སཱ་རི་པུ་ཏྟ་སཾ་ཡུ་ཏྟ

སུ་ཙི་མུ་ཁཱི་སུ་ཏྟ

པུ་ཙྪཱ – སཱ་རི་པུ་ཏྟ་སཾ་ཡུ་ཏྟེ པ་ནཱ་ཝུ་སོ ད་ས་མཾ སུ་ཙི་མུ་ཁཱི་སུ་ཏྟཾ ཀ་ཏྠ ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཀེ་ན ཀ་ཐ་ཉྩ བྷཱ་སི་ཏཾ.

ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ སུ་ཙི་མུ་ཁིཾ པ་རི་བྦཱ་ཛི་ཀཾ ཨཱ་ར་བྦྷ ཨཱ་ཡ་སྨ་ཏཱ སཱ་རི་པུ་ཏྟ་ཏྠེ་རེ་ན དྷ་མྨ་སེ་ནཱ་པ་ཏི་ནཱ བྷཱ་སི་ཏཾ. སུ་ཙི་མུ་ཁཱི བྷ་ནྟེ པ་རི་བྦཱ་ཛི་ཀཱ ཨཱ་ཡ་སྨ་ནྟཾ སཱ་རི་པུ་ཏྟཾ ཨེ་ཏ་ད་ཝོ་ཙ ‘‘ཀིཾ ནུ ཁོ ས་མ་ཎ ཨ་དྷོ་མུ་ཁོ བྷུ་ཉྫ་སཱི’’ཏི. ཏ་སྨིཾ བྷ་ནྟེ ཝ་ཏྠུ་སྨིཾ ‘‘ན ཁྭཱ་ཧཾ བྷ་གི་ནི ཨ་དྷོ་མུ་ཁོ བྷུ་ཉྫཱ་མཱི’’ཏི ཨེ་ཝ་མཱ་དི་ནཱ པ་ཊི་ཀྑི་པི་ཏྭཱ ‘‘ཡེ ཧི ཀེ་ཙི བྷ་གི་ནི ས་མ་ཎ་བྲཱ་ཧྨ་ཎཱ ཝ་ཏྠུ་ཝི་ཛྫཱ ཏི་ར་ཙྪཱ་ན་ཝི་ཛྫཱ་ཡ མི་ཙྪཱ་ཛཱི་ཝེ་ན ཛཱི་ཝི་ཀཾ ཀ་པྤེ་ནྟི, ཨི་མེ ཝུ་ཙྩ་ནྟི བྷ་གི་ནི ས་མ་ཎ་བྲཱ་ཧྨ་ཎཱ ཨ་དྷོ་མུ་ཁཱ བྷུ་ཉྫ་ནྟཱི’’ཏི ཨེ་ཝ་མཱ་དི་ནཱ ཨཱ་ཡ་སྨ་ཏཱ སཱ་རི་པུ་ཏྟ་ཏྠེ་རེ་ན དྷ་མྨ་སེ་ནཱ་པ་ཏི་ནཱ བྷཱ་སི་ཏཾ.

ཀིཾ ནུ ཁོ ས་མ་ཎ ཨ་དྷོ མུ་ཁོ བྷུ་ཉྫ་སི.

ན ཁྭཱ་ཧཾ བྷ་གི་ནི ཨ་དྷོ་མུ་ཁོ བྷུ་ཉྫཱ་མི.

ཏེ་ན ཧི ས་མ་ཎ ཨུ་བྦྷ་མུ་ཁོ བྷུ་ཉྫ་སི.

ན ཁྭཱ་ཧཾ བྷ་གི་ནི ཨུ་བྦྷ་མུ་ཁོ བྷུ་ཉྫཱ་མི.