སུ་ཉྙ་ཏ་ཝཱ་རོ
༡༢༡. ཏ་སྨིཾ ཁོ པ་ན ས་མ་ཡེ དྷ་མྨཱ ཧོ་ནྟི, ཁ་ནྡྷཱ ཧོ་ནྟི, ཨཱ་ཡ་ཏ་ནཱ་ནི ཧོ་ནྟི, དྷཱ་ཏུ་ཡོ ཧོ་ནྟི, ཨཱ་ཧཱ་རཱ ཧོ་ནྟི, ཨི་ནྡྲི་ཡཱ་ནི ཧོ་ནྟི, ཛྷཱ་ནཾ ཧོ་ཏི, མ་གྒོ ཧོ་ཏི, བ་ལཱ་ནི ཧོ་ནྟི, ཧེ་ཏཱུ ཧོ་ནྟི, ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝེ་ད་ནཱ་ཀྑ་ནྡྷོ ཧོ་ཏི, ས་ཉྙཱ་ཀྑ་ནྡྷོ ཧོ་ཏི, ས་ངྑཱ་ར་ཀྑ་ནྡྷོ ཧོ་ཏི, ཝི་ཉྙཱ་ཎ་ཀྑ་ནྡྷོ ཧོ་ཏི, མ་ནཱ་ཡ་ཏ་ནཾ ཧོ་ཏི, མ་ནི་ནྡྲི་ཡཾ ཧོ་ཏི, མ་ནོ་ཝི་ཉྙཱ་ཎ་དྷཱ་ཏུ ཧོ་ཏི, དྷ་མྨཱ་ཡ་ཏ་ནཾ ཧོ་ཏི, དྷ་མྨ་དྷཱ་ཏུ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཀུ་ས་ལཱ.
༡༢༢. ཀ་ཏ་མེ ཏ་སྨིཾ ས་མ་ཡེ དྷ་མྨཱ ཧོ་ནྟི? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ ཏ་སྨིཾ ས་མ་ཡེ དྷ་མྨཱ ཧོ་ནྟི.
༡༢༣. ཀ་ཏ་མེ ཏ་སྨིཾ ས་མ་ཡེ ཁ་ནྡྷཱ ཧོ་ནྟི? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ ཏ་སྨིཾ ས་མ་ཡེ ཁ་ནྡྷཱ ཧོ་ནྟི.
༡༢༤. ཀ་ཏ་མཱ་ནི ཏ་སྨིཾ ས་མ་ཡེ ཨཱ་ཡ་ཏ་ནཱ་ནི ཧོ་ནྟི? མ་ནཱ་ཡ་ཏ་ནཾ, དྷ་མྨཱ་ཡ་ཏ་ནཾ – ཨི་མཱ་ནི ཏ་སྨིཾ ས་མ་ཡེ ཨཱ་ཡ་ཏ་ནཱ་ནི ཧོ་ནྟི.
༡༢༥. ཀ་ཏ་མཱ ཏ་སྨིཾ ས་མ་ཡེ དྷཱ་ཏུ་ཡོ ཧོ་ནྟི? མ་ནོ་ཝི་ཉྙཱ་ཎ་དྷཱ་ཏུ, དྷ་མྨ་དྷཱ་ཏུ – ཨི་མཱ ཏ་སྨིཾ ས་མ་ཡེ དྷཱ་ཏུ་ཡོ ཧོ་ནྟི.
༡༢༦. ཀ་ཏ་མེ ཏ་སྨིཾ ས་མ་ཡེ ཨཱ་ཧཱ་རཱ ཧོ་ནྟི? ཕ་སྶཱ་ཧཱ་རོ, མ་ནོ་ས་ཉྩེ་ཏ་ནཱ་ཧཱ་རོ, ཝི་ཉྙཱ་ཎཱ་ཧཱ་རོ – ཨི་མེ ཏ་སྨིཾ ས་མ་ཡེ ཨཱ་ཧཱ་རཱ ཧོ་ནྟི.
༡༢༧. ཀ་ཏ་མཱ་ནི ཏ་སྨིཾ ས་མ་ཡེ ཨི་ནྡྲི་ཡཱ་ནི ཧོ་ནྟི? ས་དྡྷི་ནྡྲི་ཡཾ, ཝཱི་རི་ཡི་ནྡྲི་ཡཾ, ས་ཏི་ནྡྲི་ཡཾ, ས་མཱ་དྷི་ནྡྲི་ཡཾ, པ་ཉྙི་ནྡྲི་ཡཾ, མ་ནི་ནྡྲི་ཡཾ, སོ་མ་ན་སྶི་ནྡྲི་ཡཾ, ཛཱི་ཝི་ཏི་ནྡྲི་ཡཾ – ཨི་མཱ་ནི ཏ་སྨིཾ ས་མ་ཡེ ཨི་ནྡྲི་ཡཱ་ནི ཧོ་ནྟི.
༡༢༨. ཀ་ཏ་མཾ ཏ་སྨིཾ ས་མ་ཡེ ཛྷཱ་ནཾ ཧོ་ཏི? ཝི་ཏ་ཀྐོ, ཝི་ཙཱ་རོ, པཱི་ཏི, སུ་ཁཾ, ཙི་ཏྟ་སྶེ་ཀ་གྒ་ཏཱ – ཨི་དཾ ཏ་སྨིཾ ས་མ་ཡེ ཛྷཱ་ནཾ ཧོ་ཏི.
