ས་མ་ནྟ་ཀཱུ་ཊ་ཝ་ཎྞ་ནཱ |ཨོ༠.༠༠༠༡|

ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ

༡. ས་ཏ་ཏ་ཝི་ཏ་ཏ ཀི་ཏྟིཾ དྷ་སྟ་ཀ་ནྡ་པྤ་ད་པྤཾ

ཏི་བྷ་ཝ་ཧི་ཏ་ཝི་དྷཱ་ནཾ ས་བྦ་ལོ་ཀེ་ཀ་ཀེ་ཏུཾ,

ཨ་མི་ཏ་མ་ཏི་མ་ན་གྒྷཾ ས་ནྟི་དཾ མེ་རུ་སཱ་རཾ

སུ་ག་ཏ་མ་ཧ་མུ་དཱ་རཾ རཱུ་པ་སཱ་རཾ ན་མཱ་མི;

༢. ཧ་ཏ་དུ་རི་ཏ་ཏུ་སཱ་རཾ མོ་ཧ་པ་ངྐོ་པ་ཏཱ་པཾ

མ་ན་ཀ་མ་ལ་ཝི་ཀཱ་སཾ ཛ་ནྟུ་ནཾ སེ་ས་ཀཱ་ནཾ,

ཀུ་མ་ཏི་ཀུ་མུ་ད་ནཱ་སཾ བུ་དྡྷ་པུ་བྦཱ་ཙ་ལ་གྒཱ

ཨུ་དི་ཏ་མ་ཧ་མུ་དཱ་རཾ དྷ་མྨ་བྷཱ་ནུཾ ན་མཱ་མི;

༣. ས་ཀ་ལ་ཝི་མ་ལ་སཱི་ལཾ དྷུ་ཏ་པཱ་པཱ་རི་ཛཱ་ལཾ

སུ་ར་ན་ར་མ་ཧ་ནཱི་ཡཾ པཱ་ཧུ་ནེ་ཡྻཱ་ཧུ་ནེ་ཡྻཾ,

ཨུ་ཛུ་པ་ཐ་པ་ཊི་པ་ནྣཾ པུ་ཉྙ་ཁེ་ཏྟཾ ཛ་ནཱ་ནཾ

ག་ཎ་མ་ཧ་མ་བྷི་ཝ་ནྡེ སཱ་ར་དཾ སཱ་ད་རེ་ན;

༤. ཨི་ཏི ཀ་ལི༹་ཏ པ་ཎཱ་མཱ ཧ་ནྟྭ ས་བྦོ་པ་ས་གྒེ

སུ་ག་ཏ་ཝི་མ་ལ པཱ་ད་མྦྷོ་ཛ་ས་མྤཱ་ཏ པཱུ་ཏཾ,

སུ་མ་ན་སི་ཁ་རི་རཱ་ཛཾ ཝ་ཎྞ་ཡི་སྶཾ སུ་རཱ་ནཾ

ཝ་ས་ཏི མ་ཏུ་ལ་མེ་ཏཾ སཱ་དྷུ་ཛ་ནྟུ སུ་ཎ་ནྟུ;

༥. ས་ཝ་ཎཱ ལ་པ་ནཱ ཙེ་ཝ ས་ཏི་ཡཱ ཙཱ་པི ཝ་ནྡ་ནཱ,

ཡ་སྶ ས་མྨཱ སུ་ཁཱི ཧོ་ཏཱི ནི་བྦཱ་ཎ་ཉྩཱ་དྷི་ག་ཙྪ་ཏི;

༦. |ཨོ༠.༠༠༠༢|

ཏ་སྨཱ ས་པྤུ་རི་སེ་ཧེ’དཾ པ་ཏྠེ་ནྟེ་ཧི ཏི་ས་མྤ་དཾ,

ས་ཝ་ཎཱི་ཡ་ཉྷི སཱ་དྷཱུ་ཧི ཨ་ཙི་ཀྑི་ཏྟེ་ན ཙེ་ཏ་སཱ;

༧. ཡོ ལོ་ཀ་ཏི་ལ་ཀོ ནཱ་ཐོ པཱུ་རེ་ཏྭཱ ད་ས པཱ་ར་མཱི,

ཛཱ་ཏོ་སི ཏུ་སི་ཏེ ཀཱ་ཡེ ས་ནྟུ་སི་ཏོ’ཏི ཝི་སྶུ་ཏོ;

