ས་བྦ་ཝ་གྒ

ཨཱ་དི་ཏྟ་སུ་ཏྟ

པུ་ཙྪཱ – ཏ་ཏྠཱ་ཝུ་སོ ས་བྦ་ཝ་གྒེ ཚ་ཊྛཾ ཨཱ་དི་ཏྟ་སུ་ཏྟཾ བྷ་ག་ཝ་ཏཱ ཀ་ཏྠ ཀཾ ཨཱ་ར་བྦྷ ཀ་ཐ་ཉྩ བྷཱ་སི་ཏཾ.

ཝི་སྶ་ཛྫ་ནཱ – ག་ཡཱ་ཡཾ བྷ་ནྟེ ག་ཡཱ་སཱི་སེ པུ་རཱ་ཎ་ཛ་ཊི་ལཾ བྷི་ཀྑུ་ས་ཧ་སྶཾ ཨཱ་ར་བྦྷ ‘‘ས་བྦཾ བྷི་ཀྑ་ཝེ ཨཱ་དི་ཏྟཾ, ཀི་ཉྩ བྷི་ཀྑ་ཝེ ས་བྦཾ ཨཱ་དི་ཏྟཾ. ཙ་ཀྑུ བྷི་ཀྑ་ཝེ ཨཱ་དི་ཏྟཾ, རཱུ་པཱ ཨཱ་དི་ཏྟཱ, ཙ་ཀྑུ་ཝི་ཉྙཱ་ཎཾ ཨཱ་དི་ཏྟཾ, ཙ་ཀྑུ་ས་མྥ་སྶོ ཨཱ་དི་ཏྟོ, ཡ་མྤི་དཾ ཙ་ཀྑུ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི, ཝེ་ད་ཡི་ཏཾ སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ་ཝཱ, ཏ་མྤི ཨཱ་དི་ཏྟཾ. ཀེ་ན ཨཱ་དི་ཏྟཾ. རཱ་ག་གྒི་ནཱ དོ་ས་གྒི་ནཱ མོ་ཧ་གྒི་ནཱ ཨཱ་དི་ཏྟཾ, ཛཱ་ཏི་ཡཱ ཛ་རཱ་ཡ མ་ར་ཎེ་ན སོ་ཀེ་ཧི པ་རི་དེ་ཝེ་ཧི དུ་ཀྑེ་ཧི དོ་མ་ན་སྶེ་ཧི ཨུ་པཱ་ཡཱ་སེ་ཧི ཨཱ་དི་ཏྟ་ནྟི ཝ་དཱ་མཱི’’ཏི ཨེ་ཝ་མཱ་དི་ནཱ བྷ་ག་ཝ་ཏཱ བྷཱ་སི་ཏཾ.