༡༢༩. ཀ་ཏ་མོ ཏ་སྨིཾ ས་མ་ཡེ མ་གྒོ ཧོ་ཏི? ས་མྨཱ་དི་ཊྛི, ས་མྨཱ་ས་ངྐ་པྤོ, ས་མྨཱ་ཝཱ་ཡཱ་མོ, ས་མྨཱ་ས་ཏི, ས་མྨཱ་ས་མཱ་དྷི – ཨ་ཡཾ ཏ་སྨིཾ ས་མ་ཡེ མ་གྒོ ཧོ་ཏི.
༡༣༠. ཀ་ཏ་མཱ་ནི ཏ་སྨིཾ ས་མ་ཡེ བ་ལཱ་ནི ཧོ་ནྟི? ས་དྡྷཱ་བ་ལཾ, ཝཱི་རི་ཡ་བ་ལཾ, ས་ཏི་བ་ལཾ, ས་མཱ་དྷི་བ་ལཾ, པ་ཉྙཱ་བ་ལཾ, ཧི་རི་བ་ལཾ, ཨོ་ཏྟ་པྤ་བ་ལཾ – ཨི་མཱ་ནི ཏ་སྨིཾ ས་མ་ཡེ བ་ལཱ་ནི ཧོ་ནྟི.
༡༣༡. ཀ་ཏ་མེ ཏ་སྨིཾ ས་མ་ཡེ ཧེ་ཏཱུ ཧོ་ནྟི? ཨ་ལོ་བྷོ, ཨ་དོ་སོ, ཨ་མོ་ཧོ – ཨི་མེ ཏ་སྨིཾ ས་མ་ཡེ ཧེ་ཏཱུ ཧོ་ནྟི.
༡༣༢. ཀ་ཏ་མོ ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཡཾ ཏ་སྨིཾ ས་མ་ཡེ ཕ་སྶོ ཧོ་ཏི.
༡༣༣. ཀ་ཏ་མཱ ཏ་སྨིཾ ས་མ་ཡེ ཝེ་ད་ནཱ ཧོ་ཏི…པེ… ཨ་ཡཾ ཏ་སྨིཾ ས་མ་ཡེ ཝེ་ད་ནཱ ཧོ་ཏི.
༡༣༤. ཀ་ཏ་མཱ ཏ་སྨིཾ ས་མ་ཡེ ས་ཉྙཱ ཧོ་ཏི…པེ… ཨ་ཡཾ ཏ་སྨིཾ ས་མ་ཡེ ས་ཉྙཱ ཧོ་ཏི.
༡༣༥. ཀ་ཏ་མཱ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི…པེ… ཨ་ཡཾ ཏ་སྨིཾ ས་མ་ཡེ ཙེ་ཏ་ནཱ ཧོ་ཏི?
༡༣༦. ཀ་ཏ་མཾ ཏ་སྨིཾ ས་མ་ཡེ ཙི་ཏྟཾ ཧོ་ཏི…པེ… ཨི་དཾ ཏ་སྨིཾ ས་མ་ཡེ ཙི་ཏྟཾ ཧོ་ཏི.
༡༣༧. ཀ་ཏ་མོ ཏ་སྨིཾ ས་མ་ཡེ ཝེ་ད་ནཱ་ཀྑ་ནྡྷོ ཧོ་ཏི…པེ… ཨ་ཡཾ ཏ་སྨིཾ ས་མ་ཡེ ཝེ་ད་ནཱ་ཀྑ་ནྡྷོ ཧོ་ཏི.
༡༣༨. ཀ་ཏ་མོ ཏ་སྨིཾ ས་མ་ཡེ ས་ཉྙཱ་ཀྑ་ནྡྷོ ཧོ་ཏི…པེ… ཨ་ཡཾ ཏ་སྨིཾ ས་མ་ཡེ ས་ཉྙཱ་ཀྑ་ནྡྷོ ཧོ་ཏི.
༡༣༩. ཀ་ཏ་མོ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི…པེ… ཨ་ཡཾ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི.
༡༤༠. ཀ་ཏ་མོ ཏ་སྨིཾ ས་མ་ཡེ ཝི་ཉྙཱ་ཎ་ཀྑ་ནྡྷོ ཧོ་ཏི…པེ… ཨ་ཡཾ ཏ་སྨིཾ ས་མ་ཡེ ཝི་ཉྙཱ་ཎ་ཀྑ་ནྡྷོ ཧོ་ཏི.
༡༤༡. ཀ་ཏ་མཾ ཏ་སྨིཾ ས་མ་ཡེ མ་ནཱ་ཡ་ཏ་ནཾ ཧོ་ཏི…པེ… ཨི་དཾ ཏ་སྨིཾ ས་མ་ཡེ མ་ནཱ་ཡ་ཏ་ནཾ ཧོ་ཏི.
༡༤༢. ཀ་ཏ་མཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི…པེ… ཨི་དཾ ཏ་སྨིཾ ས་མ་ཡེ མ་ནི་ནྡྲི་ཡཾ ཧོ་ཏི.