༨. ཨཱ་རཱ་དྷི་ཏོ སུ་རཱ་དཱི་ཧི ཀཱ་ལོ མཱ་རི་ས ཏེ ཨ་ཡཾ,

ཏི་ཎྞོ ཏཱ་ར་ཡི་མཾ ལོ་ཀཾ བ་ཧཱུ ཨ་པྤ་ར་ཛ་ཀྑ་ཀཱ;

༩. ཨེ་ཏ་ད་ཏྠཱ་ཡ ཏེ ཝཱི་ར པཱུ་རི་ཏཱ ད་ས པཱ་ར་མཱི,

བཱ་ཧུཾ པི་ཏུ་སྶ པུ་ཏྟོ’ཝ ལོ་ཀོ ཨཱ་ལ་མྦ་ཏེ ཏུ་ཝཾ;

༡༠. ཏེ་སཾ ཏཾ ཝ་ཙ་ནཾ སུ་ཏྭཱ མ་ཧཱ་ས་ཏྟོ མ་ཧཱ་མ་ཏཱི,

ཝི་ལོ་ཀ་ནེ ཝི་ལོ་ཀེ་ཏྭཱ པ་ཉྩཱ་མ་ལ ཝི་ལོ་ཙ་ནོ;

༡༡. ཛ་མྦུ་དཱི་པ་གྒ་ཀ་མ་ལེ ཀ་ཎྞི་ཀཱ’ཝ མ་ནོ་ར་མཱ,

པུ་རཱི ཀ་པི་ལ༹་ཝ་ཏྠཱུ’སི ཝི་སཱ་ཎཱ’ཝ སུ་དྷཱ་སི་ནཾ;

༡༢. སི་ངྒཱི་ནི་ཀྑ་མ་ཡཱ་བྷཱ་ས ཏུ་ངྒ་སི་ངྒ་ས་མ་ངྒི་ཏཱ,

མ་ཎི་སཱི་ཧ་པ་ཉྫ་རཱ་ཀི་ཎྞ པཱ་སཱ་དཱ ཡ་ཏྠ བྷཱ་ས་རེ;

༡༣. ས་གྷ་ནེ ག་ག་ནེ ནི་ཙྩཾ ས་ཏེ་ར་ཏ་ས་ཏཱ་ནི’ཝ,

ཨ་ནི་ལེ་རི་ཏ་པ་ཛྫོ་ཏ སོ་ཎྞ་ཀེ་ཏུ ཨ་ཧཱུ ཡ་ཧིཾ;

༡༤. ཛ་ནཱ་ནཾ ནཱི་ལ་ནེ་ཏྟེ་ཧི ཝ་ད་ནེ་ཧི ཏུ ཡཱ པུ་རཱི,

མ་དྷུ་པཱ་ལི་ས་མོ་ན་དྡྷ ཀ་ཉྫི་ནཱི སི་རི་མཱ་ཝ་ཧེ;

༡༥. ར་ངྒ་ཏུ་ངྒ་ཏུ་ར་ངྒེ་ཧི ག་ཛྫི་ཏེ་ཧི ཙ ཡཱ པུ་རཱི,

ས་གྷོ་སུ་ཏྟུ་ངྒ་ཀ་ལློ་ལ ལོ་ལ་སཱ་ག་ར་ས་ནྟི་བྷཱ;

༡༦. ཨ་ཝ྄ཧ་མཱ་ནཱ’ཝ དེ་ཝཱ་ནཾ པུ་ར་ལ་ཁྱཱ བྷུ་ཛཱ ཨི་ཝ,

མ་ནྡཱ་ནི་ལེ་རི་ཏཱ ཏུ་ངྒ ནཱ་ནཱ་རཱ་ག་དྡྷ་ཛཱ ཡ་ཧིཾ;

༡༧. ནཱ་ནཱ་ཝེ་ས་དྷ་རཱ ཡ་སྨིཾ ནཱ་ནཱ་བྷཱུ་ས་ཎ བྷཱུ་སི་ཏཱ,

ནཱ་ནཱ་ས་མྤ་ཏྟི་སཾ་ཡུ་ཏྟཱ ནཱ་ནཱ་ཝི་ཛྫཱ་སུ པཱ་ར་གཱ;

