དི་ཊྛི་སཾ་ཡུ་ཏྟ

སོ་ཨ་ཏྟཱ་སུ་ཏྟ

པུ་ཙྪཱ – དི་ཊྛི་སཾ་ཡུ་ཏྟེ པ་ནཱ་ཝུ་སོ ཏ་ཏི་ཡཾ སཾ་གཱི་ཏཾ སོ་ཨ་ཏྟཱ སུ་ཏྟཾ བྷ་ག་ཝ་ཏཱ ཀ་ཏྠ ཀཾ ཨཱ་ར་བྦྷ ཀ་ཐ་ཉྩ བྷཱ་སི་ཏཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ‘‘ཀི་སྨིཾ ནུ ཁོ བྷི་ཀྑ་ཝེ ས་ཏི ཀིཾ ཨུ་པཱ་དཱ་ཡ ཀིཾ ཨ་བྷི་ནི་ཝི་སྶ ཨེ་ཝཾ དི་ཊྛི ཨུ་པྤ་ཛྫ་ཏི སོ ཨ་ཏྟཱ སོ ལོ་ཀོ སོ པེ་ཙྩ བྷ་ཝི་སྶཱ་མི ནི་ཙྩོ དྷུ་ཝོ ས་སྶ་ཏོ ཨ་ཝི་པ་རི་ཎཱ་མ་དྷ་མྨོ’’ཏི ཨེ་ཝ་མཱ་དི་ནཱ བྷ་ནྟེ བྷ་ག་ཝ་ཏཱ བྷཱ་སི་ཏཾ.

ན་ཏྠི་དི་ནྣ་སུ་ཏྟ

པུ་ཙྪཱ – ཏ་ཏྠེ་ཝ ཨཱ་ཝུ་སོ པ་ཉྩ་མཾ ན་ཏྠི་དི་ནྣ་སུ་ཏྟཾ བྷ་ག་ཝ་ཏཱ ཀ་ཏྠ ཀཾ ཨཱ་ར་བྦྷ ཀ་ཐ་ཉྩ བྷཱ་སི་ཏཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ་ཡེ་ཝ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ‘‘ཀི་སྨིཾ ནུ ཁོ བྷི་ཀྑ་ཝེ ས་ཏི ཀིཾ ཨུ་པཱ་དཱ་ཡ ཀིཾ ཨ་བྷི་ནི་ཝི་སྶ ཨེ་ཝཾ དི་ཊྛི ཨུ་པྤ་ཛྫ་ཏི ན་ཏྠི དི་ནྣཾ, ན་ཏྠི ཡི་ཊྛཾ, ན་ཏྠི ཧུ་ཏཾ, ན་ཏྠི སུ་ཀ་ཏ་དུ་ཀྐ་ཊཱ་ནཾ ཀ་མྨཱ་ནཾ ཕ་ལཾ ཝི་པཱ་ཀོ’’ཏི ཨེ་ཝ་མཱ་དི་ནཱ བྷ་ག་ཝ་ཏཱ བྷཱ་སི་ཏཾ.