༡༤༣. ཀ་ཏ་མཱ ཏ་སྨིཾ ས་མ་ཡེ མ་ནོ་ཝི་ཉྙཱ་ཎ་དྷཱ་ཏུ ཧོ་ཏི…པེ… ཨ་ཡཾ ཏ་སྨིཾ ས་མ་ཡེ མ་ནོ་ཝི་ཉྙཱ་ཎ་དྷཱ་ཏུ ཧོ་ཏི.
༡༤༤. ཀ་ཏ་མཾ ཏ་སྨིཾ ས་མ་ཡེ དྷ་མྨཱ་ཡ་ཏ་ནཾ ཧོ་ཏི? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ – ཨི་དཾ ཏ་སྨིཾ ས་མ་ཡེ དྷ་མྨཱ་ཡ་ཏ་ནཾ ཧོ་ཏི.
༡༤༥. ཀ་ཏ་མཱ ཏ་སྨིཾ ས་མ་ཡེ དྷ་མྨ་དྷཱ་ཏུ ཧོ་ཏི? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ – ཨ་ཡཾ ཏ་སྨིཾ ས་མ་ཡེ དྷ་མྨ་དྷཱ་ཏུ ཧོ་ཏི.
ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཀུ་ས་ལཱ.
སུ་ཉྙ་ཏ་ཝཱ་རོ.
པ་ཋ་མཾ ཙི་ཏྟཾ.
༡༤༦. ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ཀཱ་མཱ་ཝ་ཙ་རཾ ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི སོ་མ་ན་སྶ་ས་ཧ་ག་ཏཾ ཉཱ་ཎ་ས་མྤ་ཡུ་ཏྟཾ ས་ས་ངྑཱ་རེ་ན རཱུ་པཱ་ར་མྨ་ཎཾ ཝཱ…པེ… དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ.
དུ་ཏི་ཡཾ ཙི་ཏྟཾ.
༡༤༧. ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ཀཱ་མཱ་ཝ་ཙ་རཾ ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི སོ་མ་ན་སྶ་ས་ཧ་ག་ཏཾ ཉཱ་ཎ་ཝི་པྤ་ཡུ་ཏྟཾ རཱུ་པཱ་ར་མྨ་ཎཾ ཝཱ ས་དྡཱ་ར་མྨ་ཎཾ ཝཱ ག་ནྡྷཱ་ར་མྨ་ཎཾ ཝཱ ར་སཱ་ར་མྨ་ཎཾ ཝཱ ཕོ་ཊྛ་བྦཱ་ར་མྨ་ཎཾ ཝཱ དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, པཱི་ཏི ཧོ་ཏི, སུ་ཁཾ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, ས་དྡྷི་ནྡྲི་ཡཾ ཧོ་ཏི, ཝཱི་རི་ཡི་ནྡྲི་ཡཾ ཧོ་ཏི, ས་ཏི་ནྡྲི་ཡཾ ཧོ་ཏི, ས་མཱ་དྷི་ནྡྲི་ཡཾ ཧོ་ཏི, མ་ནི་ནྡྲི་ཡཾ ཧོ་ཏི, སོ་མ་ན་སྶི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ས་མྨཱ་ས་ངྐ་པྤོ ཧོ་ཏི, ས་མྨཱ་ཝཱ་ཡཱ་མོ ཧོ་ཏི, ས་མྨཱ་ས་ཏི ཧོ་ཏི, ས་མྨཱ་ས་མཱ་དྷི ཧོ་ཏི, ས་དྡྷཱ་བ་ལཾ ཧོ་ཏི, ཝཱི་རི་ཡ་བ་ལཾ ཧོ་ཏི, ས་ཏི་བ་ལཾ ཧོ་ཏི, ས་མཱ་དྷི་བ་ལཾ ཧོ་ཏི, ཧི་རི་བ་ལཾ ཧོ་ཏི, ཨོ་ཏྟ་པྤ་བ་ལཾ ཧོ་ཏི, ཨ་ལོ་བྷོ ཧོ་ཏི, ཨ་དོ་སོ ཧོ་ཏི, ཨ་ན་བྷི་ཛ྄ཛྷཱ ཧོ་ཏི, ཨ་བྱཱ་པཱ་དོ ཧོ་ཏི, ཧི་རཱི ཧོ་ཏི, ཨོ་ཏྟ་པྤཾ ཧོ་ཏི, ཀཱ་ཡ་པ་སྶ་དྡྷི ཧོ་ཏི, ཙི་ཏྟ་པ་སྶ་དྡྷི ཧོ་ཏི, ཀཱ་ཡ་ལ་ཧུ་ཏཱ ཧོ་ཏི, ཙི་ཏྟ་ལ་ཧུ་ཏཱ ཧོ་ཏི, ཀཱ་ཡ་མུ་དུ་ཏཱ ཧོ་ཏི, ཙི་ཏྟ་མུ་དུ་ཏཱ ཧོ་ཏི, ཀཱ་ཡ་ཀ་མྨ་ཉྙ་ཏཱ ཧོ་ཏི, ཙི་ཏྟ་ཀ་མྨ་ཉྙ་ཏཱ ཧོ་ཏི, ཀཱ་ཡ་པཱ་གུ་ཉྙ་ཏཱ ཧོ་ཏི, ཙི་ཏྟ་པཱ་གུ་ཉྙ་ཏཱ ཧོ་ཏི, ཀཱ་ཡུ་ཛུ་ཀ་ཏཱ ཧོ་ཏི, ཙི་ཏྟུ་ཛུ་ཀ་ཏཱ ཧོ་ཏི, ས་ཏི ཧོ་ཏི, ས་མ་ཐོ ཧོ་ཏི, པ་གྒཱ་ཧོ ཧོ་ཏི, ཨ་ཝི་ཀྑེ་པོ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཀུ་ས་ལཱ…པེ….