༡༨. |ཨོ༠.༠༠༠༣|

ན་ཝ་ཡོ་བྦ་ན ཨུ་དྡཱ་མཱ རཱུ་པེ་ན ཙ མ་ནོ་ཧ་རཱ,

ས་ཙྩེ་སུ ནི་ར་ཏཱ ནི་ཙྩཾ ཨ་ན་ཀྐུ་ཊྛ་ཀུ་ལཱ སི་ཡུཾ;

༡༩. ནི་ཙྩཾ ཀཱི་ལཱ༹ ཝི་ད་དྡྷཱ་ཧི ན་ར་ནཱ་རཱི་ཧི སེ་ཝི་ཏཱ,

ཡཱ པུ་རཱི སཱ་དྷུ་རཱུ་པཱ’སི མ་དྷུ་རཱ་ལཱ་པི་ནཱི་ཧི ཙ;

༢༠. ཏ་སྨིཾ ས་དྡྷཱ་ད་ཡོ་པེ་ཏ ཨོ་ཀྐཱ་ཀ་ཀུ་ལ་ཀེ་ཏུ་ཀོ,

སུ་དྡྷོ་ད་ན་ཝ྄ཧ་ཡོ ཨཱ་སཱི ཝི་སྶུ་ཏོ བྷུ་ཝ་ན་ཏྟ་ཡེ;

༢༡. ཡ་སྶ་ངྒྷི་ཀ་མ་ལེ ས་བྦ བྷུ་བྷུ་ཛཱ་ནཾ མ་ཧཱི་ཏ་ལེ,

ཀི་རཱི་ཊ་མ་ཎི་ཧི་ངྒཱ་ལི ཀཱི་ལ༹་ནྟཱི’ཝ ནི་ར་ནྟ་རཾ;

༢༢. ཡ་སྶ པ་ཏྠ་ཊ་ཏེ་ཛེ་ན པུ་ར་ནེ་ཏཱ་པི དི་ཝཱ་ཀ་རོ,

ཝ་ཧ་ནཱི་ཙ’མྦ་རེ ལཱི་ལཾ ཨོ་ས་དྷཱི་པ་ཏི་ནོ དི་ཝཱ;

༢༣. ཡ་སྶ དཱ་ན་པྤ་ཝཱ་ཧོ ཏུ ནཱ་ནཱ་ཡཱ་ཙ་ཀ ཛ་ནྟུ་ནཾ,

མ་ནོ་ད་དྷཱི་སུ ཝེ་ལ་ནྟེ་ཏི་ཀྐ་མ་ནྟོ་ཝ ས་ཏྟ་ཏཾ;

༢༤. མ་ཏི་ཡཱ སུ་ར་མ་ནྟཱི་ཝ དྷ་ནེ་ན དྷ་ན་དོ ཝི་ཡ,

རཱུ་པེ་ན ཀུ་སུ་མེ་སུ’ཝ ཡོ ཛུ་མྷ་ཏི མ་ཧཱི་ཏ་ལེ;

༢༥. ཏ་སྶཱ་བྷི་སི་ཏྟཱ ར་ཛྫེ་ན མ་ཧཱ་མཱ་ཡཱ་ཏི ཝི་སྶུ་ཏཱ,

ཙ་ནྡི་ཀཱ ཝི་ཡ ཙ་ནྡ་སྶ གི་རི་རཱ་ཛཱ’ཝ ཀ་པཱ་ལི་ཏོ;

༢༦. ལ་ཀྑཱི’ཝ ཝཱ་སུ་དེ་ཝ་སྶ སཱི་ཏཱ’ཝ རཱ་མ་རཱ་ཛི་ནོ,

མ་ཧེ་སཱི་སི ཝ་རཱ་རོ་ཧཱ སུ་ནྡ་རཱི སུ་ནྡ་རཱ་དྷ་རཱ;

༢༧. ཏ་སྶཱ ཀུ་ཙྪི་ཀ་ར་ཎྜ་མྷི ཨ་ན་གྒྷ་ར་ཏ་ནཾ ཝི་ཡ,

ཁ་ཏྟིཾ་སཱ་ཧི ནི་མི་ཏྟེ་ཧི ཝི་མྷཱ་པེ་ནྟོ ས་དེ་ཝ་ཀཾ;

