༥. པ་ཎི་ཧི་ཏ་ཨ་ཙྪ་ཝ་གྒ

པུ་ཙྪཱ – པ་ཉྩ་མེ ཨཱ་ཝུ་སོ པ་ཎི་ཧི་ཏ་ཨ་ཙྪ་ཝ་གྒེ བྷ་ག་ཝ་ཏཱ ཀཱི་དི་སཱི དྷ་མྨ་དེ་ས་ནཱ་ཡོ དེ་སི་ཏཱ.

ཝི་སྶ་ཛྫ་ནཱ – པ་ཉྩ་མེ བྷ་ནྟེ པ་ཎི་ཧི་ཏ་ཨ་ཙྪ་ཝ་གྒེ ‘‘སེ་ཡྻ་ཐཱ་པི བྷི་ཀྑ་ཝེ སཱ་ལི་སཱུ་ཀཾ ཝཱ ཡ་ཝ་སཱུ་ཀཾ ཝཱ མི་ཙྪཱ་པ་ཎི་ཧི་ཏཾ ཧ་ཏྠེ་ན ཝཱ པཱ་དེ་ན ཝཱ ཨ་ཀྐ་ནྟཾ ཧ་ཏྠཾ ཝཱ པཱ་དཾ ཝཱ བྷེ་ཙྪ་ཏི, ལོ་ཧི་ཏཾ ཝཱ ཨུ་པྤཱ་དེ་སྶ་ཏཱི་ཏི ནེ་ཏཾ ཋཱ་ན ཝི་ཛྫ་ཏི. ཏཾ ཀི་སྶ་ཧེ་ཏུ, མི་ཙྪཱ་པ་ཎི་ཧི་ཏ་ཏྟཱ བྷི་ཀྑ་ཝེ སཱུ་ཀ་སྶ. ཨེ་ཝ་མེ་ཝ ཁོ བྷི་ཀྑ་ཝེ སོ ཝ་ཏ བྷི་ཀྑུ མི་ཙྪཱ་པ་ཎི་ཧི་ཏེ་ན ཙི་ཏྟེ་ན ཨ་ཝི་ཛྫཾ བྷེ་ཙྪ་ཏི, ཝི་ཛྫཾ ཨུ་པྤཱ་དེ་སྶ་ཏི, ནི་བྦཱ་ནཾ ས་ཙྪི་ཀ་རི་སྶ་ཏཱི་ཏི ནེ་ཏཾ ཋཱ་ནཾ ཝི་ཛྫ་ཏི, ཏཾ ཀི་སྶ ཧེ་ཏུ, མི་ཙྪཱ་པ་ཎི་ཧི་ཏ་ཏྟཱ བྷི་ཀྑ་ཝེ ཙི་ཏྟ་སྶཱ’’ཏི ཨེ་ཝ་མཱ་དི་ཀཱ བྷ་ག་ཝ་ཏཱ དྷ་མྨ་དེ་ས་ནཱ་ཡོ དེ་སི་ཏཱ.