ཏ་སྨིཾ ཁོ པ་ན ས་མ་ཡེ ཙ་ཏྟཱ་རོ ཁ་ནྡྷཱ ཧོ་ནྟི, དྭཱ་ཡ་ཏ་ནཱ་ནི ཧོ་ནྟི, དྭེ དྷཱ་ཏུ་ཡོ ཧོ་ནྟི, ཏ་ཡོ ཨཱ་ཧཱ་རཱ ཧོ་ནྟི, ས་ཏྟི་ནྡྲི་ཡཱ་ནི ཧོ་ནྟི, པ་ཉྩ་ངྒི་ཀཾ ཛྷཱ་ནཾ ཧོ་ཏི, ཙ་ཏུ་ར་ངྒི་ཀོ མ་གྒོ ཧོ་ཏི, ཚ བ་ལཱ་ནི ཧོ་ནྟི, དྭེ ཧེ་ཏཱུ ཧོ་ནྟི, ཨེ་ཀོ ཕ་སྶོ ཧོ་ཏི…པེ… ཨེ་ཀཾ དྷ་མྨཱ་ཡ་ཏ་ནཾ ཧོ་ཏི, ཨེ་ཀཱ དྷ་མྨ་དྷཱ་ཏུ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཀུ་ས་ལཱ…པེ….
༡༤༨. ཀ་ཏ་མོ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི? ཕ་སྶོ ཙེ་ཏ་ནཱ ཝི་ཏ་ཀྐོ ཝི་ཙཱ་རོ པཱི་ཏི ཙི་ཏྟ་སྶེ་ཀ་གྒ་ཏཱ ས་དྡྷི་ནྡྲི་ཡཾ ཝཱི་རི་ཡི་ནྡྲི་ཡཾ ས་ཏི་ནྡྲི་ཡཾ ས་མཱ་དྷི་ནྡྲི་ཡཾ ཛཱི་ཝི་ཏི་ནྡྲི་ཡཾ ས་མྨཱ་ས་ངྐ་པྤོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི ས་དྡྷཱ་བ་ལཾ ཝཱི་རི་ཡ་བ་ལཾ ས་ཏི་བ་ལཾ ས་མཱ་དྷི་བ་ལཾ ཧི་རི་བ་ལཾ ཨོ་ཏྟ་པྤ་བ་ལཾ ཨ་ལོ་བྷོ ཨ་དོ་སོ ཨ་ན་བྷི་ཛ྄ཛྷཱ ཨ་བྱཱ་པཱ་དོ ཧི་རཱི ཨོ་ཏྟ་པྤཾ ཀཱ་ཡ་པ་སྶ་དྡྷི ཙི་ཏྟ་པ་སྶ་དྡྷི ཀཱ་ཡ་ལ་ཧུ་ཏཱ ཙི་ཏྟ་ལ་ཧུ་ཏཱ ཀཱ་ཡ་མུ་དུ་ཏཱ ཙི་ཏྟ་མུ་དུ་ཏཱ ཀཱ་ཡ་ཀ་མྨ་ཉྙ་ཏཱ ཙི་ཏྟ་ཀ་མྨ་ཉྙ་ཏཱ ཀཱ་ཡ་པཱ་གུ་ཉྙ་ཏཱ ཙི་ཏྟ་པཱ་གུ་ཉྙ་ཏཱ ཀཱ་ཡུ་ཛུ་ཀ་ཏཱ ཙི་ཏྟུ་ཛུ་ཀ་ཏཱ ས་ཏི ས་མ་ཐོ པ་གྒཱ་ཧོ ཨ་ཝི་ཀྑེ་པོ; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ ཋ་པེ་ཏྭཱ ཝེ་ད་ནཱ་ཀྑ་ནྡྷཾ ཋ་པེ་ཏྭཱ ས་ཉྙཱ་ཀྑ་ནྡྷཾ ཋ་པེ་ཏྭཱ ཝི་ཉྙཱ་ཎ་ཀྑ་ནྡྷཾ – ཨ་ཡཾ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ.
ཏ་ཏི་ཡཾ ཙི་ཏྟཾ.
༡༤༩. ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ཀཱ་མཱ་ཝ་ཙ་རཾ ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི སོ་མ་ན་སྶ་ས་ཧ་ག་ཏཾ ཉཱ་ཎ་ཝི་པྤ་ཡུ་ཏྟཾ ས་ས་ངྑཱ་རེ་ན རཱུ་པཱ་ར་མྨ་ཎཾ ཝཱ…པེ… དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ.
ཙ་ཏུ་ཏྠཾ ཙི་ཏྟཾ.
