༡. ས་ཉྙཱ་པ་རི་བྷཱ་སཱ་ནི་དྡེ་ས-པ་ཋ་མ་པ་རི་ཙྪེ་ད

༡. ན་མ’ཏྠུ ཛ་ན ས་ནྟཱ་ན, ཏ་མ ས་ནྟཱ་ན བྷེ་དི་ནོ;

དྷ་མྨུ’ཛྫ་ལ་ནྟ རུ་ཙི་ནོ, མུ་ནི་ནྡོ’དཱ་ཏ རོ་ཙི་ནོ.

༢. པི་ངྒ་ལཱ’ཙ་རི་ཡཱ་དཱི་ཧི, ཚ་ནྡཾ ཡ མུ་དི་ཏཾ པུ་རཱ;

སུ་དྡྷ་མཱ་ག་དྷི་ཀཱ་ནཾ ཏཾ, ན སཱ་དྷེ་ཏི ཡ་ཐི་ཙྪི་ཏཾ [ཡ’དི་ཙྪི་ཏཾ ཡ་ཏི’ཙྪི་ཏཾ (ཀ.)].

༣. ཏ་ཏོ མཱ་ག་དྷ་བྷཱ་སཱ་ཡ, མ་ཏྟཱ,ཝ་ཎྞ,ཝི་བྷེ་ད་ནཾ;

ལ་ཀྑྱ ལ་ཀྑ་ཎ སཾ་ཡུ་ཏྟཾ, པ་ས་ནྣ’ཏྠ,པ་ད,ཀྐ་མཾ.

༤. ཨི་དཾ ཝུ་ཏྟོ་ད་ཡཾ ནཱ་མ, ལོ་ཀི་ཡ’ཙྪ་ནྡ་ནི་སྶི་ཏཾ;

ཨཱ་ར་བྷི་སྶ’མ་ཧཾ དཱ་ནི, ཏེ་སཾ སུ་ཁ་ཝི་བུ་དྡྷི་ཡཱ.

༥. ས་བྦ་གླཱ མྣཱ,’དི་ག་ལ་ཧཱུ, བྷྱཱ’,མ་ཛ྄ཛྷ’ནྟ ག་རཱུ ཛ་སཱ;

མ་ཛ྄ཛྷ’ནྟ་ལཱ ར,ཏེ’ཏེ’ཊྛ, ག་ཎཱ གོ ག་རུ,ལོ ལ་ཧུ.

༦. བྷ,ཛ,སཱ ས་བྦ་ག,ལ་ཧཱུ, པ་ཉྩི’མེ ས་ཎྛི་ཏཱ ག་ཎཱ;

ཨ་རི་ཡཱ་དི་མྷི ཝི་ཉྙེ་ཡྻཱ, ག་ཎོ ཨི་དྷ ཙ་ཏུ’ཀྐ་ལོ.

༧. སཾ་ཡོ་གཱ’དི ཙ, དཱི་གྷོ ཙ, ནི་གྒ་ཧཱི་ཏ་པ་རོ ཙ, ཡོ;

ག་རུ, ཝ་ངྐོ, པཱ་ད་ནྟོ,ཝཱ, ར་སྶོ’ཉྙོ མ་ཏྟི་ཀོ ལུ’ཛུ.

༨. པ་རེ པཱ་དཱ་དི་སཾ་ཡོ་གེ, ཡོ པུ་བྦོ ག་རུ་ཀ’ཀྑ་རོ;

ལ་ཧུ ས ཀྭ་ཙི ཝི་ཉྙེ་ཡྻོ, ཏ་དུ་དཱ་ཧ་ར་ཎཾ ཡ་ཐཱ.

༩. ད་སྶ་ན་ར་སཱ’ནུ་བྷཱ་ཝ་ནེ, ནི་བ་དྡྷ་གེ་དྷཱ ཛི་ན་སྶ’ཡཾ ཛ་ན་ཏཱ;

ཝི་མྷ་ཡ་ཛ་ན་ནཱི ས་ཉྙཏ, ཀྲིཡཱ ནུ ཀཾ ནཱ’ནུ་ར་ཉྫ་ཡ་ཏི.

༡༠. ཝི་ཉྙེ་ཡྻཱ ལོ་ཀ་ཏོ ས་ཉྙཱ, ས་མུ་དྡོ,སུ,ར་སཱདི་ནཾ;

པཱ་དོཉེ་ཡྻོ ཙ་ཏུ་ཏྠཾ’སོ, པ་ད་ཙྪེ་དོ ཡ་ཏཱི བྷ་ཝེ.

༡༡. ས་མ,མ་ཌྜྷ་ས་མཾ, ཝུ་ཏྟཾ, ཝི་ས་མཾ ཙཱ’པ་རཾ ཏི་དྷཱ;

ས་མཱ ལ་ཀྑ་ཎ་ཏོ པཱ་དཱ, ཙ་ཏྟཱ་རོ ཡ་སྶ ཏཾ ས་མཾ.

༡༢. ཡ་སྶ’ནྟི་མེ་ན དུ་ཏི་ཡོ, ཏ་ཏི་ཡེ་ནཱ’དི་མོ ས་མོ;

ཏ’ད་ཌྜྷ་ས་མ, མ་ཉྙཾ ཏུ, བྷི་ནྣ ལ་ཀྑ་ཎ པཱ་དི་ཀཾ.

༡༣. པཱ་ད’མེ་ཀ་ཀྑ་རཱ’ར་བྦྷ, ཡཱ་ཝ ཚ་བྦཱི་ས་ཏ’ཀྑ་རཱ;

བྷ་ཝེ པཱ་དེ་ཧི ཏཾ ཚ་ནྡཾ, ནཱ་ནཱ་ནཱ་མོ’དི་ཏཾ ཏ་ཏོ.

༡༤. ད་ཎྜ་ཀཱ ཙ་ཎྜ་ཝུ་ཊྛྱཱ’དི, པཱ་དེ་ཧི ཚ་ཧི, ཏཱི་ཧི ཏུ;

‘གཱ་ཐཱ’ཏི ཙ པ་ར་ཏྠེ’ཝཾ, ཚ་ནྡོ ས་ཉྙཱ པ་ཀཱ་སི་ཏཱ.

༡༥. ཨ་ན་ནྟ་རོ’དི་ཏཾ ཙ’ཉྙ, མེ་ཏཾ སཱ་མ་ཉྙ ནཱ་མ་ཏོ;

‘གཱ་ཐཱ’ཨི་ཙྩེ་ཝ ནི་དྡི་ཊྛཾ, མུ་ནི་ནྡ་ཝ་ཙ་ནེ པ་ན.

༡༦. ཝི་སེ་ས་ནཱ་མ་ཏོ ཀི་ཉྩི, ག་ཧེ་ཏྭཱ ས་བྦ་ཐོ’ཙི་ཏཾ;

ད་སྶ་ཡི་སྶཱ་མ’ཧཾ ཏེ’ཏྠ, ནཱ་མཱ་ནཱ’ཝི བྷ་ཝི་སྶ་རེ.

ཨི་ཏི ཝུ་ཏྟོ་ད་ཡེ ཚ་ནྡ་སི ས་ཉྙཱ་པ་རི་བྷཱ་སཱ ནི་དྡེ་སོ ནཱ་མ

པ་ཋ་མོ པ་རི་ཙྪེ་དོ.