༢༨. སི་ཏ་མྦུ་ཛ་ཀ་རོ ས་ནྟོ སི་ཏེ་བྷ་ཙྪཱ་པ་ཀོ ཝི་ཡ,

ཀ་ཏྭཱ པ་ད་ཀྑི་ཎཾ མཱ་ཏུ པ་ཊི་ས་ནྡྷི་མ་ག་ཎྷི སོ;

༢༩. ད་སེ་ཀཱ་ད་ས་མཱ་སེ་ན ཏ་སྶེ་ཝཾ ཨཱ་སི ཙེ་ཏ་ནཱ,

པ་སྶི་ཏུཾ ས་ཀ་ཉཱ་ཏཱི་ནཾ ག་ནྟྭཱ་ན ན་ག་རཾ ཏ་དཱ;

༣༠. |ཨོ༠.༠༠༠༤|

ནི་ཝེ་དེ་ཏྭཱ ཏ་མ་ཏྠཾ སཱ ར་ཉྙོ ཏེ་ན སུ་ས་ཛྫི་ཏེ,

ས་པ་རི་ཙྪ་དཱ ཏ་དཱ མ་གྒེ ག་ཙྪ་ནྟི ཨ་ནྟ་རཱ་པ་ཐེ;

༣༡. དེ་ཝ་ཏཱ་ནཾ མ་ནོ་ན་ནྡ་ཀ་ར ན་ནྡ་ན ས་ནྣི་བྷཾ,

དི་སྭཱ་ན ལུ་མྦི་ནིཾ ནཱ་མ ཨུ་ཡྻཱ་ནཾ མ་ན་ན་ནྡ་ནཾ;

༣༢. ཏ་སྨིཾ ཀཱི་ལི༹་ཏུ་མུ་སྶཱ་ཧཱ པ་ཝི་སི་ཏྭཱ་ན ཏཾ ཝ་ནཾ,

ཀཱི་ལ༹་ནྟི ཨུ་པ་ག་ནྟྭཱ་ན མ་ངྒ་ལཾ སཱ་ལ་པཱ་ད་པཾ;

༣༣. ཝི་ལོ་ལ པ་ལླ་ཝཱ་ཀི་ཎྞཾ སུ་ཕུ་ལླ་ཀུ་སུ་མོ་ན་ཏཾ,

ག་ཧེ་ཏྭཱ སཱ་ལ་སཱ་ཁཾ སཱ སུ་ར་ཏྟ་ཀ་ར པ་ལླ་ཝཱ;

༣༤. དེ་ཝེ་ཧི ག་ཧི་ཏཱ’ར་ཀྑཱ མ་ཧ་མཱ་ནེ ས་དེ་ཝ་ཀེ,

ཛ་ནེ་སི ཏ་ན་ཡཾ མཱ་ཡཱ ཏ་ཏྲ་ཊྛཱ ལོ་ཀ་ལོ་ཙ་ནཾ;

༣༥. བྲ་ཧྨཱ་ནོ ལོ་ཀ་པཱ་ལཱ ཙ མ་ནུ་སྶཱ ཀ་མ་ཏོ ཏ་དཱ,

སོ་ཎྞ་ཛཱ་ལཱ་ཛི་ནཱ་དཱི་ཧི ག་ཎྷིཾ་སུ ཛ་ན་ན་ནྡ་ནཾ;

༣༦. མ་ཧིཾ པ་ཏི་ཊྛི་ཏོ དྷཱི་རོ པ་སྶི་ཏྭཱ་ན ཏ་ཏོ དི་སཱ,

ཨུ་ཏྟ་རཱ་བྷི་མུ་ཁོ ས་ཏྟ་པ་དཾ ག་ཎྟྭཱ’མྦུ་ཛེ ཋི་ཏོ;

༣༧. དི་ས་ནྟ་མ་ཝ་ལོ་ཀེ་ཏྭཱ སུ་ཕུ་ལླ་མྦུ་ཛ་ལོ་ཙ་ནོ,

ནི་ཙྪཱ་རེ་སཱ་ས་བྷིཾ ཝཱ་ཙཾ ཨ་གྒོ སེ་ཊྛོ’ཏི་ཨཱ་དི་ནཱ;