༡༥༠. ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ཀཱ་མཱ་ཝ་ཙ་རཾ ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ཉཱ་ཎ་ས་མྤ་ཡུ་ཏྟཾ རཱུ་པཱ་ར་མྨ་ཎཾ ཝཱ ས་དྡཱ་ར་མྨ་ཎཾ ཝཱ ག་ནྡྷཱ་ར་མྨ་ཎཾ ཝཱ ར་སཱ་ར་མྨ་ཎཾ ཝཱ ཕོ་ཊྛ་བྦཱ་ར་མྨ་ཎཾ ཝཱ དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, ས་དྡྷི་ནྡྲི་ཡཾ ཧོ་ཏི, ཝཱི་རི་ཡི་ནྡྲི་ཡཾ ཧོ་ཏི, ས་ཏི་ནྡྲི་ཡཾ ཧོ་ཏི, ས་མཱ་དྷི་ནྡྲི་ཡཾ ཧོ་ཏི, པ་ཉྙི་ནྡྲི་ཡཾ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ས་མྨཱ་དི་ཊྛི ཧོ་ཏི, ས་མྨཱ་ས་ངྐ་པྤོ ཧོ་ཏི, ས་མྨཱ་ཝཱ་ཡཱ་མོ ཧོ་ཏི, ས་མྨཱ་ས་ཏི ཧོ་ཏི, ས་མྨཱ་ས་མཱ་དྷི ཧོ་ཏི, ས་དྡྷཱ་བ་ལཾ ཧོ་ཏི, ཝཱི་རི་ཡ་བ་ལཾ ཧོ་ཏི, ས་ཏི་བ་ལཾ ཧོ་ཏི, ས་མཱ་དྷི་བ་ལཾ ཧོ་ཏི, པ་ཉྙཱ་བ་ལཾ ཧོ་ཏི, ཧི་རི་བ་ལཾ ཧོ་ཏི, ཨོ་ཏྟ་པྤ་བ་ལཾ ཧོ་ཏི, ཨ་ལོ་བྷོ ཧོ་ཏི, ཨ་དོ་སོ ཧོ་ཏི, ཨ་མོ་ཧོ ཧོ་ཏི, ཨ་ན་བྷི་ཛ྄ཛྷཱ ཧོ་ཏི, ཨ་བྱཱ་པཱ་དོ ཧོ་ཏི, ས་མྨཱ་དི་ཊྛི ཧོ་ཏི, ཧི་རཱི ཧོ་ཏི, ཨོ་ཏྟ་པྤཾ ཧོ་ཏི, ཀཱ་ཡ་པ་སྶ་དྡྷི ཧོ་ཏི, ཙི་ཏྟ་པ་སྶ་དྡྷི ཧོ་ཏི, ཀཱ་ཡ་ལ་ཧུ་ཏཱ ཧོ་ཏི, ཙི་ཏྟ་ལ་ཧུ་ཏཱ ཧོ་ཏི, ཀཱ་ཡ་མུ་དུ་ཏཱ ཧོ་ཏི, ཙི་ཏྟ་མུ་དུ་ཏཱ ཧོ་ཏི, ཀཱ་ཡ་ཀ་མྨ་ཉྙ་ཏཱ ཧོ་ཏི, ཙི་ཏྟ་ཀ་མྨ་ཉྙ་ཏཱ ཧོ་ཏི ཀཱ་ཡ་པཱ་གུ་ཉྙ་ཏཱ ཧོ་ཏི, ཙི་ཏྟ་པཱ་གུ་ཉྙ་ཏཱ ཧོ་ཏི, ཀཱ་ཡུ་ཛུ་ཀ་ཏཱ ཧོ་ཏི, ཙི་ཏྟུ་ཛུ་ཀ་ཏཱ ཧོ་ཏི, ས་ཏི ཧོ་ཏི, ས་མྤ་ཛ་ཉྙཾ ཧོ་ཏི, ས་མ་ཐོ ཧོ་ཏི, ཝི་པ་སྶ་ནཱ ཧོ་ཏི, པ་གྒཱ་ཧོ ཧོ་ཏི, ཨ་ཝི་ཀྑེ་པོ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཀུ་ས་ལཱ.
༡༥༡. ཀ་ཏ་མོ ཏ་སྨིཾ ས་མ་ཡེ ཕ་སྶོ ཧོ་ཏི? ཡོ ཏ་སྨིཾ ས་མ་ཡེ ཕ་སྶོ ཕུ་ས་ནཱ སཾ་ཕུ་ས་ནཱ སཾ་ཕུ་སི་ཏ་ཏྟཾ – ཨ་ཡཾ ཏ་སྨིཾ ས་མ་ཡེ ཕ་སྶོ ཧོ་ཏི.
༡༥༢. ཀ་ཏ་མཱ ཏ་སྨིཾ ས་མ་ཡེ ཝེ་ད་ནཱ ཧོ་ཏི? ཡཾ ཏ་སྨིཾ ས་མ་ཡེ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཾ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཏ་སྨིཾ ས་མ་ཡེ ཝེ་ད་ནཱ ཧོ་ཏི…པེ….
༡༥༣. ཀ་ཏ་མཱ ཏ་སྨིཾ ས་མ་ཡེ ཨུ་པེ་ཀྑཱ ཧོ་ཏི? ཡཾ ཏ་སྨིཾ ས་མ་ཡེ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཏ་སྨིཾ ས་མ་ཡེ ཨུ་པེ་ཀྑཱ ཧོ་ཏི…པེ….
