་ས་ཉྙཱ་ནཾ ཨ་མ་ན་སི་ཀཱ་རཱ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ཨ་རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ས་བྦ་སོ རཱུ་པ་ས་ཉྙཱ་ནཾ ས་མ་ཏི་ཀྐ་མཱ པ་ཊི་གྷ་ས་ཉྙཱ་ནཾ ཨ་ཏྠ་ངྒ་མཱ ནཱ་ན་ཏྟ་ས་ཉྙཱ་ནཾ ཨ་མ་ན་སི་ཀཱ་རཱ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

༥༠༢. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཨ་རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ས་བྦ་སོ ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མ་ཏི་ཀྐ་མྨ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ཨ་རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ས་བྦ་སོ ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མ་ཏི་ཀྐ་མྨ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

༥༠༣. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཨ་རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ས་བྦ་སོ ཝི་ཉྙཱ་ཎ་ཉྩཱ་ཡ་ཏ་ནཾ ས་མ་ཏི་ཀྐ་མྨ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ཨ་རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ས་བྦ་སོ ཝི་ཉྙཱ་ཎ་ཉྩཱ་ཡ་ཏ་ནཾ ས་མ་ཏི་ཀྐ་མྨ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

༥༠༤. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཡ་སྨིཾ ས་མ་ཡེ ཨ་རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ཨ་རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཨ་བྱཱ་ཀ་ཏཱ.

ཨ་རཱུ་པཱ་ཝ་ཙ་ར་ཝི་པཱ་ཀཱ.