༣༨. བྲ་ཧྨཱ་མ་ར་ན་རཱ་དཱི་ཧི པཱུ་ཛི་ཏོ ཙ ན་མ་སྶི་ཏོ,

ཀ་མེ་ན ཨ་བྷི་ཝ་ཌྜྷ་ནྟོ ཛུ་ཎྷ་པ་ཀྑེ ས་སཱི ཡ་ཐཱ;

༣༩. བྲ་ཧྨཱུ་ནཾ ཚ་ཏྟ་ཚཱ་ཡཱ་ཡ མ་ནྡཱ་ར་ཀུ་སུ་མ་ནྟ་རེ,

སཱ་ན་ནྡཱ་མ་ནྡ་དེ་ཝེ་ཧི དྷུ་ཏ་ཙཱ་མ་ར་མ་ཛ྄ཛྷ་གོ;

༤༠. དི་བྦེ་ཧི རཱུ་པ་ས་དྡེ་ཧི ག་ནྡྷེ་ཧི ཙ ར་སེ་ཧི ཙ,

ཕོ་ཊྛ་བྦེ་ཧི ཙ དི་བྦེ་ཧི མོ་ད་མཱ་ནོ ཨ་ནེ་ཀ་དྷཱ;

༤༡. དི་བྦེ་ཧི ར་མ་ཎཱི་ཡེ་ཧི ན་ཙྩེ་ཧི ཝཱ་དི་ཏེ་ཧི ཙ,

པ་དཱ་ནེ་ཀ་ས་ཧ་སྶེ་ཧི ཐཱུ་ཡ་མཱ་ན་གུ་ཎཱ་ཀ་རོ;

༤༢. |ཨོ༠.༠༠༠༥|

པ་ཏྭཱ སོ་ལ༹་ས་མཾ ཝ་སྶཾ ཉཱ་ཏི་ས་ངྒྷ་སྶ མ་ཛ྄ཛྷ་གོ,

ད་སྶེ་ཏྭཱ’སེ་ས་སི་པྤཾ ཏཾ ལོ་ཀེ ཝི་ཛྫ་ཏི ཡཾ ཏ་དཱ;

༤༣. ཉཱ་ཏི་ས་ངྒྷཾ པ་མོ་དེ་ནྟོ དེ་ཝེ ཙ མ་ནུ་ཛེ’པི ཙ,

ལ་དྡྷཱ ཡ་སོ་དྷ་རཾ དེ་ཝིཾ’ནུ་ཀཱུ་ལཾ ཛཱ་ཏི་ཛཱ་ཏི་ཡཾ;

༤༤. སོ་ཎྞ་ད་པྤ་ཎ་ས་ངྐཱ་ས སོ་མྨཱ་ན་ན ཝི་བྷུ་སི་ཏཾ,

ནཱི་ལ་ནཱི་ར་ཛ་ས་ངྐཱ་ས ཝི་སཱ་ལཱ་ཡ་ཏ ལོ་ཙ་ནཾ;

༤༥. སི་ངྒཱ་ར་མ་ནྡི་ར་དྭཱ་རེ དྷ་ཛོ་པ་མ་བྷ་མུ་དྭ་ཡཾ,

ཧེ་མ་ཀཱ་ཧ་ལ་ས་ངྐཱ་ས ནཱ་སི་ཀཾ རཱུ་པ་ལ་ཀྑི་ཡཱ

༤༦. ནཱི་ལ་ཝེ་ལླི་ཏ་དྷ་མྨི་ལླ ཛི་མུ་ཏོ་བྷ་ཡ ཀོ་ཊི་ཡཾ,

ནི་ཙྩ་ཝི་ཛྫུ་ལླ་ཏཱ་ཙ་ཀྐ མ་ནུ་ཉྙ་ཀ་ཎྞ་པཱ་ས་ཀཾ;