༡༥༤. ཀ་ཏ་མཾ ཏ་སྨིཾ ས་མ་ཡེ ཨུ་པེ་ཀྑི་ནྡྲི་ཡཾ ཧོ་ཏི? ཡཾ ཏ་སྨིཾ ས་མ་ཡེ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨི་དཾ ཏ་སྨིཾ ས་མ་ཡེ ཨུ་པེ་ཀྑི་ནྡྲི་ཡཾ ཧོ་ཏི…པེ… ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཀུ་ས་ལཱ…པེ….
ཏ་སྨིཾ ཁོ པ་ན ས་མ་ཡེ ཙ་ཏྟཱ་རོ ཁ་ནྡྷཱ ཧོ་ནྟི, དྭཱ་ཡ་ཏ་ནཱ་ནི ཧོ་ནྟི, དྭེ དྷཱ་ཏུ་ཡོ ཧོ་ནྟི, ཏ་ཡོ ཨཱ་ཧཱ་རཱ ཧོ་ནྟི, ཨ་ཊྛི་ནྡྲི་ཡཱ་ནི ཧོ་ནྟི, ཙ་ཏུ་ར་ངྒི་ཀཾ ཛྷཱ་ནཾ ཧོ་ཏི, པ་ཉྩ་ངྒི་ཀོ མ་གྒོ ཧོ་ཏི, ས་ཏྟ བ་ལཱ་ནི ཧོ་ནྟི, ཏ་ཡོ ཧེ་ཏཱུ ཧོ་ནྟི, ཨེ་ཀོ ཕ་སྶོ ཧོ་ཏི…པེ… ཨེ་ཀཾ དྷ་མྨཱ་ཡ་ཏ་ནཾ ཧོ་ཏི, ཨེ་ཀཱ དྷ་མྨ་དྷཱ་ཏུ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཀུ་ས་ལཱ…པེ….
༡༥༥. ཀ་ཏ་མོ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི? ཕ་སྶོ ཙེ་ཏ་ནཱ ཝི་ཏ་ཀྐོ ཝི་ཙཱ་རོ ཙི་ཏྟ་སྶེ་ཀ་གྒ་ཏཱ ས་དྡྷི་ནྡྲི་ཡཾ ཝཱི་རི་ཡི་ནྡྲི་ཡཾ ས་ཏི་ནྡྲི་ཡཾ ས་མཱ་དྷི་ནྡྲི་ཡཾ པ་ཉྙི་ནྡྲི་ཡཾ ཛཱི་ཝི་ཏི་ནྡྲི་ཡཾ ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི ས་དྡྷཱ་བ་ལཾ ཝཱི་རི་ཡ་བ་ལཾ ས་ཏི་བ་ལཾ ས་མཱ་དྷི་བ་ལཾ པ་ཉྙཱ་བ་ལཾ ཧི་རི་བ་ལཾ ཨོ་ཏྟ་པྤ་བ་ལཾ ཨ་ལོ་བྷོ ཨ་དོ་སོ ཨ་མོ་ཧོ ཨ་ན་བྷི་ཛ྄ཛྷཱ ཨ་བྱཱ་པཱ་དོ ས་མྨཱ་དི་ཊྛི ཧི་རཱི ཨོ་ཏྟ་པྤཾ ཀཱ་ཡ་པ་སྶ་དྡྷི ཙི་ཏྟ་པ་སྶ་དྡྷི ཀཱ་ཡ་ལ་ཧུ་ཏཱ ཙི་ཏྟ་ལ་ཧུ་ཏཱ ཀཱ་ཡ་མུ་དུ་ཏཱ ཙི་ཏྟ་མུ་དུ་ཏཱ ཀཱ་ཡ་ཀ་མྨ་ཉྙ་ཏཱ ཙི་ཏྟ་ཀ་མྨ་ཉྙ་ཏཱ ཀཱ་ཡ་པཱ་གུ་ཉྙ་ཏཱ ཙི་ཏྟ་པཱ་གུ་ཉྙ་ཏཱ ཀཱ་ཡུ་ཛུ་ཀ་ཏཱ ཙི་ཏྟུ་ཛུ་ཀ་ཏཱ ས་ཏི ས་མྤ་ཛ་ཉྙཾ ས་མ་ཐོ ཝི་པ་སྶ་ནཱ པ་གྒཱ་ཧོ ཨ་ཝི་ཀྑེ་པོ.
ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ ཋ་པེ་ཏྭཱ ཝེ་ད་ནཱ་ཀྑ་ནྡྷཾ ཋ་པེ་ཏྭཱ ས་ཉྙཱ་ཀྑ་ནྡྷཾ ཋ་པེ་ཏྭཱ ཝི་ཉྙཱ་ཎ་ཀྑ་ནྡྷཾ – ཨ་ཡཾ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ.
པ་ཉྩ་མཾ ཙི་ཏྟཾ.
༡༥༦. ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ཀཱ་མཱ་ཝ་ཙ་རཾ ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ཉཱ་ཎ་ས་མྤ་ཡུ་ཏྟཾ ས་ས་ངྑཱ་རེ་ན རཱུ་པཱ་ར་མྨ་ཎཾ ཝཱ…པེ… དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ.
ཚ་ཊྛཾ ཙི་ཏྟཾ.
༡༥༧. ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ཀཱ་མཱ་ཝ་ཙ་རཾ ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ཉཱ་ཎ་ཝི་པྤ་ཡུ་ཏྟཾ རཱུ་པཱ་ར་མྨ་ཎཾ ཝཱ ས་དྡཱ་ར་མྨ་ཎཾ ཝཱ ག་ནྡྷཱ་ར་མྨ་ཎཾ ཝཱ ར་སཱ་ར་མྨ་ཎཾ ཝཱ ཕོ་ཊྛ་བྦཱ་ར་མྨ་ཎཾ ཝཱ དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི, ཝེ་ད་ནཱ ཧོ་ཏི, ས་ཉྙཱ ཧོ་ཏི, ཙེ་ཏ་ནཱ ཧོ་ཏི, ཙི་ཏྟཾ ཧོ་ཏི, ཝི་ཏ་ཀྐོ ཧོ་ཏི, ཝི་ཙཱ་རོ ཧོ་ཏི, ཨུ་པེ་ཀྑཱ ཧོ་ཏི, ཙི་ཏྟ་སྶེ་ཀ་གྒ་ཏཱ ཧོ་ཏི, ས་དྡྷི་ནྡྲི་ཡཾ ཧོ་ཏི, ཝཱི་རི་ཡི་ནྡྲི་ཡཾ ཧོ་ཏི, ས་ཏི་ནྡྲི་ཡཾ ཧོ་ཏི, ས་མཱ་དྷི་ནྡྲི་ཡཾ ཧོ་ཏི, མ་ནི་ནྡྲི་ཡཾ ཧོ་ཏི, ཨུ་པེ་ཀྑི་ནྡྲི་ཡཾ ཧོ་ཏི, ཛཱི་ཝི་ཏི་ནྡྲི་ཡཾ ཧོ་ཏི, ས་མྨཱ་ས་ངྐ་པྤོ ཧོ་ཏི, ས་མྨཱ་ཝཱ་ཡཱ་མོ ཧོ་ཏི, ས་མྨཱ་ས་ཏི ཧོ་ཏི, ས་མྨཱ་ས་མཱ་དྷི ཧོ་ཏི, ས་དྡྷཱ་བ་ལཾ ཧོ་ཏི, ཝཱི་རི་ཡ་བ་ལཾ ཧོ་ཏི, ས་ཏི་བ་ལཾ ཧོ་ཏི, ས་མཱ་དྷི་བ་ལཾ ཧོ་ཏི, ཧི་རི་བ་ལཾ ཧོ་ཏི, ཨོ་ཏྟ་པྤ་བ་ལཾ ཧོ་ཏི, ཨ་ལོ་བྷོ ཧོ་ཏི, ཨ་དོ་སོ ཧོ་ཏི, ཨ་ན་བྷི་ཛ྄ཛྷཱ ཧོ་ཏི, ཨ་བྱཱ་པཱ་དོ ཧོ་ཏི, ཧི་རཱི ཧོ་ཏི, ཨོ་ཏྟ་པྤཾ ཧོ་ཏི, ཀཱ་ཡ་པ་སྶ་དྡྷི ཧོ་ཏི, ཙི་ཏྟ་པ་སྶ་དྡྷི ཧོ་ཏི, ཀཱ་ཡ་ལ་ཧུ་ཏཱ ཧོ་ཏི, ཙི་ཏྟ་ལ་ཧུ་ཏཱ ཧོ་ཏི, ཀཱ་ཡ་མུ་དུ་ཏཱ ཧོ་ཏི, ཙི་ཏྟ་མུ་དུ་ཏཱ ཧོ་ཏི, ཀཱ་ཡ་ཀ་མྨ་ཉྙ་ཏཱ ཧོ་ཏི, ཙི་ཏྟ་ཀ་མྨ་ཉྙ་ཏཱ ཧོ་ཏི, ཀཱ་ཡ་པཱ་གུ་ཉྙ་ཏཱ ཧོ་ཏི, ཙི་ཏྟ་པཱ་གུ་ཉྙ་ཏཱ ཧོ་ཏི, ཀཱ་ཡུ་ཛུ་ཀ་ཏཱ ཧོ་ཏི, ཙི་ཏྟུ་ཛུ་ཀ་ཏཱ ཧོ་ཏི, ས་ཏི ཧོ་ཏི, ས་མ་ཐོ ཧོ་ཏི, པ་གྒཱ་ཧོ ཧོ་ཏི, ཨ་ཝི་ཀྑེ་པོ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཀུ་ས་ལཱ…པེ….