༤༧. སཱ་ཏ་ཀུ་མྦྷ་ནི་བྷཱ་བྷཱ་ས པ་ཡོ་དྷ་ར་གྷ་ཊ་དྭཾ,

སུ་ཝ་ཎྞ་དྡི་ཏ་ཊཱ་ཡཱ་ཏ ནི་ཛ྄ཛྷ་རཱ་ཀཱ་ར་ཧཱ་ར་ཀཾ

༤༨. དེ་ཧ་དེ་ཝ་དྡུ་མཱ་ལ་མྦ པཱ་རོ་ཧཱ་བྷ་བྷུ་ཛ་དྭ་ཡཾ,

ཨ་ངྒུ་ལཱི་པ་ལླ་ཝ་ནྟ་མྦུ བི་ནྡུ་ཙཱ་རུ ན་ཁཱ་ཝ་ལིཾ;

༤༩. དེ་ཧ་མཱ་ལཱ་ལི་མཱ་ལཱ་བྷ རོ་མ་རཱ་ཛི་ཝི་རཱ་ཛི་ཏཾ,

རཱུ་པ་ཎྞ་ཝ་ཏ་ར་ངྒཱ་ཧ ཝ་ལི་ཏྟ་ཡ ཝི་ཙི་ཏྟ་ཀཾ;

༥༠. སོ་ཎྞ་ར་མྦྷཱ་ས་མཱ་ཝ་ཊྚ པི་ཎོ་རུ་དྭ་ཡ སུ་ནྡ་རཾ,

ས་ནྣི་ར་ཀ་ལི་ཀཱ་ཀཱ་ར ཙཱ་རུ་ཛ་ངྒྷཱ ཝི་བྷཱུ་སི་ཏཾ;

༥༡. པ་ཙྩ་ཀྑ་རཱུ་པ་ལ་ཀྑི་ཉྩ ལཱི་ལཱ་ནི་ཙ་ཡ ས་ནྣི་བྷཾ,

གུ་ཎཱ་ན་མཱ་ཀ་རཾ སཱ་དྷུ ཝེ་ལཾ་ཝ ར་ཏི་སཱ་ག་རེ;

༥༢. ཀ་ནྟོ ཝ་ས་ནྟ་རཱ་ཛཱ’ཝ ཀ་ནྡ་པྤོ’ཝ སུ་རཱུ་པ་ཝཱ,

ས་སཱི’ཝ ད་སྶ་ནཱི་ཡོ ཙ སཱུ་རི་ཡོ ཝི་ཡ ཏེ་ཛ་ཝཱ;

༥༣. ཨ་ཙ་ལ་ཏྟེ་ན མེ་རཱུ་ཝ ག་མྦྷཱི་རེ་ན་ཎྞ་ཝོ ཝི་ཡ,

བྲ་ཧྨ་སྶ་རོ པི་ཡཾ་ཝཱ་དཱི པ་ཉྒྙཱ་ཡ ཙ ཨ་ནཱུ་པ་མོ;

༥༤. |ཨོ༠.༠༠༠༦|

ཝ་ས་ནྟོ སོ མ་ཧཱ་ཝཱི་རོ པུ་ར་སྨིཾ ཀ་པི་ལ་ཝ྄ཧ་ཡེ,

དི་སྭཱ ནི་མི་ཏྟེ ཙ་ཏུ་རོ ཨུ་ཡྻཱ་ན ག་མ་ན་ཉྫ་སེ;

༥༥. པ་བྦ་ཛྫཱ་བྷི་ར་ཏོ ནཱ་ཐོ ག་ནྟྭཱ ཨུ་ཡྻཱ་ན་བྷཱུ་མི་ཡཾ,

སུ་ཕུ་ལླ་ཙ་མྤ་ཀཱ་སོ་ཀ ནཱ་གཱ་དཱ’གེ་ཧི མ་ཎྜི་ཏཾ;

༥༦. ཕུ་ལླ་པ་ངྐ་ཛ ཀ་ལ༹ྷཱ་ར ཛ་ལཱ་ཛ་ལ་ཡ ས་ཏཱ་ཀུ་ལཾ,

མ་ནྡ་མ་ནྡཱ་ནི་ལཱ་ཡཱ་ཏ ནཱ་ནཱ་མོ་དེ་ཧི ཝཱ་སི་ཏཾ;

༥༧. ས་རཱ ས་རཾ ས་མཱ་ཡཱ་ཏ མ་དྷུ་བྦ་ཏ ནི་སེ་ཝི་ཏཾ,

ཕ་ལ་པུ་པྥ་ར་སུ་དྡཱ་མ དྭི་ཛ ས་ངྒྷ ནི་ཀཱུ་ཛི་ཏཾ;

༥༨. ན་ཙྩ་ནྟ མ་ཏྟ་མོ་རཱ་ནཾ ནི་ཙྩཾ མ་ཎྜ་པ་ས་ནྟི་བྷཾ,

དི་བྦ་ནྟ མི་ག་ས་གྒྷཱ་ནཾ ཀཱི་ལཱ༹་མ་ཎྜ་པ ས་ནྣི་བྷཾ;

༥༩. ས་མཱི་ར སི་སི་རོ་དཱ་ར དྷཱ་རཱ་སཱི་ཀ་ར ཝཱ་རི་ཧི,

དྷཱ་རཱ་མ་ཎྜ་པ པ་ནྟཱི་ཧི ཛ་ནཱ་ན་ནྡ་ཀ་རཾ ཝ་རཾ;

༦༠. ཨུ་ཡྻཱ་ན་ཝ་ན་མཱ་ག་མྨ དེ་ཝ་རཱ་ཛཱ་ཝ ན་ནྡ་ནཾ,

ཀཱི་ལ༹་ནྟོ ནི་ཛ་པུ་ཏྟ་སྶ སུ་ཏྭཱ་ན ཛཱ་ཏ་སཱ་ས་ནཾ;

༦༡. ནི་ཝ་ཏྟོ ཝི་སྶ་ཀ་མྨེ་ན ས་ཧ་སྶ་ཀྑོ་ཝ བྷཱུ་སི་ཏོ,

པུ་རཾ པ་ཝི་ས་མཱ་ནོ་ཝ ཀི་སཱ གོ་ཏ་མི བྷཱ་སི་ཏཾ;

༦༢. སུ་ཏྭཱ་ན ནི་བྦུ་ཏ་པ་དཾ ཏ་དཱ ཙི་ཏྟཱ་ནུ་ཀཱུ་ལ་ཀཾ,

ས་ནྟུ་ཊྛོ སཱ་ནུ་རཱ་གོ ཙ ལ་ཀྑ་གྒྷཾ ཏཱ་ར་བྷཱ་སུ་རཾ;

༦༣. ཧཱ་རཾ ཏི་སྶཱ་ཡ པེ་སེ་ཏྭཱ ག་ནྟྭཱ་ན ས་ཀ་མ་ནྡི་རཾ,

དེ་ཝ་རཱ་ཛ་ཝི་ལཱ་སེ་ན ནི་སཱི་དི པ་ཝ་རཱ་ས་ནེ;

༦༤. ཨ་ཐཱ་ག་མྨ ཏ་དཱ ནེ་ཀ་ནཱ་ཊི་ཀཱ པ་རི་ཝཱ་ར་ཡུཾ,

ཝ་ཛྫ་ནྟི བྷེ་རི་ཡོ ཏཱ་སུ པ་གྒ་ཡ྄ཧ ཀཱ་ཙི ནཱ་རི་ཡོ;

༦༥. ནཱ་ནཱ་ལ་ཡ་ས་མཱ་ཀི་ཎྞཾ གཱི་ཏཾ གཱ་ཡ་ནྟི ཀཱ་ཙི’པི,

དྷ་མ་ནྟི སུ་སི་རཾ ཀཱ་ཙི ཀཱ་ཙི ཝཱ་དེ་ནྟི ཏ་ནྟི་ཡོ;

༦༦. |ཨོ༠.༠༠༠༧|

ཙཱ་རུ བི་མྦཱ་དྷ་རཱ་ར་མྨ པ་ཡོ་དྷ་ར་བྷ་རཱ སུ་བྷཱ,

ཝི་སཱ་ལཱ་ཡ་ཏ ནཱི་ལ་ཀྑཱ སོ་མ་སོ་མྨཱ་ན་ནཱ ཏ་དཱ;

༦༧. ན་ཙྩ་ནྟི པུ་ར་ཏོ ཏ་སྶ བྷེ་རི་མ་ཎྜ་ལ མ་ཛ྄ཛྷ་གཱ,

དེ་ཝ་ཀ་ཉྙཱ་ཝ ར་ངྒ་མྷཱི ར་ས་བྷཱ་ཝ་ནི་ར་ནྟ་རཾ;