ཏ་སྨིཾ ཁོ པ་ན ས་མ་ཡེ ཙ་ཏྟཱ་རོ ཁ་ནྡྷཱ ཧོ་ནྟི, དྭཱ་ཡ་ཏ་ནཱ་ནི ཧོ་ནྟི, དྭེ དྷཱ་ཏུ་ཡོ ཧོ་ནྟི, ཏ་ཡོ ཨཱ་ཧཱ་རཱ ཧོ་ནྟི, ས་ཏྟི་ནྡྲི་ཡཱ་ནི ཧོ་ནྟི, ཙ་ཏུ་ར་ངྒི་ཀཾ ཛྷཱ་ནཾ ཧོ་ཏི, ཙ་ཏུ་ར་ངྒི་ཀོ མ་གྒོ ཧོ་ཏི, ཚ བ་ལཱ་ནི ཧོ་ནྟི, དྭེ ཧེ་ཏཱུ ཧོ་ནྟི, ཨེ་ཀོ ཕ་སྶོ ཧོ་ཏི…པེ… ཨེ་ཀཾ དྷ་མྨཱ་ཡ་ཏ་ནཾ ཧོ་ཏི, ཨེ་ཀཱ དྷ་མྨ་དྷཱ་ཏུ ཧོ་ཏི; ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ – ཨི་མེ དྷ་མྨཱ ཀུ་ས་ལཱ…པེ….
༡༥༨. ཀ་ཏ་མོ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི? ཕ་སྶོ ཙེ་ཏ་ནཱ ཝི་ཏ་ཀྐོ ཝི་ཙཱ་རོ ཙི་ཏྟ་སྶེ་ཀ་གྒ་ཏཱ ས་དྡྷི་ནྡྲི་ཡཾ ཝཱི་རི་ཡི་ནྡྲི་ཡཾ ས་ཏི་ནྡྲི་ཡཾ ས་མཱ་དྷི་ནྡྲི་ཡཾ ཛཱི་ཝི་ཏི་ནྡྲི་ཡཾ ས་མྨཱ་ས་ངྐ་པྤོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི ས་དྡྷཱ་བ་ལཾ ཝཱི་རི་ཡ་བ་ལཾ ས་ཏི་བ་ལཾ ས་མཱ་དྷི་བ་ལཾ ཧི་རི་བ་ལཾ ཨོ་ཏྟ་པྤ་བ་ལཾ ཨ་ལོ་བྷོ ཨ་དོ་སོ ཨ་ན་བྷི་ཛ྄ཛྷཱ ཨ་བྱཱ་པཱ་དོ ཧི་རཱི ཨོ་ཏྟ་པྤཾ ཀཱ་ཡ་པ་སྶ་དྡྷི ཙི་ཏྟ་པ་སྶ་དྡྷི ཀཱ་ཡ་ལ་ཧུ་ཏཱ ཙི་ཏྟ་ལ་ཧུ་ཏཱ ཀཱ་ཡ་མུ་དུ་ཏཱ ཙི་ཏྟ་མུ་དུ་ཏཱ ཀཱ་ཡ་ཀ་མྨ་ཉྙ་ཏཱ ཙི་ཏྟ་ཀ་མྨ་ཉྙ་ཏཱ ཀཱ་ཡ་པཱ་གུ་ཉྙ་ཏཱ ཙི་ཏྟ་པཱ་གུ་ཉྙ་ཏཱ ཀཱ་ཡུ་ཛུ་ཀ་ཏཱ ཙི་ཏྟུ་ཛུ་ཀ་ཏཱ ས་ཏི ས་མ་ཐོ པ་གྒཱ་ཧོ ཨ་ཝི་ཀྑེ་པོ.
ཡེ ཝཱ པ་ན ཏ་སྨིཾ ས་མ་ཡེ ཨ་ཉྙེ་པི ཨ་ཏྠི པ་ཊི་ཙྩ་ས་མུ་པྤ་ནྣཱ ཨ་རཱུ་པི་ནོ དྷ་མྨཱ ཋ་པེ་ཏྭཱ ཝེ་ད་ནཱ་ཀྑ་ནྡྷཾ ཋ་པེ་ཏྭཱ ས་ཉྙཱ་ཀྑ་ནྡྷཾ ཋ་པེ་ཏྭཱ ཝི་ཉྙཱ་ཎ་ཀྑ་ནྡྷཾ – ཨ་ཡཾ ཏ་སྨིཾ ས་མ་ཡེ ས་ངྑཱ་ར་ཀྑ་ནྡྷོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ.
ས་ཏྟ་མཾ ཙི་ཏྟཾ.
༡༥༩. ཀ་ཏ་མེ དྷ་མྨཱ ཀུ་ས་ལཱ? ཡ་སྨིཾ ས་མ་ཡེ ཀཱ་མཱ་ཝ་ཙ་རཾ ཀུ་ས་ལཾ ཙི་ཏྟཾ ཨུ་པྤ་ནྣཾ ཧོ་ཏི ཨུ་པེ་ཀྑཱ་ས་ཧ་ག་ཏཾ ཉཱ་ཎ་ཝི་པྤ་ཡུ་ཏྟཾ ས་ས་ངྑཱ་རེ་ན རཱུ་པཱ་ར་མྨ་ཎཾ ཝཱ…པེ… དྷ་མྨཱ་ར་མྨ་ཎཾ ཝཱ ཡཾ ཡཾ ཝཱ པ་ནཱ་ར་བྦྷ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི…པེ… ཨི་མེ དྷ་མྨཱ ཀུ་ས་ལཱ.
ཨ་ཊྛ་མཾ ཙི་ཏྟཾ.
ཨ་ཊྛ ཀཱ་མཱ་ཝ་ཙ་ར་མ་ཧཱ་ཀུ་ས་ལ་ཙི་ཏྟཱ་ནི.
དུ་ཏི་ཡ་བྷཱ་ཎ་ཝཱ་རོ.